رواية فرحتى بعزوتى💙
الفصل الحادي عشر
بقلم دنيا عادل
الكل كان فرحان وأحمد لقيته قرب منى شدنى من ايدى على جوه وحضنى و...
احمد: قلتلك قبل كده انك انتى روحى اللى مقدرش اعيش من غيرها.... عايزة تسبينى يا فرح.... انا عرفت كل حاجة ... سمعتك وانتى بتقولى لدينا
- عرفت اى....
احمد وهو بيطلعنى من حضنه وبيمسك وشي بين ايديه: احنا مع بعض على المره قبل الحلوه.... وأنا هفضل جنبك ومفيش اى واحده تانية تقدر تاخد مكانك... احمد ل فرح وفرح ل احمد
- بحب وجودك جنبي ودعمك ليا.... هتفضل جنبي...
احمد: هفضل جنبك وهفضل جواكى.... انتى فى قلبي وفى عقلى يافرحتى
- هبدأ من بكره اتابع مع الدكتور وأشوف هيحدد ميعاد العملية امته
احمد: من النهاردة كل خطوه هتكون سوا . .. يعنى هنشوف الدكتور سوا وهنتابع سوا..كل حاجة سوا سوا...
- بحبك قد الدنيا كلها
احمد: وأنا بعشقك يا فرحتى
...............
الأيام بتعدى.....وحددنا ميعاد العملية بعد يومين ....... و احمد كل يوم ياخدنى ونروح للدكتور عشان يطمن عليا...
...................
خلاص النهاردة هعمل العملية ..... و معايا كل اهلى...
انا ممكن اموت... وإحتمال بسيط العملية تنجح وارجع تانى مع أحمد وماما ودينا وآدم ولو روحت عند بابا
فى كلتا الحالتين أنا راضيه رضى تام وأنا عندى كامل الثقه فى ربنا.....
- أحمد... اوعدنى إنك هتفضلى دايما تحبنى حتى لو بعدت عنك
احمد وهو واضع وشي بين ايديه: متقوليش كده يا فرح... هتعملى العملية وهتخرجى لينا بالسلامه.... انا واثق ان ربنا مش هيخذلنا.... انتى انا يا فرح مقدرش اكمل حياتى من غيرك........
- ادعيلى يا احمد..... قلت كده ومنتظرتش منه إجابة ورحت لماما أخدتها بالحضن كأنى بودعها.... ادعيلى يا ماما...
آدم خد بالك من دينا واعتبرها أنا ومتزعلهاش وابقى سمى بنتك على اسمى زى ما كنت بتقولى .... وانتى يا دينا....خدى بالك من أحمد.... وضحكت..واوعى تخليه يتجوز عليا...
حسيت خلاص انى بودعهم... يااااه الدنيا صغيرة جدا.. هى ممكن دى تكون النهاية بجد.... ممكن فعلا...ليه لا.... فى النهاية أنا ضيفه على أرض الله وهيجي وقت وتتسحب فيه ورقتى... وحياتى تنتهى.... وبكره الكل يتعود على غيابي وكل ما يفتكرونى يقولوا ربنا يرحمها... دى كانت روحها حلوه وبتحب الضحك والعناد.. هيكونوا عايشين على ذكرى ليا... وكل شوية يفتحوا صورى يتفرجوا عليها .....
خرجت من تفكيرى.... على صوت أحمد بيقولى اطمنى ربنا معاكى واللى ربه معاه ميخفش.... ابتسمت ليه إبتسامة اطمئنان لإنى متأكده إن قلبه مرعوب من مجرد التفكير انه يخسرنى....ربنا كبير جدا يا احمد . .. وان شاء الله هخرج منها بالسلامه ... ده اكيد اختبار صغير كده من ربنا و هيعدى... صح يا احمد..؟
باس راسي وقال: صح يا عيون احمد
دخلت العمليات......
القلق مسيطر على الكل....
ماما اللى الدموع فى عيونها خايفه لتخسرنى زى ما خسرت بابا ... وقد اى هى عانت بعده واللى وقف جنبها هى صديقتها... اللى هى ام احمد وزوجها صديق بابا.....
وآدم اخويا اللى دايما كان يقولى انتى لو احتجتى نجمه اجبلك القمر.... بس المهم تكونى راضيه
وأحمد... احمد اللى كنت بدعى ربنا دايما يكون ليا لو خير ... ولو شر ربنا يصلحه ويكون ليا بردو....
ودينا... اختى وصديقتى اللى وقفت معايا فى كل صغيرة وكبيرة تفرح لفرحتى وتحزن لحزنى......
حقيقي... بحمد ربنا على وجود اهل زى دول فى حياتى... أكيد كل واحد ربنا مميزه بحاجة عن غيره.. وأنا ربنا ميزنى بحب اهلى ليا.....
______________
بعد فترة.. فى حركة مش طبيعية..و ممرضة طلعت بتجرى عليهم .....
احمد: طمنينى هى كويس فى اى مشكلة...
* بصراحه اه.... المدام فرح عنده ا انيميا شديدة ومحتاجين اكتر من متبرع ونقل دم كتير و...
ادم: تقدروا تاخدوا منى كل الدم اللى محتاجينه
* تمام يا فندم ونادت ممرضة تانية تسحب من آدم الدم ... بس محتاجين حدا كمان حضرتك لوحدك مش كفاية
أحمد وماما ودينا: خدى منى الكمية اللى محتاجينها
سحبوا دم من آدم وأحمد عشان نفس الفصيلة....
بعد تلت ساعات... والجو في حالة من التوتر والقلق والخوف ...الدكتور خرج وتعابير وشه لا توحى بالخير..
ادم: طمني يا دكتور اختى كويسه..... العملية نجحت..
الدكتور: الحمد لله العملية نجحت وهى دلوقتى فى العناية المركزة وبعد ٤٨ ساعة الجايين ممكن ننقلها اوضه عادية بس ..
احمد: بس اى ....
الدكتور: ...........
احمد: ايه..... يعني اى ده