رواية صالون بيتنا
الفصل الأول
الكاتبه / مي علي
في بيت هادي ولطيف ف منطقه من المناطق الشعبيه
بيسكن الاستاذ عزيز
وظيفته موظف ف الشهر العقاري
بيسكن ف شقه بسيطه مكونه من تلت اوض وصاله والحمام والمطبخ
مع زوجته زينب
وبناته الخمسه
ماجده الابنه الكبري
وورده الأصغر منها
ونجاة الاصغر
ثم شاديه
واخر العنقود فيروز
وطبعا زي ما كلنا ملاحظين أن اسامي البنات علي اسم مغنيات الزمن الجميل
وده لأن الاب عاشق للطرب ولأصول الزمن الجميل وموسيقته
حتي ف شخصيته قديم شويه وف لبسه
حياتهم كانت بسيطه وجميله
وهو بيفخر بخلفة البنات لأنهم فعلا طعم الحياه
ولما كانو صغيرين كان دايما يقول لزوجته ...
انا بستعجب والله يا زينب علي الراجل اللي لما يجيلو خبر انو جاب بنت
وشو يسود ويبقي مش طايق نفسو
طب ده حتي حسهم ف البيت فرحه ووشهم وهو بيضحك ولا أجمل من حور الجنه
ياااااه يا زينب
نفسي يكبرو وأدي رسالتي وأعلمهم أحلي تعليم وأجوزهم أحلي جوازات
- انشالله يا اخويا تفرح بيهم وبعيالهم كمان وتشيلهم فوق كتافك
- هههههههه اه والله نفسي
واعملهم حمار ويركبو علي ضهري ونلعب حليب يالبن
ههههه
- هههههه ربنا يديك الصحه ويخليك لينا يا عزيز
والبنات فعلا بدأو يكبر قدام عنيه وهو فرحان بيهم
كلهم كان يادوبك كل واحده بينها وبين التانيه سنتين
وكل واحده فيهم بتتميز بصفات كويسه كده
لأن الاستاذ عزيز أحسن تربيتهم كووووولهم
وعلمهم أحسن تعليم
تعالو نتعرف عليهم واحده واحده
ماجده الكبيره
العاقله الراكزه
بتتميز بعقل راجح وهدوء شديد بجانب أنها متفوقه جدا ف دراستها
وهيا أهدي اخواتها
ورده
ودي جت بعد ماجده علي طول
وبتتميز بروحها المرحه جدا ودمها الخفيف وبتعمل جو ف البيت
ولكن وقت الجد هيا المدير التنفيذي لكل الخطط ف البيت بس ف الخباثه كما أنها معدة الاجتماعات المنزليه
واداره شئون الحرب
نجاة
ودي تختوخة البيت
مبتعملش حاجه طول النهار غير أنها بتاكل وتنام
ونقطة ضعفها الوحيده ف الحياه
الشاورما والمحشي والفراخ المحمره
شاديه
وهيا شعلة الغضب والغفير بتاع البيت
ولكن قلبها طيب جدا
وهيا الشخص المتصرف ف اي بلوه بتحصل بتعرف تخرج اي حد منها زي الشعره من العجينه
نيجي بقي لفيروز
أخر العنقود
ودي بقي دلوعة البيت
بس بردو ممرمطينها معاهم
ولكنها العقل المدبر بعد ورده
وبتتميز بالروح المرحه جدا والقلب الطيب
للكاتبه مي علي
كل واحده فيهم ليها صفاتها وشخصيتها واهتمامتها
ومن ناحية الشكل
فكلهم جمال جدا وملامحهم رقيقه
ووالدتهم بتخاف عليهم من الحسد
وهما فعلا يغزو العين لأنهم خمس بنات قمرات ف عين العدو
والشئ المشترك بينهم كلهم
انهم بيحبو بعض جدا ومهما بيتخانقو ويعضو بعض
بس بيحبو بعض اوي
ودي أكتر حاجه مهمه بين الاخوات لازم تكون موجوده
البيت كلو قايم علي رجل لأن ماجده الكبيره خطوبتها النهارده
وكلهم بيجهزو وبيوضبو عشان العريس اللي جاي
ده كان زميل ماجده ف الجامعه بس اكبر منها بسنتين
وكمل وبقي معيد
ولما اتخرجت ماجده هو كان لازم يدخل الجيش
ماجده عندها ٢٤سنه دلوقتي
والعريس اسمه بلال عندي ٢٦ سنه
تعالو بينا نروح ع البيت
ورده واقفه لابسه عباية ام سيد وماسكه المنفضه ورابطه القمطه
للكاتبه مي علي
الام خارجه من المطبخ وهيا فرحانه اوي ...
إلهي ربنا يفرحني بيكو كلكو يا حبايبي
شاديه ..
يا ماما تفرحي بينا اي بس دي أشكال تتجوز مش شايفه ام سيد اللي واقفه دي ولا بقره هانم اللي قاعده مستخبيه ورا الكنبه وبتاكل بقية صنية الجلاش بتاعت امبارح ههههههههه والنبي يا ماما انتي غلبانه
ورده ...
مين دي يابت اللي امو سيد
انا هخلص تنضيف واخش استحمي وهبقي اي فله
فيروز ...
انا كمان عاوزه استحمي والله
ورده ...
يااااه يا فرج الله اخيرا هتستحمي
تتحسدي والله بقالك شهر مستحمتيش
فيروز ...
بس بس اي انتي فرحتي اوي
انا بقول بفكر استحمي
بفكر
ده مجرد تفكير
ورده ....
هههههههههه وانتي عاوزه تفرحي بينا يا ماما
احنا عاااهات عااااهات
الام ...
طب يلا يا لمضه انتي وهيا شدو حيلكو كده وخلو الصالون ده فوله
ها
عاوزاه بيلمع كده
فيروز...
متخلصي يا بقره هانم
نجاة وهيا طالعه من ورا الكنبه وبوقها مليان اكل ....
انا خلصت اهو
بس مش عارفه اصل اصل
كلهم ف صوت واحد ...
اي في اي
نجاة ....
اصلي حاسه جالي هبوط فجأه
أما اروح اصبلي كوباية بيبس
وطلعت تجري
وعماله تهز من كل ناحيه
ورده ...
حسن زعبوله ماشي بيتسلي
واييييييه هز يا وز هز يا وز
للكاتبه مي علي
فيروز ....
هتلبس فستان مقاس كام دي
يا بنتي ارحمي نفسك
اهدي شويه ده لسه فيه بليل أكل
وفي جاتوه وليله كبيره
شاديه ...
اهم حاجه العريس
احنا عاوزين بقي نظبط ماجده ونزوقها وتبقي ولا القمر ف تمامه
فيروز ...
تفتكرو العريس شكلو اي
شاديه ...
هي بس اللي تعرف شكلو
اهم حاجه يكون جان وابن ناس وموز كده
ويبقي فرفوش ميبقاش كئيب زيها والنبي احسن هتشل
دا لو طلع زيها هتبقي ليله بيضه
فيروز ...
عارفه انا بتخيلو لو طلع زيها
هيبقو شبه حيوان الكسلان
البارد ده اللي مبيتحركش
هههههههههههههههههعععععع
للكاتبه مي علي
ورده ....
هموت واعرف دي ضحكه ولا اي دي
طالعه منين دي
شاديه ....
هحححححح انا نفسي اتجوز عن حب
ويبقي زي القمر
وانتو عاوزينو ازاي بقي
ورده قالت ...
عوزاه رومانسي وف نفس الوقت عاقل وجد ويتحمل مسؤليه
مش مهم اكون بحبه المهم نكون متفاهمين سوا
نجاة وهيا خارجه من المطبخ وحاشره حتت كنافه ف بوقها وماسكه إزازه البيبس ف الايد التانيه
كلهم ضحكو علي منظرها
شاديه قالت ...
انا مش هسألك لأني عارفه انتي عاوزه واحد يجبلك أكل
أكل وبسسسس
بلعت نجاة اللي ف بوقها
وبصتلهم وقالت ...
طب لعلمكو بقي انا هتجوز جوازه حلوه اوي وعريسي هيبقي زي القمر
ويدلعني ويشخلعني
ويدلعني ويشخلعني
واشك اشك اشك اشك
للكاتبه مي علي
فيروز ...
طب حاسبي أحسن كرشك يوقع هههههههههههه
الام ...
انتو واقفين ترغو وسايبين الحاجه
اخلصووووو اعملولكو همهههههه
ورده ...
اجرو عشان انا شامه ريحة الشبشب كمان شويه
وفعلا بدأو ينضفو الصالون اللي هو كان أكبر حاجه ف الشقه
عشان يستقبلو العريس اللي كانو اول مره يشوفو
وبعد ما خلصو دخلت كل واحده تستحمي
وتدور هتلبس اي
في حين ماجده رجعت من الكوافير طبعا كانت بتظبط حبة حاجات
وكانت بتجيب فستان تقضي بيه اليوم
واول مروحت كلهم جريو عليها
فيروز ...
يلا يا ميجو بسرعه عشان نزوقك ونظبطك
- سبوني بس انا هلبس لوحدي
شاديه ...
والله ما يحصل تعالي بس
يلا عشان قرب يجي
- طب بس أخد دوش حتي
- طب بسرعه يلا يلا
ولما خرجت بدأو كلهم يظبطوها
وهما عمالين يتكلمو
ورده قالت ...
بتحبيه يا ميجو
قصدي يعني فرحانه أنه اخيرا جاي هو وأهله يخطبوكي
- لو فضلت اوصفلك مش هساعي الدنيا بحالها
حبه ف قلبي مخليني عاوزه اعيط من الفرحه
فيروز ...
تعيطي اي
بتقولك بتحبيه تقوللها اعيط
يا بنتي بقي متبقيش قفيله وهيصي
نجاة ...
شكلو اي يا لوحي
- بصو هو طويل ومفرود
وابيضاني وعنيه عسلي
وشعرو بني
وحاجه كده فوق الخيال
جرس الباب بيرن
كلهم فضلو يخبطو ف بعض وهما بيجرو زي الصراصير اللي اترشلهم مبيد
ماجده ....
اهدو مالكو في اي
ورده ...
بينو جه
- طيب اهدو بس مفيش حاجه
شاديه ..
يا مراري منك انتي جايبه البرود ده منين بس
وقفو كلهم جمب الباب بيحاولو يشوفو أو يسمعو اي حاجه
ورده ...
اااه ايدي يا بنتي وسعي مش شايفه
فيروز ...
استنو استنو انا سامعه بابا بيرحب بيهم
وفضلو واقفين شويه قدام الباب لحد ما مامتهم
زقت الباب عشان تدخل
- الله يهديكو واقفين كده ليه ورا الباب
شاديه ...
عاوزين نسمع يا ماما ونشوف بقي
نجاة ...
ماما خلصتي الاكل
فيروز ...
اكل اي انتي علي طول همك علي بطنك كده
ماما شكلو اي
الام ...
بس يا بت انتي وهيا
يلا يا ماجده عشان تقدمي صنية الحاجه الساقعه
ماجده ..
يا ماما اي الجو القديم اوي ده
متقدميها انتي
الام ..
يلا بلاش مياعه
اهئ اهئ يا حبيبتي
ماجده ...
ماما انتي بتعيطي
- دموع الفرح يا حبيبتي
مش قادره اصدق انك هتسيبيني وتمشي
فيروز ..
اي جو رد قلبي ده
يا ماما دي خطوبه خطوبه متكبريش الموضوع كده
شاديه ...
يلا يا ماما والنبي خرجيها عشان عوزين نشوف
وفعلا خرجت هيا والبنت ع المطبخ وجهزت الصينيه
والبنات
فتحو الباب سنه عشان يشوفوها
فيروز ...
اااه رجلي بطلو تدوسو علي رجلي
ورده ...
يا جماعه احنا كده مش هنشوف حاجه
واحده بس اللي تشوف وتقولنا شكلو اي
فيروز ...
هشغل انا الكشافات
نجاة ...
طب يلا
وفعلا وقفت فيروز تراقب
وفجاه قلبت محلل كوره
ورده عماله تشد ف دراعها ...
ها ها قولي شايفه اي
- ماجده واقفه بالصنيه
واقفه ورا الستاره
ماجده خرجت
بتاخد نفس عميق
ماجده حطت الصنيه سلمت علي ام العريس
تقدمت لابو العريس وقفت قدام العريس
ورده ...
يابت بطلي شغل محللين الكوره ده
وخشي ع العريس
- مش شايفه حاجه
واقفه قدامه لسه بتسلم عليه
اهيييييه خلااااص اتحركت
شاديه ...
اوباا ها حلو ولا اي
قولي حلو قولي حلو
ورده شدتها ...
يابت ساكته ليه قولي اي حاجه
بصتلهم وقالت ...
رواية صالون بيتنا
الفصل الثاني
الكاتبه / مي علي
أسفه ع التأخير بس زعلانه اوي أن التفاعل ضعيف خلونا نتفق اتفاق لو كل واحد رد بتلت ملصقات بس هنوصل لتفاعل كبير
فممكن تتفاعلو
ماجده اخيرا بيتقدملها العريس اللي طول عمرها مستنياه
واللي بتحبه
وطبعا اخواتها واقفين ورا الباب مستنين يشوفوه
ومواقفين فيروز عشان هيا اكتر واحده بتعرف تشغل الكشافات وتشوف دبة النمله
فيروز...
اهي اتحركت من قدام العريس اهو
شاديه ...
ها حلو ولا اي قولي حلو قولي حلو
فيروز ...
لا إله ألا الله وإن لله وان اليه راجعون
ورده ..
اوعي تقوليلي طلع وحش
فيروز...
هههههههههههه
شاديه ..
بتضحكي علي اي
فيروز..
اختك طلعت عاميه مبتشوفش
تعالو بصو واحده واحده
كلهم طبعا وقفو يبصو ع العريس اللي من الواضح أنه معجبهمش
ورده قالت ...
هار اسووووود هو ده الطويل وابيضاني وشعرو ناعم وعنيه عسلي
ده انا من وصفها حسيت انو مهند
فيروز ...
مهند اي أختك اتعمت خلاص عليه العوض ومنه العوض
ده شبه البتاعه اللي بتشيل العينكوبوت من ع السقف
نجاة....
شوفتو بقي أن الاكل ارحم بكتير من العك ده
فيروز ...
وسعو بقي من جمب الباب وخلاص كل واحده تشوف هتعمل اي
البنات أحبطو جدا
لدرجة أنهم كانو هيقلعو الهدوم اللي لابسينها ويقعدو
بس الأم دخلت عشان تتاديلهم لان امه طلبت تتعرف عليهم
فخرجو واحده ورا واحده
اول ما شافتهم ...
بسم الله ما شاء الله لا خلفه تفرح فعلا
بنات قمرات الله اك
هوب نجاة اتشقلطت علي الارض
الام جريت عليها ...
اسم الله يا بنتي اسم الله قومي بس
- متخافيش يا ماما انا كويسه
طبعا ام العريس ركنت علي جمب وسكتت خالص بعد اللي حصل ده
للكاتبه مي علي
ف حبو يعدو الموقف ف الاب قال ...
انتي علي طول بتتألجي كده وانتي ماشيه هههههههه
فالكل ضحك علي الكلام ده
بس ورده بقي فضلت تبصلها بخبث وعرفوها بنفسهم
وراحو قعدو الاربعه جمب بعض ع الكنبه
ورده عماله تزغد ف شاديه ...
شايفه الوليه عينها عامله ازاي
ادت البت عين شقلطتها ع الأرض
- هههههه ميمكن صدفه
- وطي صوتك بس
انا مش متافئله خاااالص
وفضلو قاعدين
لحد ماجه وقت قراية الفتحه وقرو الفاتحه كلهم
والبنات قامو يجيبو الحاجه الساقعه والجاتوه
وشغلو مزيكا
واتفقوا هينزلو تاني يوم يجيبو الشبكه
وخلص اليوم علي كده واستلمو ماجده اللي كانت طايره من الفرحه
نجاة ...
هو ده اللي انتي بتحبيه بقالك اربع سنين
- اه ماله في اي
شاديه ...
يا مرااااااري منك
يا بنتي انتي عاميه ولا نظرك ضعف
انتي قعدتي توصفيه كانك بتوصفي توم كروز وطلع ف الاخر يعني شبه الزعافه
للكاتبه مي علي
- هو المهم يعجبني انا وبعدين انتو متكلمتوش معاه كلمتين علي بعض
بكره لما تعاشروه هتعرفو اد اي حنين ورقيق وبيحبني
ورده ..
بصي انا فرحنالك بس حكاية بيحبك دي ممكن بيحب امه اكتر
- قصدك اي
- قصدي انو بيحب امه وزي الخاتم ف صباعها وانا بقلق من النوع ده
- انتي علي طول كده مش متافئله بحاجه ابدا
ومع ذلك حبه لأمه ده ميدايقنيش بلعكس
- انا مقولتش حاجه
بس اتمني انها تكون ست كويسه
لان لو محبتكيش وهو بيحبها الحب ده كله صدقيني النتيجه مش هتبقي ف صالحك
وانا بقي قرون استشعاري بتقولي كده
- طب اقعدي بقي انتي وقرون استشعارك دي علي جنب
فيروز ...
الف مبروك يا ماجده وربنا يفرحك دايما
- ويفرحني بيكو كولكوووو يا حبايبي
- طب احنا هنسيبك بقي عشان ننام
شاديه ونجاة وفيروز
كانو بينامو ف اوضه
وماجده و ورده ف اوضه
وكلهم خرجو
وخرجت ورده وراهم وهيا بتتسحب براحه
ودخلت اوضة البنات وسابت ناديه تنام
خبطت
فيروز ...
مين
- ورده اخلصي افتحي
فتحت
شاديه ...
اي جيتي ليه
- اجتماع
- نعم اجتماع دلوقتي
- اااااه دلوقتي يلا صحصحولي كده عشان ف موضوع مهم
كلهم قامو وقعدو قدامها
قالت ..
طبعا احب اعرفكم أن كل مشكله وليها أبعدها واقتصاديتها واجتماعيتها
واي اللي انا بقوله ده ؟!
شوفتو الوليه كانت بتبص لماجده ازاي من فوق لتحت
فيروز...
انا مش مرتحالها
وربنا يسامحني بقي بس حساها خبيثه وسوسه كده
نجاة ..
يا جماعه احنا معشرنهاش عشان نعرف
وبعدين دي حياة ماجده وهيا هتعرف تتعامل
ورده ...
وهيا ماجده مش اختنا ولازم نخاف عليها
الوليه دي مش سهله ولا طيبه
وبعدين حسيت أن هيا مماشياه
وعماله تقول ابني الحيله وبتاع
وابوه كان قاعد عامل زي البرص اللي واقف بيراقب الشبشب ع الحيطه
وام جلمبو دي هيا اللي بتتكلم
ولا ملاحظتوش ده
شاديه ...
طب انتي قصدك اي
عوزانا نعمل اي
للكاتبه مي علي
ورده ...
اختكو دي خيبه واحنا لازم نودكها ونظبطها ومنخليش ام جلمبو دي تتحكم فيها
اااه اومال اي
فيروز ...
خلاص ماشي احنا وراها وبعدين دي قراية فتحه يعني مش حوار
- صح كده
وبكره اول تعامل لينا معاهم
وهنشوف الدنيا ماشيه ازاي
وخلص الكلام
وكل واحده دخلت نامت
وتاني يوم نزلو
عشان يشترو الشبكه
واختارت ماجده شبكتها وكلو تمام
لكن التمن طلع اغلي من اللي متفقين عليه ب ٣٠٠جنيه بس
الصايغ قال...
الشبكه دي قاطعه حوالي عشر تلاف وتولتميت جنيه
ام جلمبو...
لا احنا اتفقنا عشر تلاف ميكسروش مليم
ممكن تشوف حاجه تانيه توازن
عزيز والد ماجده ...
بس يعني دول تولتمية جنيه مش قصه يعني
عشان نقعد نوزن تاني
ولا ايه يا عريس
- والله يا عمي
قاطعتهم ام جلمبو ...
كلامك معايا يا استاذ عزيز
وده اتفاق اه
شيل يا استاذ وشوف حاجه تكمل العشره
الصايغ ...
يا مدام الدهب مفيهوش بالظبط دايما بيبقي في زياده ونقصان
- يبقي نقص مفيش مشكله ونبقي نعوضها فلوس
عزيز غضب جدا ..
متنقصش حاجه يا استاذ
طلع العشر تلاف جنيه بتوعك يا عريس وانا هدفع الباقي من جيبي
للكاتبه مي علي
وده كان أول معامله بينهم
واللي اتضح فيها أن العريس ملوش شخصيه
علي الرغم من حبه الكبير لماجده وحبها ليه
بس ضعيف قدام والدته
وروحو البنات البيت وهما مدايقين
ورده ...
دي ست لا تطاق وقليلة الذوق و
الام...
اختك مبسوطه ودي اهم حاجه عندي
فيروز....
ماما بنتك دي هبله وهو مش الأمله يعني
ده عره هو وأمه
مظاهر بس مفيش جوهر
شاديه ...
يعيني ع الكلام الجميل
الام...
يا بنات قلت بس وخلاص قفلو ع الموضوع
ورده ...
هنقفل ع الموضوع بس خلو بالكو أن الواد ده ابن امه وانا قولتلكم اهو
تاني خبطه
لما اتفقوا علي الخطوبه وكانو عاوزين يعملو فرح
ام جلمبو قالت ...
انا مش شايفاله داعي
دي فشخره كدابه ومصريف ع الفاضي
وانا من رأيي يصرفو فلوس الخطوبه علي حاجه احسن
ولا انا بتكلم غلط يا بلال
- اللي تشوفيه يا ماما
- خلاص يبقي نعمل خطوبه ع الديق وخلاص
ودي كانت تاني مشاده ما بينهم
ومع الوقت وابتدت المشادات بين بلال وماجده تزيد بسبب تدخل امه ف كل حاجه
علي الرغم من انهم بيحبو بعض
واخواتها مع الوقت شافوها زعلانه وتعبانه وطول الوقت بتتخانق معاه ف التليفون
وبدل ما كانت بتضحك بقت زعلانه اوي
لحد ما فيوم دخلت ماجده البيت مبوزه
ودخلت اوضتها وقفلت علي نفسها
البنات دخلو وراها ودي احلي ميزه ممكن تلاقيها ف الاخوات
ورده حضنتها ...
متعيطيش بس مالك
- مفيش معلش اطلعو بره عاوزه اقعد لوحدي
- لا مش هنسيبك احكي حصل اي وبسرررعه يلا
- تخيلوا
اني من ساعة متخطبنا وهو معملش برأيي ف حاجه
كل اما ننزل نتفرج علي حاجه ولا نجيب حاجه لازم تكون موجوده
اشترت كل حاجه علي ذوقها وبالسعر اللي بيعجبها
ولغياني خالص
ودي شقتي انا .والمصيبه انو ساكت
للكاتبه مي علي
فيروز ...
ما احنا قولنا كده ف الاول من ست شهور فاتو
وانتي استهترتي بكلامنا
- انا بحبه
وكنت براضيه هو وبحاول اهاود عشان خاطرو
شاديه ...
الكلام ده ف حاله لو هو راجل بيعتمد علي نفسو وكلمته واحده وقرارو من رجولتو
إنما ده ابن امه وعشان كده كل اللي بتعمليه ملوش لازم
- انتو عارفين وصلت لدرجة اني كنت مختاره ألوان للشقه
وقايله الناس يظبطو تظبيطات
رحت لقيت حاجات فلاحي ومقرفه
قولتلهم مش ده اللي كنت عوزاه
قالولي حماة حضرتك اللي طلبت
ورده ...
طب هتفضلي تنحنحي كتير ولا هتسمعي الكلام
- عاوزني اعمل اي
- بصي يا ستي .....
وقالت ورده خطه حلوه لماجده وابتدو فعلا يجهزوها
وتاني يوم
راحو الخمس بنات الشقه
ورده اول مدخلت
بصت للصنايعيه وقالت ...
غيرلي يا جدع انت القرف ده
- قرف ليه يا ست هانم
- الشقه دي شقة الانسه ماجده والاستاذ بلال
هما العرايس هنا مش حد تاني
ف تسمع اللي العروسه هتقولك عليه وتعملو
واحنا علي دماغك وفلوسك عندنا وفوقها قفا
قصدي بوسه
وفعلا بدأ الراجل يشتغل ويغير من جديد والبنات واقفين يساعدو
لحد ما جت ام جلمبو
- اي ده انتو هنا يا بنات
ماجده ...
اه يا طنط اصلنا قولنا نيجي نشوف الدنيا اخبارها اي
عينها جت ع الحيطه والأشكال اللي اتغيرت وفتحت صوتها ع الرابع
- انت يا استاذ
انت اي اللي انت عملتو ده
انت غيرت الدنيا كده ليه
- يا ست الانسه ماجده عاوزه كده
- آنسة ماجده اي
دي شقة ابني وانا اللي اقول تتوضب ازاي وشكلها يبقي اي
ورده ببرود...
لا مؤاخذه يا طنط هو انتي هتبرشطي هنا ولا حاجه
ولا يكونش هتتجوزي ابنك
للكاتبه مي علي
- انتي بتقولي اي يا بنت
ماجده حاولت تلم الدنيا ...
يا طنط بعد اذن حضرتك الشقه دي شقتنا انا وبلال وانا عروسته ومن حقي اوضب شقتي زي مانا عاوزه علي الاقل ابقي مرتاحه
- لسه مبقتش شقتك
لما يتكتب كتابكو ويتقفل عليكو باب ابقو غيرو اللي انتو عاوزينو
يلا يا جدع انت شيل الحاجات دي ورجع اللي طلبته انا
فيروز كانت واقفه جمب السلم الخشب النقالي
وكان عليه جردل بويا
وام جلمبو كانت واقفه قدام السلم بالظبط
غمزت شاديه لفيروز
اللي زقت السلم
وجردل البويا لبس ف راس ام جلمبو
والبنات كلهم وقغو يضحكو عليها
حتي ماجده مقدرتش تمسك نفسها لا هيا ولا العمال اللي كانو واقفين
بس الموضوع معداش بالساهل وام جلمبو عملت مشكله كبيره
وعشان ماجده بتحب بلال بجد
اضطرت مجبره تعتذر لوالدتو علي اللي حصل
وطبعا البنات كانو لازم ياخدو جمب
ومرت الايام وعيشة ماجده نكد ف نكد
بس لما بتبقي هيا وبلال لوحدهم
بيبقي طبيعي
ولكن وجود امه هو اللي عامل فيه كده
وكل حاجه جهزت حتي فرش الشقه هيا اللي فرشتها
وماجده كانت مقهوره
ومتردده وف نفس الوقت خايفه من اللي هيجي بعد كده
وحددوا معاد الفرح
وحجزو القاعه هو وامه وأخدوها معاهم تحصيل حاصل
وقبل الفرح بيوم واحد
اتخانقت ماجده مع بلال ف التليفون
بسبب الموضوع ده
كان لازم تحطله حد قبل ما تتجوزو
لانها فعلا انصدمت فيه بالشكل ده
وامه كانت جمبو وسمعت كل الكلام ده
وقبل ما اليوم يخلص كانت ساحبه ابنها ف أيدها وراحه لبيت ماجده
وخبطت ودخلت قعدت بكل بجاحه وقالت ..
يصح يا استاذ عزيز بنتك تهزء بلال اللي بكره هيبقي جوزها
يصح تهزءو بالطريقه دي
- وهو يصح بردو أنه يشتكيلك وتبقي مسيطره عليه بالطريقه دي
- لا طلاما بتتكلم كده ومش شايف انكو غلطانين
ف انا حابه اقولك
إن انا واحده ست بس ربيت راجل
إنما انت الراجل اهو مش عارف تربي بنتك
- انتي بتقولي اي يا وليه انتي
وبعدين فين الراجل ده انا مش شايف جنس رجاله ف القاعده
انا غلطت من الاول اني حطيت ايدي ف ايد واحده ست
- طب طلاما بقي وصلت لكده يبقي بنتكو متلزمناش
- يلا ياختي ف داهيه انتي والنوغه بتاعك
كانت هتبقي جوازة الندامه
- يلا يا عيله واطيه يا عرر
هاتو الدهب والهدايه والحاجات اللي جابها ابني لبنتك البايره
ام ماجده ردت ...
بنت مين اللي بايره يا وليه كحكوحه رجلك والقبر
ياشيخه اتنيلي جتكو وكسه
وبعدين انتو اللي سايبين ملكوش عندنا حاجه
ام جلمبو مدت أيدها وزقت الست زينب وهيا بتقول ...
ده انا افضحكو فضيحه بجلاجل واصورلكو قتيل
- انتي بتزوقيني يا وليه
وقبل ما الوليه ترد
كانو الخمس بنات
هاجمين عليها وجابوها من شعرها هيا والعريس ونزلو فيهم ضرب ........