قصة
لعنة سحر الدماء-دهناشين
الجزء الثالث
بقلم مروى العمروسي
مالك يا احمد سكتت ليه؟
مليش يادكتورة
اومال سكتت ليه
كل مفتكر دنيا واد ايه كانت غلبانه وبريئة ابقي عايز اصرخ حرام الي حصل ا والله حررررررررررررام
طيب كمل
حاضر..
نزلنا من الطياره وخلصنا الاجراءات وروحنا عالفندق حطينا حاجتنا ودنيا قالتلي انا هفضي الشنط و ننزل نتغدي قلتلها ماشي
نزلنا نتغدي فالمطعم ..كنت سرحان طول الوقت .كان جوايا تساؤلات كتير نفسي اعرف اجابتها بس اسال واقول ايه ؟ اقول لمراتي انا بحلم بعفاريت و بجني اسمه دهناشين وانتي جاوبيني ايه اسباب دا؟ اقولها انا مخبول ؟
كنت سرحان جدا جدا وكل الافكار دي في دماغي ويبدو اني طولت فالسرحان لحد ما هي لاحظت وسالتني في ايه انت مش طبيعي اطلاقا من ساعت مركبنا الطيارة
مين شريف؟
لقيت نفسي سالت من غير محس ..الحقيقه هي استغربت جدا لكن جاوبتني بكل هدوء
دا كان خطيبي
ومقولتليش يعني الموضوع دا قبل الجواز
عادي في بنات كتير بتتخطب ومبيحصلش نصيب وبتنفصل مش شايفه حاجه تتقال يعني هو ايه المشكله دلوقتي.؟
مفيش مشكله انا بس بسال ومستغرب رغم كل الي مرينا بيه ان محدش حكالي انك كنتي مخطوبه قبل كدا
انت متعصب اوي ليه كدا ..علي اي حال الي بيخطب بنت بيسال عليها واكيد انت عملت كدا انا كنت مخطوبه و كل الناس عارفه عادي و انفصلنا
وانفصلتو ليه
والله هو كان انسان محترم وكويس بس جه فالاخر قبل مننفصل بشهر اتغير وابتدي يتصرف تصرفات غريبه اوي
تصرفات زي ايه يعني
هو ايه الي فتح الموضوع دا دلوقتي ايه لازمته ف شهر عسلنا ؟
انتي مدايقه ليه متحكيلي
انت شكلك متعصب اوي يلا نطلع الاوضه لوسمحت
مسكتها من اديها وزعقتلها جامد جدا وقلتلها اعدي صوتي كان عالي لدرجه ان الناس بصولي انا مش عارف عملت كدا ازاي هي خافت وقامت اعده
ببص عالكرسي الي جمبي لقيت الجني دهناشين قاعد وبيبص علينا ..قلت بسم الله الرحمن الرحيم بصيت لدنيا وبعدين ادورت تاني ملقتهوش اعد عالكرسي لقيت الكرسي فاضي ببص علي مراتي لقيتها اعدت تعيط وقالتلي انت بتعاملني كدا ليه لو مش مبسوط من جوازنا نطلق
هديت كدا وقلت اعوذ بالله من الشيطان الرجيم فعلا في ايه عادي ما معظم البنات بتتخطب وعادي دا نصيب ايه الي انا عامله دا كله عشان حلم؟ اعتذرتلها وقلتلها انا اسف مبنامش كويس بقالي كام يوم واتوترت و موضوع شقتنا الي اتحرقت
صدقتني الحمد لله ..كانت بريئه جدا وعلي نياتها .. و عدي اليوم وخرجنا ونزلنا البحر واتبسطنا والامور مشيت وهي واضح انها نسيت بس انا منستش واحنا بنتعشي فتحت الموضوع تاني بس المرادي بهدوء
انا عايز اعرف ازاي انفصلتي عن شريف انا شايف ان دا من حقي احكيلي لو معندكيش مانع عشان منتكلمش فى الموضوع دا تاني خالص
قالتلي حاضر شريف كان زميلي فالكليه كان انسان محترم جدا كان مامته وباباه متوفيين مكنش ليه غير اخ واحد كان متجوز وعايش بره طلب يتقدملي وانا وافقت و عملنا الخطوبه و امورنا كانت ماشيه علي اساس هو هيسافر و يشتغل مع اخوه مده ويظبط اموره ويرجع نتجوز واسافر معاه ونعيش هناك... وفعلا دا الي حصل وسافر يشتغل مع اخوه و مر 3 شهور وفالشهر الرابع نزل اجازه بس تصرفاته كانت متغيرة جدا
بقي بيعد معايا سرحان مبيتكلمش ابدا و لما كنت اتصل بيه ميردش ويتصل بيا بعدها يتخانق معايا ويقولي مبتتصليش بيا ليه انتي مش مهتمه بيا ليه ؟ احلفله والله اتصلت مفيش فايده شكيت انه بيعمل كدا عشان ننفصل ف اتكلمت معاه قالي لا طبعا ازاي تقولي
كدا انا مش ف نيتي كدا ابدا
وبصتلي وسكتت ..قلتلها مالك يا دنيا ماتكملي
اصل الي حصل بعد كدا غريب جدا مش هتصدقه
متقلقيش انا مكن اصدق اي حاجه كملي
مرت الايام واتقابلنا مره عشان اشوفه قبل ميسافر خلاص اجازته كانت علي وشك انها تخلص .. طول الخروجة عمال يتعصب علي اتفه الاسباب قلتله روحني البيت انا مش هكمل الخروجة دي .. ركبنا العربية علشان يوصلني البيت المهم ولما وصلنا لقيته وقف العربية وسكت ..مش بيقولي مع السلامه ولا اي حاجه وباصص قدامه ومبينطقش فجاه لقيت بيطلع منه صوت غريب اوي اوي
الصراحة خفت فنزلت من العربيه جري ..وبعدين اتكسفت من نفسي قلت اسلم عليه عيب برده ملقتوش ف رجعت جوه العربيه بلف ابص ورايا لقيته ف وشي
عنيه كانت بيضا تماما و بعيدن هجم عليا وخنقني حاولت ازوقه كان قوي جدا حاولت افلفص منه وصرخت المهم الناس اتلمو علينا الناس بيشدوه محدش عارف يشده وعمال يخنقني فالاخر شدوه عنيه كانت بيضا تماما وبيطلع منه صوت غريب اوي الناس الي واقفه كلهم شافوه مش انا بس واستعاذو بالله فجاه وقع فالارض وفضل يتشنج ويطلع من بوؤه رغاوي بيضا ويخرج منه صوت غريب جدا
في واحد كان واقف طلع موبايله وفتح ابليكيشن القران و فضل يقرا يقرا لحد ما شريف فاق! انا كل دا واقفه مذهوله تماما
بس فاق و بصلي بصة طويله جدا وسابنا ومشي ..
بس حكيت لبابا وماما قالولي يبنتي خدي قرارك لو عايزة تستمري معاه ويتعالج معندناش مانع قلتلهم اه طبعا مش هسيبه طالما عنده مشكله زي دي احنا ناخده ونروح لشيخ اهلي كانو موافقين علي قراري و طبعا حكيت لبنت خالتي منار الموضوع واخدتني لشيخ وحكيناله كل حاجه وطلب يشوفه وافقت وحاوليت اتصل بيه كتير لكن هو اختفي تماما فضلت اتصل بيه تاني وتالت كتيييير جدا اختفي ملوش اثر..خدت بنت خالتي وروحنا عند العمارة الي ساكن فيها وسالنا ..البواب قالا انه مجاش من 5 ايام او اكتر حتي مشافهوش نازل وواخد شنط مثلا او مسافر وفالاخر لما يأست اتصلت باخوه لقيته بيقولي انه وصل هناك عنده من يومين!! ..غريبة جدا معرفش راح ازاي هناك ..اخوه حكالي ان حالته مش مظبوطه ومش عارف ماله مبيتكلمش خالص وسرحان ف حكيتله كل الي حصل وفهمته ان انا مش هسيبه وهقف جمبه قالي ربنا يجازيكي خير ووعدني هيتصل بيا تاني ويطمني عليه وهعرف الخطوة االجاية ايه هل هينزل مصر تاني يتعالج ولا هيتعالج معاه ولا انا هروحله ولا ايه ..
وبعدين؟
الغريب ان اخبارهم انقطعت تماما ومرت اتصلت كتير مفيش رد لاهو ولا اخوه ... بعد كدا بالصدفه كان في خبر عن اسرة مصرية اتوفت في بلد عربي في جادث اليم .. عرفت انه هو من الصور ..انه اتوفي هو واخوه و مرات اخوه واولاده فالشقه ..اتحرقت بيهم ..بس كدا مرت 3 سنين عالحكايه دي ..وعنيها دمعت بس حاولت تخفي دموعها علشان متدايقنيش
ماشيي
خلاص كدا ارتاحت؟
اه
انت عرفت ازاي موضوع شريف دا طالما مكنش حد مننا قالك؟
اهو عرفت
احمد لو في حاجه قول؟
لا يا حبيبتي مفيش متحطيش فدماغك
خلصنا الاجازه ورجعنا شقتنا ف القاهره وطبعا زيارات الاهل و الاصدقاء ..ودي كانت كمالة اللعنة
في يوم جه يزورنا أهل دنيا باباها ومامتها و خالتها وبنتها عرفتني عليهم انا مشفتهمش غير مرة واحده فالخطوبة ومش فاكر خالتها وابنتها انهم جم ساعت كتب الكتاب بس ما علينا قالتلي دي خالتي ودي بنتها منار
مش عارف من ساعت ما شوفت منار وقلبي اتقبض عنيها فيها لامعة غريبه تخوف و ضحكتها مش طبيعيه كدا ضحكه فيها سخرية غريبة كنت حاسس اني شفتها قبل كدا وشها مش غريب عليا ابدا بس مش فاكر
سلمت عليهم ودخلت المطبخ ورا دنيا كنت عايز اسال عن حاجه بصيت لقيتها واقفه بضهرها بتعمل حاجه بتصب شاي تقريبا
بس شعرها طويل اطول من اللازم ولابسه فستان ابيض قصير مكنتش لابساه من شويه قربت منها بقولها حبيبيتي ؟دنياااا
لقيت بيطلع منها صوت غريب اوي
حطيت ايدي علي كتفها لقيتها بتضحك ضحكة عالية جدا فببص ايه في يدها لقيت فار ف ايدها الشمال ولقيتها ماسكة بالايد اليمين براد الشاي وعماله تصب عليه مية سخنة فالحوض وتضحك صرخت وطلعت من المطبخ جري حسيت بخيال ورايا عدي بسرعه وراح اخر الطرقة في اتجاه الحمام
مشيت ناحية الحمام لقيته مفتوح وخارج منه ضوء احمر قربت شويه سمعت صوت بنت بتقول كلام غريب مكنتش عارف افسره
فالاخر سمعت
يا خدام هذه الاسماء المذكورة الانقياد والانفاذ فيما أمرتكم به من قبل ومازلت امركم
الجملة دي انا سمعتها قبل كدا فالحلم
دخلت الحمام لقيت منار ماسكة فار بتدبحه ودمه عمال ينزل فالارض بصيتلي وفضلت تضحك تضحك
عنيها حمرا زي الدم وشعرها منكوش وعماله تضحك وتقولي
انت هتحصل شريف يا احمدوان استمريت دنيا كمان هتروح ضحية ..طلقها احسنلك..منه مش هتشوف خير..هي حرمتني من شريف وانا هحرمها من اي حد تاني يشاركها حياتها ...وفضلت تضحك تضحك ..
حسيت بحاجه ورايا أديرت لقيت الجن دهناشين واقف وبيبصلي
اعدت اقول اعوذ بالله من الشيطان الرجيم وهي تضحك تضحك
اعوذ بالله من الشيطان الرجيم
وفقدت الوعي
صحيت
لقيت نفسي ع الكنبة وكلهم ملمومين حواليا وبيبصولو ومنار بتبصلي بمنتهي البراءه وبتقولي انا طالعه من الحمام لقيتك واقع فاقد الوعي فالطرقة ايه الي حصل؟
صرخت فيهم وقولتلهم اطلعو برة مش عايز اشوفكو متجوش هنا تاني وفضلت ازعق ازعق ودنيا واقفة ساكته مبتنطقش
مشيو فعلا بس باباها وهو ماشي قالها تحضر حاجتها عشان تروح معاهم لان انا كدا بتصرف تصرفات مش طبيعية وبنته لايمكن تعيش فالجو دا بس وحضرتك حاجتها بس وهي خارجة بصتلي كانت بتعيط وقالتلي خد بالك من نفسك يا احمد ..هتوحشني
ودي كانت اخر مرة اشوفها يادكتورة ريناز
كنت غلطان طبعا لما سيبتهم يمشو..بس مكنتش عارف الحقيقه من الاحلام مبقتش مطمن ولا واثق ف حد بمعني الاصح حاسس ان عقلي شت و اتجنيت بس مش لاقي حل سليم لمشكلتي قررت انام واصحي اروح شغلي الصبح وبكرة يحلها الف حلال
صحيت روحت الشغل ويومي مشي عادي جدا فالبنك ..بين نظرات الناس ليا .. والجملة الي فضلت تتردد طول اليوم حمد الله عالسلامه ياعريسس شكلك مبهدل كدا ليه و الساعه 5 حصلت اغرب حاجه ممكن تحصل
حصل ايه ؟
لقيت البوليس جاي وبيقبض عليا ؟ في ايه ياجماعة ليه انا معملتش حاجه
؟ انت متهم بقتل زوجتك دنيا ؟
ايييييييييه؟