رواية سر الكارما
الفصل الثالث3
بقلم يارا علاء الدين
ست سنين وهو فاكر إنه محروم من الخلفة… لحد ما اكتشف إن عنده بنت!
ـــــــــــــــــــــــــــــ
توفيق فضل واقف في مكانه ثواني مش بيتحرك، الراجل الجبار اللي بيتعامل بكبرياء ومبيخافش من حد، كان واقف بينهج ومتوتر، عيونه المذعورة بتتنقل بيني وبين طارق مش فاهم حاجة ولا قادر يستوعب الكارثة اللي نزلت فوق رأسه.
"دمك ولحمك؟" توفيق نطق الكلمة بصوت واطي ومبحوح كأنه بيحاول يترجمها لنفسه، وفجأة صرخ بعنف وهستيريا هزت حيطان الشقة:
"الراجل ده مجنون!! أنا ماليش عيال! أنا مبخلفش أصلاً!! بيهددني بإيه؟ وإيه علاقته بيا ؟ وجاب الكلام ده منين؟
طارق استغل لحظة انهـ.ـيار توفيق وشكه، وقرب منه بكل الغضب المحبوس جوا صدره من سنين، مسكه من ياقة بدلته وزقه بعنف وقسوة ناحية الباب:
"اطلع برة!! اطلع برة بيتي يا توفيق! بيتي مش ساحة لتصفية حساباتك القذرة مع المجـ.ـرمين بتوعك!
توفيق متكلمش ولا قاوم زقة طارق، كان ذهوله أكبر بكثير من أي حاجة تاني. بصلي نظرة أخيرة حادة ومرعبة..
نظرة راجل بدأ يدور في عقله ألف سؤال وسؤال، ومشي وهو سرحان وساب الباب مفتوح وراه, وقتها طارق قفله بقوه وخد نفس عميق.
أول ما الباب اتقفل، أنا انهرت بالكامل على الأرض في الصالة قولت لطارق بدموعي اللي مش راضية تقف:
"طارق.. الخــ.ــاطف عارف إن كارما بنت توفيق! الرجل ده عارف السر اللي خبيناه! وتوفيق مش هيسكت، توفيق هيقلب الدنيا عشان يفهم الجملة دي معناها إيه، ولو عرف الحقيقة كارما هتروح منا للأبد!"
طارق نزل على الأرض وخدني في حضنه بقوة، كان متوتر جدًا بس صوته كان مليان إصرار:
"مش هسيبها يا مريم.. أقسم بالله لو على رقبتي كارما مش هتروح مننا، ولا توفيق ولا أي حد في الدنيا هيلمس شعرة واحدة منها!"
مرت ساعتين من أطول وأصعب الساعات في حياتنا.
النهار كان طلع بالكامل، والضوء داخل أقوى من الأول, وفجأة.. الموبايل رن. كان "اللواء حازم" رئيس المباحث.
طارق فتح الخط وشغل الاسبيكر وقال:
"حازم بيه! أرجوك قولي إنكم وصلتوا لأي خيط!"
صوت اللواء حازم المرة دي كان مختلف تماماً عن كل مرة.. مكنش مجرد صوت ضابط بيحقق في بلاغ عادي، كان فيه نبرة صدمة وذهول واضحة أوي:
"طارق.. اسمعني كويس وركز معايا في كل كلمة هقولهالك.
الموضوع أعقد بكثير من مجرد خطـ.ــف طفلة ولا مكالمة جات وقالتلنا ندور ورا توفيق!
طارق ركز معاه وسأله:
"يعني إيه يا فندم؟! وصلتوا للخـ.ــاطف؟ عرفتوا مين اللي أخد كارما؟"
"وصلنا لخيوط أولية مرعبة.."
حازم سكت ثانية وبلع ريقه قبل ما يكمل:
الشرطة من فترة كانت حاطة عينها على شبكة مشـ.ــبوهة بتدير مراكز طبية وجمعيات أهلية غامضة، شبكة متخصصة في تهـ.ــريب وتجـ.ــارة الأطفال برة مصر.. والتحريات السرية جداً اللي جاتلنا دلوقتي أكدت إن رأس الأفعى والممول الرئيسي للشبكة دي هنا في مصر.. هو توفيق النويري! بس طبعًا مفيش دليل عليه لحد دلوقتي !
شهقت وحطيت إيدي على بوقي، والدم اتجمد في عروقنا إحنا الاثنين. توفيق.. الراجل اللي عشت معاه وعذبني، طلع مش مجرد راجل أعمال قاسي، ده طلع بيمارس أقذر وأبشع تجارة في البشر!
حازم كمل كلامه بسرعة ونبرته كانت بتزيد جدية:
وآخر بلاغ وصل لينا عن الشبكة دي كان من شهرين بالظبط، طفلة صغيرة عندها 5 سنين اتخطفت من قرية قريبة، أبوها حاول يستنجد بكل قوته ومحدش قدر يوصل للبنت لأن الشبكة كانت هربتها برة مصر طبعًا .. الأب ده اسمه (صابر).. راجل بسيط كان شغال موظف في مكتب محاماة.
والغريب في الموضوع إن صابر ده اختفى تماماً من يوم ما قضية بنته اتقفلت! ساب شغله وبيته وقطع علاقته بأهله وكل معارفه، ومحدش يعرف عنه أي حاجة ولا ليه أي أثر من ساعتها!"
طارق بصلي بعيون متوسعة وقال بتلعثم:
واختفاءه علاقته إيه بكارما ؟
"دي الشبهة اللي بنحقق فيها دلوقتي يا طارق.." اللواء حازم كمل بتحليل منطقي:
"صابر أب مكسور، ومن يوم اختفـ.ــاء بنته كان فيه شائعات وتسريبات إنها اتخطـ.ــفت عن طريق شبكة تنظيمية كبيرة.. احتمال كبير صابر يكون وصل لخيوط إن توفيق النويري هو اللي ورا الموضوع، واختفاءه طوال الشهرين اللي فاتوا يخلينا نستنتج إنه كان بيرتب خطة للانتـ.ــقام!
وبنسبة كبيرة صابر هو اللي بيحرك الخيوط دي كلها دلوقتي وبيحاول يلبّس توفيق مصيبة أو يضغط عليه بكارما!"
أنا اتسمرت في مكاني، وعقلي بيحاول يجمع الأجزاء:
صابر.. أب اختفت بنته واختفى وراها كأنه فص ملح وذاب! هل صابر هو الخا طف؟ وهل صابر بيطارد توفيق وبيحارب شبكة كاملة لوحده؟
طارق سأله:
"يا حازم بيه.. بس لو صابر هو اللي خـ.ـطف كارما، هو عرف منين إن ليها علاقة بتوفيق أساساً؟! توفيق نفسه مبيخلفش والناس كلها عارفة ده!"
حازم رد:
"ده الخيط اللي بنحاول نفكه يا طارق.. صابر ممكن يكون كان مراقب حركة توفيق أو بيفتش في أي حاجة تخصه، ووصل لمعلومة إن مدام مريم كانت طليقته فحب ينتقم منه!
عامة إحنا حطينا اسم صابر على قائمة التتبع، وبنراجع كل معارفه وأماكن تواجده القديمة عشان نوصله ونضمن سلامة كارما."
قفل اللواء حازم الخط، وساد صمت رهيب ومخيف في الأوضة.
طارق بصلي بعدم تركيز وقال:
صابر ده عرف منين؟ ومين صابر ده أساسًا؟ الموضوع بقى مرعب لأقصى درجة
كارما دلوقتي بين إيدين أب مجـ.ـروح ومستعد يعمل أي حاجة.. وتوفيق راجل مجرم بيبـ.ـيع الأطفال وميعرفش إن البنت المخـ.ــطوفة هي بنته الحقيقية!
_____________________________
وفي نفس الوقت.. على الناحية الثانية من المدينة..
توفيق كان قاعد في مكتبه الفخم في الشركة، بيفكر بتركيز في كل الكلام اللي سمعه من شوية وبعدها مسك التليفون وقال بصوت حاسم لمديرة مكتبه:
"هاتيلي الملف بتاع قضية الخلع بتاعة مريم! وهاتيلي كل حاجة تخص مريم!
بعد ربع ساعة.. كانت الملفات القديمة محطوطة على مكتب توفيق.
توفيق قعد على الكرسي وبدأ يقلب الورق بتركيز شديد.. قرأ تاريخ اليوم اللي مريم اتحكم ليها في قضية الخلع وهربت فيه برة مصر..
وحسب الفترة بتاع عدتها، وبعدين مسك موبايله، ودخل على حسابات السوشيال ميديا بتاعة طارق ومريم، وطلع صور عيد ميلاد "كارما" وتاريخ ميلادها المكتوب في البوستات القديمة..
بدأ يحسب التواريخ في عقله.. الشهر.. اليوم.. الأسابيع..
عينيه اتوسعت بذهول مرعب، التاريخ مظبوط بالثانية! كارما اتولدت بعد 9 شهور بالظبط من نهاية عدتها!
توفيق قام وقف فجأة، وهو خبط على المكتب بصدمة:
"كارما اتولدت في الميعاد ده يعني كده مستحيل تبقى بنت طارق ؟!.. أنا إزاي مخدتش بالي قبل كده؟ يعني كده مريم كانت حامل مني وأنا معرفش ؟!"
صرخ بصوت زلزل جدران المكتب الفخم، وحط إيديه الاثنين على رأسه وهو مش قادر يستوعب حجم الكارثة:
"إزاي؟! إزاي تكون بنتي وأنا الدكاترة أكدولي إني عقيم ومبخلفش خالص؟! إزاي فيه بنت من دمي ولحمي عايشة في الدنيا دي بقالها ست سنين وأنا مكنتش أعرف؟!"
توفيق مسك الموبايل وبدأت عينيه تطلع شرار.. الشك التحول ليقين حاسم. عرف إن "الحاجة الغالية" اللي الخا طف أخدها منه عشان يدمره.. هي بنته الوحيدة من دمه ولحمه اللي لسه مكتشف وجودها في اللحظة دي بالذات!
،
وفي نفس اللحظة اللي كانت الحقيقة بتضرب فيها عقل توفيق زي الصاعقة في مكتبه، كان خيط الكابوس بيلف حولين رقبتنا إحنا كمان في الشقة.
السر اللي دفنته بأيدي ، طلع دلوقتي من غير ميعاد!
لما هربت من توفيق زمان، هربت بشنطة هدومي وجسمي المشوه من ضربه وإهانته. كنت زي جثـ.ــة ماشية على الأرض، لحد ما سافرت واكتشفت في الغربة الصدمة اللي غيرت حياتي: إني حامل!
في اللحظة دي، حلفت ألف يمين إني مستحيل ابني أو بنتي يرجعوا للجحيم ده، ومستحيل أخلي توفيق يعرف إن فيه حتة منه بتكبر جوايا.
ولما قابلت طارق.. طارق الراجل اللي احتواني وحبني وقِبل بظروفي ووضعي، عملنا كل حاجة عشان نحمي السر ده؛ ولما جه وقت ولادة كارما، ادعينا قدام القريب والغريب إنها اتولدت في الشهر السابع عشان التواريخ تظبط بالظبط مع ميعاد جوازي السريع من طارق اللي كان بعد العدة ما خلصت علطول، ومحدش يقدر يشك لحظة في نسبها، وطارق هو اللي أصر يسجلها باسمه في الأوراق الرسمية عشان تحس بالأمان وما يطولهاش شر توفيق لو في يوم من الأيام عرف بوجودها.
طول الست سنين، كل الناس بما فيهم توفيق نفسه كانوا فاكرين إن كارما بنت طارق ,محدش كان يعرف السر غيري أنا وطارق وبس!
ـــــــــــــــــــــ
في مكتب توفيق:
قفل توفيق الملف بعنف وهو حاسس إن دماغه هتتفجر..
كان بيلف في مكتبه زي المجنون، ونفسه طالع ونازل بالعافية.
الحسبة والتواريخ قدام عينيه مكنتش سايبة أي مجال للشك: كارما بنته! الطفلة اللي اتربت في حضن طارق ومريم ست سنين كاملة، هي بنت توفيق النويري من دمه ولحمه!
بس السؤال اللي كان بيحرق أعصابه من جوة: إزاي؟!
إزاي تكون بنته وهو اللي لَف على أكبر دكاترة في مصر وبرة مصر، والكل كان بيحط التحاليل في وشه ويأكدله إنه عقيم ومستحيل يخلف؟! إزاي معجزة زي دي تحصل وهو معاه ورق رسمي بيثبت إنه مبيخلفش؟!
مترددش ثانية واحدة.. مسك التليفون وزعق في دراعه اليمين بصوت هز أركان الشركة:
"خلال نص ساعة تكون جايبلي عنوان خميس التمرجي! خميس اللي كان شغال في عيادة الدكتور رضا اللي كنا بنتعالج عنده واللي مات من سنتين.. تجيبوهولي من تحت الأرض سامع؟
سحب مفاتيح عربيته ونزل زي المجنون. مكنش قادر يستنى دقيقة واحدة، الشك كان بياكل في صدره كان لازم يفهم اللي حصل ده حصل إزاي؟؟؟!!
بعد أقل من نص ساعة، رجالته كانوا جابوا خميس التمرجي من الوحدة الصغيرة اللي شغال فيها. رموه في الكنبة الخلفية بتاعت عربية توفيق الفخمة، وقفلوا الباب.
لف توفيق بجسمه وقعد قدامه، طلع المسدس وضغط بيه على دماغه صوته خرج حاد زي الفحيح:
"التحليل اللي الدكتور بتاعك عملهولي.. وقال إن العيب مني وإني مبخلفش.. التحليل ده كان مزور صح يا ...... أمك؟! انطق قبل ما أفرغ الخزنة دي في دماغك وأدفنك مكانك!"
خميس اترعش من الرعب، وشه اتسحب منه الدم ,وانهارت أعصابه وبدأ يصرخ ويتوسل:
"يا توفيق بيه ارحمني والله العظيم ما كان بايدي!! أنا كنت مجرد تمرجي بينفذ الأوامر مكنش ينفع أقول لأ!!"
ضغط توفيق بالمسدس أكتر في دماغه لحد ما صرخ من الوجع، وزعق في وشه:
يعني إيه؟ انطق وقول الحقيقة كاملة وإلا قسمًا بالله همحيك من على وش الأرض!
وهنا خميس اعترف بالحقيقة البشعة اللي كانت مدفونة من سنين:
"مدام نسمة.. مرات حضرتك! هي اللي جتلنا العيادة زمان ودخلت للدكتور كشفت عنده، ولما الدكتور عملها الفحوصات اكتشف إنها عندها عيب خلقي في الرحم ومستحيل تخلف ! مدام نسمة انهارت ودفعت للدكتور كتير عشان نزوّر التحاليل ونكتب في التقرير إن العيب منك أنت مش منها.. عشان خافت لو عرفت إنها مابتخلفش تطلقها وتتجوز غيرها!"
عينين توفيق اتوسعوا بذهول مرعب، وإيده اللي ماسكة المسدس بدأت تترعش، بس خميس كمل الصدمة الثانية والأبشع:
"ومش بس كده يا باشا!! مدام نسمة خافت تدخل أي معمل تحاليل وتكشف التزوير ده .. فكانت بتبعت تجيب أدوية معينة بالاتفاق مع الدكتور تحطهالك في القهوة والعصير بتوعك كل يوم بجرعات متبانش بس تأثيرها قوي.. أدوية بتضعف القدرة بالتدريج، لحد ما حولتك لعقيم فعلًا!!
عشان تضمن إنك تفضل معاها وما تفكرش تسيبها!
اتسمر توفيق في مكانه، وساد الصمت جوة العربية. الست اللي كان فاكرها أصيلة ومتحملة ضعفه وصابرة معاه على عدم الخلفة.. هي اللي دمرت صحته وقضت على أمله في الخلفة للأبد!
زق توفيق التمرجي برة العربية ورماه في الشارع، رجالته خلصوا عليه, وبعدها طار بالعربية على فيلته!
كان لازم يشوف نسمة....!
ـــــــــــــــــــــــــــــ
توفيق فضل واقف في مكانه ثواني مش بيتحرك، الراجل الجبار اللي بيتعامل بكبرياء ومبيخافش من حد، كان واقف بينهج ومتوتر، عيونه المذعورة بتتنقل بيني وبين طارق مش فاهم حاجة ولا قادر يستوعب الكارثة اللي نزلت فوق رأسه.
"دمك ولحمك؟" توفيق نطق الكلمة بصوت واطي ومبحوح كأنه بيحاول يترجمها لنفسه، وفجأة صرخ بعنف وهستيريا هزت حيطان الشقة:
"الراجل ده مجنون!! أنا ماليش عيال! أنا مبخلفش أصلاً!! بيهددني بإيه؟ وإيه علاقته بيا ؟ وجاب الكلام ده منين؟
طارق استغل لحظة انهـ.ـيار توفيق وشكه، وقرب منه بكل الغضب المحبوس جوا صدره من سنين، مسكه من ياقة بدلته وزقه بعنف وقسوة ناحية الباب:
"اطلع برة!! اطلع برة بيتي يا توفيق! بيتي مش ساحة لتصفية حساباتك القذرة مع المجـ.ـرمين بتوعك!
توفيق متكلمش ولا قاوم زقة طارق، كان ذهوله أكبر بكثير من أي حاجة تاني. بصلي نظرة أخيرة حادة ومرعبة..
نظرة راجل بدأ يدور في عقله ألف سؤال وسؤال، ومشي وهو سرحان وساب الباب مفتوح وراه, وقتها طارق قفله بقوه وخد نفس عميق.
أول ما الباب اتقفل، أنا انهرت بالكامل على الأرض في الصالة قولت لطارق بدموعي اللي مش راضية تقف:
"طارق.. الخــ.ــاطف عارف إن كارما بنت توفيق! الرجل ده عارف السر اللي خبيناه! وتوفيق مش هيسكت، توفيق هيقلب الدنيا عشان يفهم الجملة دي معناها إيه، ولو عرف الحقيقة كارما هتروح منا للأبد!"
طارق نزل على الأرض وخدني في حضنه بقوة، كان متوتر جدًا بس صوته كان مليان إصرار:
"مش هسيبها يا مريم.. أقسم بالله لو على رقبتي كارما مش هتروح مننا، ولا توفيق ولا أي حد في الدنيا هيلمس شعرة واحدة منها!"
مرت ساعتين من أطول وأصعب الساعات في حياتنا.
النهار كان طلع بالكامل، والضوء داخل أقوى من الأول, وفجأة.. الموبايل رن. كان "اللواء حازم" رئيس المباحث.
طارق فتح الخط وشغل الاسبيكر وقال:
"حازم بيه! أرجوك قولي إنكم وصلتوا لأي خيط!"
صوت اللواء حازم المرة دي كان مختلف تماماً عن كل مرة.. مكنش مجرد صوت ضابط بيحقق في بلاغ عادي، كان فيه نبرة صدمة وذهول واضحة أوي:
"طارق.. اسمعني كويس وركز معايا في كل كلمة هقولهالك.
الموضوع أعقد بكثير من مجرد خطـ.ــف طفلة ولا مكالمة جات وقالتلنا ندور ورا توفيق!
طارق ركز معاه وسأله:
"يعني إيه يا فندم؟! وصلتوا للخـ.ــاطف؟ عرفتوا مين اللي أخد كارما؟"
"وصلنا لخيوط أولية مرعبة.."
حازم سكت ثانية وبلع ريقه قبل ما يكمل:
الشرطة من فترة كانت حاطة عينها على شبكة مشـ.ــبوهة بتدير مراكز طبية وجمعيات أهلية غامضة، شبكة متخصصة في تهـ.ــريب وتجـ.ــارة الأطفال برة مصر.. والتحريات السرية جداً اللي جاتلنا دلوقتي أكدت إن رأس الأفعى والممول الرئيسي للشبكة دي هنا في مصر.. هو توفيق النويري! بس طبعًا مفيش دليل عليه لحد دلوقتي !
شهقت وحطيت إيدي على بوقي، والدم اتجمد في عروقنا إحنا الاثنين. توفيق.. الراجل اللي عشت معاه وعذبني، طلع مش مجرد راجل أعمال قاسي، ده طلع بيمارس أقذر وأبشع تجارة في البشر!
حازم كمل كلامه بسرعة ونبرته كانت بتزيد جدية:
وآخر بلاغ وصل لينا عن الشبكة دي كان من شهرين بالظبط، طفلة صغيرة عندها 5 سنين اتخطفت من قرية قريبة، أبوها حاول يستنجد بكل قوته ومحدش قدر يوصل للبنت لأن الشبكة كانت هربتها برة مصر طبعًا .. الأب ده اسمه (صابر).. راجل بسيط كان شغال موظف في مكتب محاماة.
والغريب في الموضوع إن صابر ده اختفى تماماً من يوم ما قضية بنته اتقفلت! ساب شغله وبيته وقطع علاقته بأهله وكل معارفه، ومحدش يعرف عنه أي حاجة ولا ليه أي أثر من ساعتها!"
طارق بصلي بعيون متوسعة وقال بتلعثم:
واختفاءه علاقته إيه بكارما ؟
"دي الشبهة اللي بنحقق فيها دلوقتي يا طارق.." اللواء حازم كمل بتحليل منطقي:
"صابر أب مكسور، ومن يوم اختفـ.ــاء بنته كان فيه شائعات وتسريبات إنها اتخطـ.ــفت عن طريق شبكة تنظيمية كبيرة.. احتمال كبير صابر يكون وصل لخيوط إن توفيق النويري هو اللي ورا الموضوع، واختفاءه طوال الشهرين اللي فاتوا يخلينا نستنتج إنه كان بيرتب خطة للانتـ.ــقام!
وبنسبة كبيرة صابر هو اللي بيحرك الخيوط دي كلها دلوقتي وبيحاول يلبّس توفيق مصيبة أو يضغط عليه بكارما!"
أنا اتسمرت في مكاني، وعقلي بيحاول يجمع الأجزاء:
صابر.. أب اختفت بنته واختفى وراها كأنه فص ملح وذاب! هل صابر هو الخا طف؟ وهل صابر بيطارد توفيق وبيحارب شبكة كاملة لوحده؟
طارق سأله:
"يا حازم بيه.. بس لو صابر هو اللي خـ.ـطف كارما، هو عرف منين إن ليها علاقة بتوفيق أساساً؟! توفيق نفسه مبيخلفش والناس كلها عارفة ده!"
حازم رد:
"ده الخيط اللي بنحاول نفكه يا طارق.. صابر ممكن يكون كان مراقب حركة توفيق أو بيفتش في أي حاجة تخصه، ووصل لمعلومة إن مدام مريم كانت طليقته فحب ينتقم منه!
عامة إحنا حطينا اسم صابر على قائمة التتبع، وبنراجع كل معارفه وأماكن تواجده القديمة عشان نوصله ونضمن سلامة كارما."
قفل اللواء حازم الخط، وساد صمت رهيب ومخيف في الأوضة.
طارق بصلي بعدم تركيز وقال:
صابر ده عرف منين؟ ومين صابر ده أساسًا؟ الموضوع بقى مرعب لأقصى درجة
كارما دلوقتي بين إيدين أب مجـ.ـروح ومستعد يعمل أي حاجة.. وتوفيق راجل مجرم بيبـ.ـيع الأطفال وميعرفش إن البنت المخـ.ــطوفة هي بنته الحقيقية!
_____________________________
وفي نفس الوقت.. على الناحية الثانية من المدينة..
توفيق كان قاعد في مكتبه الفخم في الشركة، بيفكر بتركيز في كل الكلام اللي سمعه من شوية وبعدها مسك التليفون وقال بصوت حاسم لمديرة مكتبه:
"هاتيلي الملف بتاع قضية الخلع بتاعة مريم! وهاتيلي كل حاجة تخص مريم!
بعد ربع ساعة.. كانت الملفات القديمة محطوطة على مكتب توفيق.
توفيق قعد على الكرسي وبدأ يقلب الورق بتركيز شديد.. قرأ تاريخ اليوم اللي مريم اتحكم ليها في قضية الخلع وهربت فيه برة مصر..
وحسب الفترة بتاع عدتها، وبعدين مسك موبايله، ودخل على حسابات السوشيال ميديا بتاعة طارق ومريم، وطلع صور عيد ميلاد "كارما" وتاريخ ميلادها المكتوب في البوستات القديمة..
بدأ يحسب التواريخ في عقله.. الشهر.. اليوم.. الأسابيع..
عينيه اتوسعت بذهول مرعب، التاريخ مظبوط بالثانية! كارما اتولدت بعد 9 شهور بالظبط من نهاية عدتها!
توفيق قام وقف فجأة، وهو خبط على المكتب بصدمة:
"كارما اتولدت في الميعاد ده يعني كده مستحيل تبقى بنت طارق ؟!.. أنا إزاي مخدتش بالي قبل كده؟ يعني كده مريم كانت حامل مني وأنا معرفش ؟!"
صرخ بصوت زلزل جدران المكتب الفخم، وحط إيديه الاثنين على رأسه وهو مش قادر يستوعب حجم الكارثة:
"إزاي؟! إزاي تكون بنتي وأنا الدكاترة أكدولي إني عقيم ومبخلفش خالص؟! إزاي فيه بنت من دمي ولحمي عايشة في الدنيا دي بقالها ست سنين وأنا مكنتش أعرف؟!"
توفيق مسك الموبايل وبدأت عينيه تطلع شرار.. الشك التحول ليقين حاسم. عرف إن "الحاجة الغالية" اللي الخا طف أخدها منه عشان يدمره.. هي بنته الوحيدة من دمه ولحمه اللي لسه مكتشف وجودها في اللحظة دي بالذات!
،
وفي نفس اللحظة اللي كانت الحقيقة بتضرب فيها عقل توفيق زي الصاعقة في مكتبه، كان خيط الكابوس بيلف حولين رقبتنا إحنا كمان في الشقة.
السر اللي دفنته بأيدي ، طلع دلوقتي من غير ميعاد!
لما هربت من توفيق زمان، هربت بشنطة هدومي وجسمي المشوه من ضربه وإهانته. كنت زي جثـ.ــة ماشية على الأرض، لحد ما سافرت واكتشفت في الغربة الصدمة اللي غيرت حياتي: إني حامل!
في اللحظة دي، حلفت ألف يمين إني مستحيل ابني أو بنتي يرجعوا للجحيم ده، ومستحيل أخلي توفيق يعرف إن فيه حتة منه بتكبر جوايا.
ولما قابلت طارق.. طارق الراجل اللي احتواني وحبني وقِبل بظروفي ووضعي، عملنا كل حاجة عشان نحمي السر ده؛ ولما جه وقت ولادة كارما، ادعينا قدام القريب والغريب إنها اتولدت في الشهر السابع عشان التواريخ تظبط بالظبط مع ميعاد جوازي السريع من طارق اللي كان بعد العدة ما خلصت علطول، ومحدش يقدر يشك لحظة في نسبها، وطارق هو اللي أصر يسجلها باسمه في الأوراق الرسمية عشان تحس بالأمان وما يطولهاش شر توفيق لو في يوم من الأيام عرف بوجودها.
طول الست سنين، كل الناس بما فيهم توفيق نفسه كانوا فاكرين إن كارما بنت طارق ,محدش كان يعرف السر غيري أنا وطارق وبس!
ـــــــــــــــــــــ
في مكتب توفيق:
قفل توفيق الملف بعنف وهو حاسس إن دماغه هتتفجر..
كان بيلف في مكتبه زي المجنون، ونفسه طالع ونازل بالعافية.
الحسبة والتواريخ قدام عينيه مكنتش سايبة أي مجال للشك: كارما بنته! الطفلة اللي اتربت في حضن طارق ومريم ست سنين كاملة، هي بنت توفيق النويري من دمه ولحمه!
بس السؤال اللي كان بيحرق أعصابه من جوة: إزاي؟!
إزاي تكون بنته وهو اللي لَف على أكبر دكاترة في مصر وبرة مصر، والكل كان بيحط التحاليل في وشه ويأكدله إنه عقيم ومستحيل يخلف؟! إزاي معجزة زي دي تحصل وهو معاه ورق رسمي بيثبت إنه مبيخلفش؟!
مترددش ثانية واحدة.. مسك التليفون وزعق في دراعه اليمين بصوت هز أركان الشركة:
"خلال نص ساعة تكون جايبلي عنوان خميس التمرجي! خميس اللي كان شغال في عيادة الدكتور رضا اللي كنا بنتعالج عنده واللي مات من سنتين.. تجيبوهولي من تحت الأرض سامع؟
سحب مفاتيح عربيته ونزل زي المجنون. مكنش قادر يستنى دقيقة واحدة، الشك كان بياكل في صدره كان لازم يفهم اللي حصل ده حصل إزاي؟؟؟!!
بعد أقل من نص ساعة، رجالته كانوا جابوا خميس التمرجي من الوحدة الصغيرة اللي شغال فيها. رموه في الكنبة الخلفية بتاعت عربية توفيق الفخمة، وقفلوا الباب.
لف توفيق بجسمه وقعد قدامه، طلع المسدس وضغط بيه على دماغه صوته خرج حاد زي الفحيح:
"التحليل اللي الدكتور بتاعك عملهولي.. وقال إن العيب مني وإني مبخلفش.. التحليل ده كان مزور صح يا ...... أمك؟! انطق قبل ما أفرغ الخزنة دي في دماغك وأدفنك مكانك!"
خميس اترعش من الرعب، وشه اتسحب منه الدم ,وانهارت أعصابه وبدأ يصرخ ويتوسل:
"يا توفيق بيه ارحمني والله العظيم ما كان بايدي!! أنا كنت مجرد تمرجي بينفذ الأوامر مكنش ينفع أقول لأ!!"
ضغط توفيق بالمسدس أكتر في دماغه لحد ما صرخ من الوجع، وزعق في وشه:
يعني إيه؟ انطق وقول الحقيقة كاملة وإلا قسمًا بالله همحيك من على وش الأرض!
وهنا خميس اعترف بالحقيقة البشعة اللي كانت مدفونة من سنين:
"مدام نسمة.. مرات حضرتك! هي اللي جتلنا العيادة زمان ودخلت للدكتور كشفت عنده، ولما الدكتور عملها الفحوصات اكتشف إنها عندها عيب خلقي في الرحم ومستحيل تخلف ! مدام نسمة انهارت ودفعت للدكتور كتير عشان نزوّر التحاليل ونكتب في التقرير إن العيب منك أنت مش منها.. عشان خافت لو عرفت إنها مابتخلفش تطلقها وتتجوز غيرها!"
عينين توفيق اتوسعوا بذهول مرعب، وإيده اللي ماسكة المسدس بدأت تترعش، بس خميس كمل الصدمة الثانية والأبشع:
"ومش بس كده يا باشا!! مدام نسمة خافت تدخل أي معمل تحاليل وتكشف التزوير ده .. فكانت بتبعت تجيب أدوية معينة بالاتفاق مع الدكتور تحطهالك في القهوة والعصير بتوعك كل يوم بجرعات متبانش بس تأثيرها قوي.. أدوية بتضعف القدرة بالتدريج، لحد ما حولتك لعقيم فعلًا!!
عشان تضمن إنك تفضل معاها وما تفكرش تسيبها!
اتسمر توفيق في مكانه، وساد الصمت جوة العربية. الست اللي كان فاكرها أصيلة ومتحملة ضعفه وصابرة معاه على عدم الخلفة.. هي اللي دمرت صحته وقضت على أمله في الخلفة للأبد!
زق توفيق التمرجي برة العربية ورماه في الشارع، رجالته خلصوا عليه, وبعدها طار بالعربية على فيلته!
كان لازم يشوف نسمة....!
