رواية سر الكارما
الفصل الاول1
بقلم يارا علاء الدين
في لحظة واحدة كل حاجة حصلت من غير ما أحس ومن اليوم ده حياتي اتقلبت ١٨٠ درجة 
ـــــــــــــــ
ضحكة كارما كانت بتردلي روحي أول ما تطلع من بوقها الصغير.
كانت زي الفراشة بتجري بفستانها الأصفر بين ألعاب الملاهي، واخدة من "طارق" هدوءه ومني أنا ملامحي.
طارق كان واقف جنبي، ماسك إيدي بدفا وبيبص لكارما وهي بتلف فرحانة بين الألعاب، وعينيه مليانة حنان..
نفس الحنان اللي لملم بيه شتات قلبي وروحي لما دخل حياتي من ست سنين.
اليوم كان مشمس والحديقة زحمة جداً.. عائلات وأطفال وبياعين غزل بنات وبالونات بتطير في الجو.
أشكال وألوان وهيصة في كل حتة، ومحدش فينا كان يتخيل إن وسط كل البهجة والتفاصيل البسيطة دي، حياتنا هتتحول لكابوس في لحظة واحدة.
"مريم.. هروح أجبلنا عصير ومية وجاي.. خلي عينك عليها."
طارق قالها وهو بيطبطب على كتفي بابتسامته الهادية اللي بتطمني دايماً، وبعدها اختفى وسط زحمة الناس.
وقفت أراقب كارما.. لعبة الأحصنة كانت بتلف والمزيكا شغالة في الخلفية، وكارما كل ما تعدي من قدامي تبصلي وتشاورلي بإيدها الصغيرة، وضحكتها اللي مفيش منها اتنين. في اللحظة دي بالظبط، الموبايل اتهز في الشنطة كان جايلي رسالة.
طلعت الموبايل عشان أشوف مين.. الموضوع مخدش مني أكتر من دقيقتين.. دقيقتين بالظبط عينيا نزلت فيهم للشاشة ورجعت رفعتهم تاني.
عيني وقعت على اللعبة.. الحصان الأصفر اللي كانت راكباه كارما بقى فاضي!
قلبي اتخلع من مكانه في ثانية. وقفت على أطراف صوابعي ودورت بعيني حوالين اللعبة بسرعة، افتكرتها نزلت وجريت عليا من الناحية التانية زي ما بتعمل كل مرة..
"كارما؟"
ناديت بصوت واطي ومتردد في الأول، بس محدش رد.
اتحركت خطوتين لقدام، وبعدها بقيت أجري ناحية اللعبة وصرخت بأعلى صوت عندي هز الحديقة كلها:
"كارما!! كارما يا حبيبتي! إنتي فين؟
ملقتهاش. مفيش أي أثر ليها في أي مكان. الحاجة الوحيدة اللي لقيتها مرمية على الأرض تحت اللعبة كانت عروستها الصغيرة اللي مبتفارقهاش!
في ثواني معدودة، الملاهي المبهجة اتحولت لجحيم , طارق جالي بيجري لما سمع صراخي اللي قطع الأصوات من حواليا، العصير وقع من إيده على الأرض وشهق لما شاف منظري وأنا برمي نفسي على الأرض وماسكة العروسة وبنهار.
الأمن بتاع الملاهي اتجمع بسرعة، الصفارات اشتغلت، وجريوا قفلوا البوابات الرئيسية.
الناس اتلمت حوليا، ووسط الدوشة والأطفال اللي بتلعب في كل حتة، كنا بنصرخ وننده على اسمها زي المجانين.
ساعتين كاملين بنقلب الملاهي شبر شبر.. الحمامات، الكافيهات، مناطق الألعاب المغلقة، ومفيش أي خيط يوصلنا ليها.
دخلنا غرفة المراقبة مع مدير الأمن عشان نشوف الكاميرات، كان جسمي بيموت من الرعب وأنا باصة للشاشات قدامي.. بس الصدمة الشديدة كانت إن الكاميرا الوحيدة الموجهة ناحية لعبة الأحصنة كانت محجوبة تماماً بشجرة كبيرة!
اللي خطف كارما مكنش مجرد مجرم عابر.. ده شخص عارف المكان شبر شبر، واختار نقطة محدش يقدر يوصلها أو يرصدها في الكاميرات! وفي ثواني معدودة.. كارما اتبخرت كأنها مكنتش موجودة!
جرينا على قسم الشرطة.. ساعات طويلة وعصيبة مرت علينا هناك والوقت كان بيمر ببطء شديد. الظابط كان بيحقق معانا وبيسأل عن كل تفصيلة صغيرة: لابسة إيه؟ شكلها؟ هل في أي عداوة ليكم مع حد؟ هل جايلكم أي تهديد قريب؟
أنا كنت قاعدة على الكرسي متجمدة، مش قادرة أستوعب إن البنت اللي كانت في حضني من شوية, مش موجودة دلوقتي ومش عارفة هي فين ولا مع مين. طارق كان هيتجنن، مسك الموبايل ومسكتش.. كان بيكلم كل معارفه، رجال أعمال، لواءات، ومحامين:
"اقلبوا البلد كلها! أي مبلغ يتطلب أنا مستعد أدفعه، المهم بنتي ترجعلي سامعني؟
عملنا البلاغ الرسمي، ونزلوا نشرات بصورة وتفاصيل كارما على كل الأكمنة، ولما الوقت اتأخر، الظابط طلب مننا نرجع البيت ونستنى أي اتصال، ووعدنا إننا منقلقش خالص وإن فرق البحث شغالين على أعلى مستوى.
رجعت البيت... الشقة كانت ضلمة وساكتة سكوت يرعب. دخلت أجرّ رجلي بالعافية، فتحت باب أوضة كارما.. ألعابها كانت مرصوصة في مكانها، سريرها الصغير متغطي بالمفرش الوردي، وريحة البرفيوم اللي بتحبه مالية المكان. اترعشت ونزلت على الأرض أضم هدومها لصدري وأعيط بحرقة وصوت مكتوم.
طارق كان رايح جاي في الصالة من كثرة التوتر. كل شوية يمسك الموبايل يبص فيه مستني رسالة أو مكالمة، ويبصلي بقلة حيلة ونظرة عجز ويقول:
أكيد فدية يا مريم.. أكيد حد من المنافسين بتوعي في السوق عرف إني خدت المناقصة الأخيرة, وحابب يكسرني أو ياخد فلوس.. متخافيش يا حبيبتي، لو طلبوا ملايين هدفع، هدفع كل ما أملك بس كارما ترجع تنام في حضننا تاني.
طارق كان بيفسر الموضوع كله من منظوره هو.. شايف إنها خصومة شغل، مجرد ابتزاز مالي وسيناريو فدية تقليدي بين رجال الأعمال. وكان بيحاول يهدي الرعب اللي بياكل في صدري.
الساعة كانت قربت على أربعة الفجر.. الدنيا برة كانت ضلمة، والصمت في الشقة كان مرعب.
وفجأة.. شاشة موبايلي اللي مرمي جنبي نورت!
الموبايل اتهز كان فيه رسالة جايالي من رقم معرفهوش.
طارق اتنفض وجرى عليا، وأنا إيدي كانت بترتعش لدرجة إن الموبايل كان هيقع مني وأنا بفتح الشاشة. طارق وقف فوق رأسي وقالي بتوتر: "افتحي بسرعة يا مريم! أكيد اللي خطـ.ــفوها بيتواصلوا معانا !"
فتحت الرسالة وفضلت عيني معلقة على الشاشة كام ثانية من غير ما أقدر أقرأ.
كان فيها سطر واحد بس...
سطر قصير، لكن أول ما عيني وقعت عليه، حسيت كأن الأرض اتهزت من تحتي.
"لو عايزة بنتك ترجعلك حية وسليمة... دوري ورا أبوها الحقيقي."
فضلت باصة للشاشة وأنا مش مستوعبة.
قريتها مرة.
وبعدين مرة تانية.
وتالتة، كأني مستنية الكلمات تتغير أو ألاقي نفسي فهمتها غلط.
لكنها كانت زي ما هي.
نفس الجملة, ونفس التهـ.ــديد اللي مستخبي بين كلماتها.
إيدي بدأت تترعش أكتر، والموبايل كان هيقع مني، فطارق مد إيده بسرعة وخده مني هو كمان مكنش مستوعب!
قرأ الرسالة...وفضل ساكت, ملامحه اتغيرت في لحظة.
مش صدمة واحد اكتشف سر لأول مرة...
لأ.
كانت صدمة واحد شاف الماضي اللي دفنه بإيده واقف قدامه فجأة.
بصلي، وأنا بصيتله.
ثواني طويلة عدت بينا من غير كلمة واحدة..
السر ده كان بينا من سنين، عمرنا ما احتجنا نتكلم عنه، ولا حتى نلمح له.
كان اتفاق بين اتنين حبوا بنت وربوها رغم إن كل واحد فيهم عارف الحقيقة كاملة.
طارق بلع ريقه، ورجع بص للشاشة مرة تانية.
صوته خرج واطي، متحشرج:
"هو... مين تاني عارف ؟"
حسيت بقشعريرة باردة في جسمي, فقربت منه خطوة وقولت بصوت مخنوق:
مفيش!
لقيته سرح وهو بيكلم نفسه:
مين اللي قدر يوصل للسر اللي فضلنا سنين بنحاول نخبيه؟
بصيت للشاشة تاني, الجملة كانت لسه قدامي:
أبوها الحقيقي.
الكلمتين دول بالذات كانوا كفاية يرجعوني سنين لورا...
لليلة حاولت أنساها.
للحياة اللي قفلت بابها ورايا وأنا فاكرة إني خلاص نجيت!
لكن إزاي؟
إزاي السر ده ظهر دلوقتي؟
بعد ست سنين كاملة؟
بعد ما كارما كبرت قدام عيني، وبعد ما بقينا عيلة، وبعد ما كل الناس عارفة إن طارق هو أبوها؟
طارق قرب مني، مسك كتفي وقال بصوت متوتر:
"مريم... ركزي معايا."
بصيتله، وعيني بدأت تتملي دموع وهو قال:
"اللي بعت الرسالة دي مش عايز فلوس."
هزيت راسي ببطء وقولت:
-واضح.
-ومش عايز يخوفنا وبس, هو عايز يوصل لحاجة.
قولت بصوت مرتجف:
هي إيه ؟
طارق سكت, وأنا حسيت إن قلبي وقع في رجلي.
لأننا لأول مرة من ساعة ما كارما اختـ.ــفت، فهمنا إن الموضوع مش مجرد خـ.ــطف طفلة.
فيه حاجة تانية أكبر من كده بكتير!
ـــــــــــــــ
ضحكة كارما كانت بتردلي روحي أول ما تطلع من بوقها الصغير.
كانت زي الفراشة بتجري بفستانها الأصفر بين ألعاب الملاهي، واخدة من "طارق" هدوءه ومني أنا ملامحي.
طارق كان واقف جنبي، ماسك إيدي بدفا وبيبص لكارما وهي بتلف فرحانة بين الألعاب، وعينيه مليانة حنان..
نفس الحنان اللي لملم بيه شتات قلبي وروحي لما دخل حياتي من ست سنين.
اليوم كان مشمس والحديقة زحمة جداً.. عائلات وأطفال وبياعين غزل بنات وبالونات بتطير في الجو.
أشكال وألوان وهيصة في كل حتة، ومحدش فينا كان يتخيل إن وسط كل البهجة والتفاصيل البسيطة دي، حياتنا هتتحول لكابوس في لحظة واحدة.
"مريم.. هروح أجبلنا عصير ومية وجاي.. خلي عينك عليها."
طارق قالها وهو بيطبطب على كتفي بابتسامته الهادية اللي بتطمني دايماً، وبعدها اختفى وسط زحمة الناس.
وقفت أراقب كارما.. لعبة الأحصنة كانت بتلف والمزيكا شغالة في الخلفية، وكارما كل ما تعدي من قدامي تبصلي وتشاورلي بإيدها الصغيرة، وضحكتها اللي مفيش منها اتنين. في اللحظة دي بالظبط، الموبايل اتهز في الشنطة كان جايلي رسالة.
طلعت الموبايل عشان أشوف مين.. الموضوع مخدش مني أكتر من دقيقتين.. دقيقتين بالظبط عينيا نزلت فيهم للشاشة ورجعت رفعتهم تاني.
عيني وقعت على اللعبة.. الحصان الأصفر اللي كانت راكباه كارما بقى فاضي!
قلبي اتخلع من مكانه في ثانية. وقفت على أطراف صوابعي ودورت بعيني حوالين اللعبة بسرعة، افتكرتها نزلت وجريت عليا من الناحية التانية زي ما بتعمل كل مرة..
"كارما؟"
ناديت بصوت واطي ومتردد في الأول، بس محدش رد.
اتحركت خطوتين لقدام، وبعدها بقيت أجري ناحية اللعبة وصرخت بأعلى صوت عندي هز الحديقة كلها:
"كارما!! كارما يا حبيبتي! إنتي فين؟
ملقتهاش. مفيش أي أثر ليها في أي مكان. الحاجة الوحيدة اللي لقيتها مرمية على الأرض تحت اللعبة كانت عروستها الصغيرة اللي مبتفارقهاش!
في ثواني معدودة، الملاهي المبهجة اتحولت لجحيم , طارق جالي بيجري لما سمع صراخي اللي قطع الأصوات من حواليا، العصير وقع من إيده على الأرض وشهق لما شاف منظري وأنا برمي نفسي على الأرض وماسكة العروسة وبنهار.
الأمن بتاع الملاهي اتجمع بسرعة، الصفارات اشتغلت، وجريوا قفلوا البوابات الرئيسية.
الناس اتلمت حوليا، ووسط الدوشة والأطفال اللي بتلعب في كل حتة، كنا بنصرخ وننده على اسمها زي المجانين.
ساعتين كاملين بنقلب الملاهي شبر شبر.. الحمامات، الكافيهات، مناطق الألعاب المغلقة، ومفيش أي خيط يوصلنا ليها.
دخلنا غرفة المراقبة مع مدير الأمن عشان نشوف الكاميرات، كان جسمي بيموت من الرعب وأنا باصة للشاشات قدامي.. بس الصدمة الشديدة كانت إن الكاميرا الوحيدة الموجهة ناحية لعبة الأحصنة كانت محجوبة تماماً بشجرة كبيرة!
اللي خطف كارما مكنش مجرد مجرم عابر.. ده شخص عارف المكان شبر شبر، واختار نقطة محدش يقدر يوصلها أو يرصدها في الكاميرات! وفي ثواني معدودة.. كارما اتبخرت كأنها مكنتش موجودة!
جرينا على قسم الشرطة.. ساعات طويلة وعصيبة مرت علينا هناك والوقت كان بيمر ببطء شديد. الظابط كان بيحقق معانا وبيسأل عن كل تفصيلة صغيرة: لابسة إيه؟ شكلها؟ هل في أي عداوة ليكم مع حد؟ هل جايلكم أي تهديد قريب؟
أنا كنت قاعدة على الكرسي متجمدة، مش قادرة أستوعب إن البنت اللي كانت في حضني من شوية, مش موجودة دلوقتي ومش عارفة هي فين ولا مع مين. طارق كان هيتجنن، مسك الموبايل ومسكتش.. كان بيكلم كل معارفه، رجال أعمال، لواءات، ومحامين:
"اقلبوا البلد كلها! أي مبلغ يتطلب أنا مستعد أدفعه، المهم بنتي ترجعلي سامعني؟
عملنا البلاغ الرسمي، ونزلوا نشرات بصورة وتفاصيل كارما على كل الأكمنة، ولما الوقت اتأخر، الظابط طلب مننا نرجع البيت ونستنى أي اتصال، ووعدنا إننا منقلقش خالص وإن فرق البحث شغالين على أعلى مستوى.
رجعت البيت... الشقة كانت ضلمة وساكتة سكوت يرعب. دخلت أجرّ رجلي بالعافية، فتحت باب أوضة كارما.. ألعابها كانت مرصوصة في مكانها، سريرها الصغير متغطي بالمفرش الوردي، وريحة البرفيوم اللي بتحبه مالية المكان. اترعشت ونزلت على الأرض أضم هدومها لصدري وأعيط بحرقة وصوت مكتوم.
طارق كان رايح جاي في الصالة من كثرة التوتر. كل شوية يمسك الموبايل يبص فيه مستني رسالة أو مكالمة، ويبصلي بقلة حيلة ونظرة عجز ويقول:
أكيد فدية يا مريم.. أكيد حد من المنافسين بتوعي في السوق عرف إني خدت المناقصة الأخيرة, وحابب يكسرني أو ياخد فلوس.. متخافيش يا حبيبتي، لو طلبوا ملايين هدفع، هدفع كل ما أملك بس كارما ترجع تنام في حضننا تاني.
طارق كان بيفسر الموضوع كله من منظوره هو.. شايف إنها خصومة شغل، مجرد ابتزاز مالي وسيناريو فدية تقليدي بين رجال الأعمال. وكان بيحاول يهدي الرعب اللي بياكل في صدري.
الساعة كانت قربت على أربعة الفجر.. الدنيا برة كانت ضلمة، والصمت في الشقة كان مرعب.
وفجأة.. شاشة موبايلي اللي مرمي جنبي نورت!
الموبايل اتهز كان فيه رسالة جايالي من رقم معرفهوش.
طارق اتنفض وجرى عليا، وأنا إيدي كانت بترتعش لدرجة إن الموبايل كان هيقع مني وأنا بفتح الشاشة. طارق وقف فوق رأسي وقالي بتوتر: "افتحي بسرعة يا مريم! أكيد اللي خطـ.ــفوها بيتواصلوا معانا !"
فتحت الرسالة وفضلت عيني معلقة على الشاشة كام ثانية من غير ما أقدر أقرأ.
كان فيها سطر واحد بس...
سطر قصير، لكن أول ما عيني وقعت عليه، حسيت كأن الأرض اتهزت من تحتي.
"لو عايزة بنتك ترجعلك حية وسليمة... دوري ورا أبوها الحقيقي."
فضلت باصة للشاشة وأنا مش مستوعبة.
قريتها مرة.
وبعدين مرة تانية.
وتالتة، كأني مستنية الكلمات تتغير أو ألاقي نفسي فهمتها غلط.
لكنها كانت زي ما هي.
نفس الجملة, ونفس التهـ.ــديد اللي مستخبي بين كلماتها.
إيدي بدأت تترعش أكتر، والموبايل كان هيقع مني، فطارق مد إيده بسرعة وخده مني هو كمان مكنش مستوعب!
قرأ الرسالة...وفضل ساكت, ملامحه اتغيرت في لحظة.
مش صدمة واحد اكتشف سر لأول مرة...
لأ.
كانت صدمة واحد شاف الماضي اللي دفنه بإيده واقف قدامه فجأة.
بصلي، وأنا بصيتله.
ثواني طويلة عدت بينا من غير كلمة واحدة..
السر ده كان بينا من سنين، عمرنا ما احتجنا نتكلم عنه، ولا حتى نلمح له.
كان اتفاق بين اتنين حبوا بنت وربوها رغم إن كل واحد فيهم عارف الحقيقة كاملة.
طارق بلع ريقه، ورجع بص للشاشة مرة تانية.
صوته خرج واطي، متحشرج:
"هو... مين تاني عارف ؟"
حسيت بقشعريرة باردة في جسمي, فقربت منه خطوة وقولت بصوت مخنوق:
مفيش!
لقيته سرح وهو بيكلم نفسه:
مين اللي قدر يوصل للسر اللي فضلنا سنين بنحاول نخبيه؟
بصيت للشاشة تاني, الجملة كانت لسه قدامي:
أبوها الحقيقي.
الكلمتين دول بالذات كانوا كفاية يرجعوني سنين لورا...
لليلة حاولت أنساها.
للحياة اللي قفلت بابها ورايا وأنا فاكرة إني خلاص نجيت!
لكن إزاي؟
إزاي السر ده ظهر دلوقتي؟
بعد ست سنين كاملة؟
بعد ما كارما كبرت قدام عيني، وبعد ما بقينا عيلة، وبعد ما كل الناس عارفة إن طارق هو أبوها؟
طارق قرب مني، مسك كتفي وقال بصوت متوتر:
"مريم... ركزي معايا."
بصيتله، وعيني بدأت تتملي دموع وهو قال:
"اللي بعت الرسالة دي مش عايز فلوس."
هزيت راسي ببطء وقولت:
-واضح.
-ومش عايز يخوفنا وبس, هو عايز يوصل لحاجة.
قولت بصوت مرتجف:
هي إيه ؟
طارق سكت, وأنا حسيت إن قلبي وقع في رجلي.
لأننا لأول مرة من ساعة ما كارما اختـ.ــفت، فهمنا إن الموضوع مش مجرد خـ.ــطف طفلة.
فيه حاجة تانية أكبر من كده بكتير!
