قصة لعنة سحر الدماء-دهناشين
الجزء الثانى
بقلم مروى العمروسي
حسيت بالبيت بيتهز و سمعت صويت جامد جدا جدا ..شميت ريحة شياط جامده وفجاه النار مسكت فالشقه
بصيت علي دنيا لقيتها لسة متعلقه فالمشنقه وبتبصلي وبتتحرق النار ماسكة فيها ولكنها بتبصلي وبتبتسم وبتقولي ابعد عني عشان دي هتكون نهايتي
ببص لقيت الجن دهناشين دا قرب مني اوي وقالي وهذه هي الثانية لتري ما سيحدث
واختفي فوسط النار بصيت لقيت مشنقة تانيه متعلقة جمب المشنقه الي فيها دنيا ولقيت نفسي انا اللي متعلق فيها وبتلوي انا كمان وبموت
النار زادت اوي و ابتديت اتخنق
قلت اشهد ان لا اله الا الله واشهد ان محمدا رسول الله ……
قلت خلاص هو دا الموت ..لكن لقيت باب الشقه بينكسر والناس بتدخل والبواب بيشدني و الناس بتصرخ وبيقولو
كلمنا المطافي وجايين
بعدها سالت البواب قالي انه لاكلمني ولا اتصل بيا ومعندوش رقمي اصلا عنده رقم بابا بس
مر شهر عالحادثه دي طبعا اجلنا الفرح حاولت كتير انهي الموضوع لكن بابا وماما اقنعوني ان انا نفسيتي تعبت واكيد اتشائمت بعد موضع حريق الشقه ...الحقيقه انا محظوظ الحمد لله يعني بابا جابلي شقه تانيه و ابو خطيبتي فرشها كلهالمهم اجرنا شقه تانيه نتجوز فيها و خلال شهرين و عملنا كتب كتاب من غير فرح حتي .. ..كنت حاسس بخنقه وضيق مش ادر اوصفو يعني مش فرحة اي حد ف يوم جوازه بس حاولت محسسهاش ابدا ..كان المفروض اننا مسافرين تاني يوم الغردقة ..صحينا بدري واتحركنا علشان نروح نركب الطيارة و بابا ها ومامتها وصلونا ا ..اول مركبت الطياره واعدنا حسيت ان قلبي مقبوض جدا .. قلت اغمض عيني اريح كدا خمس دقايق فلقيت دنيا بتقولي
انت هتنام يا حبيبي
لا انا هريح كدا عشان عندي صداع
طيب انا كمان ممكن انام شويه
قامت نامت علي كتفي ..حسيت ان في نااااااااااااااااااااااار مسكت فكتفي مبقتش عارف ازوقها واقولها اوعي ولا اسيبها واستحمل
المهم زقيتها قلتلها معلش كتفي واجعني ..تقريبا من المخده نمت غلط
فبصتلي كدا بصه مفهمتهاش ..برقتلي وبصتلي بصه طوووووووووووووويلة وبعدين ابتسمت و قالت
ماشي يا حبيبي انت معاك حق فعلا هي ممكن المخدات لسه مش متعودين عليها ان شاء الله مخدات الفندق تبقي مريحه بالنسبالك
قلت خلاص بقي هرتاح شويه ربع ساعه هي اصلا المسافه باالطيارة مش بتاخد كتير اقل من ساعه .. مش عارف نمت اد ايه بس
فتحت عيني لقيت عنيا مزغللة جدا ففضلت ادعك عيني وبعدين بصيت ادامي
لقيت النااس الي كانو ادامنا راجل ومراته لقيتهم ميتين الدم مغرق كل حته والراجل راسه اتقطعت ووقعت عالارض بصيت حولايا لقيت معظم الناس الي فالطياره ميتين و الي عايش عمال يجري ووشه محروق وفي ناس بتجري والنار ماسكه فيهم ببص جمبي ملقتش منة لقيت الكرسي الي جمبي محروق تماما بس مفيش حتى بقايا ل جثة
الناس عمالين يصوتو صويت هستيري شامم ريحة دم وحريق
حاولت اقوم مش ادر اقوم رجلي محشوره كان في سائل عمال ينقط علي وشي من السقف ببص فوقي لقيت الطيارة ملهاش سقف و في جث شاب نصها متدلدل كنت شايف عنيه المبرقه بصالي وبوقه المفتوح عالاخر والدم نازل منه دم لونه اسود
اعدت اقول ياااااااااارب ياررررررررررررب ايه الي انا فيه دا ساعدني يارب
لقيت واحد كبير فالسن جاي عليا بسرعه معاه شاب كمان وقاله
ساعدوه رجله شكها محشوره ومش عارف يخرج تعالي ايدك معايا يا بني يبني نطلعه
الحمد لله طلعوني
عمال اقولهم في ايه ومراتي فين
يبني الطياره وقعت بينا ونص الركاب ماتو انا مش عارف مراتك فين يلا بينا نطلع بس وربنا مش هينسانا
طيارة ايه الي وقعت بينا يا حج دي المسافه اقل من ساعه من القاهره للغردقه هو في ايه
قالي تعالي ورايا
فضلت ماشي وراه لحد مطلعنا من الطيارة وبعدين اول مخرجنا الدنيا ضلمة اوي عكس ماكانت لما كنت جوه الطياره
النور كان داخل من الشباك مش عارف الدنيا ليلت كدا امتي
فضلت ماشي مش عارف رايحين فين الدنيا ضلمه جدا جدا برد مش طبيعي رغم ااننا المفروض فالصيف مشينا مسافه كبيره
دخلنا شارع فاضي مفهوش اي انسان ماشي مشينا ف نص الشارع عالجنبين فيه بيوت بس مظلمة كل بيت عباره عن دور واحد او دورين بس مش باين ان فيهم حد عايش اساسا
عمال انادي عليه يا حج ياحج احنا رايحين فين احنا بعدنا اوي
لحد ملقيت نفسي فالمقابر
لقيت جثة الشاب الي كان بيساعدني مع الحج جوه الطياره
جسمه كله محروق ماعدا وشه بس الي سليم ومبرق وفاتح بوئه عالاخر
قربت منه لقيت بيطلع من بوئه فااااار
طلع من بوئه وجري بسرعه اختفي نطيت من مكاني ببص ادامي علشان اشوف الحاج دا لقيته واقف بعيد اعدت انادي يا حج ساعدني
شميت ريحة وحشة اوي ريحة عارفها كويس حسيت ان في حد واقف ورايا وبيحط ايده علي كتفي
خايف التفت عشان اشوف مين الي واقف ورايا ده غمضت عيني عشان مشوفش
فتحت لقيته ف وشي
ايوه هو الجن دهشناشين الي قابلته قبل كدا ف البيت
بنفس العباية والرمح الي ف ايده بس المرادي شفت وشه
وشه محروق والجلد متشال من عليه عينيه لونها اسود تجويف العين نفسه فاضي مفيش عين وسنانه لونها اسود شاورلي علي جثة الشاب وقالي شايف
قلتله شايف ايه
قالي دا شريف
ايوه الي كان بيساعدني فالطياره
لا دا شريف الي كان قبلك ومسمعش الكلام انا برده حذرته زي محذرتك لكنه صمم
صمم علي ايه
صمم يتجوز دنيا
رجعت لورا وقلتله ايه ؟ دنيا؟
قالي اه شريف صمم يتجوزها انا حذرته كتير لكنه نشف دماغه
وهيكون مصيرك زيه
رجعت لورا وغمضت عيني و ووقلت اعوذ بالله من الشيطان الرجيم اعوذ بكلمات الله التامات من شر ماخلق ربي اني اعوذ بك من همزات الشياطين و اعوذ بك من ان يحضرون بسم الله الذي لايضر مع اسمه شيئا فالارض ولا فالسماء وهو بكل شي عليم
وغمضت عيني
سمعت صوت صويت جامد جدا فتحت عيني لقيت دهناشين واقف بعيد وعمال يشاورلي علي حاجه ادام بعيده
مشيت ادام ناحية المكان الي كان ماشي فيه الراجل الكبير فالسن
وقفت ادام قبر مفتوح مكتوب عليه
هنا ترقد المغفور لها دنيا عبد الرحمن
اتخضيت وانا برجع لورا اتكعبلت في حاجه ووقعت عالارض حاسس اني عيني مزغللة لكني شايف اطياف ..ل اتنين واقفن جمب القبر
راجل كبير فالسن لابس قفطان كدا و شابة مش كبيرة اوي ممكن في التلاتينات
حاولت ازحف عشان اقرب منهم لقيتهم بيتكلمو
ياشيخ مفيش فايده انا سمعت كل الكلام الي قلته لي وعملته وبرده شريف اتقدملها وخطوبتهم كانت الاسبوع الي فات
اخدت اللفه الي اديتهالي و حطيت الي جواها فالعصير وشربتهم ومفيش فايده بيحبو بعض اوي وهيتجوزو
ياشيخ انا مش عايزة حاجه من الحياة غير شريف هدفع الي انت عايزه هبيع الي ورايا واللي ادامي بس عايزه شريف يسيبها ويتجوزني انا
حاضر المرادي انا هسلط عليه خادم من اقوي الخدام الي عندي
جيبتي الي قلتلك عليه
اه جبت كل الي طلبته البخور المطحون و التوابل و طفاية و ولاعة و سكينة وصورتهم بتاعت الخطوبة و جبتلك بلوزة بتاعتها و المنديل بتاعه و الفارين
تمام هاتي
ووقف ادام قبر مفتوح و خد شويه من التراب وقاليها افردي البلوزة والمنديل وقدامهم الصورة
قامت فراداعملت كدا هم و قالها حطي البخور والتوابل فالطفاية وو حطي الورقه دي وولعي فيها
قام مطلع ورقه من جيبه اداهالها وولعت
قالها هاتي السكينه فلما عطيتها له
قالها افتحي القفص وطلعي اول فار
رجعت لورا وقالتله لا امسك الفار ازاي انا جبته بالعافية زعقلها وقالها اسمعي الكلام عشان يحصل الي انتي عايزاه طلعت الفار
رمي التراب الي ف ايده وقال حاجه انا مسمعتهاش
وخد منها السكينه ودبح الفارو غرق بيها الصوره والبلوزه والمنديل وقال بصوت عالي
برهيولا برهيولا نموشلخ نموشلخ خوطير خوطير بسر بجوح اجهزط اقسمت عليكم ايها الارواح بان تجيبو دعوتي و تقضو حاجتي وان ترسلو الخادم دهناشين لطاعتي
مزجل مزجل برهيولا برهيولا
ظهر شخص لابس عبايه ومغطي راسه وماسك ف ايده رمح انا عارفه كويس وقرب من ودن الشيخ وقاله
السمع والطاعه سيدي ظافر
مسك الشيخ الصوره وقام مطلع من جيبه قلم احمر كدا غريب جدا اول مره اشوفه وكتب عليه حاجه رماه جوه القبر المفتوح
ومسك الولاعه وولع فى المنديل والبلوزه لحد مبقو رماد خالص اخد نص الرماد حطه فالطفايه الي فيها البخور والتوابل والنصل التاني رماه جوه القبر ومسك الفار التاني ودبحه وغرق المكان حواليه بالدم وغرق نفسه والبنت الشابه الي واقفه جمبه وقال
يا خدام هذه الاسماء المذكورة الانقياد والانفاذ فيما امرتكم به .
ادير فجاه الشيخ هو والبنت وبصولي وصرخو
لقيت نفسي بصرخ انا كمان ولقيت نفسي لسه فى الطيارة ودنيا جمبي مخضوضة وبتقولي في ايه يا حبيبي انا لسه بصحيك علشان اقولك قربنا نوصل خلاص لقيتك نطيت وصرخت انت كنت بتحلم؟....