أخر الاخبار

رواية لمسه اعادت لي الحياه كامله بقلم رحمه جمال جميع الفصول من الاول حتي الاخير

رواية لمسه اعادت لي الحياه الفصل الاول

رواية #لمسه_اعادت_لي_الحياه✨

الفصل الاول 

بقلم رحمة جمال

انتي مش مسئولة عن اي وجع اتوجعتيه زمان..

مش مسئولة عن ذكرياتك السيئة اللي بتتجرحي بسببها في اليوم ميت مرة..

مش مسئولة تمسحي الشخصيات المؤذية من الحياة بأستيكة..





بس مسئولة تماما انك تتعافي من تأثير ده كله عليكي وتبتدي حياتك من أول وجديد بوعي وقوة وحب للحياة..


مسئولة ترسمي مستقبلك وتعيشي حياتك زي مانتي عايزة..


مسئولة تقرري مين الأشخاص اللي هتكملي معاهم ومين هتخرجيهم برة حياتك..


النهارده اخر يوم ليكي في المصحه ، بس اول يوم ليكي في حياتك الجديدة ، هتبقي أقوي من الأول وهتواجهي كل حاجه بشجاعة لانك قويه جدا في





 الحقيقه اي ست ربنا خلقها قويه جدا ده احنا قدرنا نحمل ونستحمل وجع الولاده ونربي ونعلم مره واتنين وتلاته واكتر مش هنبقي أقوياء عشان نقدر نواجها شويه مشاكل 




سما : معاكي حق يا دكتوره ، شكرا بجد شكرا علي وقفتك معايا السنه دي كلها وفضلتي جمبي من غير ما تيأسي في وقت كل الدكاتره اللي في 




المصحه يأسو مني ومن حالتي 

، بس انتي غير أنتي غير اي دكتور جه ووقف جمبي وساعدني وانا هاجي ازورك علي طول 

_ وانا هفضل جمبك وموجودة ديما عشان أساعدك 

سما : شكرا ليكي بجد ، جه الوقت 





_ ايوه جه الوقت ، جه الوقت عشان تعيشي من جديد مش عشان تفتكري اللي فات ، اتفقنا 

سما : اتفقنا أكيد ، عن إذنك

_ ودي حاله جديده من الحالات اللي الكل راهن عليه اني هخسر فيها 

ده كان حوار بيني وبين مريضه عندي ، مريضه نفسيه بالرغم أن بقالي كثير في شغلي






 إلا إن مع شفاء كل مريض ليا ، بحس نفس احساسي اول مره لما نجحت في علاج أول مريض ليا 

أحب أقدم لكم نفسي ، أنا ريڤانا دكتور ريڤانا مصطفى ، دكتوره أمراض نفسية وعصبية ، اكيد مستغربين أسمي عارفه كل مريض لما بيسمع أسمي





 بيستغرب ، ريڤانا معناه رذاذ المطر ، عندي ٣٠ سنه عايشه لوحدي في القاهرة ، أهلي انفصلو وانا في بدايه دخولي الجامعة ماما رجعت تركيا لأن هي بلدها الام وبابا استقر في إسكندريه




 وانا بعد ما خلصت دراسه واتعينت عشت في القاهرة ، علاقتي أنا وبابا سطحيه جدا ، لانه طول الوقت مشغول ، اما ماما معرفش عنها حاجه من بعد ما سافرت 

بعد ما جيت القاهره واستقريت نوعا ما كانت حياتي بسيطه جدا أخلص شغل في المستشفى ولو هشتري شويه حاجات ليا في البيت واقضي باقي




 يومي في البيت ، معنديش أصحاب نهائي ، مستمتعه بوحدتي جدا بلاقي فيها الراحه ، بحب شغلي جدا وعشان بحبه دائما بيخلوني اتولي المرضي اللي ميؤس منهم زي سما كده ،







 كل ما الناس تعرف إني دكتوره امراض نفسيه بيبعدو عني ومش هكدب عليكو كتير بيقولو اني دكتوره مجانين ، بس بستغرب جدا من الناس دي 

يعني لو واحد مثلا تعب كل الناس هتقولو ، روح روح بسرعه علي المستشفى اطمن علي




 نفسك شوف ايه اللي تعبك معدتك ، قلبك ، ولا يكون القولون ، بس اول ما الموضوع يخص العقل والنفسية يقولولك هوووس 🤫 متقولش لحد متتكلمش خالص 🤐 ، الناس





 هتقول عليك ايه مجنون عقلك فوت ، وكأن العقل ده مش جزء من الجسم وليه الحق ان هو كمان يتعب ويتعالج



_ وأخيرا وصلت البيت ، أحب أعرفكم عم إدريس البواب واللي اول ما يشوفني يقول كل الاذكار اللي حفظها 

يا جماعه مش معني اني عايشه لوحدي ابقي بنت مش كويسه ، بس علي العموم ربنا يهدينا كلنا 





طلعت البيت غيرت هدومي وبدأت احضر اي حاجه أكلها ، خلصت ولسه بفتح اللاب ، لقيت كل زمايلي اللي يباركلي عشان شفاء الحاله الجديدة 



واللي يحقد ويقولي طول عمرك اروبه بس علي قد ما الموضوع متعب في الاول الا  اني بحس 




إني عملت إنجاز عشان أقدر أخلي شخص يرجع لحياته ويخليها أحسن 




بس أن جيتو للحق المرضي النفسين مش هما اللي بنشوفهم 




في المصحه المرضي الحقيقين هما احنا واللي بيجولنا 




المصحه دول ضحاياهم ، علي الاقل دي وجه نظري





فوقت من تاني لما لقيت مدير المصحه بعتلي علي الفيس بوك 

مدير المصحه : مساء الخير يا دكتورة

ريڤانا : مساء الخير يا دكتور




مدير المصحه : بهنيكي علي شفاء الحاله 

ريڤانا : شكرا يا دكتور ده واجبي 

مدير المصحه : جاهزه للحاله الجديدة 

ريڤانا : علي طول كده يا دكتور






مدير المصحه : انتي من أكفاء الدكاتره عندي وده السبب الرئيسي عشان تتولي الحاله دي بالذات 

ريڤانا باستغراب : هي حاله خطيره يا دكتور 




مدير المصحه : هتعرفي التفاصيل لما تأخدي التقرير بتاعه ، 



لكن مش خطر عليكي ابدا ، تصبحي علي خير يا دكتوره 

ريڤانا : وحضرتك من اهل الخير 





قفلت اللاب وفضلت اتفرج علي التليفزيون بملل ، ومش قادره 



امنع تفكيري من الحاله الجديدة ، غلبني النوم من كتر التفكير ، 




صحيت تاني يوم وانا في كامل نشاطي وده نادرا لما بيحصل ، ومش عارفه ايه السبب 

 


                        الفصل الثاني من هنا

تعليقات



حجم الخط
+
16
-
تباعد السطور
+
2
-
close