قصة #الممسوسة
الجزء الثاني
والآن لنقوم بتقديم القربان الاول …
وقام قاطع وتر القوس بتاع الكمانجا الي في ايده بقوه غريبه
وقام دابح نفسه.….
اه والله دبح نفسه
فضلت اصرخ وبعدين اغم عليا
فتحت عيني لقيت نفسي متعلق لي محلول في استقبال مستشفي قريبه عارفاها و كل الناس عارفيني فيها و ماما جمبي بتعيط .. فانا نطيت من مكاني بسرعه وقلتلها وانا بعيط وصوتي بيقطع والكلام مش طالع مامااا كان في واحد وو بعدين ..فماما سكتتني وقالتلي اه يا حبيبي معلش اللي شفتيه دا صعب جدا انا عارفه ان شاء الله كل حاجه هتبقي كويسه ..وسكتت
..عدي اليوم دا وروحت البيت وبعدين طبعا دخلنا ف تحقيقات النيابة ورحت كذا مره عشان احكي الي شوفته.. عرفت من التحقيقات ان الشاب دا كان اسمه خالد وكان عنده 26 سنه وكان كويس جدا وسلوكه متزن وسليم ..حياته هادية وعادية وروتينية زي حياتنا كلنا وملوش تاريخ لاهو ولا عيلته للمرض النفسي فعلشان يكسر الروتين كان بيروح بعد الشغل 3 مرات فالاسبوع ياخد دروس تعليم العزف علي الكمانجا ..بس واليوم دا نزل من البيت علي اساس رايح الكورس بتاع الكاامانجا ...ومرجعش ...اسباب انتحاره لا يعلمها الا الله
مر شهر علي الحادثه ورجعت شغلي ..كنت واخده اجازة من الشغل اسبوع بعد الحادثه دي اريح اعصبي .. الحمد لله ان ربنا خلق للانسان برده نعمه النسيان علشان يقدر يكمل حياته ..
. بطلت اروح الكافيه خالص و بخلص شغلي واروح عالبيت ...في يوم اول مدخلت البيت لقيت ماما بتعيط
.سالتها بتعيطي ليه
قالتلي اصل مامت الشاب الي انتحر كلمتها وحالتها صعبانه اوي عليها مسكينة فقدت ابنها من دون سابق انذار
قلتلها طب ياماما وهو انتي عرفتيها منين ؟
اتلجلجت فالكلام كدا واوترت واتلخبطت وقالتلي ..
هعرفها منين يعني يابنتي ماهو من التحقيقات الي حصلت وقابلتها واخدت رقمها
وبقيتو صحاب؟
لالا يا حبيبتي مش للدرجادي انا بطمن عليها بس هي وبناتها وهي كلمتني كذا مرة وسالت عليكي بس طبعا قلتلها ان حالتك متسمحش تتكلمي لاني واثقه انك مش هتحبي تكلميها
انتي عرفتي كمان بناتها.وبتكلمك وعايزة تكلمني انا كمان؟
اه متحطيش فباللك يلا بس غيري هدومك عشان تتغدى
خلصت غدا ودخلت اوضتي ارتب حاجاتي ..وقلت افتح اللاب توب اشوف حاجه ..حسيت فجأه ببروده شديده جدا وكهربا ف جسمي زي الي حسيتها قبل كدا يوم الشاب دا منتحر ..فجاه النور
قطع
حسيت بحاجه بتجري بسرعه ورايا
التفتت فجاه ........ملقتش حاجه
رجعت تاني بصيت علي شاشة اللاب توب لقيت صوره خالد وهو مدبوح وعنيه حمرا وفاتح بوئه عالاخر ولقيته بيحاول يتكلم
صوتت
بعدين حسيت بايد ساقعه جدا بتلمس كتفي صوتت ورجعت ابص تاني علي شاشه اللاب توب لقيتها اتقفلت لوحدها ولقيت خالد ادامي
ايوه لقيته ادامي ووشه ف وشي ..عنيه الاتنين حمرا زي الدم و رقبته لسه فيها اثر الجرح لما دبح نفسه وبينزل منها دم وبوئه مفتوح عالاخر ..بس المرادي اتكلم وقالي …
انتي لي؟ الي اخر الزمان ؟ ستعيشين فقط ان كنتي لي؟ من الافضل لكي ان تسمحي بان تكوني زوجتي و الا ستنالين عقابا وخيما ..ساعطيكي فرصه ثلاث ايام ستبدا من الان و الا فالويل لك
وصرخ
رجعت بالكرسي لورا من الخضه و وقعت بيه فالارض وفضلت اصرخ ماماااااااا مامااااااااااا
ودا كان اليوم الاول من المهلة الي اخدتها من خالد ..تاريخ اليوم دا كان 13/1/2019
ماما فتحت الباب ..وفي ايه يا اينور يا حبيبتي مالك جرالك ايه ..وجريت عليا وحضنتني ..فضلت اعيط اعيط واحكيلها اللي حصل ..بس وشها اتقلب جدا وبعدين قالتلي ..متقلقيش كل شي هيبقي كويس
تاني يوم صحيت تعبانة جدا و مقدرتش اروح الشغل بس لازم انزل اكيد مش هبقي اعده فالبيت ف وسط التفكير و الي بيحصلي دا ..لقيت رساله طويله اوي جاتلي عالموبايل من رقم معرفوش .. بتاريخ 3/1/2019 ..دا تاريخ الحادثه .
اينور انا مامت خالد الله يرحمه انا بحاول اتصل بيكي كتير بس مبترديش ابدا وكام مره مامتك ردت عليا وكلمتني وقالتلي ان حالتك متسمحش تتتكلمي معايا ..من فضلك يا بنتي كلميني ضروري
.معرفش ازاي وصلتلي دلوقت وهي كانت تعرف رقمي منين و بتبعتلي ازاي قبل ما ابنها يموت او تحصل الحادثه اصلا؟
اتصلت عالرقم مقفول ..قضيت اليوم اتصل برده مقفول بس. حاولت انسى الحكايه . وانزل اخرج انا وواحدة صحبتي علشان اغير جو.. .لكن عالمغرب كدا وانا راجعه لقيت رساله تانيه اتبعتتلي بس بتاريخ انهارده. بس كانها باقي الرسالة القديمة ..
عنوانا يا بنتي هو ...
وكاتبالي العنوان
…………….
كدا واضح انها رساله طويلة وصلت علي مرتين و التاريخ بس مش صح اكيد هي باعتالي انهارده وارد يحصل الموبايل هنج او غيره انما مفيش حاجه مش طبيعيه وغريبه .. طبعا انا لايمكن اروح مكان معرفوش ..فاتصلت لاخر مره لقيت الموبايل مقفول ف قلت خلاص انا عملت الي عليا ولما ارجع البيت هسال ماما اذا كانت كلمتها ولا حاجه ..
وانا ماشيه مروحه البيت حسيت ببرودة ف جسمي وكهربا . كدا انا عرفت ان في حاجه مش مظبوطه هتحصل زي كل مرة ف كنت مستعده فضلت ماشيه فالشارع فيه بيتنا ..الغريب ان الشارع فاضي تماما مفهوش اي انسان ماشي مع ان الساعه 7 بليل مش نص الليل يعني ..لمحت حاجه بتجري بسرعه قدامي وبعدين ببص لقيته
كلب كبير اسود واقف فنص الشارع وعما يزووم و يزمجر كدا و عنيه مبرقه جدا كأنه مستعد يهاجم ..انا قلت الكلب دا هيعضني اكيد..ماما معلماني دعاء اقوله ف ربنا يحفظني فالمواقف الي زي دي فقلت ..اعوذ بكلمات الله التامات من شر ماخلق
قام الكلب مهوهو فجاه وجاري نحيتي بسرعه جدا
غمضت عيني وقلت اشهد ان لا اله الا الله
بعدين سمعت صوت نباحه جامده اوي كان الكلب بيتخانق مع كلب تاني او حيوان تاني فتحت عيني وبصيتّ
لقيت الكلب واقف ف ناحيه تانيه ورايا عالشمال وعمال يهوهو و يهاجم حاجه مش باينه
حاجه هو بس الي شايفها ..وفجاه الكلب طار في الهوا لفووووق و اتهبد عالرصيف جامد جدا وفضل يترعش ويتنفض ويتهز جامد وبعدين سمعت صوت حشرجة خارجه منه بس ومات
انا الحقيقه صرخت
بدير وشي لقيت خالد ادامي
فصرخت جامد جدا
قرب مني وشه ف وشي بمنظره المرعب دا وقالي
انتي السبب في اللي حصلي يارتني مروحت دروس الكامنجا ..هو كان مستني جسد يلبسه علشان يوصلك لانك محصنه مش هتشوفيه ابدا بهيئته ..ولما فشل يتلبسني بالكامل قدم روحي ك قربان لأسياده علشان يمنحوه قوة..مش هيسكت الا لما يوصل..مش هيسكت الا لما يتجوزك..هو عمل جرائم لا تغتفر علشانك ..فمش هيرتاح الا لما يوصلك ..وفجاة اترعش واتنفض جامد و عنيه بقي لونها اسود تمامام .ولقيته بكل هدووء طلع الكمانجا و فضل يعزف نفس المعزوفة ..مبقتش ادره اسمعها فضلت اصرخ واقوله اسكت اسكت بعدين مسك الكمانجا و فضل يهبدها فالارض ويكسرها وبعدين اخد وتر تاني و قام مقطع شرااين ايده الاتنين ..فضلت اصرخ اصرخ واجري فالشارع
سمعت صوته فوداني بيقولي
انتي لي تزوجيني والا فالويل لكي باقي يوم واحد و الا ستهلكين
فضلت اصرخ اصرخ فالشارع و اجري عالبيت وطلعت لقيت ماما واقفه ادام باب الشقه بتقولي
..في ايه يا حبيبتي بتصوتي كدا ليه انا شيفاكي من البلاكونه وعماله ااندهلك وانتي واقفه متنحه وكنت لبست ونزلالك لقيتك بتجري وتصوتي دا حتي طنط سهام جارتنا الي فوق قالتلي انا بلبس ونازله معاكي
قلتلها في ايه ؟ مانتي عارفه يا ماما منا حكيتلك امبارح انا ادامي مهله 3 ايام وعدا منهم يومين وهموت خلاص وانتي شكلك تقريبا مش مصدقاني
لقيت طنط سيهام نازله عالسلم ومبرقالي وبصت لماما وقالت
لاحول ولا قوة الا بالله ..هو رجعلها تاني الموضوع دا؟
خلاص يا سهام مفيش حاجه هي اينور جت بالسلامه متتعبيش نفسك وروحي شقتك
لاحول ولا قوه الا بالله ربنا يعفو عنك يبنتي
وقامت ماما غمزالها كدا بمعني اطلعي انتي!!! في ايه بجد مكنتش عارفه ابدا
ماما هديتيني وقالتلي طب تعالي ندخل جوه الاول ونتكلم
سكتت ودخلت والغريب ماما دخلتني اوضتي و راحت تعملي حاجة اشربها ومكلمتنيش ف حاجه ..قررت اني الصبح هروح العنوان الي مامت خالد بعتتهولي ادامي يوم واحد وان معرفتش الي حصل هموت ..هو انا كدا كدا هموت لكن برده لازم اعرف الحقيقه..............