"زين وعاليا لما قعدوا قدام بعض، فهموا إن الاتنين كانوا بيعملوا نفس الحاجة.. بيخافوا على بعض بطريقتهم.
عاليا قالتله الجملة اللي كانت محبوسة جواها شهور: أنا مليش غيرك، أنا من غيرك هبقى يتيمة بجد.
وزين قالها الجملة اللي كانت مستنياها من أول يوم: انتي أول وآخر حب في حياتي، وانتي الحاجة الحلوة اللي في حياتي"
زين دفع إحدى الزهريات الموضوعة بمكتب جده على الأرض وهو بيقرب منها وبيسألها بغضب: "ليه تطلبي منه شغل.. ليه تطلبي من جدي إنه ياخد لك حقك.. ليه دايما بتطلبي من أي حد غيري".
نظرت عاليا لتهشم الزهرية العنيف على الأرض وتراجعت للخلف بخو..ف.. قرب منها زين وكمل كلامه بغضب: "لدرجة دي شايفاني ضعيف.. لدرجة دي شايفاني ما أقدرش آخد لك حقك وما أقدرش أحقق لك كل اللي بتتمنيه".
هزت عاليا راسها بـ لا وهي بتضع إيديها على فمها تكتم صوت بكائها بخوف.
تأملها زين وحزن لما شاف الخوف منه جوه عنيها.. بعد عنها وقعد على مكتب جده وهو بيحاوط راسه بحزن وتفكير.
تابعته عاليا بحزن وهي بتفكر في كلامه وعرفت إن جده قاله على موضوع أحمد وجانيت وفهمت سبب حزنه وغضبه.
قربت منه بهدوء وقعدت قدامه واتكلمت ببكاء: "أنا لما قولت لجدك على اللي أحمد وجانيت عملوه معايا.. مكنش عشان أنا شايفاك ضعيف.. بالعكس.. كان عشان أنا عارفة إن انت مكنتش هترحمهم وكنت ممكن تقـ..تلهم وتضيع نفسك".
زاد بكائها وكملت كلامها بوجع: "وأنا ما أقدرش أعيش من غيرك".
رفع زين وجهه وبص لها بهدوء.. لتتابع كلامها ببكاء أكتر: "وحمزة لما عرض عليا الشغل أنا قلتله إني هاخد رأيك الأول".
لتتابع باقي كلامها بحزن: "أنا بحترمك يا زين وعمري ما أصغرك قدام حد بس صدقني أنا بخاف عليك".
زاد بكائها بهستيرية: "أنا خايفة أفقدك زي ما فقدت أهلي.. بخاف أتحرم منك في أكتر وقت محتاجاك فيه زي ما اتحرمت من أهلي".
رفعت عنيها وبصت له ببكاء: "أنا مليش غيرك يا زين.. أنا من غيرك هبقى يتيمة بجد".
أنهت كلامها وضمت وجهها بإيديها وهي بتبكي.. وقف من مكانه وقرب منها وبعد إيديها عن وجهها ووقفها قدامه وجفف دموعها بحنية واتكلم بعشق: "أنا بحبك صدقيني يا عاليا.. انتي أجمل وأغلى حاجة في حياتي".
بكت أكتر وألقت نفسها في حضنه.. ضمها بحنان وهو بيحاول يهديها ويطمنها.
.......
في الخارج اتكلمت قسمت بقلق: "هو إيه صوت الزعيق والتكسير ده؟..".
رد الجد بمرح: "اطمني ده زين ومراته هتلاقيهم بيتناقشوا في موضوع".
ردت قسمت بدهشة: "كده بيتناقشوا؟!.. أومال لما بيتخانقوا بيعملوا إييه؟..".
ضحكت جدة زين واتكلمت بمرح هي كمان: "بصي احنا كل مرة بنفكر إن ده خناقة بينهم لكن لما بنعرف الموضوع بيطلع إنه نقاش عادي بالنسبة لهم".
ضحكت قسمت واتكلمت بذهول: "غريبة مع إن زين طول عمره مش بيحب الدوشة ولا الصوت العالي".
رد الجد بابتسامة: "زين وعاليا اتجوزوا بسرعة ومن غير ما يعرفوا بعض وتقدري تقولي إنهم لسه بيكتشفوا بعض لحد دلوقتي".
أكدت جدة زين على كلام الجد: "وكمان هما مروا بظروف صعبة كتير ومحتاجين وقت عشان يفهموا بعض ويثقوا في بعض أكتر".
اتكلم زياد مع قسمت بهدوء: "أومال باسل فين؟ ليه ما جاش معاكم".
ردت قسمت بابتسامة: "باسل مشغول شوية بس ما تقلقش هيجي في خلال يومين".
اتكلم الجد بفضول: "هو باسل بيشتغل في إيه دلوقتي..؟".
ردت جدة زين بفخر: "باسل عنده شركة سياحة ما شاء الله عليه من أكبر رجال الأعمال دلوقتي".
رد زياد بتلقائية: "مين ده اللي فاتح شركة سياحة ومن أكبر رجال الأعمال.. باسل..!".
حاول الجد يكتم ضحكته على طريقة حفيده واتكلمت قسمت بهدوء: "آه يا حبيبي.. باسل اتغير كتير عن الأول وما شاء الله عليه دلوقتي".
هز زياد راسه بعدم تصديق وهو مش مصدق إن باسل يبقى رجل أعمال واتكلم زياد بداخله: "ده أنا مش مصدق إنه بقى راجل أصلا يبقى هصدق إنه راجل أعمال".
رواية زين وعاليا بقلمي ملك إبراهيم.
عند زين وعاليا
بدأت عاليا تهدى جوه حضنه.. ضمها زين واتكلم بهدوء: "أحسن دلوقتي".
هزت عاليا راسها بهدوء وخرجت من حضنه وهي بتبص للأرض بخجل..
أخدها زين للكنبه الموجودة بغرفة المكتب وطلب منها تقعد وقعد جنبها ومسك إيديها واتكلم بحنية: "عاليا ممكن تبصيلي".
رفعت عنيها بخجل وبصت له بهدوء.. قرب إيديها من شفايفه واتكلم برقة وهو بيقبل إيديها.
زين: "أنا آسف".
ابتسمت عاليا بهدوء وردت بخجل.
عاليا: "أنا كمان آسفة".
ابتسم زين واتكلم بهدوء: "عاليا أنا عايز أقولك قبل أي كلام.. إن أنا بحبك بجد.. انتي أول وآخر حب في حياتي".
ابتسمت عاليا بخجل وتأملته بعشق.
ليتابع زين كلامه بهدوء: "أنا عارف إن جوازنا حصل بسرعة وأسبابه كانت حاجات تانية غير الحب بس لما شوفتك صدقيني عرفت يعني إيه حب.. وبقيتي انتي حبيبتي ومراتي وكل حياتي".
ابتسمت عاليا بسعادة ليتابع باقي كلامه وهو بيضم إيديها بين إيديه: "أنا طبعا كنت بتمنى إننا نكمل حياتنا مع بعض وتكون هادية من غير أي مشاكل.. بس فيه ناس تانية عايزين يقلبوا حياتنا ويخربوا أي حاجة حلوة فيها".
بصت له عاليا باهتمام ليتابع باقي حديثه: "وانتي الحاجة الحلوة اللي في حياتي يا عاليا وعشان كده لازم ما نديش لحد فرصة إنه يفرقنا عن بعض".
اتكلمت عاليا وهي بتتأمل ملامحه: "أنا مستحيل أبعد عنك يا زين.. انت روحي".
رد زين بعشق: "وانتي أغلى من روحي..".
ليتابع كلامه بتأكيد: "بس عايزك توعديني إنك تعرفيني أي حاجة بتحصل معاكي عشان احنا لسه ما نعرفش هما ناويين على إيه".
ردت عاليا بحزن: "يعني انت عرفت اللي أحمد عمله معايا".
اتحولت ملامح زين للغضب وحاول يسيطر على غضبه ورد بتأكيد: "أيوا يا عاليا عرفت وكنت بتمنى إن انتي اللي تقوليلي بنفسك".
خجلت عاليا وحطت وشها في الأرض واتكلمت بحزن: "يعني انت مصدق إن أحمد فعلا ما قربش مني".
رد زين بتأكيد: "طبعا ومتأكد كمان وصدقيني لو كان قرب منك أنا مكنتش اترددت لحظة واحدة وقتـ.. لته".
بصت له عاليا بدهشة واتكلمت بفضول: "غريبة إن انت متأكد.. أنا كنت فاكرة إن انت ممكن ما تصدقش إنه ما قربش مني".
رد زين بثقة: "مهو حضرتك لو كنتي عرفتيني من الأول كنت هقولك إن انتي ما اتعرضتيش لأي حاجة وإن انتي بنت زي ما انتي وده اللي قالهولي الدكتور لما جيتلك المستشفى وانتي عاملة الحادثة..".
اتصدمت عاليا وبصت له بذهول: "يعني إيه.. أنا مش فاهمة حاجة".
اتكلم زين بهدوء وهو بيحكي لها الحوار اللي حصل بينه وبين الدكتور في المستشفى. .
فلاش باك.
الدكتور: "فيه حاجة مهمة كنت حابب أتكلم مع حضرتك فيها".
زين بانتباه: "اتفضل".
بص الدكتور على عاليا وبص لزين واتكلم بدهشة: "حضرتك بتقول إنك جوزها.. صح؟".
زين بتأكيد: "آه طبعا جوزها".
الدكتور بدهشة: "بس فيه فحص كامل اتعملها عشان نطمن إن مفيش أي نزيف داخلي أو كسور وأنا معايا نسخة من تقرير الفحص ومكتوب إنها فتاة عذراء".
رد زين بتفهم: "هي فعلا لسه عذراء لأن زواجنا لسه ما اكتملش لأني كنت مسافر".
فهم الدكتور واتكلم بإحراج: "أنا آسف لو اتكلمت مع حضرتك في حاجة زي دي بس الموضوع كان غريب بالنسبة لي إن التقرير يقول إنها فتاة عذراء وحضرتك تقول زوجتي".
هز زين راسه بتفهم وبدأ الدكتور يشرح له حالة عاليا بالتفصيل.
عودة للواقع.
بصت له عاليا بذهول وهي مش مصدقة إن زين كان عارف إنها بنت عذراء وهي كانت عايشة في الوهم ومصدقة خدعة أحمد.
قبل زين إيديها وهو بيحاول يخرجها من شرودها واتكلم بهدوء: "ياريت ننسى كل اللي حصل ده ونبدأ من جديد".
هزت عاليا راسها بابتسامة وهي بتتأمله بعمق..
اتكلم زين بحماس وهو بيبتسم: "بقولك إيه تعالي معايا".
بصت له عاليا بدهشة.. مسك إيديها وأخدها وخرجوا من باب خلفي لغرفة المكتب.. وقفت عاليا وهي بتكلمه بصوت منخفض: "زين احنا هنروح فين".
ابتسم زين وغمز لها بمشاكسة: "ما تسأليش خليكي معايا وبس".
ابتسمت عاليا واستسلمت له وراحت معاه على عربيته وركبوا العربية وانطلق بيها زين بسرعة..
نظر زياد لتليفونه بدهشة لما لقى المتصل رقم زين.
رد زياد بدهشة: "زين!!".
اتكلم زين بابتسامة وهو سايق عربيته وجانبه عاليا: "زياد بلغ جدك إن عندي مشوار مهم روحته أنا وعاليا".
رد زياد بدهشة وهو بيبص لجده وجدته: "مشوار! مشوار إيه.. هو.. هو مش انت وعاليا في أوضة المكتب".
ابتسم زين وهو بيقبل إيد عاليا ورد عليه بمرح: "لا ما أنا خرجت من الباب الخلفي وعاليا شبطت فيا أخدتها معايا".
ضحك زياد واتكلم بمرح مماثل: "آه قلتلي.. طب خلاص اطمن أنا هبلغ جدك".
قفل زين التليفون وبص لعاليا بعشق: "أنا هوديكي أجمل مكان ممكن تشوفيه في حياتك".
ردت عاليا بحماس مختلط بتوتر: "فين يعني..؟".
رد زين بمشاكسة: "مفاجأة".
رواية زين وعاليا بقلمي ملك إبراهيم.
في الفيلا عند جد زين.
اتجننت جيلان لما عرفت إن زين أخد مراته وخرج.. وقفت بعصبية واتكلمت بحدة: "ممكن أعرف أوضتي فين؟".
استغرب الجد من عصبيتها المبالغ فيها ووقف معاها زياد واتكلم بهدوء: "تعالي معايا جيلان وأنا هوصلك أوضتك.. مفيش داعي للعصبية دي".
اتكلمت جدته وهي بتقف مع جيلان: "خليك يا حبيبي وأنا هوصلها هي وقسمت غرفهم..".
طلعت جيلان قدام جدتها بعصبية وطلعت قسمت مع والدتها بعد ما استأذنت من الجد.. وقعد زياد جانب جده واتكلم بغيظ: "مش عارف شايفة نفسها على إيه الصراحة".
رد جده بهدوء: "عيب يا زياد دي مهما كان بنت خالتك".
رد زياد بغيظ: "للأسف إنها بنت خالتي.. الحمد لله إن زين ما اتجوزهاش".
ضحك الجد على كلام حفيده وبدأ يفكر بغموض.
رواية زين وعاليا بقلمي ملك إبراهيم.
في أوضة كمال وجانيت.
وقف كمال وهو بيبص لجانيت اللي تقريبا حبسة نفسها في الأوضة ومش عايزة تخرج منها أبدا.
كمال بملل: "وبعدين.. هتفضلي حابسة نفسك هنا كده".
بصت له جانيت بدهشة: "هو انت متضايق إن أنا حابة أفضل هنا في البيت".
رد كمال بملل: "لا طبعا بس متضايق إن انتي قاعدة كئيبة كده.. وانتي عارفاني ما بحبش النكد".
بصت له جانيت بغضب واتكلمت بسخرية: "هو انت مسألتش نفسك أنا كئيبة من إيه.. إيه اللي ممكن يكون مغيرني كده.. إيه المصيبة اللي أنا فيها ووصلتني للحالة دي.. ولا انت ما بتفكرش غير في نفسك وبس.. عايش لنفسك وبس ومش مهم أي حد تاني".
رد عليها كمال بعنف: "جانيت أنا بحذرك تتكلمي معايا بالطريقة دي".
ردت جانيت بغضب: "أنا أصلا مش مصدقة انت إزاي إنسان أناني للدرجة دي.. ما بتفكرش غير في نفسك وفي اللي يسعدك انت وبس ومش مهم أي حد تاني".
رد عليها كمال بسخرية: "تصدقي إني مكنتش أعرف إن أنا إنسان وحش للدرجة دي.. اللي يسمعك وانتي بتتكلمي كده ما يقولش إن انتي اتجوزتيني مثلا عشان فلوسي".
اتكلمت جانيت بسخرية: "وهي فين فلوسك دي ما كل حاجة بقت لأولادك وانت بقيت بتاخد مصروفك منهم زي الطفل الصغير".
اتعصب كمال من كلامها وخرج من الأوضة بغضب وأغلق الباب خلفه بعنف.
قعدت جانيت وهي بتتنفس بغضب ومسكت تليفونها وعملت مكالمة وهي في انتظار الرد..
جانيت: "ألو".
.......: "خير عايزة إيه".
جانيت بانفعال: "عملت إيه وصلت لأحمد؟".
.......: "لسه مش عارف أوصله.. بس هيروح مني فين أكيد هلاقيه".
جانيت بتوتر: "لا.. انت لازم تتصرف أنا مش هفضل كده تحت رحمته.. أنا حابسة نفسي في الأوضة وأنا مرعوبة إنه يبعت لزين وجده التسجيلات".
لتتابع كلامها بتهديد صريح: "على فكرة أنا لو وقعت مش هقع لوحدي وهقولهم عليك وعلى كل حاجة".
رد عليها بعنف: "لو نطقتي اسمي بس.. صدقيني مش هتردد لحظة واحدة في قتـ..لك جانيت".
قفل التليفون في وجهها.. نظرت جانيت للتليفون وهي بتلعن اليوم اللي وافقت فيه إنها تساعده وتشترك معاه في اللعبة دي وبدأت تفكر إزاي تخرج نفسها من اللعبة دي لأنها متأكدة إنها هتكون الخسرانة في كل الحالات.
رواية زين وعاليا بقلمي ملك إبراهيم.
في أوضة جيلان.
اتكلمت قسمت بغضب وانفعال.
قسمت: "انتي مجنونة جيلان إيه الطريقة اللي انتي اتكلمتي بيها دي قدام زياد وجده".
واتكلمت جدتها بانفعال مماثل: "لأ وكمان كانت عايزة تتكلم عن عاليا قدامهم..".
لتتابع جدة زين كلامها بطريقة غاضبة: "طول عمرك غبية يا جيلان.. وعشان كده ما قدرتيش تضحكي على زين وتتجوزيه وأهو راح اتجوز بنت يتيمة ملهاش عيلة وزياد كمان خطب بنت تانية يعني خلاص بكره هنشحت وهنتفضح قدام الناس".
وقفت جيلان وهي بتبص لهم بغيظ واتكلمت بسخرية: "والله أنا كنت بنفذ كل خططكم عشان أوقع زين في حبي وللأسف كلها كانت خطط فاشلة".
لتتابع كلامها بإصرار: "بس أنا المرة دي مش همشي وراكم وهتصرف أنا بطريقتي وهعرف إزاي أتجوز زين حتى لو على مراته ومش مهم أبقى زوجته التانية المهم إني أفضل عايشة في المستوى ده".
ردت والدتها بقوة: "وليه يبقى لك شريك ما انتي تبعديها عن طريقك خالص".
اتكلمت جدتها بتفكير: "أنا قربت منهم أوي الفترة اللي فاتت وقدرت أكسب ثقتهم وخصوصا عاليا.. يعني ممكن بسهولة نقدر نبعدهم عن بعض ونخليه يطلقها من غير ما نظهر في الصورة"...