رواية اقدار مكبلة الفصل السادس6بقلم فادية النجار

اللهم صلي على سيدنا محمد وعلى اصحاب سيدنا محمد وسلم تسليما كثيرا 

نظر ادم لها بارهاق وقال طيب انا ممكن اطلب منك طلب 

حبيبه... بلهفه اكيد يا دكتور ادم حضرتك تومر 

ادم... لا يا ستي مفيش اوامر ولا حاجة عايز فنجان قهوه بس لان حاسس دماغي واجعاني وبعدين ياريت بلاش دكتور ادم دي اعتبري بقينا اصحاب يعني خلي البساط احمدي يعني انا اقولك يا حبيبه وانتي تقوليلي يا دكتور ادم برضو 

ضحكت حبيبه بصوت عالي نوعا ما علي هزاره التي لاول مره تراه وقالت خلاص يا دكتور ادم تمام هعملك القهوه 

ضحك ادم علي ضحكها وقال ماشي يا حبيبه  وانا مستني 

دخلت حبيبه المطبخ وكانت مبسوطه بعلاقتها هي وادم اللي حصل فيها  اقتراب بينهم وبين بعض 

عملت فنجان القهوه وخرجت لقيته قاعد وهو بيدلك دماغه 

حبيبه.... ادم. 

نظر...ادم علي حبيبه وهي تحمل فنجان القهوه 

ادم.... شكرا يا حبيبه مش هتصدقي جيه في وقته ازي  دماغي هتنفجر ازي 

حبيبه... بالف هنا علي قلبك 

شرب ادم القهوه ووجد فيها طعم جميل غير المعتاد عليه وعجبه وقال بجد القهوه جميله تسلم ايدك 

حبيبه ....تسلم بالف هنا 

ظلت الحياه علي هذا المنوال في المنزل وروتينه بحته طبعا مع العلم بان ادم ابتدا يتعود علي وجود حبيبه في المنزل من اقل تفاصيله فمثلا كل يوم عيلته بتكبر من السعاده واللمه وده كان واضح علي وجوه اطفاله ووالدته وحس انها مش عادت حياه مغصوب عليها زي الاول لا بالعكس عاد شايف فيها المستقبل ده في البيت والبنات بس يعتبر اتعود علي وجودها في كل جزء 

بس وهو مره داخل البيت سمع امه وهي بتقولها يا حبيبتي اكيد هانيجي انا والبنات بكره ده اسمه كلام استحاله نسيبك في موقف زي ده بس ليه مقولتيش لادم انك هتناقشي الرساله بكره 

حبيبه... خوفت يكون مشغول وبعدين انتي عارفه شغل المركز ومش عايزه اعطله هي خافت انه يرفض او ميجيش فبكده هتزعل فقررت انها مش هتقوله علشان متعشمش نفسها بحاجه وترجع تتكسر او تنجرح من رده 

ادم.... حمحم..... كانه لسه جاي ومسمعش حاجه...من الكلام اللي فهم منه أن حبيبه نتناقش الرساله بكره 

ادم... السلام عليكم ورحمة الله وبركاتة

الجميع.... وعليكم السلام ورحمة الله وبركاتة 

. سعاد... حمد لله علي سلامتك يا حبيبي

ادم.... الله يسلمك يا امي ايه اخباركو 

سعاد... الحمدلله كويسين يابني  وقاعدين اهو بنحكي مع بعض اه صحيح انت عندك شغل بكره 

انتظرت حبيبه اجابته علي احر من الجمر. 

. 

ادم.... بهدوء  وثبات اه عندي عمليات كتير خير في حاجة عايزنها يعني 

حبيبه... بخيبه امل هزت دماغها بلا  وقالت بغضه شكرا .

سعاد... صعبت عليها حبيبه وقالت لا يا حبيبي عايزنك سالم يلا يا حبيبه علشان نجهز الاكل 

حبيبه... تمام يا خالتو 

دخلو المطبخ وقالت سعاد متزعليش نفسك يا حبيبتي انتي ممكن تقوليله 

حبيبه....بلاش يا خالتو انتي شوفتي أنه عنده عمليات وخلاص بقي ملوش لازمه نعطله 

سعاد....يابنتي ما يمكن ياجل العمليات 

حبيبه ....اكيد لا يا خالتو انتي عارفه أن ادم مبيلغيش عمليات نهائي وخلاص بقي متشغليش بالك بقي 

وجهزو الاكل وخرجو 

وخرجو قعدو علي السفره بس حبيبه ظهر عليها العبوس بس حاولت متنبينش بس النور اللي في وشها نطفي من كلمه ادم انه مش فاضي بكره  وحاسه أنها ممكن منقدرش تقدم رسالتها بطريقه كويسه 

... 

بعد الاكل استاذنت الخاله ونزلت تحت  

ادم.....وهو ينظر علي حبيبه وقال. بهدوء مالك يا حبيبه في حاجة مزعلاكي 

حبيبه... لا خالص يا ادم بس نعسانه هروح انام تصبح علي جنه 

ادم.... وانتي من ناسها يا حبيبه 

ادم رن علي عمر بعد دخول حبيبه وقاله عندنا عمليات ايه بكره 

عمر عندنا واحده بس قلب مفتوح  يعني احتمال نفضل فوق السبع سعات بس غريبه بتسال ليه في حاجه حصلت 

ادم... بتفكير ،، لا مفيش مشكله . وقال بعدما حسم امره.. طيب جهز العمليه الساعه اربعه الفجر هنعملها 

عمر... بشهقه انت بتقول ايه يا آدم ليه يابني التعب ده ماهي متحدد ليها بكره الساعه عشره الصبح اشمعنا الفجر يعني ده حتي دكتور التخدير متبلغ علي المعاد ومدي اوكيه 

ادم... عمر انا بقولك يا تحضر زي ما قولت يا تاجلها لبعد بكره ده اللي عندي لاني مش فاضي بكره الساعه عشر 

عمر... في ايه يا ادم احنا اصحاب لو في مشكله ولا  حاجة قولي وانا اساعدك طيب 

ادم..... لا يا عمر مفيش اي مشكله بس حبيبه بكره عندها مناقشه رساله وانا لازم اكون جنبها وعلشان كده بقولك قدم معاد العمليه فمهتني  بقي 

عمر... حقك يا صاحبي  متزعلش مني كده انا فهمت تمام هبلغ دكتور التخدير واخليهم يجهزو غرفه العمليات وان شاءلله زي ما انت امرت  وان شاء الله بالتوفيق 

ادم... متشكر يا عمر تسلملي يا صاحبي 

أما حبيبه دخلت وتوضاءت وظلت تدعو الله أن يجبرها ويثبتها وتقدم افضل ما عندها وقامت راجعه من الرساله اخر الأجزاء ونامت وهي تدعو الله 

في صباح يوم جديد للجميع 

خرجت حبيبه من غرفتها وهي تتمني ان تكون الحياه ميسره لها اليوم وتتوفق في 

مشروع التخرج  ويسير لها الحال خرجت تبحث علي ادم حتي تخبره من باب العلم بشي واتمني في نفسها ان ياتي معاها  ولكن بحثت عنه كثيرا وجدته غير موجود  و مفاتيحه 

حبيبه.... مشي يعني مش هشوفه قبل ما اروح الجامعه يلا الله يسهله 

دخلت غرفه البنات وقامت بتجهيزهم ورنت علي والداتها حتي  تخبرها ان تاتي معها اليوم 

عايده...... لسه فاكره ان ليكي ام يا حبيبه 

حبيبه.  ..... كلام ايه ده يا ماما انتي عارفه انك تاج علي راسي بس كنت مشغوله لاني هروح اناقش الرساله زي ما حضرتك عارفه ايه مش هتكوني معايا النهارده كمان  وقالت  بنبره حزينه  هتسبيني لوحدي النهارده 

.

عايده....  بحمد نوعا ما  حتي تثبت أنها علي صح ضد رغبه حبيبه ...انتي كنتي عارفه راي وانا طلبت منك انك تاخدي بالك من عيال اختك وانك  تسيبي بقي الدراسه وتهتمي بانك بقيتي زوجه وام يعني الاولي ليكي بيتك اعرفي ده كويس  يا حبيبه 

حبيبه... يا امي انا دكتوره يعني ليا اولويات كتير اه البيت  والبنات طبعا اهم حاجة بس علمي ودراستي برضو مهمه يا امي وبعدين احنا قفلنا الكلام في الموضوع وانا عايزاكي تكوني معايا النهارده يا امي  واكملت بكسره بس لو حضرتك مش عايزه تيجي براحتك مش هغصبك مع اني كان نفسي تكوني جنبي 

عايده.... صعبت حبيبه علي عايده فهي ابنتها الحنونه التي تبدي الجميع علي نفسها وبقلب ام قالت اكيد يا حبيبه هكون معاكي يا حبيبتي  وان شاء الله ربنا يوفقك يا روح قلبي 

ضحكت حبيبه وقالت بحبك يا دودو 

عايده... وانا كمان يا قلب دودو  هقابلك في الجامعه سلام بقي أما اروح اتجهز علشان اشرفك 

ضحكت حبيبه وقالت ماشي يا دودو بسلامه و قفت هي الأخري حتي تتجهز هي والبنات وتأخذ كل أوراقها .

تجهزت حبيبه ولبست بدله كلاسيكي وكان كل شي في افضل حال واخذت كل اوراقها وهي تدعو الله ان يوفقها في امرها 

نزلت مع خالتها التي كانت تدعو لها 

سعاد... يا حبيبتي ربنا يوفقك بس مش كنا قولنا لادم 

.. 

حبيبه.... ان شاءلله خير يا خالتو وبعدين حتي لما قررت اقوله صحيت لقيته مش موجود شكله صحي بدري ومشي يعني مشفتوش  بس الله يعينه  اكيد عنده شغل 

وصلت الجامعه وكان جميع الدكاتره موجودين والجميع مترقب المناقشه جاءت والدتها وقالت متاخرتش صح 

. 

حبيبه... سلمت عليها وقالت لا يا حبيبتي متاخرتيش  لسه مبادناش 

نظره عايده نظره تفقديه ولم تجد ادم معهم هل تسكت لا والله 

عايده... اومال فين ادم مجاش معاكو يعني 

. 

جاءت سعاد  ان ترد ولكن قالت حبيبه... ادم عنده عمليات يا ماما يعني حياه ناس بين ايده وبعدين الله يخليكي متوترنيش 

سعاد... اهدي يا عايده الله يخليكي وتعالي نقعد بالبنات وهي تروح تشوف هتعمل ايه 

عايده  بتزمر. مشيت وقالت ماشي يا سعاد يلا يا اختي تروح نقعد قال  يعني انا اللي هوترها 

سعاد  .... تعالي بس وسحبتها من يديها 

مشيو بعيد هم والبنات  ووقفت حبيبه تتمني ان ياتي ادم ويتواصل معها وفكرت ان تتصل عليه قبل بدا المناقشة 

مسكت التليفون وقالت هرن عليه واقوله واللي يحصل يحصل 

رنت اول مره دخلت الممرضه العمليات علي ادم 

الممرضه.... تليفونك الخاص بيرن يا دكتور 

ادم.... وعندما راي اسم حبيبه قال افتحي الخط وحطيه علي السبيكر 

حبيبه... ازيك يا ادم مشيت بدري في حاجة  كنت عايزه اقولك على حاجه 

ادم... لا بس انا في العمليات معايا جراحه عايزه  تقولي ايه  انتي كويسه يا حبيبه 

حبيبه... بتراجع انا اسفه مكنتش اعرف الله يصلح بين ايدك لا مفيش حاجه مهمه 

ادم.... اللهم امين بس ليه حاسس انك عايزه تقولي حاجة انتي كويسه والبنات كويسين 

حبيبه... اه الحمدلله كلنا كويسين  ولا مفيش حاجه صدقني وقالت طيب الله يعينك بقي هقفل انا 

ادم....ماشي يا ستي وعلي العموم .هقولك زي ما انتي بتقولي دايما  ربنا يصلح ما بين ايدك انتي كمان  يا حبيبه 

حبيبه... شكرا يا ادم 

حبيبه.... استغربت حبيبه دعاء ادم لها وقالت اللهم آمين  وكان كلامه ودعائه  دافع نوعا ما بالنسبه لها في عدم وجوده 

اما بالنسبه لادم قال لعمر انا خلصت قفل انت بقي لاني لازم امشي 

عمر... اكبد يا صاحبي معلشي اتاخرت بسببنا 

ادم... ان شاءلله اوصل قبل ما تبدا بس  علشان شكلها متوتره 

عمر.... ان شاءلله يا صاحبي  هتلحق 

خرج ادم يجري بعدما خرج من العمليات وذهب الي غرفته واخرج بدله انيقه وقام بلبسها وخرج من المركز واخذ سيارته وساق بسرعه حتي يوصل 

في الجامعه 

صعد الدكتور فهمي علي المنصه وقال السلام عليكم ورحمه الله وبركاته عليكم جميعا  النهارده هناقش رساله الماجستير الخاصه بالدكتوره  حبيبه الدالي في مجال ذراعه الكبد 

اتفضلي يا دكتوره 

. 

صعدت حبيبه علي المنصه وكان قلبها سوف يخرج من مكانه ودقاته حاسه ان الكل سامع صوته 

وضعت اوراقها علي المنصه ومسكت بايدها اطراف بدلتها كانها تستمد منها القوه

نظرت الي امها وخالتها والصغيرتان اللي كانو بيبصو بفخر ليها وهما اصلا مش فاهمين حاجه بس جواهم شعور أن في حدث عظيم بيتم أما بالنسبه لحبيبه كانت عينيها بتبص في كل الارجاء تبحث عن عيون ادم فقط الان حتي تتشجع ولكن تذكرت انه في العمليات  خاب املها ولكن دعت الله ان يكون بجانبها 

الدكتور فهمي... بسم الله نبدا يا دكتوره اتفضلو يا دكاتره 

الدكتور سالم..... اتفضلي يا دكتوره اشرحي بحث طرق مكافحه فيروسات الكبد بعد عمليه الزراعة بالاجهزة الحديثه  وكيفيه تشخيص الطرق للعلاج 

ابتدات حبيبه باسترسال في بحثها وكيفيه تشخيص البروتوكولات الحديثة لمكافحة ارتداد فيروسات الكبد بعد عمليات الزراعة ورفع معدلات الاستجابة المناعية"

بسم الله الرحمن الرحيم، أساتذتي الأفاضل، الحضور الكرام..تُعد عملية زراعة الكبد هي الخيار الأخير والأمل الوحيد لمبتلَى تليف الكبد المتقدم. ولكن، تظل العقبة الأكبر التي تواجه الجراحين بعد نجاح العملية هي ..خطر عودة الفيروسات الكبدية (خاصة فيروس B و C) للفتك بالعضو المزروع الجديد...أو حدوث رفض مناعي للجسم لهذا العضو....هدف بحثي اليوم هو تقديم استراتيجية علاجيّة مبتكرة تدمج بين المضادات الفيروسية حديثة الجيل ومثبطات المناعة الذكية للحد من هذه المخاطر بعد ذراعه الكبد ...

ظلت حبيبه تسترسل بحثها وتشرح النقط ولكن في نص الرساله وقع عيونها علي الذي قد اتي وينظر لها بفخر وهو يقف بعيد  ويضع يده في جيبه ويقف بثقه وثبات ويشاهدها 

حبيبه... افتكرت انها تتوهم ولكن ركزت وعلمت انه حقيقه وهو بيقول بهمس ويشاور بيده  كملي برافو عليكي  لذلك  ظلت تشرح حبيبه بقوه وكانه جاء اعطي لها دعم حقيقي كانت تنتظره وهو ينظر لها بفخر عميق من موهبتها وشرحها حتي انتهت بعد مرور حدود ساعه ونصف والدكاتر تسال وهي تحاول بطريقه مبسطه وسالسه والجميع مبهور برودودها 

الدكتور فهمي مع بقيت الدكاتر الذين كانو فخورين بها وببحثها وقفة للمناقشة بينهم وهي تنظر إليهم بخوف شديد ولكن رأت 

الدكتور.. سالم وقف وأمسك الميكروفون وقال بعد تدوال بين لجنه الاعضاء قررنا نحن منحه درجه الماجستير بامتياز  لدكتوره حبيبه الدالي مع توصيه بطباعه الرساله وتداولها بين الجامعات الف مبروك يا دكتوره حبيبه فعلا مصر ولاده 

صفق الجميع في القاعه وارتسمت الفرحه علي وجوه الجميع ونظر الدكتور سالم وقال الف مبروك يا دكتوره 

حبيبه تسلم يا دكتور الشرف ليا اني كنت تلميذه لحضراتكو 

فهمي... الف مليون مبروك يا دكتور حبيبه فعلا انتي تستاهلي كل خير 

حبيبه... شكرا يا دكتور فهمي بجد مش عارفه اشكر حضرتك ازي علي تعبك معايا تسلم 

فهمي..... انتي اللي متفوقه يا دكتوره وده بذره من مجهودك وتعبك وشغفك بالطب ان شاءلله تكوني افضل دكتوره في العالم 

حبيبه... بجد شكرا يا دكتور 

اقتربت امها وخالتها والبنات اللي جريو عليها وهما مش فاهمين في اي بس حاسين بان في حاجة عظيمه بتحصل و لازم يفتخرو بيها  من تصفيق الجميع لها 

حبيبه... جلست علي الارض امام البنات واخذتهم في احضانها وقالت بحبكو 

لين.... شاطوره يا احسن بيبه 

حبيبه ....قلب بيبه والله ماتحرمش منك ابدا 

سعاد....مبروك يا بنتي ربنا يعلي من شأنك ويسعد قلبك 

حبيبه....شكرا يا خالتو 

عايده.....وهي تحتضنها وتبكي مبروك يا حبيبه ربنا كرمك ورفعتي راسنا يا بنتي 

حبيبه.... الله يبارك فيكي يا دودو متعيطيش بقي لاني هعيط انا كمان والله 

اقترب ادم وهو يمشي كالملك 

ادم.... مبروك يا نبغه بجد انتي هايله يا حبيبه خلاص انا همضي معاكي عقد احتقار للمركز ده مفيش كلام 

. ضحك الجميع وقالت سعاد... انت جيت ازي 

ادم... وانا كان ينفع اسيب حدث عظيم زي ده يروح مني تبقي عيب في حقي يا والدتي وبعدين قال بهمس لحبيبه وبعدين حتي علشان فنجان القهوه اللي انتي بتعمليه ده عامل زي السحر يا صحبتي  بس تعرفي كنت هزعل لو ما عرفته ولحقت احضر 

ضحكت حبيبه علي مزاحه وهمسه وشعرت بمشاعر جميله بين بعضهم 

حبيبه....فرحت بجيتك صدقني 

أما بعيد كان يقف معتز وهو يغلي من الغيظ وقرر أن يقترب وهو يقول إن ما قلبت سعادتكو دي حزن مبقاش أن معتز 

..،،،،،ماذا سوف يحصل دعونا نري

                 الفصل السابع من هنا