رواية فرحتى بعزوتى 💙
الفصل الثاني عشر والثالث عشر
بقلم دنيا عادل
احتمال يحصل فقد فى الذاكرة بشكل جزئي يعني ممكن فى اخر فترة من حياتها... وده مش هنتأكد منه غير لما تفوق...
احمد: ايه.......يعنى اى ده...
ادم:اهدى يا احمد.. خلاص يا دكتور شكرا.. تقدر تتفضل
فى اى يا احمد... ده بدل ما تقول الحمد لله انها نجحت.. وأن فرح هترجع لينا من تاني...
احمد بضيق: الحمد لله انها نجحت بس ...انت مستوعب اللى بيقوله .. ده بيقول فقد جزئي معنى كده فرح مش هتفتكر ان احنا اتجوزنا واختك هتطلع عين اللى خلفونى عقبال ما توافق عليا من تاني
الكل ضحك فى وسط جو القلق ده على كلام أحمد
دينا بضحك وهى بتخبط على كتفه: اى يا ابو حميد .. معقول مش هتقدر توقع فرح وتتجوزها تانى...
ماما بضحك: والله يابنى ضحكتني... واضح ان فرح بنتى أثرت عليك تمام التمام اليومين اللى قعدتوهم مع بعض
عدى يومين واتنقلت اوضه عادية بس لسه مفوقتش.... احمد كان دايما معايا وآدم اخويا ودينا كمان بس روحت هى وماما بعد محاولات كتير
تالت يوم ورابع يوم عدى... ولسه على نفس الوضع
ومع صباح خامس يوم....
آدم وأحمد سابونى وخرجوا... شوية وأحمد دخل ولقانى فتحت عيونى بس ... اى ده
احمد بقلق: فرح انتى كويسه.. بتعيطي ليه ... تعبانه.....
-بصوت ضعيف: لا.....
احمد: طب انتى كويسه..... استني هجيب الدكتور يطمن عليكي ... سابنى وخرج... وشوية ورجع وهو معاه الدكتور
الدكتور محاول لتلطيف الجو: لا الحمد لله بقيتى عال العال اوى...
احمد: يعنى تقدر تخرج دلوقتى يا دكتور
الدكتور بإبتسامه: لا هى هتفضل منوارنى و منوره المستشفى شوية
أحمد بغيره: طالما بقت كويسه تفضل ليه..
الدكتور: لازم تفضل تحت الملاحظه بس مش اكتر .. وخرج وآدم دخل وجرى عليا
آدم: حبيبة قلب اخوها يا ناس وباسنى.. ينفع كده تقلقينا عليكى....
احمد: ولا انت اتعدل ولاحظ ان دى مراتى مش كفاية الدكتور الرخم ده واقف يتغزل فيها قدامى...
آدم: على فكره دى اختى قبل ما تكون مراتك....
- مرات مين.....
آدم وأحمد بصوا لبعض وافتكرو ا لما الدكتور قال احتمال انها تفقد الذاكرة......
- ما حدا يرد عليا......
احمد: لا بس انا بقول بإعتبار إنك هتبقي مراتى يعنى...
- وأكون مراتك ليه مش انت مشيت وسبتنى واخترت مستقبلك عنى... راجع تقول دلوقتى انى مراتك... وبعدين انتو رجعتوا امتى.....
ادم: اهدى يا فرح انتى لسه تعبانه...
- أنا عايزة اخرج من هنا.... عايزة ارجع البيت
احمد بعصبيه: انتى مسمعتيش الدكتور قالك اى.....
- وانت مالك انت... وبتزعقلى كده ليه...... خليك فى حالك... أنا أصلا مش بكلمك 😌
ادم: باااس انتو الاتنين ... اى الصداع ده ... ناقر ونقير كده دايما ... وبعدين انتى المفروض عاملة عملية يعنى اتهدى... كنتى هتموتى
- انت مش شايف يا دومى بيتعصب عليا ازاى...+ بعد الشر عليا..
احمد: دومى.. ننننننننن + اتعصب عليكى براحتى..😎
- باااارد
احمد: رخمه
- اهو انت 😛
ادم: لااا أنا هطلع واسيبهالكم وانتو قومى اضربو بعض احسن... وخرج
- اى ده ... دا خرج بجد... اه يا دومى يا حيوان ... مش عيب تسيب أختك مع أجنبي كده...
احمد وهو بيقرب: هو كده عمل الصح وبعدين فين الاجنبى ده
- ولا ميغركش انى تعبانه شوية اتعدل كده بدل ما....
احمد: بدل ما اى... كملى خايفه ليه
- بالله ألم عليك المستشفى واقولهم متحمرش....
احمد: مت اى... متحمرش.. . بقي دى ألفاظ طالبة جامعية يا محترمه ..... وبعدين اعملى اللى انتى عايزاه انتى مراتى وعادى...
- اه دا انت باين عليك اتهطلت....
احمد: عيب الكلام ده.. .. يلا بقي ترتاحى شوية...
يتبع....
#دنيا عادل..
________________________
البارت الثالث عشر
فرحتى بعزوتى 💙
- ارتاح.... متعودتش انى ارتاح يا احمد .... من لما سبتني وسافرت وأنا روحى تعبت. . وكل ده عشان حبيت .... يااااه... قد كده الحب عذاب.... و دلوقتى جاى تقول مراتى.... لا .. مبقاش ينفع
احمد: سامحيني يا فرح. .. أنا بعدت عنك عشان اقدر اكون معاكى دلوقتى.... تعالى ننسي الماضى ونبدأ من النهاردة
- بس الوقت أتأخر اوى يا احمد... عشان نكمل مع بعض ده هيبقي صعب ... ربنا ليه رأى تانى .... كنت بقول كده وأنا مش قادرة اتكلم من الأول ومبقتش شايفه قدامى... مش قادرة اتنفس... احمد انتبه على حالتى...
احمد: عشان خاطرى اهدى... بلاش أنا عشان خاطر مامتك وآدم ودينا...
حالتى بتسوء اكتر... وصوتى بيروح...
-انا بصوت ضعيف: احمد كان نفسي ابقي على اسمك قبل ما يحصلى حاجة بس...
احمد: فرح انتى فعلا على اسمى احنا كتبنا الكتاب قبل العملية وان شاء الله هتبقي كويسه وهنكمل حياتنا سوا فى سعادة
- كمل حياتك يا احمد مع اللى تستاهلك.. انا حياتى خلاص.... وسكت... بس سكوت غريب شوية يمكن متكلمش تانى.....
احمد: هنكمل حياتنا سوا ... متقوليش كده تانى....
- .....
احمد: انتى مبترديش ليه... . فرح ردى عليا.....
......صوت الجهاز اتغير........
احمد: دكتور... دكتورررررر بسرعه
الدكتور جه... فضل يعملى صدمات كهربائيه وأنا جسمى بيتنفض......
الدكتور بص ل أحمد: البقاء لله......
احمد: انت بتقول اى... هى مش هتسيبنى...
جه عليا....... فضل يهزنى. ... فرح قومى... قوليله انك كويسه .... انتى مبترديش عليا ليه..... فررررررررررح
.................
آدم: أحمد... اهدى ...
احمد: فرح.....
آدم: هى لسه فى العمليات... أكيد كنت بتحلم... هى بخير متقلقش....
احمد: كنت بحلم؟ .... يارب ... يارب تطلع بخير وتقوم بالسلامه... يارب
آدم: تعالى نصلى وندعيلها....
احمد و آدم نزلو المسجد يصلوا ويدعولى....
الحب يصنع المعجزات💙💙💙..... .. جملة كنت دايما بسمعها... ياترى هل هى حقيقية ولا خيال...؟
بس اللى أنا اعرفه ان اللى بيحب بيحس باللى بيحبه حتى لو كان فى آخر العالم.... اللى بيحب بجد هيحب عيوبك قبل مميزاتك...... الحب معنى عظيم بس للأسف كتير اوى لوث الكلمة دى... لو بتحب بجد حارب عشان توصل... ومقصدش بمعنى حارب إنك تعمل حاجة تغضب ربنا... لا بالعكس ادعى ربنا دايما يجمعكم مع بعض فى الحلال ألح على ربنا فى الدعاء... ربنا هيستجيب.....