رواية زوجاتي الثلاثه الفصل الرابع4بقلم جمانه السعيدي
مصطفى....كلام امي طمني لان اكدتلي ميسون مراح تتخلى عني وشغلتها شغلة زعل يعني فتره وتعدي
بالاضافه الكلام امي عن العروس الجديده
خلاني احلم بلزواج والاطفال
ثاني يوم ام الهام دزت خبر
خل يجي مصطفى يشوف الهام
حضرنا نفسنا اني وامي ورحنا
ابوها كان موجود وستقبلنا استقبال حار
ااكيد هما يعرفوني عز المعرفه حتى ما يحتاج يسئلون عني
ترحيبهم بيه عزز ثقتي بنفسي
لان القبول جان مبين عليهم
كعدنا شويه واجت امها تسلم عليه
سلام حار وترحيب مبالغ بي عبالك تعرفني من زمان
صح هما اقاربنا بس اني ابد ماادخل بيتهم
ولا اعرف ام العروس ولا شايفها هاي اول مره
علاقتنا بيهم شبه مقطوعه
بس ابوها كم مره شايفه ومسلم علي
كعدنا شويه واجت العروس
شكله حلو بيضه طولها تقريبا ١٦٥ كانت لابسه نفنوف طويل وحجاب
اني مبدئيا شكلها اقتنعت بي
كعدت وبقت ساكته بس كل شويه من احجي ترفع عينها تباوع عليه
بعدين اني ااشرت الامي موافق
راسا امي انطلقت بلكلام
امي....احنا العروس عجبتنا وانتم تعرفونا زين
وهذا مصطفى كدامكم تعرفونه وتعرفون أخلاقه
واني حجيت الام الهام احنا غرضنا من هذا الزواج
الاطفال لان زوجته ماعليها اي قصور
بس حكمة رب العالمين ماصار عدهم اطفال
وإنشاء الله الهام بيها الخير والبركه
ابو الهام.....اني اعرف مصطفى من زمان وهذا النسب يشرفنا
مصطفى...اليه الشرف عمي اني مستعد الكل طلباتكم
ابو الهام....احنا ماعدنا طلبات جهزها بلي يرضي رب العالمين
حالها حال البنات
مصطفى....تمام تدلل
حددنا يوم المهر وراحت هيه وامي وامها يشترن الذهب
اختارت ذهب تقريبا ٣ مليون والنيشان وباقي الشغلات مليونين
رغم المهر كان بذاك الوقت من ٣ إلى اربعه مليون
بس اني كلت عادي ميخالف
هاي اول مره تزوج مو مثلي هاي المره الثانيه
هذا الأسبوع كله ماداومت ميسون
البيت مو حلو بدونها وحتى الدوام بلكوه تمشي الساعه
كنت اخذ الها اجازه كل يوم وانتظرها اداوم بليوم الي بعده بس ما تجي
كل الموضفات والموظفين يسئلوني عنها
واكول مريضه بس تصير احسن ترجع للدوام
جمانه السعيدي
بعد ماخلص هذا الأسبوع اجا زوج عمتها
كان وجها ثكيل حيل
السلام بلكوه سلم عليه
طبعا الكل يصيحله ابو ميسون لان ماعنده اطفال
مصطفى...هله عمي اهلا وسهلا
ابو ميسون...اهلا
مصطفى...شلونك عمتي شلونها ميسون شلونها
ابو ميسون...بخير
مصطفى...ليش ميسون ماتجي للدوام
ابو ميسون....صح انت خطبت وكطعت مهر
مصطفى...اي
ابو ميسون....ليش شنو القصور بميسون
مصطفى...مابيها اي قصور بس موضوع الاطفال طول حيل
ابو ميسون....ااي وهيه شنو ذنبها هذا رزق رب العالمين قابل هيه بكيفها
مصطفى.... بس اني كتلها ابقي بيتج وعلى نفس المصرف
محد راح يقرب عليج
ابو ميسون.... شلون تتزوج عليها وتبقى وياك
مصطفى.. عندك حل الهذا الموضوع العمر جاي يركض
واحنا واحد مكابل الثاني
ابو ميسون...بس ميسون مصممه على الطلاك
مصطفى...لا شنو طلاك طبعا مااطلكها
ابو ميسون....هاك وقع على هاي الاجازه تريد اجازه شهر
مصطفى...هواي شهر
ابو ميسون.. البنيه حالتها النفسيه تعبانه بسببك
بعدين هيه ابد ماماخذه اجازه من يوم داومت لليوم
خليها ترتاح
مصطفى.....براحتها ووقعت على الاجازه
من طلع ابو ميسون كلش ضجت مااعرف اني تصرفي صحيح لو غلط
من طلعت من الدوام رحت بيت اهلي
امي...هااا شو ضايج وين اكو عريس ضايج
مصطفى.....ضايج على ميسون اليوم اجا زوج عمتها ويكول تريد تطلك
امي... كلشي قسمه ونصيب اذا تريد تطلك طلكها
بس صدك راح ترجع ندمانه
مصطفى...يمه اني سويت شي صح لو غلط
امي.. طبعا صح شنو غلط
سكتت مارحت صالحتها ابد
مااريد اشوفها مقهوره بسبي
اريد الزواج يكمل واروح
ارجعها للبيت
قبل الزواج باسبوع تفاجئت رافعه عليه قضيه طلاك
من وصلني الخبر
اخذت ورقة التبليغ ورحت البيت عمتها
دكيت الباب طلعت عليه عمتها تباوع عليه بحقد
مصطفى...شلونج عمه
....شكو شرايد خير
مصطفى...اريد احجي ويا ميسون
عمتي...وهيه ماتريد تحجي وياك ولا تريد تشوفك
مصطفى...الله يخليج خل احجي وياها
عمتي...انت شنو ما تفهم ماتريد تحجي وياك
مصطفى...كمت اصيح بصوت عالي ميسون
ميسون اني مصطفى اريد احجي وياج
ماردت عليه ولا طلعت
عمتي...مو كتلك ماتريد تشوف وجهك اذا عندك ذرة رجوله طلكها ولا تخليها تدخل للمحكمه
مع الاسف عبالي رجال وتحافظ عليها
تالي هاي مجازات خمس سنوات زواج خادمتك
ومامقصره وياك
مصطفى....انتي ليش مكبره الموضوع هيه الها بيتها وحدها
عمتي. اي واذا بيتها وحدها هيج المشكله انحلت
انت ضحيت بيها وكسرتها شكد اناني تحب بس نفسك
جان تكدر هيه تنفصل عنك وتزوج وتكول نفس هذا العذر
اريد اطفال
اصبر ايجوز رب العالمين يرزقكم
الناس تصبر سبع سنوات وثمانيه وعشره و١٥ سنه
هسه انت خمس سنوات ما تحملت
مصطفى...ضجت من كلام عمتها حيل ورجعت اصيح عليها بصوت عالي
ميسون ميسون اطلعي اريد احجي وياج
ماطلعت ولا سوتلي تقدير اني متأكد جاي تسمعني وتسمع كلام عمتها عليه
عمتها...روح الله وياك
طبكت الباب بوجهي
شكد ضجت ونقهرت خلاص مادام هيه هيج تريد
راح اطلك خليها بيت عمتها
جمانه السعيدي
اليوم الي بعده احاني اخوها وزوج عمتها للدوام
وهددوني لو اطلك لو ادخل مشاكل وياهم
هلمره لهجت التهديد قويه
العصر رجع عليه اخوها وجايب ويا الشيخ
وكعد بيتنا كعده مايقبل يطلع اله اطلكها
حسب ما فهمت من كلامهم ميسون مريضه ومنهاره
بسسب موضوع زواجي وخاصه من سمعت اني عقدت
طلكتها واني كاره الهذا الطلاك
على عمه عيوني اني ماردت الأمور توصل الهاي الدرجه
بس الموضوع طلع عن سيطرتي
امي وخواني كانو مصبرين
امي...يله كلشي قسمه ونصيب راح تزوج وتحبها مثل ميسون واكثر وخاصه اذا صار عندك اطفال
مرتضى....يمعود تروح مره تجي الف شنو ميسون متعجبه
الزلم تاخذ وحده وثنيبن وتلاثه
مصطفى...صبرت نفسي وقررت ابدي من جديد
دزيت غرفة النوم الميسون ومهرها المؤخر
واشتريت غرفة نوم جديد وفراش للبيت جديد
وقررت ازوج بنفس البيت
ابد مارحت للعروس ولا شفتها كنت مشغول بطلاقي من ميسون
موضوع انفصالي من ميسون حيل مأزم نفسيتي
بس احاول اتقبل الموضوع ولو صعب عليه
الهام من سمعت بخبر انفصالي فرحت طبعا بقت الساحه بس الها ميسون عافتلها الجمل بما حمل
استعجلت بلعرس اريد الهام تجي للبيت بأسرع وقت ممكن
حتى تخلصني من احساس الندم والفراغ والوحده
الي حسيت بي بعد ما ميسون عافتني
رحت على الهام حتى نحدد العرس بأسرع وقت ممكن
الهام...اي ماكو مشكله بس اني اريد زفه وعرس
حالي حال باقي البنات
مصطفى...ليش مانخلي عائلي بينا
الهام...يااا ولله شنو عائلي اني مااستاهل عرس حلو
مصطفى...ماكو مشكله
الهام...اريد ٥٠٠ للصالون عرس وحنه
مصطفى...ماكو مشكله باجر ادزلج
الهام..واريد تصوير حلو
مصطفى.....بعد اكو شي
الهام...ماكتلي وين انروح شهر عسل
مصطفى...اي شهر عسل اني عندي دوام هنا ٣ ايام وارجع للدوام
الهام...يااا شنو ٣ ايام اريد تاخذني نسافر
مصطفى...بعدين اخذج
الهام...لا هسه ماكو عرس اذا ماكو شهر عسل
مصطفى.... اخذج ثاني يوم العرس يومين ونرجع
الهام...لا شنو يومين ايام العرس احلى ايام
مصطفى...يله ٣ ايام نسافر الاربيل وكافي
الهام...وانت ليش عصبي عبالك مغصوب على الزواج
مصطفى...لا ما مغصوب بس طلباتج هواي
نسافر غير وقت
الهام...يله موافقه ٣ ايام بس اطلبك سفره خارج العراق
مصطفى...الله كريم
جمانه السعيدي
حددنا يوم العرس وسويتلها كل طلباتها
اريد هذا الزواج يكمل بسرعه اريد احس بلاسقرار
لان احس نفسي ضايع بدون ميسون
ازوجنا وكلشي مر بسلام وسافرنا ٣ ايام ورجعنا
الصبح ماتقبل تكعد اني اكعد اتريك واطلع
اول كم يوم كنت ارجع كبل من الدوام للبيت
وهنا هيه حددت الوقت الي ارجع بي للبيت
اذا اتاخرت خمس دقايق تفتح تحقيق وياي
ليش اتاخرت ووين رحت ويا منو جنت
مصطفى...ازدحام وتاخرت
الهام...بس انت اول ايام تجي من وقت ماكو ازدحام
مصطفى....ترا اني عندي شغل ومسؤوليه مو مال ادققين وراي
الهام...وليش مااددقق وراك اني زوجتك ومن حقي اعرف ليش تتأخر
مصطفى...راسي يوجعني اريد غده اريد انام
زعلت مني وعافنني وراحت للغرفه
اخذت ماعون وصبيت اكل واكلت
رحت غيرت ملابسي بلغرفه دايره وجها عني طلعت اغسل ورجعت لكيتها لازمه ملابسي وتشم بيهن وتشوف خاف اكو شعر نسوان
او عطر نسائي
ماحجيت وياها
تمددت ونمت
الهام...شو نمت
مصطفى...شكو مو كتلج تعبان
الهام... شنو تعبان اني من الصبح لسه وحدي اريدك تسولف عليه
مصطفى...راسي صاير طبل اريد انام من اكعد نسولف
الهام...هو هذا الزواج داير وجهك عني على الاقل حس بيه حس بوجودي
مصطفى....انتي ناقصج شي
الهام... اي اريد تحجي وياي نطلع نفتر نشتري
مصطفى...اي غير ارتاح شويه لو من الدوام كبل نطلع نفتر
ترا اني كاعد من السبعه الصبح وانتي بقيتي نايمه الله اعلم بيش الساعه كعدتي
خل ارتاح ويصير خير
بقت تحجي ماعاجبها الوضع واني غطيت راسي ونمت