رواية ديون النبض
الفصل التاسع والعشرون29
بقلم مروة صياح
بعد يومين من انشغالي بالمذاكرة، بدأت امتحاناتي، لكن عقلي كان مشغول بمجد، وخصوصًا إننا اتعلقنا ببعض أكتر، رغم إني المفروض أبعد عنه زي ما وعدت د. جيهان.
لكن مجد كان بيقرب من روحي أكتر، وحرفيًا ما بقيتش قادرة أبعد عنه. وهو كمان بقى بيقصر كتير في شغله بسببي، لكنه ما كانش بيقول لي. كان دايمًا يقول لي إنه خلص شغله بدري، ويفضل جنبي يراجع معايا، خصوصًا إني كنت قلقة من قسم الطب النفسي بعد اللي حصل لي مع المريض النفسي وقتها.
لكن كل ما كنت أفتكر إنه هو اللي أنقذني منه وطمني، كنت بحس براحة غريبة.
عدت الأيام، وامتحان يجيب امتحان، وخلال الفترة دي كان د. سمير بيراقب علينا في أوقات كتير.
لاحظت اهتمامه بيا بشكل واضح، وكنت بحرج من اهتمامه الزايد بالشكل ده. علشان كده كنت بتجنب قربه، وأبعد كل ما ألاقيه في المكان اللي أنا موجودة فيه.
وفي مرة، أثناء الامتحان النظري، كنت مركزة في ورقة إجاباتي، وفجأة لقيت د. سمير واقف قدامي، ومركز معايا جدًا ومع إجاباتي.
رفعت عيني، لقيته بيبتسم لي.
وعد: في حاجة يا دكتور؟
د. سمير: لا يا دكتورة وعد، كمّلي.
وطيت راسي وأنا مستغربة وقوفه قدامي بالشكل ده، وفجأة سمعته بيقول:
د. سمير: ما شاء الله عليكِ يا دكتورة وعد، إجاباتك نموذجية.
سكت، وما كنتش عارفة أرد عليه. لكن اللي استغربته أكتر إنه بعد ثواني، قعد جنبي على المقعد اللي كنت قاعدة عليه.
كنت حاسة إني متضايقة من تصرفه ده ومن اهتمامه الزايد بيا، لكن ما كنتش عارفة أعمل إيه، خصوصًا إني كنت بتعامل معاه في أضيق الحدود.
في الوقت ده، دخل د. مجد مدرج الامتحانات.
كنت مندمجة في إجاباتي، وما كنتش مركزة في أي تفاصيل حواليا، لكن مجد شاف د. سمير وهو قاعد جنبي وباصص عليا.
خلصت الامتحان، وما كنتش أعرف إن د. مجد عدى عليا وشاف الموقف.
مسكت تليفوني علشان أرن على مجد، لأنه كان قايلي لما أخلص امتحاني، زي ما متعودين، أرن عليه وأطمنه عليا، وبعد كده أقابله وأشوفه.
لكن فجأة، لقيت د. جيهان قدامي.
د. جيهان: وعد، عايزاكي.
بصيت لها، ولفيت وشي الناحية التانية، كنت عايزة أهرب منها.
د. جيهان: هو ده اتفاقنا يا وعد؟
وعد: دكتورة، حضرتك عايزة إيه مني بالضبط؟ أنا مش عايزة أشغل بالي بأي حاجة، وحضرتك عارفة إنها فترة امتحانات.
سكتت لحظة، وبعدها قالت:
د. جيهان: وعد، مستنياكي في مكتبي.
وسابتني ومشيت.
في اللحظة دي، ما بقيتش عارفة أعمل إيه ولا أتصرف إزاي. بعد ما كنت أخدت قرار بيني وبين نفسي، رغم كل التردد اللي جوايا، إني مش هسيب مجد، كان إصرار د. جيهان بيرعبني.
وفجأة، تليفوني رن. لقيت مجد بيتصل بيا.
مجد: وعد، إنتِ فين؟
سكت شوية، وبعدها رديت:
وعد: لسه خارجة حالًا من المدرج، بس احتمال أتأخر عليك.
مجد: ليه؟ إنتِ رايحة فين؟
وعد: أبدًا، قاعدة مع أصحابي شوية.
سكت، وبعدها قال:
مجد: لا، أنا عايزك.
وعد: هخلص مع أصحابي وأجيلك.
اتكلم بحدة شوية وقال:
مجد: وقلت لك لأ يا وعد، أنا عايزك دلوقتي، بعد إذنك.
قفلت معاه وتحركت ناحيته.
كان مستنيني في حجرة الكشف، وأول ما وصلت، كان واضح عليه إنه متضايق.
وعد: في إيه؟
بص لي وابتسم في الأول، وبعدها سألني:
مجد: عملتي إيه في الامتحان؟
هزيت راسي وقلت له:
وعد: الحمد لله. ممكن أفهم مالك؟
لف وشه الناحية التانية، وقال:
مجد: د. سمير كان قاعد جنبك بيعمل إيه؟
بصيت له بذهول.
وعد: د. سمير؟!
هزيت راسي وقلت له:
وعد: ما أعرفش، ما كنتش مركزة في أي حاجة.
بص لي مجد وقال:
مجد: وعد، إحنا لازم نتجوز على طول.
سكت.
وعد: في إيه يا مجد؟ أنا عايزة أفهم بالضبط!
مجد: من غير حاجة، بس بعد إذنك، مش هينفع نأخر جوازنا أكتر من كده.
وعد: وأنا قلت لك إني مش مستعدة دلوقتي.
سكت لحظة، وبعدها قال:
مجد: لازم كل اللي حوالينا يعرفوا إن إحنا مرتبطين. لازم موضوعنا يكون رسمي يا وعد.
فضلّيت ساكتة شوية، وبعدها سألته:
وعد: إنت تقصد إيه بالضبط؟ تقصد مين من اللي حوالينا؟
كنت فاهمة إنه يقصد د. سمير، لكنه كان حريص إنه ما ينطقش اسمه قدامي.
مجد كان ملاحظ من فترة نظرات د. سمير ليا واهتمامه بيا، لكنه ما كانش بيرضى يتكلم معايا في الموضوع علشان ما يضايقنيش. لكن موقف النهارده، لما شافه قاعد جنبي، ضايقه جدًا.
كان عايز يحط النقط على الحروف، ويخلي الكل يعرف إن أنا مرتبطة بيه، علشان محدش يفكر فيا أو يحاول يقرب مني.
في اللحظة دي، تليفوني رن تاني. لقيت د. جيهان بتتصل بيا.
بصيت لمجد وقلت له:
وعد: مجد، بعد إذنك، أنا اتفقت مع أصحابي إني هقعد معاهم شوية، وهنراجع حاجات مع بعض.
بص لي وقال:
مجد: خلصي، وأنا مستنيكي.
اترددت شوية، وبعدها قلت له:
وعد: مجد، إنت بقالك فترة مقصر في شغلك، وأنا حاسة بكده. إنت فعلًا بتخلص بدري؟
سكت وما ردش عليا.
تليفوني رن مرة تانية، فقمت من مكاني وقلت له:
وعد: هشوفك في البيت.
بص لي وقال:
مجد: هستناكي يا وعد.
وبعدها ناداني قبل ما أخرج:
مجد: وعد، عايز أخرج معاكي. ممكن نتغدى سوا النهارده لوحدنا؟
بصيت له وسكت.
وعد: امتحاناتي يا مجد.
مجد: وعد، لسه قدامك يومين علي الماده. ممكن النهارده تكوني موجودة معايا؟ حاسس إني محتاجلك قوي.
بصيت له، وما قدرتش أرفض، فهزيت راسي وقلت له:
وعد: حاضر.
خرجت من عنده واتجهت لمكتب د. جيهان. كان نفسي أهرب منها، لكن ما كنتش عارفة أعمل إيه.
خبطت على الباب ودخلت.
أول ما شافتني، قالت:
د. جيهان: اقعدي يا وعد. هو ده اللي إحنا اتفقنا عليه يا وعد؟
هزيت راسي، وقلت لها بصوت مليان تعب:
وعد: مش قادرة يا دكتورة. حضرتك بتطلبي مني حاجة مستحيلة. أنا كده بقتله، وبقتل نفسي معاه. هو قادر يبني نفسه، وقادر يعمل اللي هو عايزه..... وأنا لو اتنازلت دلوقتي، مش هسامح نفسي.
بصت لي د. جيهان، وقالت:
د. جيهان: اسمعيني يا وعد. أنا ما كنتش راضية أقولك كل حاجة، بس صدقيني، بيكي أو من غيرك، مجد هيتجوز سارة. ما بقاش فيه اختيار خلاص.
بصيت لها بصدمة.
وعد: يعني إيه؟!
د. جيهان: يعني كلها شهور معدودة، ومجد هيسافر. هيسيب مصر وهيقعد خمس سنين علشان شغله ودراسته. لكن اللي إنتِ ما تعرفيهوش إن فعلًا خلاص، مستقبله متوقف على سارة، مش عليا أنا.
بصيت لها، وبدأت الدموع تنزل من عيني.
وعد: وأنا قلت لك إني مش قادرة! إنتِ إزاي مش قادرة تفهمي؟!
فضلت د. جيهان باصة لي، وبعدها قالت بحسم:
د. جيهان: وعد، لو ما كانش قرارك إنتِ دلوقتي، صدقيني هتتجبري عليه، إنتِ وهو. ما بقاش بمزاجنا خلاص.
ديون النبض
بقلم الكاتبة مروة صياح

كملت د. جيهان كلامها معايا وقالت:
د. جيهان: إنتِ مش ملاحظة إن مجد بقاله فترة مش مشغول زي الأول؟ ما سألتيش نفسك ليه بقى فاضي شوية؟ لأنه بدأ يسيب كل حاجة، ومع الوقت مش هيبقى عنده غير شغله في المستشفى الجامعي، حتى ما عنده عيادة خاصة.
سكتت لحظة، وبعدها كملت:
د. جيهان: لو إنتِ عايزة حياته تقف، ويبقى زي أي دكتور مش قادر يكمل دراسته بالمستوى اللي اتعود عليه، وكل حاجة بناها تضيع من إيده، فده قرارك.
لكن صدقيني يا وعد، أنا كل اللي بطلبه منك إنك تديه فرصة. لما يقف على رجليه ويقدر يحافظ على اللي بناه، يبقى على الأقل أخد حق تعبه وشقاه السنين اللي فاتت. كل ده هيروح هدر لو استمر بالشكل ده.
سكتُّ، وما عرفتش أرد عليها.
د. جيهان: صدقيني، أنا عارفة إنه بيحبك، بس اديله فرصة. إنتِ كمان لما تخلصي دراستك، هيبقى لسه قدامك سنتين تلاتة. خلصي دراستك، وخلال السنتين أو التلاتة دول هيكون استقر وبقى أحسن، ووقتها لو حب يرجع لك، أنا مش هعترض، وهقنع سارة كمان.
بصيت لها بصدمة من كلامها، وقلت لها:
وعد: إنتِ عايزة تبعديني عنه وتبعديه عني. تفتكري بعد سنتين تلاتة هيفكر فيا أصلًا؟
د. جيهان: لو حبكم بجد، مهما عدى سنين، أكيد مش هينساكي.
حسيت إني وصلت لمرحلة يأس من جديد، وكأن كل الأبواب بتتقفل في وشي، وأنا مش عارفة أعمل إيه.
وفجأة، الباب خبط.
د. جيهان: ادخل.
كان د. سمير.
أول ما شافني، ابتسم وقعد على الكرسي قصادي. كنت قبل ما يدخل مسحت دموعي بسرعة، وحاولت أبان طبيعية، لكن د. جيهان لاحظت حالتي.
د. جيهان: خلاص يا وعد، اتفضلي إنتِ، وياريت تفتكري اللي أنا قلت لك عليه.
بصيت لها، وقمت اتحركت ناحية الباب، لكن عيني د. سمير كانت متابعاني. د. جيهان أخدت بالها من اهتمامه بيا، وقررت تستغل الفرصة.
بعد ما خرجت، ابتسمت له وقالت:
د. جيهان: خير يا سمير؟ شايف عينيك مع د. وعد.
بصلها وقال:
د. سمير: وعد بنت متميزة ومختلفة عن البنات، وأنا من فترة معجب بيها والله يا دكتورة.
ضحكت وقالت له:
د. جيهان: وإيه اللي موقفك؟ لو إنت فعلًا شايف إنها بنت مناسبة ليك، ليه ما تتقدمش لها؟
سكت شوية، وبعدها قال:
د. سمير: كنت بفكر في كده فعلًا، بس قلت أستنى لما الامتحانات تخلص، وكمان لما تخلص سنة خامسة.
ردت عليه بسرعة:
د. جيهان: يا سمير، خير البر عاجله...
سكت لحظة، وبعدها قال:
د. سمير: على الأقل لازم أقرب منها وأحس إنها متقبلاني فعلًا.
ضحكت د. جيهان وقالت:
د. جيهان: خلاص، اللي أنا أعرفه إن الترم الجاي هتكون تحت إشرافك، على ما أعتقد.
د. سمير: آه يا دكتورة، أنا عارف.
د. جيهان: المهم، إنت كنت جاي ليه؟
وبعدها كمل كلامه معاها.
أما أنا، فبعد ما خرجت، فضلت واقفة في الطرقة شوية، مش قادرة أتحرك ولا أستوعب كل اللي بيحصل. وفي الآخر دخلت الحمام.
وقفت قدام المراية، وبصيت لنفسي وأنا حاسة إني خلاص مش قادرة أقاوم أكتر من كده.
كنت بحاول أتمسك بمجد، وبحبي ليه، وأدافع عن علاقتنا، لكن مش عارفة أعمل إيه.
كل ما أحاول أتمسك بيه، ألاقي قدامي كلام د. جيهان، ومستقبله اللي ممكن يضيعه علشاني.
وفجأة، تليفوني رن.
كان مجد.
رديت عليه.
وعد: أيوه يا مجد.
كان صوتي غريب شوية، فلاحظ على طول.
مجد: مالك يا وعد؟
حاولت أكون طبيعية وقلت له:
وعد: أبدًا، ما فيش حاجة.
مجد: إنتِ فين؟ لسه مع زميلتك؟
وعد: ممكن إنت ترجع البيت لو مستعجل، وأنا هبقى أرجع بعدين.
سكت لحظة، وبعدها قال:
مجد: وعد، مش هرجع. أنا وإنتِ هنكون مع بعض. قلت لك عايز أخرج معاكي.
أصر عليا، وما كانش قدامي غير إني أوافق.
وعد: حاضر، جاية لك.
قفلت معاه، وخرجت من الحمام وأنا ماشية في الطرقة، لكن المرة دي كان جوايا قرار أخدته بيني وبين نفسي.
خلاص يا مجد... ده آخر يوم هنخرج فيه مع بعض.
ما كانش قدامي حل تاني. د. جيهان مش هتسبني أقرب منك، ولا هتسيبك إنت كمان تقرب مني. هي خلاص أخدت قرارها، وهتجبرني عليه غصب عني.
لكن أول ما وصلت لحجرة العيادة، سمعت صوت مجد عالي شوية وهو بيتكلم في التليفون مع د. جيهان.
مجد: اعملي اللي إنتِ عايزاه. اعتبريني من هنا ورايح ما عنديش أي حاجة. أنا مش هروح المستشفى ولا هروح الشركة، من جامعتي للمستشفى الجامعي، ومش عايز أي حاجة تاني. حتى لو هبدأ من الصفر من جديد.
وقفت مكاني وأنا بسمع كلامه.
الكلام اللي قاله أكد لي كل اللي د. جيهان كانت بتحذرني منه، وإن مجد فعلًا مستعد يضحي بكل حاجة علشاني.
لكن بيني وبين نفسي، قلت:
لأ يا مجد، مش هينفع. لازم تكمل طريقك. مش هينفع تقف في النص، ومش بعد تعبك السنين اللي فاتت دي كلها تبدأ من الصفر من جديد.
في اللحظة دي، مجد كان قام من مكتبه بعد ما قفل المكالمة، وخرج من باب العيادة.
أول ما حسيت إنه قرب، اتظاهرت إني لسه جاية في الطريق.
ولما شافني، ابتسم وقال:
مجد: إيه اللي أخرك كده؟
هزيت راسي وقلت له:
وعد: أبدًا، أنا جيت على طول.
مسك إيدي وشبك دراعي في دراعه، وقال لي:
مجد: وعد، أنا عايز أنسى أي حاجة وأنا معاكي. عايز أنسى الشغل، وعايزك إنتِ كمان تنسي الامتحانات وتنسي كل حاجة. أنا مش عايز أشوف غير عيونك، ولا أسمع غير صوتك. عايز أفصل نفسي عن العالم اللي أنا فيه.
كان كلامه بالنسبة لي كأنه بيضغط على جرح جوايا، جرح بحاول أداريه عنه بكل قوتي.
هو كان شايف إن قربنا من بعض هو الراحة اللي محتاجها، وأنا كنت شايفة إن قربنا ممكن يكون السبب في ضياع مستقبله.
ومع ذلك، ما كانش قدامي غير إني أكون معاه.
كنت عايزة أعيش اليوم ده بكل تفاصيله، وأحتفظ بكل لحظة فيه، علشان يفضل ذكرى حلوة بيني وبينه.
ذكرى أختم بيها حبي ليه، قبل ما أضطر أسيبه وأبعد.
لكن الحقيقة إني ما كنتش عارفة هقدر أستحمل البُعد عنه إزاي، ولا هقدر أعيش من غيره بعد ما بقى جزء من روحي.
كل اللي كنت متأكدة منه إني أخدت قراري...
لازم أبعد عن مجد، حتى لو كان البُعد هو أكتر حاجة هتوجعني.
لكن مجد كان بيقرب من روحي أكتر، وحرفيًا ما بقيتش قادرة أبعد عنه. وهو كمان بقى بيقصر كتير في شغله بسببي، لكنه ما كانش بيقول لي. كان دايمًا يقول لي إنه خلص شغله بدري، ويفضل جنبي يراجع معايا، خصوصًا إني كنت قلقة من قسم الطب النفسي بعد اللي حصل لي مع المريض النفسي وقتها.
لكن كل ما كنت أفتكر إنه هو اللي أنقذني منه وطمني، كنت بحس براحة غريبة.
عدت الأيام، وامتحان يجيب امتحان، وخلال الفترة دي كان د. سمير بيراقب علينا في أوقات كتير.
لاحظت اهتمامه بيا بشكل واضح، وكنت بحرج من اهتمامه الزايد بالشكل ده. علشان كده كنت بتجنب قربه، وأبعد كل ما ألاقيه في المكان اللي أنا موجودة فيه.
وفي مرة، أثناء الامتحان النظري، كنت مركزة في ورقة إجاباتي، وفجأة لقيت د. سمير واقف قدامي، ومركز معايا جدًا ومع إجاباتي.
رفعت عيني، لقيته بيبتسم لي.
وعد: في حاجة يا دكتور؟
د. سمير: لا يا دكتورة وعد، كمّلي.
وطيت راسي وأنا مستغربة وقوفه قدامي بالشكل ده، وفجأة سمعته بيقول:
د. سمير: ما شاء الله عليكِ يا دكتورة وعد، إجاباتك نموذجية.
سكت، وما كنتش عارفة أرد عليه. لكن اللي استغربته أكتر إنه بعد ثواني، قعد جنبي على المقعد اللي كنت قاعدة عليه.
كنت حاسة إني متضايقة من تصرفه ده ومن اهتمامه الزايد بيا، لكن ما كنتش عارفة أعمل إيه، خصوصًا إني كنت بتعامل معاه في أضيق الحدود.
في الوقت ده، دخل د. مجد مدرج الامتحانات.
كنت مندمجة في إجاباتي، وما كنتش مركزة في أي تفاصيل حواليا، لكن مجد شاف د. سمير وهو قاعد جنبي وباصص عليا.
خلصت الامتحان، وما كنتش أعرف إن د. مجد عدى عليا وشاف الموقف.
مسكت تليفوني علشان أرن على مجد، لأنه كان قايلي لما أخلص امتحاني، زي ما متعودين، أرن عليه وأطمنه عليا، وبعد كده أقابله وأشوفه.
لكن فجأة، لقيت د. جيهان قدامي.
د. جيهان: وعد، عايزاكي.
بصيت لها، ولفيت وشي الناحية التانية، كنت عايزة أهرب منها.
د. جيهان: هو ده اتفاقنا يا وعد؟
وعد: دكتورة، حضرتك عايزة إيه مني بالضبط؟ أنا مش عايزة أشغل بالي بأي حاجة، وحضرتك عارفة إنها فترة امتحانات.
سكتت لحظة، وبعدها قالت:
د. جيهان: وعد، مستنياكي في مكتبي.
وسابتني ومشيت.
في اللحظة دي، ما بقيتش عارفة أعمل إيه ولا أتصرف إزاي. بعد ما كنت أخدت قرار بيني وبين نفسي، رغم كل التردد اللي جوايا، إني مش هسيب مجد، كان إصرار د. جيهان بيرعبني.
وفجأة، تليفوني رن. لقيت مجد بيتصل بيا.
مجد: وعد، إنتِ فين؟
سكت شوية، وبعدها رديت:
وعد: لسه خارجة حالًا من المدرج، بس احتمال أتأخر عليك.
مجد: ليه؟ إنتِ رايحة فين؟
وعد: أبدًا، قاعدة مع أصحابي شوية.
سكت، وبعدها قال:
مجد: لا، أنا عايزك.
وعد: هخلص مع أصحابي وأجيلك.
اتكلم بحدة شوية وقال:
مجد: وقلت لك لأ يا وعد، أنا عايزك دلوقتي، بعد إذنك.
قفلت معاه وتحركت ناحيته.
كان مستنيني في حجرة الكشف، وأول ما وصلت، كان واضح عليه إنه متضايق.
وعد: في إيه؟
بص لي وابتسم في الأول، وبعدها سألني:
مجد: عملتي إيه في الامتحان؟
هزيت راسي وقلت له:
وعد: الحمد لله. ممكن أفهم مالك؟
لف وشه الناحية التانية، وقال:
مجد: د. سمير كان قاعد جنبك بيعمل إيه؟
بصيت له بذهول.
وعد: د. سمير؟!
هزيت راسي وقلت له:
وعد: ما أعرفش، ما كنتش مركزة في أي حاجة.
بص لي مجد وقال:
مجد: وعد، إحنا لازم نتجوز على طول.
سكت.
وعد: في إيه يا مجد؟ أنا عايزة أفهم بالضبط!
مجد: من غير حاجة، بس بعد إذنك، مش هينفع نأخر جوازنا أكتر من كده.
وعد: وأنا قلت لك إني مش مستعدة دلوقتي.
سكت لحظة، وبعدها قال:
مجد: لازم كل اللي حوالينا يعرفوا إن إحنا مرتبطين. لازم موضوعنا يكون رسمي يا وعد.
فضلّيت ساكتة شوية، وبعدها سألته:
وعد: إنت تقصد إيه بالضبط؟ تقصد مين من اللي حوالينا؟
كنت فاهمة إنه يقصد د. سمير، لكنه كان حريص إنه ما ينطقش اسمه قدامي.
مجد كان ملاحظ من فترة نظرات د. سمير ليا واهتمامه بيا، لكنه ما كانش بيرضى يتكلم معايا في الموضوع علشان ما يضايقنيش. لكن موقف النهارده، لما شافه قاعد جنبي، ضايقه جدًا.
كان عايز يحط النقط على الحروف، ويخلي الكل يعرف إن أنا مرتبطة بيه، علشان محدش يفكر فيا أو يحاول يقرب مني.
في اللحظة دي، تليفوني رن تاني. لقيت د. جيهان بتتصل بيا.
بصيت لمجد وقلت له:
وعد: مجد، بعد إذنك، أنا اتفقت مع أصحابي إني هقعد معاهم شوية، وهنراجع حاجات مع بعض.
بص لي وقال:
مجد: خلصي، وأنا مستنيكي.
اترددت شوية، وبعدها قلت له:
وعد: مجد، إنت بقالك فترة مقصر في شغلك، وأنا حاسة بكده. إنت فعلًا بتخلص بدري؟
سكت وما ردش عليا.
تليفوني رن مرة تانية، فقمت من مكاني وقلت له:
وعد: هشوفك في البيت.
بص لي وقال:
مجد: هستناكي يا وعد.
وبعدها ناداني قبل ما أخرج:
مجد: وعد، عايز أخرج معاكي. ممكن نتغدى سوا النهارده لوحدنا؟
بصيت له وسكت.
وعد: امتحاناتي يا مجد.
مجد: وعد، لسه قدامك يومين علي الماده. ممكن النهارده تكوني موجودة معايا؟ حاسس إني محتاجلك قوي.
بصيت له، وما قدرتش أرفض، فهزيت راسي وقلت له:
وعد: حاضر.
خرجت من عنده واتجهت لمكتب د. جيهان. كان نفسي أهرب منها، لكن ما كنتش عارفة أعمل إيه.
خبطت على الباب ودخلت.
أول ما شافتني، قالت:
د. جيهان: اقعدي يا وعد. هو ده اللي إحنا اتفقنا عليه يا وعد؟
هزيت راسي، وقلت لها بصوت مليان تعب:
وعد: مش قادرة يا دكتورة. حضرتك بتطلبي مني حاجة مستحيلة. أنا كده بقتله، وبقتل نفسي معاه. هو قادر يبني نفسه، وقادر يعمل اللي هو عايزه..... وأنا لو اتنازلت دلوقتي، مش هسامح نفسي.
بصت لي د. جيهان، وقالت:
د. جيهان: اسمعيني يا وعد. أنا ما كنتش راضية أقولك كل حاجة، بس صدقيني، بيكي أو من غيرك، مجد هيتجوز سارة. ما بقاش فيه اختيار خلاص.
بصيت لها بصدمة.
وعد: يعني إيه؟!
د. جيهان: يعني كلها شهور معدودة، ومجد هيسافر. هيسيب مصر وهيقعد خمس سنين علشان شغله ودراسته. لكن اللي إنتِ ما تعرفيهوش إن فعلًا خلاص، مستقبله متوقف على سارة، مش عليا أنا.
بصيت لها، وبدأت الدموع تنزل من عيني.
وعد: وأنا قلت لك إني مش قادرة! إنتِ إزاي مش قادرة تفهمي؟!
فضلت د. جيهان باصة لي، وبعدها قالت بحسم:
د. جيهان: وعد، لو ما كانش قرارك إنتِ دلوقتي، صدقيني هتتجبري عليه، إنتِ وهو. ما بقاش بمزاجنا خلاص.
ديون النبض
بقلم الكاتبة مروة صياح
كملت د. جيهان كلامها معايا وقالت:
د. جيهان: إنتِ مش ملاحظة إن مجد بقاله فترة مش مشغول زي الأول؟ ما سألتيش نفسك ليه بقى فاضي شوية؟ لأنه بدأ يسيب كل حاجة، ومع الوقت مش هيبقى عنده غير شغله في المستشفى الجامعي، حتى ما عنده عيادة خاصة.
سكتت لحظة، وبعدها كملت:
د. جيهان: لو إنتِ عايزة حياته تقف، ويبقى زي أي دكتور مش قادر يكمل دراسته بالمستوى اللي اتعود عليه، وكل حاجة بناها تضيع من إيده، فده قرارك.
لكن صدقيني يا وعد، أنا كل اللي بطلبه منك إنك تديه فرصة. لما يقف على رجليه ويقدر يحافظ على اللي بناه، يبقى على الأقل أخد حق تعبه وشقاه السنين اللي فاتت. كل ده هيروح هدر لو استمر بالشكل ده.
سكتُّ، وما عرفتش أرد عليها.
د. جيهان: صدقيني، أنا عارفة إنه بيحبك، بس اديله فرصة. إنتِ كمان لما تخلصي دراستك، هيبقى لسه قدامك سنتين تلاتة. خلصي دراستك، وخلال السنتين أو التلاتة دول هيكون استقر وبقى أحسن، ووقتها لو حب يرجع لك، أنا مش هعترض، وهقنع سارة كمان.
بصيت لها بصدمة من كلامها، وقلت لها:
وعد: إنتِ عايزة تبعديني عنه وتبعديه عني. تفتكري بعد سنتين تلاتة هيفكر فيا أصلًا؟
د. جيهان: لو حبكم بجد، مهما عدى سنين، أكيد مش هينساكي.
حسيت إني وصلت لمرحلة يأس من جديد، وكأن كل الأبواب بتتقفل في وشي، وأنا مش عارفة أعمل إيه.
وفجأة، الباب خبط.
د. جيهان: ادخل.
كان د. سمير.
أول ما شافني، ابتسم وقعد على الكرسي قصادي. كنت قبل ما يدخل مسحت دموعي بسرعة، وحاولت أبان طبيعية، لكن د. جيهان لاحظت حالتي.
د. جيهان: خلاص يا وعد، اتفضلي إنتِ، وياريت تفتكري اللي أنا قلت لك عليه.
بصيت لها، وقمت اتحركت ناحية الباب، لكن عيني د. سمير كانت متابعاني. د. جيهان أخدت بالها من اهتمامه بيا، وقررت تستغل الفرصة.
بعد ما خرجت، ابتسمت له وقالت:
د. جيهان: خير يا سمير؟ شايف عينيك مع د. وعد.
بصلها وقال:
د. سمير: وعد بنت متميزة ومختلفة عن البنات، وأنا من فترة معجب بيها والله يا دكتورة.
ضحكت وقالت له:
د. جيهان: وإيه اللي موقفك؟ لو إنت فعلًا شايف إنها بنت مناسبة ليك، ليه ما تتقدمش لها؟
سكت شوية، وبعدها قال:
د. سمير: كنت بفكر في كده فعلًا، بس قلت أستنى لما الامتحانات تخلص، وكمان لما تخلص سنة خامسة.
ردت عليه بسرعة:
د. جيهان: يا سمير، خير البر عاجله...
سكت لحظة، وبعدها قال:
د. سمير: على الأقل لازم أقرب منها وأحس إنها متقبلاني فعلًا.
ضحكت د. جيهان وقالت:
د. جيهان: خلاص، اللي أنا أعرفه إن الترم الجاي هتكون تحت إشرافك، على ما أعتقد.
د. سمير: آه يا دكتورة، أنا عارف.
د. جيهان: المهم، إنت كنت جاي ليه؟
وبعدها كمل كلامه معاها.
أما أنا، فبعد ما خرجت، فضلت واقفة في الطرقة شوية، مش قادرة أتحرك ولا أستوعب كل اللي بيحصل. وفي الآخر دخلت الحمام.
وقفت قدام المراية، وبصيت لنفسي وأنا حاسة إني خلاص مش قادرة أقاوم أكتر من كده.
كنت بحاول أتمسك بمجد، وبحبي ليه، وأدافع عن علاقتنا، لكن مش عارفة أعمل إيه.
كل ما أحاول أتمسك بيه، ألاقي قدامي كلام د. جيهان، ومستقبله اللي ممكن يضيعه علشاني.
وفجأة، تليفوني رن.
كان مجد.
رديت عليه.
وعد: أيوه يا مجد.
كان صوتي غريب شوية، فلاحظ على طول.
مجد: مالك يا وعد؟
حاولت أكون طبيعية وقلت له:
وعد: أبدًا، ما فيش حاجة.
مجد: إنتِ فين؟ لسه مع زميلتك؟
وعد: ممكن إنت ترجع البيت لو مستعجل، وأنا هبقى أرجع بعدين.
سكت لحظة، وبعدها قال:
مجد: وعد، مش هرجع. أنا وإنتِ هنكون مع بعض. قلت لك عايز أخرج معاكي.
أصر عليا، وما كانش قدامي غير إني أوافق.
وعد: حاضر، جاية لك.
قفلت معاه، وخرجت من الحمام وأنا ماشية في الطرقة، لكن المرة دي كان جوايا قرار أخدته بيني وبين نفسي.
خلاص يا مجد... ده آخر يوم هنخرج فيه مع بعض.
ما كانش قدامي حل تاني. د. جيهان مش هتسبني أقرب منك، ولا هتسيبك إنت كمان تقرب مني. هي خلاص أخدت قرارها، وهتجبرني عليه غصب عني.
لكن أول ما وصلت لحجرة العيادة، سمعت صوت مجد عالي شوية وهو بيتكلم في التليفون مع د. جيهان.
مجد: اعملي اللي إنتِ عايزاه. اعتبريني من هنا ورايح ما عنديش أي حاجة. أنا مش هروح المستشفى ولا هروح الشركة، من جامعتي للمستشفى الجامعي، ومش عايز أي حاجة تاني. حتى لو هبدأ من الصفر من جديد.
وقفت مكاني وأنا بسمع كلامه.
الكلام اللي قاله أكد لي كل اللي د. جيهان كانت بتحذرني منه، وإن مجد فعلًا مستعد يضحي بكل حاجة علشاني.
لكن بيني وبين نفسي، قلت:
لأ يا مجد، مش هينفع. لازم تكمل طريقك. مش هينفع تقف في النص، ومش بعد تعبك السنين اللي فاتت دي كلها تبدأ من الصفر من جديد.
في اللحظة دي، مجد كان قام من مكتبه بعد ما قفل المكالمة، وخرج من باب العيادة.
أول ما حسيت إنه قرب، اتظاهرت إني لسه جاية في الطريق.
ولما شافني، ابتسم وقال:
مجد: إيه اللي أخرك كده؟
هزيت راسي وقلت له:
وعد: أبدًا، أنا جيت على طول.
مسك إيدي وشبك دراعي في دراعه، وقال لي:
مجد: وعد، أنا عايز أنسى أي حاجة وأنا معاكي. عايز أنسى الشغل، وعايزك إنتِ كمان تنسي الامتحانات وتنسي كل حاجة. أنا مش عايز أشوف غير عيونك، ولا أسمع غير صوتك. عايز أفصل نفسي عن العالم اللي أنا فيه.
كان كلامه بالنسبة لي كأنه بيضغط على جرح جوايا، جرح بحاول أداريه عنه بكل قوتي.
هو كان شايف إن قربنا من بعض هو الراحة اللي محتاجها، وأنا كنت شايفة إن قربنا ممكن يكون السبب في ضياع مستقبله.
ومع ذلك، ما كانش قدامي غير إني أكون معاه.
كنت عايزة أعيش اليوم ده بكل تفاصيله، وأحتفظ بكل لحظة فيه، علشان يفضل ذكرى حلوة بيني وبينه.
ذكرى أختم بيها حبي ليه، قبل ما أضطر أسيبه وأبعد.
لكن الحقيقة إني ما كنتش عارفة هقدر أستحمل البُعد عنه إزاي، ولا هقدر أعيش من غيره بعد ما بقى جزء من روحي.
كل اللي كنت متأكدة منه إني أخدت قراري...
لازم أبعد عن مجد، حتى لو كان البُعد هو أكتر حاجة هتوجعني.
