رواية اقدار مكبلة الفصل الخامس5بقلم فادية النجار
"اللهم صلِّ على سيدنا محمد وعلى آل سيدنا محمد وعلى أصحاب سيدنا محمد وعلى أتباع سيدنا محمد وسلم تسليماً كثيراً"
انسحبت الخالة عايدة بعد ما ألجمتها كلمات آدم اللي كسر بها كبريائها.ولكن غيرت اشياء كثيره
خيم السكون على البيت، بس كان صمت مختلف المرة دي.. صمت مالي الامتنان والدهشة.
كانت حبيبة واقفة في المطبخ بتجمع أطباق الغدا، وإيدها بترتجف من أثر الموقف. مكنتش تتخيل أبداً إن آدم—اللي أعلن جفاءه ورغبته إنه يخليها على الهامش ..وقالها بكل صراحه أنها ملهاش اي لازمه في حياته وانت جوائزهم هيكون علي ورق وبس —فجاءه هيكون هو السد المنيع اللي يحمي حلمها من أقرب الناس ليها.
دخل آدم المطبخ عشان يجيب كوباية مية، لقاها واقفة قدام الحوض وساندا راسها على إيدها.
آدم بنبرة هادية ودافية:
— حبيبة.. انتي كويسة؟
التفتت حبيبة بسرعة، ورفعت عينيها المليانين بالدموع عشان تتلاقى بعينيه، وقالت بصوت واطي:
— شكراً يا آدم.. بجد شكراً. أنا عمري ما هنسى اللي عملته معايا النهاردة.وكانت أول مره تقول لوحدهم ادم من غير القاب ودي حاجه فرحه ادم
قرب آدم خطوة، وبصلها بنبرة حاسمة كلها وقار:
آدم:
— مفيش داعي للشكور يا حبيبة.. العلم حق، وانتي شاطرة وبتسعي لحلمك. وأنا دكتور وعارف يعني إيه إنسان يحرم نفسه من النوم عشان رسالة علمية.او انسان يعيش بس علشان يخفف الم غيره صدقيني اللي عملته ده كان أبسط حق ليكي عليا في البيت ده.. كملي الماجستير وركزي في شغلك، وما تشغليش بالك بأي كلام يتقال.ولا تفكري في الكلام اللي هيرجعك مليون خطوة للوراء
ابتسمت حبيبة من بين دموعها ابتسامة صغيرة، بس حسيت بقوة ونبض مختلف ناحية الراجل ده؛ إنه مش مجرد زوج على الورق، بل طبيب إنسان ومسؤول بكل ما تحمل الكلمة من معنى. هو اه حب حياتها وكان عشق مراهقاتها وشبابها ولكن التي الظروف الي أنه تزوج من شقيقتها فبتالي اعتبرته اخ لها وقررت عدم وجدها معه في أي موقف غير اشياء بسيطه توجب عليها الحضور مثل تجمعات العائله أو ما شابه مثل مرض اختها وأشياء أخري
ادم .....نظر لها وجدها سارحه
ادم ..،،شكل حد واحد عقلك روحي ارتاحي ومتفكريش في أي حاجه يا حبيبه
فاقت من سرحانها علي كلام ادم وقالت ...شكر ليك بجد يا آدم تصبح على جنه
ادم ....وانتي من ناسها
دخلت حبيبه وتوضاءت وصلت وامسكت الهاتف شاهدت فيه رسايل من جروب الجامعه ومكتوب فيه
شاهد قبل الحذف فضيحه الدكتور معتز بالصوت والصوره ووجدت الموقف الذي حصل بينها وبين معتز متوثق فيديو صوت وصوره ونازله علي النت
علمت حبيبه كيف علمت والدتها ما حصل
ووجدت من فتيات زملاء لها رسايل يريدون يعلمون ما حصل بالتفصيل لذلك قفلت الهاتف وامسكت الاجنده الخاصه بها وقررت انها سوف تتعب لاجل مستقبلها ولا تشغل بالها مثلما قال لها ادم بهذه التفاهات
اما عند والدتها كانت رجعت الي المنزل وهي تغلي كالماء من الغيظ وان ادم قرر عدم ترك حبيبه الرساله والشغل وسوف تكمل رسالتها هي لا تكره أن ابنتها تحصل علي ما تريد ولكن خشيت أن الناس يجرحوها بكلام وهي تعرف شخصيه حبيبه أنها مسالمه ولا تقدر علي ردع هذا معتز وأشباهه
لذلك دعت لها أن يوفقها وخصوصا انها ارتاحت بعدما علمت أن ادم في صف ابنتها ولا بتخلي عنها
في الساعة تلاتة الصبح، كان الهدوء مالي الشقة.. حبيبة نايمة في أوضة الصغار بعد لما خلصت مذاكره وهي حاضنة "لين" و"حنين"،
وآدم في أوضته بيستريح من تعب يوم طويل.ونايم نوم عميق
فجأة، اهتز تليفون آدم على التربيزة بصوت رنين متواصل. صحي آدم بلياقة الجراح المعتاد على الطوارئ، ورد بسرعة:لما شاف اسم الدكتور عمر ..
آدم:
— أيوة يا عمر.. خير؟
عمر بصوت مالي التوتر والذعر:
— الحقنا يا آدم في المركز الطبي بسرعة! حالة طوارئ جروح ونزيف حاد.. حادثة عربية مروعة على الطريق السريع، والمصاب طفل عنده 8 سنين ودخل سيخ حديد في القفص الصدري جنَب الشريان الأورطي! النزيف حاد والضغط بيهبط، وطبيب الجراحة النوبتجي خايف يتدخل عشان السيخ قريب جداً من القلب!
نط آدم من سريره زي الملسوع، وتغيرت ملامحه تماماً لحالة الطوارئ الجراحية:
آدم:
— أوضة العمليات تتجهز فوراً! اطلبوا كيسين دم O negative، وحضروا أشعة مقطعية سريعة.. أنا قدامي عشردقايق وأكون عندكم!بالمركز يعتبر بجوار السكن الخاص لادم .
خرج آدم من أوضته بيلبس الجاكيت بتاعه علي هدوم النوم مسرع،لأن مفيش وقت يغير . بس صوت فتح الباب صحى حبيبة اللي كان نومها خفيف. خرجت بالبيجامه الكحلي وهي بتشد الطرحه علي رأسها وهي خايفة:
حبيبة:
— لقيت ادم واقف بيشد مفاتيح العربيه الخاصه بيه قالت بخوف آدم! في إيه؟! حصل حاجة ...خالتو كويسه ؟
وقف آدم لثانية وهو بياخد مفاتيحه ، وقال بسرعة وتركيز:
آدم:
— لا يا حبيبة.. متخافيش مفيش حاجه ماما كويسه بس دي حالة طوارئ حرجة جداً في المركز الطبي، طفل محتاج جراحة صدر ونزيف حاد.. لازم أنزل فوراً!
شافت حبيبة في عينيه تحول عجيب؛ مكنش فيه آدم المتردد أو الموجوع من الفقد، بل "الدكتور آدم" الجراح القوي الواثق من أدواته. واللي أيده تتلف في حرير والكل بيتكلم عن مهارته وموهبته في الجراحه
حبيبة باندفاع ولهفة طبيبة مستقبلية:
— طب أجي معاك؟! أنا ممكن أساعد في التعقيم أو التخدير أو أتابع مع أهله!
بصلها آدم بتقدير خطف قلبه، وقال:
آدم:
— لا ملوش لازمة بس خليكي جنب البنات وماما دلوقتي.لان ممكن اتاخر وخليها متقلقش تمام . بس ادعيلنا يا حبيبة، الحالة بين الحياة والموت!
....حبيبه .....ربنا يصلح ما بين ايديك ويثبتك اللهم امين ..
فرح ادم من دعائها وأخذ مفاتيحه وخرج يجري
وقفت حبيبه وقالت ربنا معاك ويشفيه يارب الله وقالت أما اروح اتوضي واصلي وادعيله
وصل دكتور آدم للمركز الطبي في دقايق معدودة. أسرع لأوضة التغيير، غسل إيديه بالمعقم بدقة، ولبس الطقم الأخضر والجونتي المعقم.
دخل أوضة العمليات والأمور اتغير تماماً؛ أصوات أجهزة المراقبة بتعمل صفارات إنذار متقطعة، وضغط دم الطفل بينزل بسرعة: 70/40.
طبيب التخدير:
— الضغط بيهبط يا دكتور آدم! الطفل بيضيع مننا، النزيف جوة الصدر مش راضي يقف!
آدم بصوت هادي وزي الحديد، هدى الرعب في الأوضة:
— كل الناس تهدى وتسمع تعليماتي بالملي! دكتور عمر.. امسك المشرط والشفاط. التخدير يرفع السوائل ويدي بلازما فوراً!
بدأ آدم الجراحة.. كانت إيديه بتتحرك بالمشرط بدقة عالية وحرفية تدرس. فتح الصدر بحذر شديد، لحد ما ظهر المشهد المرعب: سيخ حديد قريب من الشريان الأبهر بأجزاء من المليمتر! أي حركة غلط بـ 1 ملي معناها تمزق الشريان وموت الطفل في ثواني!
عمر بهمس ورعب:
— السيخ ملامس لغلاف القلب يا آدم.. دي معجزة إنه لسه عايش! هنطلعه إزاي من غير ما النزيف يغرق الدنيا ويوقف القلب بجد مستحيل ؟!
آدم بعيون ثابتة وتركيز مذهل:
— اهدي يا دكتور عمر مفيش وقت و هات الملقط الشرياني والشفاط الخفيف.. العظمة دي هتشال بحذر. أنا هعمل تثبيت يدوي للوعاء قبل ما نسحب جسم السيخ.
ثبت آدم أطراف صوابعه بثبات عجيب جوة جسم الطفل، متحمكاً في تدفق الدم بلمسة إيده الحساسة. كانت نقط العرق بتتجمع على جبينه، والممرضة بتمسحها بالقطن.
آدم بصوت حاسم:
— عمر.. على عد تلاتة.. هرفع السيخ بملامسة زاوية 45 درجة، وانت حط الغرزة الشريانية فوراً! جاهز؟ 1.. 2.. 3!
بسحبة إيد واحدة مليانة خبرة ودقة، طلع آدم الجسم الغريب من غير ما يخدش الجدار الخارجي للشريان الرئيسي! وفي أقل من 5 ثواني، حط الغرزة الجراحية وقفل النزيف بتناغم أذهل كل الأطباء والممرضين!
بدأ صوت جهاز القلب يستقر: 110/70.. ونبضات الطفل ترجع لانتظامها!
طبيب التخدير بتنهيدة ارتياح وذهول:
— الله أكبر عليك يا دكتور آدم! الضغط استقر والنبض منتظم.. انت أنقذت حياة الولد من موت محقق!
تنفس دكتور عمر الصعداء وقال بإعجاب شديد:
— طول عمرك أستاذ وجراح عالمي يا آدم.. الثبات ده مش عند حد!
ابتسم آدم من تحت الكمامة بوقار، وحمد ربنا في سره: "الحمد لله الذي بنعمته تتم الصالحات".
في الصباح الباكر، صحيت حبيبة، وعملت الفطار ونزلت تطمن مع الخالة سعاد. كانت عينيها على الباب تستنى رجوع آدم أو أي خبر عن العملية.
على الساعة تسعة الصبح، رجعت حبيبة للكلية عشان تكمل مناقشة بعض المراجع مع دكتور فهمي. وهناك في الممر، كان الأطباء والطلبة بيتكلموا بإعجاب شديد!
دكتور فهمي لحبيبة أول ما شافت:
— أهلاً يا دكتورة حبيبة.. سمعتي اللي حصل النهاردة الفجر في المركز الطبي الخاص بدكتور آدم؟
حبيبة بشغف وقلق:
— لا يا دكتور.مسمعتش . هو نزل الفجر لحالة طوارئ، بس طمني يا دكتور الحالة عامله إيه في حاجه حصلت يعني ؟
فهمي بابتسامة فخر وإعجاب:
— الحالة زي الفل! دكتور آدم عمل معجزة جراحية معقدة جداً لنزع جسم غريب جنب الأورطي لطفل صغير! الدكاترة في المستشفى كلهم بيتكلموا عن الدقة والهدوء العجيب اللي أدار بيه الجراحة.. آدم ده مش مجرد طبيب شاطر، ده أستاذ مالوش مثيل!
حسيت حبيبة بموجة عارمة من الفخر والاعتزاز مالت قلبها! كانت بتسمع عن شطارة جوزها في الجراحة زمان، بس إنها تسمعها النهاردة من الدكتور فهمي بكل السعاده دي والانبهار وهو بيثبت كفاءته وبينقذ روح طفل، خلي نظرتها ليه تتغير تماماً من مجرد زوج مُجبر لقيمة طبية وإنسانية بتحترمها وتنجذب ليها بجد.
خرجت وكان اغلب الناس اللي عرفت انها زوجه ادم السوهاجي دكتور الصدر والقلب بيهنوها باللي سمعوه وأنه قدر ينقذ طفل
كان بالنسبه لحبيبه وادم أن ده شغله ودي وظيفته ومهنته اللي واجب عليه هو معملتش اكتر من واجبه بس لما تكون موهوب حقك تلاقي تقدير يليق بيك وده اللي شافته حبيبه في عيون المل انبهار بموهبت ادم وثقته الجباره.
رجعت حبيبة للمنزل ظهراً، بعد لما كلمتها خالتها ومعرفتها أنها اخدت البنات وراحت عند عايده وهيقعدو معاها انهارده وهتيجي بالليل
دخلت حبيبه وهي سعيده لقت الشقة هادية جداً. دخلت الصالة، لقت آدم قاعد على الكنبة، ساندا راسه لورا ومغمض عينيه من كتر التعب والإرهاق بعد العملية الطويلة.
قربت حبيبة بخطوات هادية جداً عشان متصحيهوش، وبصت لملامحه الهادية والمجهدة، وإيديه اللي أنقذت حياة طفل من ساعات. وان ازي قدر يوصل مرحله النجاح والثقه دي واتمنت انها توصل لمستواه
وفجأة، فتح آدم عينيه عشان يلاقيها واقفة قدامه وبتبص له بدفء وعينين بتلمع بالإعجاب!
آدم بصوت مبحوح من التعب:
— حبيبة.. انتي جيتي؟
حبيبة بابتسامة صافية وصوت حنون:
— حمد الله على سلامة الطفل يا آدم.. وتبارك الله على إيدك اللي تتلف في حرير! أنا عرفت في الكلية باللي عملته الفجر.. بجد مصر كلها لازم تفخر بدكتور جراح زيك!الكليه كلها ملهاش غير اللي حصل في المركز وازي انت أنقذت الطفل من موت محقق طبعا بعد اراده ربنا ...
ابتسم آدم بذهول ودخل دفء غريب في صدره، وبص في عينيها وقال:
— دعواتك هي اللي كانت السر يا حبيبة.. تسلميلي.
وقفت القلوب عند اللحظة دي، بتعلن بداية عهد جديد بينهما كله احترام وتقارب حقيقي.
عند ....عايده كانت وصلت سعاد بالبنات
عايده .....شرفتي يا سعاد ايه جايه علشان تصلحيني ولا علشان تقولي اني غلط
سعاد....عايده انا اختك اه وانتي نفسك عارفه انك غلط يبقي متذوديش في الحوار انتي كنتي عايزه ايه يعني طيب بنتك مصعبتش عليكي بعد تعبها ده كله وبعدين مش كفايه اللي عملناه فيها زمان ايه يا شيخه اتقي الله
عايده.....بتتكلمي علي ايه مش فاهمه .
سعاد.... عايده بلاش انا ...اومال لو مكنتش حاضرة كل حاجه وعلشانك سكت علشان خاطر حنين كنتي قولتي ايه سبيها بقي تعيش حياتها اللي احنا سرقناها منها ..
عايده....وتذكرت ما فعلته ونزلت دموعها ..،كنتي عايزاني اعمل ايه يعني انتي نفسك عارفه ليه سكت
سعاد....يبقي تكملي سكات بقي علشان حتي ربنا يسامحنا علي اللي حصل
عايده....تفتكري ربنا هيسامحني يا سعاد اديكي شوفتي عقاب ربنا ليا حرمني من حنين
سعاد.....بتأثر ده عمرها وبعدين ما أنا كمان اهو هنا هربت مني بعد اللي حصل وحتي لما كانت بتنزل اجازه بتقعد اسبوعين وترجع تاني حتي جوزها مبيرضاش يجي معاها يبقي ندعيلهم ربنا يسعدهم ويسامحنا بقي
عايده...،يا رب يا سعاد ويرحم حنين
سعاد..... اللهم امين