رواية فرحتى بعزوتى
الفصل الرابع
بقلم دنيا عادل
- عااااااااااااااااااا
= فى اى يا بنت المجنونه...
- شاورت لأحمد على اللى قاعد على العربية وقلتله: آ..آدم وطلعت جرى عليه واخدته بالحضن وفضلت اعيط...
آدم بمزاح : يعنى انا جاى اعملك مفاجأه وانتى تعيطى اللى هو ازاى ده
- حبيبي انت جيت امته... وحشتنى اووووووى...
آدم بضحك: أنا وأحمد جايين سوا
- بس مقلتليش إنك جاى ليه يا دومى دا بردو مهما كان بيقولوا انى أختك....
أحمد بغيره: دومى.... اى يا بت الميعاه دى ما تتظبطى
- وأنت مالك انت غيران من اى هو انا كلمتك ولا عشان بدلعه وانت لا
أحمد: غيران دا اى ده ....أنا اغير ههههههه لا ابدا
- اه ماهو واضح انك مش غيران دا انت مولع نار بس😂😂
آدم وهو بيبص عليا شوية وعلى أحمد شوية: باااااس خلاص انا غلطان اصلا انى حبيت اعملك مفاجأة + انتو ما بتصدقو تمسكو فى بعض الشاطر اللى يرد على التانى...
- خلاص يا حبيبي متضايقش نفسك هدى اعضائك كده وتعالى فسحنى🙃
آدم: تصدقى إنتى معندكيش دم....
- اه طبعا ماهى دى لو حبيبة القلب كنت وافقت
احمد- طب ما تيجى وأنا افسحك..
- سكت شوية كده .. فلقيتهم بيبصوا لبعض وبيقولو العقل المدبر هيودينا ورا الشمس بعد التفكير ده صح...
- عيب..😎
ادم: اه صح دا انتى أميرة ..
- اممم طب وسعولى كده شوية لما اكل الكريب الأول قبل ما يبرد وبعد كده نتكلم
آدم بنفاذ صبر : فرح وربنا أنا مطبق وعايز انام قبل ما نروح لدينا و...
قاطعته وانا باكل وقلتله : اى ده اى ده انتو كمان مخططين من ورايا ... لا دا الموضوع كبير .. ارغو
أحمد: احم... بصى هو المفروض ان أنا طلبت ايدك من أدم ووافق ... وأدم طلب ايد دينا منى وأنا وافقت وكلمت بابا كمان ووافق ... قاطعه آدم وكمل..
آدم : والمفروض دلوقتى ان احنا نزلنا وعايزين نتقدم رسمى بقي وكده ...
- وعارفين بقي هتعملو اى...
آدم: بصى أنا بقول اخدك انتى وماما ونروح النهاردة نطلب ايد دينا من عمو ونتفق على كل حاجة ....
بصيت على أحمد ومتكلمتش وبينى وبين نفسي اللى هو انت كنت بتقول هتيجى تطلب ايدى النهاردة اى التغيير ده بقي.. أحمد تقريبا فهم أنا بفكر فى اى ولقيته بيقول...
احمد: أنا بقول يلا نروح دلوقتى عشان نقدر نشوف هنعمل اى بالليل ومين هيروح لمين...
- طيب ألحق أكلم دينا اعرفها ان احنا....
آدم قاطعنى وقال: لالالالالا تكلميها اى . هى متعرفش انى رجعت عايز اعملها مفاجأه...
- طيب ... بس زى الشطور كده تعمل إللى اقولك عليه...
آدم: ايوه أنا عارف الدخله دى كويس ارغى عايزة اى ... كريب وجبت عايزة اى تانى...
- اى دا يعنى انت اللى جايب الكريب مش أحمد..
أحمد بسرعه: لا أنا اللى جايبه هو بس بيحب يهزر وخبط آدم فى كتفه
- لا والله طب بقولك اى يا دومى شفت السوبر ماركت دا يا حبيبي
آدم: شفته وياريتنى ما شفته...
- بتقول حاجة...
آدم: لا لا يا قلبي وانا اقدر قولى عايزة اى
- هتاخد صاحبك دا من ايده كده وتجيبوا من كل حاجة اتنين😂😂😂
أحمد: اتنين ليييييه..
- آدم حبيبي هيجيب ليا وانت هتجيب لأختك...
أحمد: طب ما اجيب أنا ليكى وهو يجيب لدينا
آدم بصله: دا على أساس أنها هتفرق يعنى... يلا يا خويا قدامى...
سابونى ومشيو وأنا قاعده على العربية و....
- منكم لله الكريب برد ومبقاش ليه طعم...
بعد شوية لقيتهم راجعين وكل واحد في ايده حاجة و...
- الله كل دا ليا..
آدم: مش ليكى لوحدك دينا معاكى لاحظى كده
- اه اه منا عارفه...
آدم: بصراحه كده انا مش مرتاحلك انا هسيب حاجة دينا معايا وخلصى انتى اللى مع أحمد..
- كده يا دومى... مش واثق فيا
آدم: لا مش واثق فى نفسى...
أحمد: خدى يا فرح جيبلك حاجات اكتر من دينا بس انتى تخلصيهم....
- حبيبي يابو حميد هات..
أحمد: حبيبي😳...
آدم بص ل أحمد وقال: مانت عارف هى قدام الحاجات دى بتكون فى دنيا تانية 😂😂
أحمد: طب يلا بقي عشان نروح...
نزلت من على العربية وقلتله يلا ...
أحمد راح فتح الباب وركب وآدم ركب جنبه وأنا المفروض هركب ورا بس مش عارفه افتح من الحاجات اللى معايا
أحمد: يلا يا بت اركبى
- ولا احترم نفسك وانزل يلا افتحلى الباب عشان مش عارفه افتح...
نزل فتح الباب وركبت ومشينا وأنا طول الطريق ساكته... وده مش من عادتى طبعا.. وكل ما عيونى تيجى فى المرايه ألاقى أحمد بيبصلى ...
بصيت على آدم لقيته نام ....
- دومى ... دومى
أحمد بصلى وقال : عايزة منه اى ما تسبيه...
- أحمد حاااسب حاااااااااسب...