رواية: قاتلي المتأجر
البارت: السادس عشر
بقلم: نادية ستارز
عند جين
تلاقي صوت إكس الغاضب: جييين بتعملي أيه هنا
جين تتوتر و ترجع خطوتين عن الشاحن: ولا حاجة كنت بدور عليك ملقتكش لا جوا ولا برا
إكس بسخرية : و هو إلي بيدور على حد بيبقى عايز ياخد مسدسه
جين بأستغراب: مسدسه فين دا
إكس: هتستعبطي
جين: لا هستهبل و تنظر تجد المسدس بجانب الشاحن
جين بتوتر: أنا أفتكرتك سبتني فقولت يمكن يكون في حيوان بري أخد المسدس أحمي بيه نفسي
إكس: متفكريش تاني أتفضلي شوفي هتعملي أيه
جين: هاكل و بعدها هاكل تاني و بعدها هنام و بعدها هنام تاني و هاكل و هنام
إكس: على تلاجتك و بعيد عني
جين: متعودتش أكل لوحدي و بعدين ثانية أنت كنت فين
إكس: حاجة متخصكيش متسألنيش عن أي حاجة تاني
جين: طب أنت قتلت حد قول متخافش
إكس: للأسف لسه بس شكلي هعملها دلوقتي
جين: طب قبل ما أموت هاتلي طاسة علشان أعرف أعمل اومليت نفسي هفت عليه أعمل حسابك معايا ولا هتكون مت
إكس: هفت دا أنتِ تعلي الحرارة
جين بتساؤل: و أفقع المرارة
إكس: روحي أطفحي يا جين أنا ندمان على الوقت إلي فكرت أوافق أخطفك فيه
جين: فات الأوان في الندم تقبل إني معاك وهجبلك أمراض الدنيا كلها
إكس: دا تغفير ذنوب أنا عارف
جين: يلا علشان تساعدني في الفطار مش هعمل و أنت تاكل على الجاهز
إكس: حد قالك إني جعان أصلاً
جين: دا أنت هتاكلني بعينك
إكس: فين الأكل
جين: فين المطبخ
إكس: أحنا إلي هنعمله
جين: أزاي دا
إكس: تعالي ورايا
جين: أيوة يعني أخر إلي أنت ممسكهوني دا أيه أنت ممسكني كل حاجة حلل و طاسات و معالق و أطباق أنت هتفتح مصنع تصنيع أدوات منزلية
إكس: برا
جين: أنت بتطردني من كوخي
إكس: يا حمارة أطلعي برا بالحاجة إلي معاكي أكيد مش هنجهز المطبخ هنا هو في مكان أننا نتحرك أصلاً
جين: دلوقتي أنا الحمارة و أنت خارق الذكاء خد حللك وطاساتك وريني من غيري و من غير مساعدتي هتعمل أيه
إكس: أنا غلطان خليني أشوف هتعرفي تعملي الفطار أزاي
جين: هو أنت هتذلني دا أصلاً من واجباتك كخاطف إين حقوق الخطف أنا هشتكيك لرئيس الخاطفين و أقولهم مش بيأكلني الظالم المفتري
إكس: أطلع أنا و أنتِ تجيبي كل حاجة و نشوف هتعرفي ولا لا
جين: هه أيوة طبعاً أنت مع جين يابني أنت كلك على بعضك على الفاضي لكن أنا بعرف أعمل كل حاجة
إكس يجلس : وريني أبداعاتك
جين: أنت مع جين عيب لما تقول كدا
جين: إكس إكس الحقني مش عارفة أشيل البتاع دا مش وقت ضحك تعالى شيله معايا
إكس: أطلعي خرجي الحاجات إلي ناقصة يا فاشلة لحد ما أجيبه
جين: هو إلي تقيل و أنا حجمي صغنن عليه
إكس: كدا كل حاجة جاهزة و الشواية عملتها
جين: طب ما شوية و الشمس هتاكل دماغنا
إكس: أحسن
جين: أنا جعانة مش هتأكلني
إكس: إلي جعان يعمل لنفسه
جين: بقى كدا طب برا المكان دا خالص بعيد حتى عن البحر و لما أخلص تبقى تعالي أنت
إكس:أخاف يحصل حريقة و أموت بسببك
جين: الثقة أترمت في البحر
إكس: أنتِ محدش أصلاً يثق فيكي
جين: أنا لا طبعاً دي أسرار كل الناس معايا كفاية ظلم يا عم هتموت في مرة من كتر ظلمك
إكس: أنتِ محدش يقدر يأمنلك على كيس شيبسي لما يقولك سر
جين: طب أقولك أنا سر
إكس: أنطقي
جين: ناولني الأول الطماطم من التلاجة و تكون جامدة بلاش فشل
إكس: أستني هدخل أجبها
جين: إكس بقالك ربع ساعة
إكس يخرج وهو يحمل الطماطم: مكملتش دقيقة
جين: كداب أوي
إكس: عارف
جين و هي تقطع الطماطم: السر هو إني عارفة أنك جايلي بس تقتلني مش تخطفني
إكس: بجد أزاي
جين: أتصدمت طبعاً أنا محدش يتوقعني
إكس: ناقص الفلفل
جين: مبحبهوش
إكس: بس أنا بحبه
جين: أكله يعني علشان أنت بتحبه
إكس: أكرهيه كملي السر يا جين كمللللي
جين: و الخطة خطتي
إكس: علشان كدا فشلت
جين: أنا لو روحت خمساية مع ليث أخطط هعمل خطة أخليك طول حياتك في السجن أنا بس خطتت في وقت كنت عايزة أنام فيه فملحقتش أعمل خطة كويسة
إكس: أنتِ أي خطة بتعملها و هتعمليها بتفشل يا جين
جين تترك السكيت و تذهب إلي إكس: فين الخمسين الف يا حرامية
إكس: أنا مخدتش منك حاجة
جين: كداب أنتم يا ظلمة أخدتم خمسين الف
إكس: جيت دول بتوع الدولة
جين: و أنا أحد أفراد هذه الدولة و من حقي الفلوس دي أيدك على الخمسين الف فلوسي
إكس: أعملي الأكل الأول و نشوف فلوسك و فلوسي و فلوسهم
جين: أنا تعبت كمل أنت مكاني
إكس: أنتِ معملتيش غير أنك قطعتي طمطمتين
جين: و دي حاجة قليلة دي حاجة كبيرة أوي يلا وريني مواهبك في الأكل
إكس: مش هسمع صوتك
جين: هتكتم أنا أصلاً قطعت لساني
إكس: أقعدي و شوفي الشيف إكس هيعمل أيه
جين في سرها: عيني عليكي يا جين هتموتي متسممة و محدش هيلحقك كان مستخبيلك فين كل دا
بعد نص ساعة
إكس: يلا أطفحي
جين: يعني مكلف نفسك و تاعبها و في الأخر و عامل أكل أحسن من الفنادق و في الأخر تسد نفسي طب أترزع
إكس و هو يشد الكرسي: كان ممكن تقولي أترزع بدل كل الكلام دا
جين: الموضوع مش مستحمل تريقة خليني أكل في هدوء متتكلمش أبداً
جين: على فكرة الأكل ناقص ملح و سكر
إكس: معرفش أزاي الأتنين هيتجمعو مع بعض بس أنا مطلبتش رأيك
جين: أنا شبعت الحمد لله هقوم من وشك
إكس: الأطباق تتغسل
جين: ياربِ يعني قولت هخلص من المواعين و غسلها لما أتخطف لكن إزاي مع إكس في غسل مواعين في حرقة دم كأنك واقفة أدام لبن و اللبن دا بيفور الدم دا كأنه دمك و النار السبب في كل دا إكس علشان كدا و من غير جدال أتفضل أغسلهم و بعدين ضوافري عايزهم يتكسرو دا أنت كنت بطلب دليفري علشان مغسلش مواعين و أنت تقول الأطباق تتغسل ليه بهيمة أنا
إكس: لا لا بجد أنا تعبت للسانك من الكلام
جين: شكراً لتقديرك للساني
إكس: شيلي الأكل معايا
جين: و المحاضرة إلي كانت فوق
إكس: دي كانت عن الغسيل و بعدين أنا معملش الأكل و أحطه و أنتِ متعمليش حاجة
جين: مين قالك بدعيلك
إكس: دا أنتِ بتدعي عليا أدامي فمن ورا ضهري هتعملي أيه هتلاقيكي بتخططي لقتلي
جين: الظلم و سوء الظن لما يتجمعو في شخص واحد بينتجو شخص عاق على المجتمع إكس أيه العربية إلي جاية هناك دي
إكس: جين أدخلي جوا بسرعة
__________________________
عند ليث و عنود
عنود تنظر بصدمة: يالهوي يالهوي روحت في داهية و أترفدت
اللواء بغضب: أنتِ إلي قولتلهم يهدمو العمارة دي
عنود: يا فندم أنا جايبة كذا حد علشان ننجز أنا مالي و مال أهلي متعصب عليا ليه وأ أصلاً ليث إلي جايبهم و بعدين أنت متعصب ليه العمارة دي بعيدة عن عمارة مساعدة الوزير يبقى خلاص متوجعش دماغي
اللواء: بنت اتكلمي معايا بأسلوب أحسن من كدا
ليث: مش حضرتك عندك بيت و أولاد روح أطمن عليهم و سيبنا أحسن
اللواء: أنا همشي تعرف ليه
ليث: لا
اللواء: ولا أنا أنا إلي بسألك
ليث: وقت أستظراف دا في عمارات بتتهد و ناس بتموت و حضرتك بتهزر أنا إلي همشي
اللواء: خليك الدولة محتجالك
ليث: أنا إلي محتاجني بجد موبايلي فيس بوكي إنستجرامي دولة أيه بس دي أنا عايز أنام منمتش مم أمبارح يا مفتريين
اللواء: هجبلك شوكولاتة
ليث: و عصير
اللواء: و مستيكة
عنود: ناقص المصاصة في عمارة أتهدمت لوحدها لازم نروح نشوفها أيه التهريج دا
ليث: أمشي أدامي
عنود: أمشي أنت إلي أدامي
ليث: أبتدينا خليك شاهد معملتها علشان لما أقتلها تخرجني منها
اللواء يعطيه ضهره ولا أعرفك و يغادر
عنود: يلا ورايا
ليث: هنمشي كل دا
عنود: مش وقته ممكن يكون ناس ماتت
ليث: بلاش تفاؤل جين
عنود:جين مين
ليث: هنسيب الناس و نشوف مين جين
عنود تشده من أيده: أحنا لسه هنتكلم أنجر
و يذهبو تجاه المبنى المهدوم .
عنود بزعيق: حصل أيه
حارس المبنى: المبنى قيد الأنشاء يمكن وقعت بالغلط
عنود لليث: مش مستريحاله إذا كان الراجل هدم البيت أدان عيوني يبقى دا بيكدب ليه
ليث: نفس الرأي
عنود: خدو نتعشى بيه بليل في القسم
ليث: حققي مع بقيت الناس و أنا هشوف الخطة التانية
عنود: ليه مش البدل
ليث: كل واحد يشرب خطته
عنود: أنا هشرب مياة بلل أنت خطتك في البحر و أشربها علشان تفضل فاكرها
ليث: مش طايقك
عنود: الشعور عندنا أحنا الأتنين
ليث: أنتِ برودك بتجبيه من فين
عنود: لا مش هقولك علشان متروحش تجيب منه و كدا يبقى برودنا واحد
عنود تميل علي ليث: متتعاملش مع واحدة سايبه أعصابها في الفريزر
ليث: و جهازك العصبي معاكي خلي بالك عليه لحد يخطفه
عنود:معايا أكفئ الظباط من ورا عارفهم دول أنت المركز الأول متقلقش أنت أنا بعرف أتصرف
ليث: من أعماق قلبي بقولهالك الوقت الصغير إلي عرفتك فيه كرهتك
عنود: و أنا كمان دايماً شعورنا متبادل
ليث: دا ميلفتش نظرك لحاجة
عنود: أيه
ليث: أنك قلودة
عنود: ما أنا بتعامل مع قرد فهبقى قلودة و متبصليش بعصبية أصل حسي العربي بيقولي أن قلودة جاية من أصل قرد أنا هقنعك لو بقت اللام راء هتبقى قرود قرود قلود أقنعتك صح مقتنعتش طب همشي أنا
ليث: أنا لازم أمشي
عنود: و الشغل
ليث: أنتِ موجودة
عنود: طب رايح فين
ليث: رايح لأمي أخليها تغير مسار الدعوة أكيد و هي بتدعيلي دعت غلط
عنود: أنت بتعايرني يعني علشان أنت عندك أمك و أنا معنديش أمي لا فوق يا أستاذ أنا عندي بابا
ليث: و أنتِ بتعايرني علشان أنتِ عندك بابا و أنا معنديش لا فوقي يا أستاذة أنا عندي ماما
عنود: بعيد عن أنك قلدتني في جملتي خلاص متزعلش أنت عندك ماما و أنا عندي بابا هنحط البابا و الماما مع بعض يدونا بابا و ماما
ليث: هنسيب الشغل و نركز في بابا و ماما
عنود: فين الظابط إلي رد عليا بطريقة وحشة
ليث: ليه
عنود: هو إلي هيعمل الشغل دا أنا فرهدت
ليث: ماشي و بصوت عالي شريف يا شريف
شريف: نعم
عنود: نعم الله عليك
شريف: يا فتاح يا عليم يا رزاق يا كريم
عنود: أسماء الله الحسنى صح كمل دول تسعة و تسعين مقولتش غير أربعة ولا أنت فاشل
شريف: أنتِ عايزة أيه
عنود: حقق مع كل الموجودين شوف لو في أصابات والسائق إلي هدم البيت يتعاقب لأني مقولتلهوش يهدم
ليث: ولا أي إشارة
عنود: ولا القناة الرابعة
ليث: شريف خلص الموضوع و أنت تعالي معايا
عنود: هنروح فين
ليث: هنتابع الخطة التانية
عنود: ماشي بس الجزء دا فيه شمس
ليث: أنا بحب الشمس أمشيييي
عنود تمشي أمامه : و تكلمه : هنفضل نمشي كتير
ليث: شوية
ليث يركز على ظلها و يطلع هاتفه و يرسل إلي عيسى
أنا لقيت الظل
_____________________
في محل الضبع
الضبع: يخربيتك يا ضبع
الظابط: شمعو المحل دا بالشمع الأحمر
الضبع: بيتي أتخرب يا باشا دي مؤامرة دبرها أعدائي عايزين يخلصو مني
الظابط: قول الكلام دا في النيابة
الضبع: عندي عيال بربيهم
الظابط:، هما يربو نفسهم
و يذهب ضبع إلي القسم
و بعد أستجواب دام لساعة تم حبسه أربعة أيام
يدلف ضبع إلي السجن
ضبع: سمو عليكم
أحد المساجين: و أنت فاكر نفسك مين علشان تسلم علينا
ضبع: أنا المعلم ضبع يعني تتكلم معايا عدل
المسجون: حد سمع الدبانة إلي بتتكلم دي
ضبع: واقفة في وشي بتزن
المسجون: أنت كدا محتاج تتأدب يا رجالة تعالو
و يعملو دائرة حول ضبع
ضبع: أنا راجل مريض عندي القلب لو مُت ذنبي في رقبتكم
المسجون: خلاص سبوه يا رجالة و أسقوه مياة كتير علشان قلبه من سقى كلب دخل الجنة
ضبع: أنا قد والدك عيب كدا
المسجون: أنت قد والدتي ما تضحك يا حمار أنت و هو
اترزع في أي مكان على الأرض
يجلس ضبع و هو حزين و يفكر في حل كي يخرج من هذا الوحل
__________________________
في المقابر
الشرطة: كله يرفع أيده و يقف مكانه
مريم تلف رأسها و تنظر تجاه الصوت و بصدمة: ماجد
ماجد: في حاجة تخليكي تتصدمي خدوهم
مريم: بس أزاي أنت نصاب و حرام و أبن جزمة أسفة للوالدة و ليك والله بس أنت حقيقي كدا و ضيف عليهم حقير و ندل خدني يا عم الحاج
العساكر يمسكه كل الموجودين.
مريم و هي معدية من جمب ماجد ماجد يمسكها من أيدها ويقرب من ودنها و بصوت واطي
ماجد: كلفتي نفسك على الفاضي رسم و طباعة و في الأخر أنتِ أدامي ممسوكة بس أيه رأيك مش أنا في الحقيقة أحلى من الصور
و يغادر
مريم: الحيوان بعد ما كلفني الفلوس دي دا ميستاهلش قرش بس يستاهل سمكة قرش تنهش في لحمه
يركبو البوكس
و يذهبو جميعهم إلي مركز الشرطة
ماجد يدخل مكتبه بعصبية : دخلي أول مهتمة مريم
العسكري يدخل مريم
في الخارج كان يقف إنتصار و هكول و العاملين
إنتصار ببكاء: منك لله يا هكول أيه إلي وقعك في طريقي بس
هكول: كفاية كلام يا ولية بدل ما أرمي عليك يمين الطلاق
إنتصار: يمين الطلاق هو أنا متجوزاك أصلاً أنت مصدق نفسك أنا هقولك أنك متجوز تمانية و كنت عايزني التاسعة و حكمك يزيد
هكول: عارفة لو فتحتي بقك هقطعهولك
إنتصار: أنا مش هسكت و مش هتسجن و هقول على الحقيقة
مريم تدخل تقعد
ماجد: أقفي حالاً أنا قولت أقعدي
مريم تنهض: و طالما أنت مقولتش بتتكلم ليه كنت أعتبر نفسك قولت
ماجد بزعيق: أحترمي نفسك أنتِ بتتكلمي مع الرائد أمجد
مريم: يا حلاوة مش كان أسمك ماجد
أمجد(ماجد): قولتي كان أقعدي علشان التحقيق طويل
مريم:كام سنة
أمجد: هي أيه
مريم: سجن
أمجد: أنتِ دارسة قانون هسبلك أنا النقطة دي مؤبد خمسة و عشرين سنة عشر سنين خمسة سنين على حسب القاضي أسترجعي الدراسة و أنتِ تعرفي عقوبتك سجنها كام سنة
مريم: مش هنبدأ
أمجد: أسمك سنك عنوانك مكان شغلك كل حاجة عن حياتك تدلقيها
مريم: وفر وقت أنت تعرف الحاجات دي عني
أمجد بصوت عالي: أسمك
مريم بتعب: مريم أحمد محمد
أمجد: أتعرفتي على هكول أزاي و أمتى
مريم تحاول أن تفتح عينيها: أنت ظهرتلي و قولتلي أن أن و تفقد الوعي
أمجد: مرييمممم
__________________________
عند أحلام و ملحم
=على فين كدا برضو كنت هتمشي من غيري
ملحم يلتفت لمصدر الصوت و ما زال محمل أحلام
ملحم: لا طبعاً أزاي دا أنت تنور يا إيوان
إيوان: واخد مراتي على فين
ملحم: تصحيح لمعلوماتك واخد طليقتي على فين والسؤال ميخصك و كدا متقولناش مبروك نسيت أعزمك على الفرح تتعوض دلوقتي لازم أمشي ورانا شهر عسل لا شهر أيه سنين عسل
إيوان يرفع مسدسه: سيبها و أمشي
ملحم: طب خمساية أطلع مسدسي ميبقاش الغدر فيك
إيوان ينزل مسدسه: أتفضل طلعه
ملحم: هحطها علشان أعرف هتأخر أصل أحلام لازم أتعامل معاها برفق
إيوان يتعصب: فوقها
ملحم: شامة مخدر قوي أشممهولك
و سريعاً مساعد الكابتن كان يحمل أحلام و ملحم رفع مسدسه
إيوان: علشان متقولش عليا غدار تاني
ملحم: أمشي ولا هيبقى في قتل الأول
إيوان: الموضوع سهل متصعبهاش ليضرب طلقة تجاه ملحم و لكن ملحم تفاداها
ملحم يضرب رصاصة تعدي من جمب كتف إيوان
ملحم: خليك سريع و هاتها من أول مرة زيي
إيوان: دا خدش مش حاجة كبيرة زيك كدا عامل زي الجرح الصغير مقارنة بيا
ملحم: أنا مش فاضي للعب العيال دا خلص و اضرب ورايا طيارة عايز أمشي
إيوان يضرب الرصاصة التانية و كانت في السما : إلي نجدت مني المرة إلي فاتت هوشع لما فتح الباب لكن المرة دي لا
هوشع: مين قال كدا
ملحم: كويس أنك جيت خد الراجل دا بعيد عني عايز أمشي و معطلني
هوشع: روح أنت و أرجع بكرة بالكتير
ملحم:مستحيل أجي هنا أنسى مش هقعد معاه في مكان واحد المجنون دا و يصعد إلي الطائرة و تحلق في السماء
إيوان: مرتين يا هوشع التالتة هقتلك أنت
هوشع: في دكاترة نفسيين ممتازيين تقدر تروح لأي حد محدش هيستحمل أكتر من كدا و يغادر يذهب إلي غرفته
ونرشح لكم ايضا
بعد ساعة
تفتح سارة عينيها و عندما نظرت بجانبها صرخت
عند ملحم
بعد أن وصلت الطائرة إلي أرض الوطن مصر
ملحم ينزل من طائرته و يحمل أحلام و يركب العربية التي بأنتظاره
ملحم بعد أن ركب يوجهه كلامه للسائق: عملت إلي قولت عليه
السائق: أه يا فندم متقلقش
ملحم: طيب وديني على البيت
بعد وقت كان وصل ملحم أمام منزل فخم
يدخل ملحم المنزل و يدخل أحد الغرف و يوقظ أحلام
ملحم: أحلام أحلام لم يجد استجابة ليدلق عليها كوباية مياة
أحلام تستيقظ: أيه إلي عملته دا
ملحم: صحيتك
أحلام: مفيش حد بيصحي حد كدا و بعدين ثانية الأوضة دي أيه دي تصميمها مش زي إلي في القصر
ملحم: أحنا في مصر
أحلام: ياليلة سودا أحنا لازم نرجع
ملحم: ليه
أحلام: ماما تبقى الست إلي أنت خبطها
______________________________
عند جين و إكس
جين: أدخل جوا أيه ما تدخل أنت
إكس بزعيق: حالاً يا جين تدخلي و أقفلي الباب كويس و أستخبي في أي مكان
جين بقلق: إكس في أيه
إكس:مش وقته
جين تدخل و تقفل الباب من جوا و تستخبى تحت السرير
جين: يعني يا إكس ملقتش سرير طوله أضيق من دا أنا محشورة بين الأرض و السرير بسببك أدعي عليك بأيه و أنت فيك كل حاجة العبر نفسي الاقي ميزة و مفيش غير أنك طبعاً عارف واحدة أسمها جين هو أنا هفضل أتكلم مع نفسي ومع الأرض و السرير كدا كتير عايزة بشر عايزة بني آدمين عايز حلويات أحلي بعد الأكل أنا أصلاً مش محتاجة حلويات لأني حلويات لوحدي طب لما هاجي أكل نفسي أكلها عادي ولا بنفسي ربنا يخليلي تقل و خفة دمي
جين تنهض من أسفل السرير
جين: آآآآه يا ضهري الشاحن فين أشوف الموبايل لحد ما إكس ييجي أيدا أنا حطيت الموبايل فين نسيت هيا نبدأ رحلة البحث عن الهاتف
تدور جين مدة طويلة لحد ما تلاقي الموبايل
ترفع الستارة و تذهب إلي كوخ إكس و تاخد الموبايل و تشحنه
بينما في الخارج عند إكس
إكس ينظر يجد عربية قادمة ينزل منها كابوني
كابوني: وحشتك صح
إكس: مش كنت معاك من ساعتين
كابوني: بتوحشني فبحب أشوفك
إكس: قول إلي عندك
كابوني: نفذت الخطة
إكس: لا
كابوني: ليه
إكس: قالي دا بالذات لا
كابوني: المهم ملحم و إيوان هتقولهم أيه
إكس: مش في دماغي أنت كنت جاي ليه
كابوني: كنت قريب منك قولت أشوفك لو محتاج حاجة بس بعد الشواية دي أكيد أنا إلي محتاج
إكس:للأسف معندناش بواقي أكل
كابوني: بقى كدا أنا ماشي بكرامتي
إكس:أنت جيت من غيرها على فكرة
كابوني:بجد
إكس: أه و الله هكدب يعني أنا بفكرك
كابوني: أنا همشي
إكس: وسن لسة عندك
كابوني: للأسف أه
إكس: تستاهل
كابوني: هي القمر إلي معاك فين
إكس: بتسأل ليه
كابوني: أسلم عليها
إكس: أيديها مكسورة
كابوني: على كدا لازم أشوفها
إكس: على كدا لازم تمشي بدل ما أيدك أنت إلي هتتكسر
كابوني: هتوحشني أطمن عليا كل ثانية
إكس: مش في حرب أحنا
كابوني: حرب الموج و الحب سلام و يغادر كابوني
إكس يخبط على جين ولم يجد رد ليفتح الباب من تجاه كوخه يجد جين
ونرشح لكم ايضا