رواية مفتاح الهلاك الجزء الثانى
2-
انا ياسر الدبتشى
33 سنة
رائد مباحث و ع وش ترقيه لمقدم
من كام يوم حصلت جريمة قتل لرجل اسمة فرج عبد النبى كان حرامى غسيل قديم و تاب و بقى شغال ع توكتوك او تروسكل ابو صندوق بيلم كراتين و بلاستك لزوم اعادة التدوير من مخلفات الزبالة
و كانت موتت فرج غريبة
صدرة مفتوح
قلبة مش موجود
و كان فى ايدة مفتاح
لونة دهبى
المفتاح دا مع الدكتور وليد
طبيب شرعى و صديق قديم
و انا فى اوضة فرج بالمنطقة العشوائية اللى جنب شريط القطار بتاع عين شمس
لقيت حاجة غريبه
ميدلية مفاتيح
شبهه القلب المقلوب حمرا
مكتوب عليها رقم 1
و كنت لسه قافل المكالمة مع وليد
اللى قالى ان فى حاجة غريبة هيقولها لما يقابلنى كمان نص ساعه
بصيت اوى فى الميدليه..وحسيت بشعور غريب
مش قادر اوصفة
لكن مخيف
***
و ف اوضة الدكتور وليد
قعدت و دخنت سجارة رغم نظرة الاعتراض اللى بص لى بيها
لكنى نفضتله
وليد:
-المفتاح طلع حكاية
-خير يا دكتور؟
-جربت افتح بالمفتاح كذا كالون علشان اعرف نوعه
-تمام
-مش هتصدق اللى حصل
و فتح درج مكتبة و طلع غلاف نايلون فية المفتاح الدهبى و قال:
-المفتاح بيفتح كل الكوالين
-مش ممكن
-تصور
-دا حلم كل حرامى..و ازاى دا؟
-معرفش يا ياسر بصراحة..اسنان المفتاح بتتجاوب مع اى كالون
و اتناولت منه المفتاح اقلبة فى ايدى
لما جرس التليفون رن
و رد و ليد و شكلهم عوزينة برا شوية
استاذن و خرج
معقولة بيفتح كل الكوالين
وليد جربة على كوالين المختبر
و لمحت باب الحمام بتاع اوضة وليد
قمت بتلقائية
و كان مقفول
و دخلت المفتاح فى كالون الباب
دخل
غريبة
و لفيته
لف
و انفتح الباب
و.........
يا نهار اسود
ايه اللى حصل؟
مش ممكن
قفلت الباب تانى
و خرجت المفتاح
و فتحته
كان الحمام هناك
ياخبراااااااااااا
دى كارثة
محدش هيصدقنى
حطيت المفتاح فى الغلاف البلاستك
و خرجت من الاوضة قبل ما يرجع وليد
محدش لازم يعرف المفتاح دا بيعمل ايه
محدش هيصدقنى
***
بعد نص ساعه
نزلت من عربيتى
و طلعت جرى على شقتى
كنت عايش لوحدى
انا سرقت دليل فى جريمة قتل
بس اعمل ايه
عقلى هيشت منى
دخلت الشقة
و خلعت الجاكت و سبت الطبنجة ع التربيزة
و مسكت المفتاح
قربت من اوضة النوم
بصيت فيها الدولاب و السرير و التسريحة
هى هى
قفلت الباب
و دخلت المفتاح فى الكالون و دورتة
و فتحت باب الاوضة
من تانى ..و المفتاح زى ما هو فى الكالون
و لقيت الضوء
صحرا
واسعه و كبيرة مالهاش حدود
و قصادى على بعد 100 متر
باب
كبير
من الخشب
دخلت
و رجلى بتغرس فى الرمل
الهوا سخن
و الشمس حامية اوى
راحت فين اوضة النوم
المفتاح دا بيفتح اى باب و ينقل المكان
لحتة تانية
و اخيرا
وصلت للباب الخشب الكبير
و حاولت افتحة
مفتحش
دخلت المفتاح فى الكالون بتاعة
و دورتة
و فتحت
يااااااانهار اسود
ايه دااااااااااااااااااااا؟؟؟؟؟