رواية فرحتي بعزوتي
الفصل التاسع والعاشر
بقلم دنيا عادل
احمد: قوليلي بصراحه كنتى فى معمل التحاليل ليه ... عايز اعرف مالك وأى اللى تاعبك...
- كح كح كح...
احمد ادانى ميه شربت و...
احمد :ألف سلامه مالك بقي
- الأكل وقف فى زورى يخرب بيت كده....
احمد: بقيتي كويسه...
- طول مانت جنبي هكون دايما بخير....
احمد: اى ده انتى سخنه ولا اى أنتى فرح... انا بحلم ولا اى ... انتى قلتى كلام حلو وكده...
- بضحك.. اه فعلا كلام حلو.... تحب اقلب
احمد: لا لا بس مش متعود على كده ... كلامك دايما دبش كده و...
- طب اى مش يلا...
احمد: اه اه وشغل العربية ومشينا تانى
- بيني وبين نفس: الحمد لله ونسي
أحمد: متفكريش انى نسيت بعد اللى حصل ... يلا جاوبي
-انا بصدمه: اى ده هو ازاى..
بصتله: لا عادى مفيش حاجة قلت اعمل شوية تحاليل يمكن عندى انيميا ولا حاجة
احمد: اممم طيب ... المفروض هتجيبي النتيجه امته...
- النهاردة او بكره بالكتير
احمد: المعمل فين....
- جنب الكلية....
احمد: اسمه اى...
- اى كل الأسئلة دى...
احمد: اسمه اى.... وبصلى
- احم ... اسمه*****
احمد وقف العربية: هو ده مش كده.. وبيشاور علي...
بصيت لقيته هو و.....
احمد: هو ده يا فرح...
- اه... هبقي اجيبه بكره انا ودينا ....
فتح باب العربية ونزل....
- أحمد... احمد ... استني بس.... مردش عليا فنزلت وراه ولحقته
- فى اى يا احمد منا قلتلك هجيبه بكره انا ودينا...
احمد: وتجبيه بكره ليه ماحنا فيها ودخل المعمل
احمد: السلام عليكم.... لو سمحتى فى تحليل هنا بإسم
قاطعته: إزيك يا دكتور انا فرح اللى كنت عند حضرتك إمبارح و كان معايا صاحبتى
الدكتور: اه فكراكى طبعا... ثانيه واحده وهجبلك التحاليل
قعدت أنا وأحمد .. بس فون أحمد رن...وكان آدم
احمد: اى يا آدم
آدم: انت فين يا احمد وفرح فين...
احمد: فى المعمل اللى جنب الكلية بس بنجيب شوية تحاليل كده وجايبن
فى اللحظه دى الدكتور جت ...
الدكتور: بصى يا فرح تحاليلك تمام... بس دينا صاحبتك....
احمد: دينا مالها يا دكتور...
الدكتور: بصراحه عندها كنسر فى المخ ولازم تتعرض على دكتور متخصص وإحتمال يكون ليها عملية
- اى لا مستحيل هى كويس... وفضلت اعيط
كل ده وآدم لسه على الفون وسمع كل حاجة
احمد بصدمه : انتى متأكده يا دكتور ...
الدكتور: التحاليل معاكم اهيه وتقدروا تعرضوهم على أى دكتور هيقولكم نفس الكلام
أحمد حاول انه يتماسك قدامى واخدنى ورجعنا على العربية
آدم قفل واتصل تانى على احمد: أحمد قولى اللى سمعته ده بجد ... يعني دينا عندها كنسر بجد
احمد بخنقه: اه يا ادم
آدم: لا أكيد فى حاجة غلط ... بص أنا جاييلك خليك عندك لازم نعرض التحاليل دى على دكتور ... أكيد دينا كويس .... وقفل
شوية وآدم وصل وعيونه كانت حمرا جدا...
طلعنا على دكتور كويس شوية ووصلنا ولحسن الحظ كان مفيش مرضى عند الدكتور والمفروض انه كان خلاص هيمشي
آدم: لو سمحتى الدكتور موجود
* اه يا فندم اتفضل
دخلنا.....
آدم اخد التحاليل من ايد احمد: لو سمحت يا دكتور ممكن تشوف التحاليل دى
الدكتور: طب اتفضلوا
عندى دقيقتين وكأنهم سنتين
الدكتور: تحاليل الانسه فرح تمام... اما الانسه دينا فيها مشكله
- فيها اى يا دكتور يارب يكون خير
الدكتور: للأسف مش خير ... التحاليل بتقول ان فيه كنسر فى المخ ولازم نعمل عمليه خلاص اسبوع بالكتير
آدم بعصبيه: ازاى ده مستحيل... انا متأكد مفيش حاجة زى كده
الدكتور: اهدى يا استاذ التحاليل اللى قدامى بتقول كده وبعدين كمان باين على الانسه انها فعلا تعبانه و مش كويسه ... وبيشاور عليا
- بس .. بس انا مش دينا يا دكتور... انا فرح ...
الدكتور بإستغراب: ازاى.... عمتا ياريت الأنسه دينا تتابع معايا عشان لو حابين نبدأ فى تجهيزات العملية
احمد: تمام يا دكتور شكرا...
خرجنا من عند الدكتور وكان كل واحد فينا مش مصدق اللى حصل ازاى... بس هو فعلا ازاى أنا فكرت أنا اللى هكون تعبانه .... حتى الدكتور فكر فى كده.... فى حاجة غلط
آدم اخد فونه وراح بعيد بعد ما قال لأحمد حاجة بس انا مسمعتوش ... وفى الوقت ده فونى رن وكانت دكتور التحاليل....
- الو .. اى يا دكتور
الدكتور:.........
- اى.... ازاى ده حصل..
قفلت مع الدكتور ودينا اتصلت .... حاولت اكون طبيعيه معاها
- الو... اى يا دودو
= اى يا صاحبي كل ده ولسه موصلتيش....
- لا مش جاية أنا هرجع البيت تانى عشان تعبانه شوية وعايزة انام
= اى يا فرح كل شوية عايزة انام...
- معلشي بقي ... بس احتمال اشوفك قبل ما ارجع
= خلاص ماشي يا حبيبتى خلى بالك من نفسك
- وانتى كمان ... سلام وقفلت
احمد: مقدرتيش تقوليلها...
اول ما أحمد قالى كده فضلت اعيط جامد ماكنتش قادرة اخد نفسي...
آدم رجع لقانى كده: اهدى يا فرح ان شاء الله خير بكره تعمل العملية وتكون كويسه....
آدم رجع تانى الكلية عشان دينا....
وأحمد لف بيا تانى ورجعنا.... بس طول الطريق ساكتين
- أحمد أنا خايفه .... مقدرش اعيش من غير دينا وآدم كمان دا ممكن يحصله حاجة ...
احمد: آدم هيكتب كتابه على دينا النهاردة عشان يقدر يكون جنبها الفترة الجاية ... تحبي نكتب كتابنا احنا كمان.....
- لا لا ... خلينا بس نطمن على دينا الأول وبعد كده ربنا يحلها
احمد: خلاص تمام أنا قلت أخد رأيك... عشان دينا متستغربش اللى بيحصل بعد ما كان الاتفاق انه فى يوم واحد وكده....
-..........
احمد: فرح مبترديش ليه...
- هاا... لا ابدا مفيش
احمد وقف العربية: لا فيه قوليلى بتفكرى فى اى...
- أحمد انت بتحبنى ....
احمد: فى اى يا فرح انتى اول مرة تسألينى السؤال ده...هو فى حاجة
- تقدر تعيش من غيرى....
احمد: فرح انتى الهوا اللى بتنفسه من غير وجودك جنبى مقدرش أعيش.... انتى روحى... عارفه يعنى اى روحى... بدون وجودك اكون جسد بلا روح....
- بدموع: سامحنى يا احمد لو كذبت عليك فى يوم ... وخليك عارف لو أنا عملت كده يبقي أكيد لمصلحتك او أكيد وراه سبب
احمد: طب ممكن افهم ليه الدموع دى بقي .... مش كفاية أنا ماسك نفسي بالعافية عشان مرض دينا وممكن أخسرها فى اى وقت...
- لا متخافش مش هتخسرها ان شاء الله و كمان آدم يتجوزها ويجيب منها فرح الصغيرة وتنسيكو اى وجع فات......
احمد: إن شاء الله يا فرحتى...
- طب بالسلامة بقي عشان ألحق أجهز نفسي لكتب كتاب دينا ... عايزين منعرفهاش حاجة واليوم يعدى بفرحه وسعاده
احمد: إن شاء الله هيكون يوم جميل والكل يتذكره........
هو بهجة قلبي ولا أريد سواه💙💙💙
اعملوا لايك وشير وكومنتات قمرز كده عشان اكمل😥
#دنيا عادل
_________________________
البارت العاشر
#فرحتى بعزوتى 💙
وصلنا البيت
- شكرا يا احمد تعبتك معايا
أحمد: من امتى الاحترام ده.....
- أنا عارفه انك بتحاول تطمنى .... لعله خير يا احمد
احمد: لما تجهزى رنى عليا وهاجى اخدك.....
- ماشي... وسلملى على دينا وطنط وعمو .....
احمد: حاضر يلا اطلعى بقي
- خد بالك من نفسك.... هتوحشنى
احمد: حاضر هاخد بالى منك ... مانتى نفسي....
اغمى عليا محستش بحاجة غير وأنا فى اوضتى وماما وأحمد جنبى ....
- فى اى .....
احمد: يعنى ينفع تخضينى عليكى كده
ماما: ألف سلامه يا حبيبتى... هقوم اعملك شوية عصير
- الله يسلمك يا ماما .. بصيت لأحمد... اى اللى حصل
احمد: كنت بكلم فيكى عادى لقيتك وقعتى من طولك
- ومين طلعنى هنا
احمد: احم... انا هيكون مين يعنى
-انت اهبل انت ازاى تلمسنى ....
احمد بجدية مصطنعه: لا انتى اللى عايزة قطع لسانك. كنت اسيبك مرميه فى الشارع مش كده.. . اسمعى يا بت انتى مامتك هتجبلك اكل وعصير هتاكلى وتقومى تجهزى وهاخدك انتى وطنط ونطلع على البيت عندنا.. .. ومش عايز اسمع كلمة تانية مفهوم
-........
احمد: مفهوم يا فرح.... ولا لا
- طب اطلع بره بقي......
انا بسمع كلام أحمد عشان مبحبش ازحله بس مش عشان بخاف منه.... لا لا لا😅😅😅
قمت من على السرير والصداع مش مفارقنى....
وقفت قدام المراية بجهز نفسي.....
-الدموع بدأت تتجمع فى عيونى بعد ما شفت وشى بقى اصفر ازاى : يااااااه كان نفسي فرحتى تكمل وأكون مكتوبه على اسمك بعد حب السنين دى كلها ...بكره ابعد عنك واختفى من حياتكم..... بعد ما عرفت الحقيقة
فلاش باك
- الو ... اى يا دكتور
الدكتور: فرح انا بعتذر جدا بس حصل لخبطه فى التحاليل وتحاليلك انتى ودينا اتبدلت وانتى اللى تعبانه
.......
فوقت من سرحانى على خبط الباب ... مسحت دموعى...
- ادخل...
احمد فتح الباب ودخل: اى يا فرح كل ده مش خلصتى... اى ده انتى بتعيطى... مالك فى اى
- لا بس فى حاجة دخلت فى عينى.....
احمد: ورينى كده...
قرب منى وفتح عينى
احمد: مفيهاش حاجة يا فرح
- اه اه خلاص هى بس بتحرقنى شوية.. وبعدت عنه
احمد: طب يلا ولا اى...
- اه خلاص خلصت يلا
___________________
فى الكلية..... على الفون
= ألو...آدم انت فين.....
آدم: أنا فى محاضرة دلوقتى ... ليه فى حاجة
دينا بخنقه: عايزاكى ضرورى .....
آدم: انتى كويسه... مال صوتك... دينا انتى تعبانه....
= التحاليل يا آدم.. التحاليل بتقول... مكملتش وفضلت تعيط.....
آدم: انتى عرفتى ازاى....
= رحت المعمل الدكتور قالتلى كل حاجة....
آدم: طب اهدى أنا خلاص خلصت اهوه عشر دقايق وهاجى اخدك ونروح .... وقفل
عدى شوية وقت وآدم جه....
آدم: خلصتى محاضراتك....
= اه
آدم: طب يلا نروح....
فى العربية
= آدم التحاليل بتقول ان فيه...
آدم قاطعها: خلاص يا دينا اهدى ومتفكريش فى حاجة كله هيبقي تمام أنا معاكى دايما وهفضل معاكى
= انت عرفت منين
آدم: فرح وأحمد قالولى
= فرح عرفت....
آدم: اه وراحت معانا للدكتور... والدكتور قال لازم عملية
= والعملية دى امتى
آدم: سيبي كل حاجة على ربنا ... يلا عشان وصلنا.... هتلاقي فرح فوق وماما
= ليه...
آدم: هنكتب الكتاب النهاردة عشان نقدر نكون مع بعض ونساند بعض
= يارب دايما نكون مع بعض.. والعملية هتنجح ان شاء الله
آدم: إن شاء الله
.........
الكل اتجمع والمأذون موجود وكان لسه دينا وآدم....
جرس الباب.. أكيد هما دول فتحت وكانوا هما فعلا...
- حمد لله على السلامة يا دومى... حمد لله على السلامة يا مرات اخويا😅😅 الكل منتظركم يلا
= فرح تعالى عايزاكى
- طب يلا بس مش وقته يادوب تجهزى بسرعه واخدتها من ايدها ورحنا اوضتها
- يلا بقي هشوفك احلى عروسه النهاردة...
= فرح انتى كويسه....
- اه ياختى كويسه وزى القردة يلا بقي
= فرح متكذبيش عليا .... انا عرفت الحقيقة...
- حقيقية اى ....
= إنك ... إنك... تعبانه أنا رحت المعمل وعرفت كل حاجة
الباب خبط
احمد: يلا بسرعه
- حاضر خلاص اهوه
- بصيت لدينا: اهدى بس وكله هيبقي تمام ... صدقينى العملية هتنجح وهبقي فل بس اوعدينى....
= اوعدك بإيه......
- انك متقوليش حاجة لحد. .. الكل مفكر ان انتى اللى تعبانه و النهاردة كتب كتابك عشان كده
= ثانيه بس انا مش فاهمه حاجة.... يعنى مش كتب كتابنا أنا وانتى سوا
- لا بصى التحاليل حصل فيها لخبطه وهما مفكرين ان انتى اللى تعبانه مش أنا وأحمد قالى على كتب الكتاب بس قلتله لا عشان كنت عرفت ان التحاليل حصل فيها لخبطه بس مقلتلوش .... مش عايزاه يتوجع بسببي...
= بس ...
- عشان خاطرى.....
طلعنا... وآدم كتب كتابه على دينا والكل فرحان..... وانا كمان فرحانه لصديقة عمرى وأخويا.... بصيت على أحمد.... بس هو فين
المأذون خلاص هيمشي...
.. لسه فى كتب كتاب تانى....
بصيت ورايا...احمد
احمد: تعالى... ولقيته مسكنى من ايدى واخدنى لعند المأذون وقعدنى جنبه ومسك ايد آدم اخويا وبدأ المأذون يكتب الكتاب ..... وأنا نو استيعاب
فوقت من سرحانى.. على جملة المأذون الشهيرة ...بارك الله لكما وبارك عليكما وجمع بينكما في الخير