رواية مفتاح الهلاك الجزء الثالث
3-
مكنتش مصدق نفسى..قصادى شاطىء بحر..لا مش بحر طلع محيط
و اكواخ و مصيفين...كنت فى هاواى..
لمست المياه بايدى
و اتكلمت مع بنات
اوف
مش ممكن
و كان لازم ارجع القط نفسى و افكر كويس
و اول باب قابلنى فى هاواى
حطيت المفتاح فى كالونة و دورته
لقيتنى فى الصحرا الواسعه
و الباب الخشب الكبير قصادى
مشيت ف الرمله
لغاية الباب
و عارف انه مش هيفتح الا بلفة المفتاح
بس هرجع بيتى ازاى؟؟
و جاتلى فكرة
اكيد دا مفتاح سحرى
بيفتح ابواب على كل مكان و فى اى حته
ركزت دماغى و فكرت فى شقتى و اتخيلتها فى دماغى
و لفيت المفتاح
و فتحت الباب
لقيت شقتى قصادى
يااااه على شطارتى
قفلت الباب
و خرجت المفتاح
و رجعت فتحته
اوضة النوم
يااااااه
ع الحظ
المفتاح دا كنز الكنوز
ممكن اكو نفى اى بقعه من العالم فى ثانية
و قعدت اخد نفسى
و افكر ممكن اعمل ايه بالمفتاح
و فى الوقت دا
صوت موبايلى رن
-الو..
وليد: روحت فين يا ياسر..و فين المفتاح
قفلت السكة..
يا خبر انا نسيت..
سرقت واحد من ادلة جريمة قتل
و العمل..؟
و انا بفكر
لمحت الميدليه بتاعة المفتاح
ياترى لو علقت المفتاح فيها قوته تزيد
و فعلا
علقت المفتاح فى الميدليه الحمرا..
و...
حسيت بالصوت ف دماغى
همس
مخيف
ايه اللى بيحصل؟
مش قادر اسيب المفتاح من ايدى
مع انى عارف انى فى خطر كبير
قعدت على الكنبة
و انا ماسك المفتاح بالميدليه و عنيه مش قادر ارفعها عنهم
كنت ف دنيا تانية
شايف الصحرا الوسعه
و الباب الخشب القديم
و فى حد حاسس بيه جاى من ورا الباب
و عارف انه جاى علشانى
لازم امشى
اهرب
مش قادر
و قصاد عينى
شايف الباب الخشب بيتفتح
و يظهر منه
الموت...!