عز الدين. زين. اقف هنا ترتاح ازاى بعد ال قلته دلوقتى
عادى يابابا وفيها ايه انا تعبان وبكرة خطوبتى لازم ارتاح بعد إذنكم
استنى هنا. انت واعى لل قولته. اوعى تكون شارب.
ولا عندك خلل بسبب موت صاحبك
ههههه ومن امتى زين مختار. بيشرب. ومتقلقش مش خلل ولا حاجة انا عايز اتجوز ايه الغريب ف كدا
ياسمين. تتجوز. مين. كلنا عارفين ان عروستك هي حياة
زين بس أنا مقولتش ان عايز اتجوز حياة أنا قولتكم ان ال بحبها اسمها نهله.
سيف بس انت والعصفورة بتحبوا بعض
زين يقترب من حياة بخطوات بطيئه يتمنى داخله الا يصل ابدا يعلم ان كلامه سينهى كل ما تبقى لها من أمل... ممكن أسألك وتجوبينى
أنا عمرى قلتلك إن بحبك او عايز اتجوزك حركت حياة رأسها بالنفى وتأبى دموعها بالنزول .
زين جاوبينى. سمعينا كلنا ردك
حياة. لأ
زين عمرى تعديت حدودى معاكى
ياسمين. ايه ال بتقوله دا
زين ماما لوسمحتى اتفضلى اتكلمى
حياة. لأ
زين اظن هى جاوبت محصلش منى ان علقتها وخليت بيها زي ما انتم مفكرين
سيف. زين انت ازاى .... قاطعه زين. انتوا عايزين ايه
عايزينى اتجوز العصفورة عشان انتوا بتحبوها فلازم زين كمان يحبها.
أه بحبها بس زى عائشه. انا بشوفها بنتى واختى
. انا مربيها معاكم. العصفورة عمر حبى ليها ما تعدى حب الإخوة انتوا متصورين ان زين عزالدين ممكن يتجوز عيله صغيرة زى حياة ال لسه بنراضيها بعصفورة ملونه او شكولت
ياسمين. بصوت جهورى. انت بتقول ايه انت بتحبها. وقولتلى انك هتنزل وتتجوزها
زين. انا قولت ان هنزل واتجوز. انتى بقى استنتجتى ان ال هتجوزها. عصفورتك ال بتحبيها
ياسمين لأ. دا مكنش كلامى
زين اى كان ال قولته أنا هتجوز خلال أسبوع من النهاردة ومراتى اسمها نهله وسابهم ف حيرة وصدمه وطلع اوضته
عائشه. انا مش مصدقه ال سمعته من شويه بقى دا زين اخويا ازاى هيتجوز غير حياة
تحركت حياة امامهم تحاول تخفى دموع عينيها
ياسمين. حياة يابنتى ... قاطعها عز. سيبيها دلوقتى.
دخلت حياة غرفتها وانهارت. اطلقت العنان لدموعها
تتذكر كلام زين
اهذا كان عوضى ... هذا هو القدر ... كيف لمن زين حياتى بنوره يجعلها هكذا ظلاما دامس ...
ليه زين يعمل فيا كدا مش معقول أكيد أنا بحلم أكيد فيه حاجة غلط أنا لازم افهم مستحيل اقتنع ان ال زين قاله حقيقة
ف غرفة زين. كان ينظر لصور تجمعه مع حياة
انا عارف ان جرحتك ومش بعيد اكون خسرتك. بس والله غصب عنى سامحينى
وانا مسمحاك يازين
قام زين مسرعا. ااانت ايه ال جابك هنا وازاى تدخلى من غير استأذان
حياة انت نسيت الباب مفتوح. انا جيت عشان مش مصدقه الدراما ال حصلت من شويه جيت اتأكد من احساسى ال طلع صح
زين. هو ايه دا ال صح
حياة. الصح أنك بتحبنى وان قلتله ليه سبب وهتحكيلى عليه ولو فيه مشكله نحلها سوا لكن نبعد. عن بعض لأ يازين
زين انت أكيد مجنونه أنا مفيش مشاعر ليكى انت زى عائشه
حياة. كداااب انت بتحبنى. وإلا ليه كل السنين دى وانت جمبى بتحمينى وبتخاف عليا اكتر من روحك ومتقوليش أنك زي أختى
زين. لأ انت فعلا مش زى أختى وانا كنت بحميكى وبخاف عليكى فعلا بس دا مش حبا فيكى. دا لإنك يتيمه.ومحتاجة حد يراعيكى
وانا طمعان ف الجنه فأكرمتك بس كدا
حياة .....
زين كان واقف وشايف العصفورة بتقاوم نفسها انها تحبس دموعها. مازالت صامدة قويه رغم ما تسمعه
أعلم جيدا ان داخلك. وجع وقهر لايتحمله أحد اعلم ان سببت لدى شرخ داخل قلبك ولكنه قدر مكتوب وليس بيدى حيله على تغييره
خرجت من غرفة زين وأنا أجر خيبات
اليوم وبعد سنين طوال من موت أبى وأمى احسست حقا أنى يتيمه بالفعل أتمنى ان قدرى حينها لم يعطينى فرصه النجاه. فأى حياة هذه. وأى ظلم هذا وأى حرمان أنا ف البيت دا مجرد يتيمه
ف الصباح تنزل حياة تجر خلفها حقيبه سفر
ياسمين. حياة يابنتى رايحة فين. وايه الشنطة دى
حياة. انااا. هروح لخالتى هدى ف اسكندريه
ياسمين. لا انت مش هتخرجى من هنا دا بيتك. كان زين ينزل سلالم القصر.
حياة. بإبتسامه تتبعها قوة ف لهجتها. خالتو أنا هسافر اقعد عند خالتى فترة وعدتها من فترة ان هقضى عندهاالأجاوة.
لأ انت بتكذبي انت عايزة تمشى بسبب زين. صدقينى مستحيل جوازته دى تتم
ومين ال هيقف قصادى انا قولت هتجوز خلال ايام
ياسمين. مش هيحصل يا زين
زين آسف يا ماما بس قرار جوازى نهائى انا مش هغير قرارى لمجرد انك عايزة تسعدى بنت اختك اليتيمه مش على حساب سعادتى
عز الدين. بصوت مرتفع زين إياك تتجرأ وتهين حياة. تانى دى بنتى ومش يتيمه.
يظهر ان وظيفتك علمتك القسوة. يا حضرة الظابط ونسيت ان معاملتك لاهلك غير معاملتك لظباط أقل منك فوق لنفسك
. انا ال مش عايزك تتجوزها أنا ال مقبلش ان بنتى تتجوز شخص مغرور ومتعجرف زيك وناكر الجميل.
ياسمين. عندك حق يا عز الدين. ... يا خسارة تربيتى فيك. كنت فكراك زين الشباب بس للأسف يمكن قصرت ف تعليمك ...
حياة خالتو لو سمحتى. ممكن تسمعونى لثوانى. ...
انتوا ليه بتضغطوا على زين هو حب واختار. ودا مش غلط. انا كمان زين بالنسبالى. زى سيف. وعائشه اخويا الكبير ال ربانى مينفعش لإنكم بتحبونى وعايزنى جمبكم دايما ان تجبروه ان يتجوزنى. وبعدين. انا وزين يستحيل كنا نتفق او حتى نحب بعض
كلمات متتاليه تتفوه بها حياة تحاول تلملم المتبقى من كرامتها ....
نعم مجرد كلمات ولكن تأثيرها كان كالسوط يضرب قلب الزين وأخيرا يتألم قليلا كما سبب ألما لقلب العصفورة
هذا ما يظنه الجميع فرغبه زواجه من آخرى كذبه لا يصدقوها.
ولكن لو يعلموا أن قلبه ينزف اكثر حتى من العصفورة سنين وهو يبنى احلاما. يتمنى يوم يجتمع بعشقه واليوم. هو بنفسه يهد كل آمال قد تجمعه مع العصفورة ثانيه. فهو قطع بيده كل السبل المؤديه إليها
حياة خالتو ياسين ابن خالتو شويه وهيكون هنا أنا كلمت خالتو وهى قالت هتبعته ياخدنى
زين. وليه بقا استاذ ياسين يجى ياخدك انا مش قلتلك كذا مرة متتكلميش معاه
الكل وقف مستغرب زين واحواله ال بتتغير ف دقايق. من شويه كان بيتكلم وكأنه مش طايقها ودلوقتي باين من عيونه الغيرة بتنهش فيه
حياة. وفيها ايه لما ياسين يجى يوصلنى
زين أولا أنا لسه موافقتش أنك تروحى هناك. مينفعش اصلا تعيشى ف مكان فيه الزفت ال اسمه ياسين دا
حياة. استاذ زين ال ينفع وال مينفعش أنا بس ال اقرره مش حضرتك دا بعد اذن عمو وخالتو وانا عارفة انهم موافقينى وبعدين انت ايه دخلك بيا خاليك ف حالك
انت زيك زى ياسين بالظبط. هو ابن خالتى زيك
. وفر تحذيراتك وتسلطك دا على نفسك وعلى ال هتجوزها
زين. بس ... قاطعه عز الدين. زين. خلصنا. متدخلش ف حياة العصفورة مرة تانيه خليك ف نفسك أنا موجود.
حياة ترفع حاجبيها بمكر لزين وكأنها أخيرا انتصرت عليه. وأخيرا خرجت العصفورة المتمردة من عشها
وبمحاوله لإغاظه زين ممكن يا عز باشا اتكلم معاك لوحدنا
عز. تعالى معايا. على المكتب
حياة. عمى عايز منك طلب انت أكيد ليك معارف كتير ف الداخلية قبل ما تخرج على المعاش
عز الدين. أكيد بس بردوا مش فاهم
ملحوظه. عز الدين خرج على المعاش وهو لواء ف الجيش ... وحاليا فتح شركتة الخاصة
حياة. انا عايزة اقدم ف الشرطه
عز الدين. بصدمه. انت ياحياة لالالا انت شكل ال زين عمله جننك
حياة ليه بس ياعمى. ما فيه بنات كتير بتقدم وبتتقبل
عز الدين. انت مش شايفه نفسك ياعصفورة وبعدين البنات دوول قليل ال بيقبلوهم.
حياة. ارجوك ياعمى. حاول بطريقتك
عز الدين. حياة انتى بتعملى دا عند ف زين وبس وكمان روحتك عند خالتك عند بردوا
حياة. عمى ارجوك. انا عايزة اثبت لنفسى قبل زين والكل ان قويه مش ضعيفه ان مش مجرد طفله بتحب العصافير والشوكلاته ودموعها دايما بتسبق كلامها
عز الدين بس انتى كدا حلمك ف الطب هيروح وكمان تعب عليكى . الشرطة مش سهلة زى ما انتى مفكرة
حياة ودا ال عايزة اثبته لنفسى ان أقدر
وسيف ف الطب وهيبقى افضل دكتور ويحقق حلم ان يكون ف دكتور ف العيله زى بابا الله يرحمه
عز الدين. هحاول يا عصفورة.
حياة طيب أنا هخرج أكيد ياسين على وصول
لسه مصممه عل السفر
حياة. بدموع. مش هقدر اقعد هنا وهو بيتجوز لازم ابعد شويه. انا بحاول منهارش قدامه ولا قدام خالتو بس بجد مش قادرة
عز الدين احتضن حياة ... سامحينى يا بنت الغالى ياريت بإيدى حاجة
تطرق عائشه باب المكتب. بابا ياسين ابن خالتو وصل
زين كان قاعد عيونه على ياسين هو يعلم جيدا ان ياسين يتودد كثيرا لعصفورته
بعد سلام ياسين على عز وحياة. طيب أستأذن أنا عشان الطريق. مش يالا ياعصفورة
زين وقد احمر وجه كجمر حارق. انت قولت ايه
ياسين. مقولتش حاجة
زين. لأ. قولت. انت قولتلها ياعصفورة
ياسين بخوف لاحظه الجميع ااانا بقوله زي ما كلمكم بتقول لها.
زين مش مسموحلك. تقولها. كدا برة بيت زين مختار مش مسموح حد يناديها بعصفورة
حياة. بعند لأ يا سيادة النقيب مسموح لأى حد ينادينى بالإسم ال بحبه وانا بس ال احدد مين ييه الحق دا. مش حضرتك
بعد إذنك ياخالتو أنا اتأخرت وسلمت على الجميع وتجاهلت تماما وجود زين. وابتعدت بعض خطوات. كانت قادرة على اسقاط دموع الزين وهو يرى روحه ترحل بعيد عنه
" أيا قدر ماذا فعلت حتى يكون عقابى بهذه القسوة
ما أنا إلا ضحيه مثل العصفورة "