رواية زين وعاليا الفصل التاسع والثلاثون39 بقلم ملك ابراهيم
في فرحة صغيرة جاية في الطريق.. فرحة هتخلي كل الوجع اللي فات يهون.. فرحة بتقولهم: اللي جاي أحلى بكتير من اللي راح.
العيلة اتجمعت تاني.. بعد ما كان كل واحد فيهم في مكان، رجعوا واتفقوا يبدأوا من جديد في بيت جديد، بقلب جديد، بفرحة جديدة"
اتصد..مت عاليا وقلبها كان هيقف.. نطقت اسم زين بذهول.
اتكلم عبد التواب بقلق: "خير يا هانم.. هما كاتبين إيه".
بصت لعبد التواب وهي عاجزة عن النطق.. وعقلها رافض يصدق الخبر.. جرت بسرعة على الأوضة وهي بتدور على تليفونها.
لقت التليفون ومسكته بإيد بترتعش وهي بتتصل على زين.
كان زياد قاعد قدام أوضة زين وجنبه حمزة.
بص زياد لتليفون أخوه اللي استلمه من المستشفى لما لقوه في ملابس زين لما دخل المستشفى.
اتكلم زياد وهو بيبص لحمزة بتوتر: "دي عاليا اللي بتتصل".
اتكلم حمزة بهدوء: "ممكن تكون شافت الخبر في الجرايد".
اتكلم زياد بنفي: "ما أعتقدش".
رد حمزة: "طب رد يمكن فيه حاجة".
رد زياد على عاليا بتوتر.. قابله صوت صر.. اخ عاليا وبكائها وهي بتنطق اسم زين.
اتكلم زياد بهدوء: "عاليا اهدي.. اهدي يا عاليا زين كويس الحمد لله".
ردت عاليا ببكاء: "انت بتضحك عليا يا زياد.. قولي زين فين.. أنا قلبي هيقف من الخو..ف حرام عليك".
اتكلم زياد: "والله العظيم زين كويس اطمني".
عاليا: "طب خليه يكلمني.. عايزة أسمع صوته عشان أطمن".
اتكلم زياد بتوتر: "مش هينفع يا عاليا لأنه لسه تحت تأثير المخد.. ر".
صر.. خت عاليا ببكاء: "انت بتكدب عليا يا زياد.. زين جراله إيه رد عليا".
زياد: "والله العظيم زين كويس.. وأنا هكدب عليكي ليه بس".
اتكلمت وهي بتمسح دموعها: "قولي اسم المستشفى اللي انتوا فيها".
زياد: "ليه يا عاليا".
ردت بصر.. اخ: "عشان أجي أشوف جوزي".
زياد: "يا عاليا اهدي واطمني ولما زين يفوق والله هخليه يكلمك".
اتكلمت بصر.. اخ: "لو ما قولتليش اسم المستشفى هلف على كل المستشفيات لحد ما أوصلكم".
لتتابع ببكاء: "أرجوك يا زياد قولي اسم المستشفى أنا هموت لو ما شفتوش دلوقتي".
اتنهد زياد باستسلام واتكلم بهدوء: "حاضر يا عاليا هقولك على اسم المستشفى بس تهدي وما تجيش لوحدك وتخلي عبد التواب هو اللي يوصلك".
ردت بلهفة: "حاضر هعمل كل اللي تقول عليه بس أشوف زين".
قالها زياد على مكان المستشفى واتصل على عبد التواب وطلب منه إنه يوصل عاليا بنفسه للمستشفى.
بعد انتهاء زياد من الحديث مع عاليا وعبد التواب قرب منه المحامي الخاص بعيلة الشافعي وهو بيتكلم بلهفة: "زياد طمني عليك انت وزين.. إيه اللي حصل..؟".
رد زياد بهدوء: "الحمد لله احنا كويس اطمن".
اتكلم المحامي: "وزين فين دلوقتي".
زياد بحزن: "أخد طلـ..قة في كتفه بس الحمد لله الدكتور طمني عليه".
المحامي: "طب إيه اللي حصلكم في الفيلا احكيلي".
بدأ زياد يحكيله كل اللي حصل وبعد انتهاء زياد من الحديث اتكلم المحامي بهدوء: "زياد جدك لازم يعرف اللي حصل لأنه أكيد هيعرف الخبر من الجرايد زي ما عاليا عرفت".
ليتابع بتأكيد: "وجدك مش هيستحمل لو شاف خبر زي ده".
خرجت الممرضة من أوضة زين وقربت من زياد واتكلمت بهدوء: "أستاذ زياد.. باشمهندس زين فاق وعايز يشوف حضرتك".
وقف زياد وهو بيبتسم بسعادة إن أخوه فاق واتكلم مع المحامي: "تمام حضرتك كلم جدي وعرفه اللي حصل وطمنه علينا وأنا هدخل أشوف زين".
هز المحامي راسه بتأكيد ودخل زياد بسرعة أوضة زين..
رواية زين وعاليا بقلمي ملك إبراهيم.
كان زين نايم على السرير والشاش الطبي ملفوف على منطقة كتفه بأعلى صدره ودراعه داخل الحامل الطبي.
فتح زياد باب الأوضة وابتسم بسعادة لما شاف زين وقرب منه وهو بيبتسم واتكلم بسعادة: "حمد لله على السلامة يا بطل".
رد زين بسخرية وهو بيضحك: "البطل كان هيموت في لحظة".
اتكلم زياد بصدق: "الحمد لله يا زين انت لو كان جرالك حاجة أنا اللي كنت مت".
ابتسم زين بحنان لأخوه واتكلم بحب: "بعد الشر عليك".
ليتابع بتعب: "هو إيه اللي حصل بعد ما أنا اتصابت.. أنا بحاول أفتكر ومش عارف أفتكر أي حاجة".
رد زياد بحزن: "الشرطة خدوا باسل بعد ما اعترف إنه هو اللي قـ.. تل والدته الله يرحمها".
رد زين بحزن: "الله يرحمها".
ليتابع زين بتساؤل: "وجدتك..".
اتنهد زياد بحزن: "للأسف جدتك قـ.. تلت نفسها".
فتح زين عينيه بصدمة: "إييييه".
رد زياد: "هو ده اللي حصل.. ربنا يسامحها ويغفرلها بقى".
حزن زين جدا على جدته رغم كل الأذى اللي حصلهم بسببها.. بس هو كان بيحبها بجد لأنها كانت من ريحة أمه وأمه حتة منها وعمره ما اتمنى إن تكون دي نهايتها وإنها بعد العمر ده كله تستسلم لشيطانها وتقـ.. تل نفسها وتمو.. ت على معصية.
بص زياد لأخوه وهو عارف قد إيه هو كان بيحب جدته ليتابع زياد برجاء: "زين خالتك قبل ما تموت وصتني على جيلان.. مش عايزين ننساها".
هز زين راسه بتأكيد على كلام زياد واتكلم بهدوء: "وجيلان فين دلوقتي".
رد زياد: "أنا حجزتلها أوضة في أوتيل لحد ما نشوف هنعمل إيه".
اتكلم زين بحزن: "كويس إن انت عملت كده.. جيلان ملهاش حد غيرنا دلوقتي".
اتكلم زياد بهدوء: "زين أنا عايز لما تخرج من هنا بالسلامة.. نعمل صدقة جارية على روح قسمت خالتنا لأنها ضحت بنفسها عشاني وهي اللي أنقذتني".
هز زين راسه بتأكيد واتكلم بحزن: "وجدتك كمان يا زياد.. ربنا يسامحها ويغفرلها ويرحمها".
اتفاجئ زياد من كلام زين واتكلم بدهشة: "جدتك!! يعني بعد كل اللي عملته وندعيلها ".
رد زين بحزن: "لأن جدتك محتاجة دعائنا جدا يا زياد.. جدتك للأسف ضيعت فرصة إنها تتوب وترجع لربنا قبل ما تمو.. ت.. وزودت ذنوبها بذنب أكبر وأكيد محتاجة لدعائنا طول الوقت".
《«قال رسول الله ﷺ: "من قتل نفسه بحديدة؛ فحديدته في يده يتوجأ بها في بطنه في نار جهنم خالدا مخلدا فيها أبدا، ومن شرب سما فقتل نفسه؛ فهو يتحساه في نار جهنم خالدا مخلدا فيها أبدا، ومن تردى من جبل فقتل نفسه؛ فهو يتردى في نار جهنم خالدا مخلدا فيها أبدا"»》صدق رسول الله ﷺ.
زين قال بلهفة: "قولي.. اطمنت على عاليا".
ضحك زياد واتكلم بمرح: "كلها ربع ساعة بالكتير وإدارة المستشفى هيطردونا بسبب عاليا".
ضحك زين واتكلم بدهشة: "يعني إيه مش فاهم".
رد زياد بمرح: "كلها شوية وهتشوف بنفسك.. بس انت ليه ما قولتليش قبل كده إن مراتك دي مجنونة".
ضحك زين وقاله: "وأنا أعرف منين إن انت ما تعرفش.. بس أوعى تكون قولتلها إن أنا حصلي حاجة".
رد زياد: "هي ادتني فرصة أقول حاجة.. هي عرفت الخبر من الجرايد وفضلت تبكي وتصرخ فيا لحد ما قولتلها على اسم المستشفى وزمان عبد التواب جايبها وجايين دلوقتي".
دقايق قليلة واتفتح باب الأوضة ودخلت عاليا وهي بتبكي.
وقف زياد وهو بيضحك على عاليا وهي داخلة بتبكي وبتقرب من زين بلهفة.
قربت عاليا من زين وهي بتبكي وبتبص للجرح بصدمة وحطت إيديها على جرحه واتكلمت ببكاء: "إيه ده يا زين".
رد زين وهو بيضحك: "ما تخافيش يا حبيبتي دي رصا.. صة".
ردت ببكاء وخوف عليه: "انت بتضحك.. يا ريت الرصا.. صة دي كانت دخلت في قلبي أنا".
اتكلم زين بعشق: "بعد الشر عليكي يا حبيبتي والله الموضوع بسيط ومش مستاهل كل ده".
ردت ببكاء: "لا يا زين مش بسيط ويستاهل أكتر من كده وأنا دلوقتي عرفت انت ليه بعتني البلد".
بصت لزياد واتكلمت بصر.. اخ: "وانت يا زياد ما كنتش عايز تقولي.. وبتقولي هو كويس".
لتتابع وهي بتحط إيديها على كتف زين مكان الجرح: "والجرح ده إيه لما هو كويس".
اتوجع زين من ضغطة إيديها على جرحه وضحك زياد أكتر واتكلم بمرح: "الحقيقة هو كان كويس من شوية بس دلوقتي شكله ما بقاش كويس خالص".
بصت عاليا لزين وبكائها بيزيد أكتر وهي بتبص على الجرح واتكلمت ببكاء: "الرصا.. صة وجعتك أوي".
رد زين بعشق: "يا حبيبتي بُعدك عني هو اللي بيوجعني".
بكت عاليا أكتر واتكلمت ببكاء: "اسكت بقى يا زين هو ده وقته".
اتكلم زين بمرح: "ده هو ده وقته".
ضحك زياد واتكلم: "احمم.. طب أنا هخرج أنا أشوف الدكتور".
رد زين بمرح: "يا ريت".
ضحك زياد وخرج من الأوضة وقفل الباب وراه.. اتكلم زين مع عاليا وهو بيبتسم بعشق: "وحشتيني".
ردت عاليا بتلقائية وهي بتبكي: "وحشتك إيه بس بحالتك دي يا زين".
ضحك زين واتكلم بمشاكسة: "ومالها حالتي بقى يا عاليا هانم".
قعدت عاليا على طرف السرير وعينيها على جرحه واتكلمت ببكاء: "أنا مش قادرة أشوفك كده يا زين قلبي بيوجعني بجد".
ابتسم لها بعشق وحب يشاكسها ويخرجها من خوفها عليه وبكائها واتكلم بمشاكسة: "تعرفي أنا كنت عايز ألبس قميص وأداري الجرح ده عشان ما يوجعش قلبك لكن فيه ممرضة هنا قالتلي بلاش تلبس حاجة انت حلو كده".
وقفت عن البكاء وبصت لصدره واتكلمت بغضب وغيظ: "حلو إزاي يعني مش فاهمة..؟".
رد زين بمشاكسة: "ما أعرفش هي اللي قالت كده".
رفعت حاجبها وبصت له بمكر وفي لحظة اتبدلت نظرتها وقربت منه بدلع واتكلمت برقة: "وانت قولتلها إيه لما قالتلك كده؟".
بص لها بعشق واتكلم بتوهان: "إيه".
اتكلمت برقة أكتر وهي بتدلع عليه وبتحط إيديها على صدره برقة: "بقولك، انت، قولتلها، إيه، لما قالتلك كده".
رفع إيديه السليمة وضمها وهو بيقربها منه وبيبص لها بلهفة وهيتجنن من دلعها ورقتها وقرب منها آكتر وفجأة .. اتفتح باب الأوضة ودخل عبد التواب.
عبد التواب: "حمد لله على السلامة يا زين بيه".
بعدت عاليا بسرعة عن زين بخجل وبص زين لعبد التواب واتكلم بغيظ: "انت جيت منين يا عبد التواب".
رد عبد التواب بصوته القوي: "أني اللي وصلت الهانم لحد هنا.. ألف مبروك يا زين بيه ويتربى في عزك".
بص زين للجرح اللي في كتفه بدهشة ورد على عبد التواب بذهول: "هو إيه اللي يتربى في عزي.. هو انت جاي لواحدة والدة يا عبد التواب دي رصا.. صة في كتفي".
اتكلم عبد التواب بتوضيح: "أنا قصدي على الست عاليا هانم".
بص زين لعاليا بدهشة وهو مش فاهم قصد عبد التواب ليتابع عبد التواب بسعادة: "مبروك الست عاليا حامل".
اتكلم زين بتلقائية: "حامل إزاي..؟".
بص له عبد التواب بدهشة وضربته عاليا على صدره ليصحح زين كلامه: "أقصد حامل إزاي وعبد التواب يعرف وأنا ما أعرفش".
ردت عاليا عليه بخجل وهي بتبص بطرف عينيها لعبد التواب اللي كان بيبص لهم وعلى وشه ابتسامة بلهاء.
عاليا: "أصلي تعبت امبارح بالليل وعبد التواب جابلي دكتورة وقالت إن أنا حامل".
نسي زين جرحه ونسي الدنيا كلها وحاول يقوم من على السرير عشان يضمها لكن وجع جرحه رجعه تاني.
قربت منه عاليا بلهفة لما اتوجع من الجرح قدامها.
عاليا: "حبيبي الجرح بيوجعك".
بص لها زين بسعادة واتكلم بعشق: "جرح إيه اللي بيوجعني.. بجد انتي حامل".
هزت عاليا راسها بخجل.. ابتسم زين بسعادة وضمها بإيد واحدة وهو حاسس إن قلبه هيخرج من مكانه من شدة السعادة.
بصت عاليا لزين وهو بيضمها في حضنه واتكلمت وهي ضاغطة على أسنانها: "عبد التواب".
رد زين بعدم فهم: "إيه".
عاليا بصوت مكتوم: "عبد التواب".
بص زين على شماله لقى عبد التواب واقف وبيبص لهم ببلاهة.
بعدت عاليا عن زين بخجل واتكلم زين مع عبد التواب بغيظ: "منور يا عبد التواب".
عبد التواب: "بنورك يا زين بيه".
استنى زين إنه يتحرك أو يمشي لكن عبد التواب فضل واقف وهو بيبص لهم وعلى وشه نفس الابتسامة البلهاء.
ضحكت عاليا بقوة وهي بتبص لزين وعبد التواب واتكلمت بمرح: "أنا بقول أسيبكم شوية مع بعض".
رد عبد التواب بقوة: "خليكي يا ست عاليا مفيش حد غريب".
ضحكت عاليا بشدة أكتر وهي بتبص لزين اللي كان هيتجنن من برود وسماجة عبد التواب.
وبعد وقت قليل دخل زياد وحمزة والمحامي وأصبحت أوضة زين ساحة مفتوحة للجميع.
رواية زين وعاليا بقلمي ملك إبراهيم.
في المساء وصل والد زين وجده القاهرة واتجهوا إلى المستشفى للاطمئنان على زين واجتمع أفراد عيلة الشافعي في أوضة زين وبعد ما حكى زياد لجده ووالده كل اللي حصل في الفيلا اتكلم الجد بإصرار.
الجد: "احنا كده لازم نشتري فيلا جديدة نعيش فيها بدل الفيلا دي عشان تقدروا تنسوا اللي حصل فيها".
اتكلمت عاليا بتلقائية: "فعلا يا جدي وكمان ممكن يطلع لنا فيها عفاريت".
بص لها الجميع وضحكوا واتكلم زين بفخر ومرح: "مراتي".
اتكلمت عاليا بجدية: "على فكرة أنا بتكلم جد وممكن فعلا أرواح اللي ماتوا في الفيلا تطلع فيها".
رد زياد وهو بيضحك وقاصد يخوف عاليا: "عاليا عندها حق.. طب انتي تعرفي يا عاليا إن عدد اللي ماتوا في الفيلا أكتر من 20 واحد.. تخيلي بقى لو الـ 20 دول اتجمعوا مع بعض وطلعولنا مرة واحدة..".
قامت عاليا من مكانها وقعدت على السرير جنب زين ومسكت في إيديه واتكلمت بخوف: "بجد يا زياد".
ضحك زياد واتكلم والده وهو بيطمن عاليا: "يا حبيبتي ما تصدقيش الجنان اللي بيقوله ده.. الأرواح خلاص طلعت للي خالقها وبعدين احنا بنقول أهو هناخد بيت تاني نعيش فيه ونسيب الفيلا دي خالص".
اتكلم زين بسعادة وهو ماسك إيد عاليا: "أهم حاجة يكون بيت كبير عشان الضيف اللي جاي ده".
بص له جده ووالده واتكلموا بصوت واحد: "بتتكلم جد.. عاليا حامل".
رد زين وهو بيضحك: "آه والله حتى اسألوا عبد التواب".
ضحكت عاليا وضربته على صدره عشان يسكت واتكلم زياد مع جده: "جدي أنا من رأيي تشتري قصر كبير نعيش فيه وتجوزني أنا وسجدة بقى وأنا أملالك القصر ده كله عيال".
ضحك الجد بسعادة وهو بيشكر ربنا على نعمته وإنه حفظ له أحفاده وشفا ابنه ورجعه له بالسلامة واكتملت عيلته وبتزيد وتكبر بأولاد أحفاده ورد على زياد بسعادة: "إن شاء الله يا حبيبي أول ما أخوك يقوم بالسلامة هعملك أحلى فرح وأجوزك وارتاح من زنك".
اتكلم زياد مع زين بلهفة: " زين أنا أخوك حبيبك أبووس إيدك خف بسرعة".
ضحك الجميع على لهفة زياد على الجواز وفضلوا يتكلموا عن المكان اللي حابين يشتروا فيه بيتهم الجديد.
بعد حوالي 3 شهور.
وقفت عاليا قدام المراية وهي بتقيس الفستان اللي هتحضر بيه فرح زياد..
دخل زين الأوضة وهو بيبص لها بدهشة وهي بتكلم نفسها في المراية.
زين: "إيه يا حبيبتي انتي بتكلمي نفسك.. هرمونات الحمل دي برضه".
ابتسمت عاليا واتكلمت وهي بتلف بالفستان بهدوء: "إيه رأيك في الفستان.. بطني مش باينة فيه صح".
بص زين على بطنها البارزة بشكل بسيط جدا واتكلم بدهشة: "وانتي عايزة تداري بطنك ليه".
اتكلمت عاليا بحماس: "عشان طبعا هيبقى شكلي وحش وأنا عاملة زي الكورة كده".
قرب منها زين وضمها واتكلم بعشق: "حبيبتي انتي دايما قمر وهتفضلي أجمل بنت في كل حالاتك".
ردت عاليا وهي بتبتسم بسعادة: "انت بجد شايفني حلوة يا زين".
بص لها بعشق واتكلم بصدق: "أنا عمري ما شوفت ولا هشوف أحلى منك..".
ليتابع بجدية: "انتي عارفة يا عاليا أنا كنت طول عمري بفكر مع نفسي كده.. يا ترى البنت اللي هتجوزها هيكون شكلها إيه.. يا ترى هنتقابل إزاي.. يا ترى هحبها.. يا ترى هي هتحبني زي ما أنا هحبها.. أسئلة كتير كنت بسألها لنفسي طول عمري وأول ما شوفتك انتي جاوبتي على كل الأسئلة دي".
ابتسمت عاليا بسعادة واتكلمت بعشق: "وأنا مش عارفة لو ما كنتش اتجوزتك يا زين كنت هكمل حياتي إزاي".
لتتابع وهي بتضحك: "فاكر أول مرة شوفتك فيها لما جتلي شقة بابا".
ضحك زين ورد بتأكيد: "آه طبعا فاكر".
اتكلمت عاليا وهي بتضحك: "يومها بصراحة أنا ما كنتش طيقاك وانت كمان كنت بتتكلم معايا بغرور كده وشايف نفسك وأنا عمالة أقول في سري هو شايف نفسه على إيه ده وكنت متغاظة أوووي".
ضحك زين وضمها في حضنه أكتر واتكلم بصدق: "هتصدقي لو قلتلك إن أنا ما أعرفش أنا ليه اتكلمت معاكي بالطريقة دي.. يمكن لأني كنت بحاول أداري غيرتي عليكي لما شوفت أحمد وهو واقف يتكلم معاكي".
ابتسمت عاليا واتكلمت بدلع: "يعني انت بتغير عليا".
رفع حاجبه واتكلم بمكر: "عايزة تعرفي".
ردت بدلع: "آه عايزة أعرف"