الحلقه الثالثه
والرابعة
# رانيا محمود #
ندى :- من فضلك يا احمد كفايه كده حرام عليك
انا هنا علشان افرحك و اقولك ان في وسط
الضلمه دي موجود ديما نور حتى لو شعاع صغير
أحمد :- كفايه يا ندى اتفضلي امشي ( وقام
احمد من مكانه وكان وشه للحيطه وضهره لندي
علشان فعلا مش قادر يضغط عليها ولا علي
نفسه أكثر من كده ندى فعلا خرجت بس كانت
بتبكي بحرقه أما احمد فدخل إلى محبسه وسجد
في الأرض وانفجر من البكاء وظل يدعوا بكل حرقه و مراره ووجع لربه )
مروان :- معلش يا ندى ده أمر طبيعي احمد مضغوط
ندى :- وايه اللي انا طلبته منه علشان ازيد من
ضغوطه دا انا عاوزه افرحه واقوله انا معاك وبقي فيه رابط بينا قوي جدا ابنك أو بنتك اللي انا شيلاه جوايا
مروان :- لا يا ندى من ناحيه انك طالبتي فإنتي طلبتي منه فوق طاقته وقدرته حاليا....و قبل ماتردي اسمعي للاخر
انتي طلبتي منه مسئوليه هو مش مستعد ليها حاليا طلبتي منه قلق ذياده بعد ما كان قلقان على 2 هيبقى قلقان
على 3 ندى انا مش بلومك ولا بأنبك انا بس بوضحلك أو بحاول اجاوبك على الحيره اللي جواكي وعلى العموم انا هزور احمد بكره وبعدها يحلها ربنا
ندى :- وانت هتعرف تزوره
مروان :- متقلقيش انا ليا طريقتي الخاصه اللي هتخليني اعرف اقابله
حجره والاجتماعات في شركه مروان
المحامي :- انا بلغت ميسون هانم بميعاد
الاجتماع مش عارف هي ليه اتأخرت
مروان :- براحتها احنا اللي عوزنها وبعدين دي ميسون الترك ( قالها بطريقه سخريه وتهكم ). بعد نص ساعة
ميسون :- بعتذر يا جماعه على التاخير. انت عارف يامروان مسولياتي وكمان الاجتماع ده مش في جدول المواعيد ومعاكم بس نص ساعه مش اكتر المهم خير فيه حاجه فى الشركه
مروان :- بعد اذنك يا استاذ اتفضل حضرتك ( المحامي قام استأذن)
((( مروان بص لميسون بدون ولا كلمه وقام وفتح اللاب توب وهنا ظهر صوره الجد و ابتدت المحكمه اللي الجد مجهزها لميسون )))
ميسون بارتباك :- جدي العزيز اهلا بيك مش تقول يا مروان ان جدو حبيبى هنا ،،،خير ((وقد وضعت ساق على ساق )))
الجد بنبره غاضبه :- اقعدي عدل
(((( ميسون انزلت ساقها وجلست باعتدال مثل التلميذ المذنب أما استاذه )))
الجد :- من غير كلام كتير مالوش لازمه انتي عملتي ليه كده مع احمد ومن غير كدب لأني عارف كل شئ وعلاقتك بالشحنه الفاسده و مين جابها وامتى وكل شئ
ميسون بعصبيه :- ولما حضرتك عارف عاوز تسمع منى ايه وليه
الجد :- عاوز اسمع ايه ???هقولك عاوز اسمع غبائك لما تكون ميسون الترك وليكي الشرف انك من العيله تحط نفسها في موقف ذي ده راجل رافضك من حياته تغويه في الأول وتجبريه يتجوزك بأسلوب حقير وبعدين لما يعرف يسيبك وتجري وراه وتنتقمي منه انا حقيقي مش مصدق انك بالأخلاق دي
سؤالك التاني ليه هقولك ..علشان عاوز اعرف هو يستاهل غضبك من احمد انك تدخلي في وسط دايره من المشبوهين وبتوع المافيا تعرفى ان الناس دي هيستغلوكي علشان هيعملوا صفقات و تسهيلات من وراكي انتي هتضطري توافقي عارفه ليه علشان بغباوتك حطيتي صباعك تحت درسهم وديما هتكوني في وضع تهديد يا تنفذي طلباتهم يا يفضحوكي ( وهنا تغيرت نبره صوت الجد وكانت بصوره أمره ) ميسون ارجعي عن أي شئ يخص احمد و لو عاوزه فلوس انا هدفعها مهما كانت واخرجي من اللعبه الحقيره دي
ميسون بمنتهى الغضب :- ليه احمد بالذات ليه ..انا حفيدتك مش هو ...انا الاولى تقف جنبي وتساعدني وتجبلي حقي
الجد :- من مين ?احمد ماظلمكيش انتي الظالم انتي السجان اجيب حق الظالم من المظلوم ازاي هي الدنيا انعكست ..وبعدين مين قالك انى مش واقف جنبك ..إني احميكي من الشر من الحقد من الغل ومن الكراهيه ده مش شيفاه وقوف جنبك إني العدم عن الطريق الغلط إني العدم عن ذنب هتتحسبي عليه ده مش وقوف جنبك ...أحمد ربنا هيجبله حقه منك لأنه فرض أمره لله فتخيلي ان ربنا هو اللي هيقف قصادك ويجيب منك حق احمد ارجوكي تراجعي يا ميسون قبل فوات الأوان
(( ميسون قامت وهي غضبانه جدا اخدت شنطتها و جريت وكانها بتهرب من ضميرها ))
مروان :-خلاص كده يا جدو
الجد :- للأسف خلاص يا مروان انا بل تمنى أن انتقام ربنا ليها يكون في الدنيا لأن لو ربنا اجل انتقامه ليها في الاخره هتكون هي دي الخساره الحقيقيه ....المهم دلوقتي عاوزك تسجل الرساله اللي هقولها لأحمد لأنه لازم يسمعني كويس وخصوصا بعد اللي عمله مع ندى وكمان في أمر انا عملته والاوراق هتلاقيها مع المحامي
مروان :- أوراق ايه يا جدي
الجد :- هقولك كل حاجه
مروان :- ازيك يا احمد عامل ايه دلوقتي
أحمد :- الحمد لله يا صديقي هعمل ايه يعني اديني قاعد بقول يا رب
مروان :- أيوه بالظبط كده ماتبطلش تقول يارب ...انا بقى هنا علشان عاوز اعرف ايه العك اللي انت قولته لندي ايه كميه السواد والإحباط اللي جواك دي
أحمد :- انت فاهم غلط انا قولتلها كده علشان تلحق نفسها .ارجوك يا مروان ساعد ليلى وندي يخرجوا من انجلترا بأي شكل
مروان :- والسبب ايه
أحمد :-من اول يوم ليا هنا وأنا عارف ان ميسون ليها دخل في اللي حصل وفعلا تاني يوم كلمتين على التليفون استدعاني الضابط بشكل غير رسمي طبعا وقالي ليك مكالمه
وكانت ميسون وأسمع بقى الحوار اللي حصل بينا
ميسون :- احمد ذيدان جوزي السابق أخبار السجن ايه معاك حلو صح
أحمد :-, كنت عارف من أول لحظه انك ورا كل كده
ميسون :- ذكي فعلا
أحمد :- انتي عاوزه ايه يا ميسون
ميسون :- ادمرك انت وحبيبه القلب
أحمد :- ارجوكي اعملي فيا اي حاجه بلاش ندى دي معها بنت متظلميهاش بذنب مالهاش يد فيه انت عاوزه ايه وانا هعمله
ميسون :- ما انا قولتلك انت ذاكرتك ضعيفه ليه انا عاوزه ادمركم
أحمد :- طيب انا هقولك ايه رأيك أطلق ندي ونرجع لبعض
ميسون :- تطلق ندى اه نرجع لبعض لا
أحمد :- مش فاهم طيب ليه أطلق ندي طالما مش هنرجع لبعض
ميسون :- لأن اللي خرج من حياتي لا يمكن يرجع أيها تاني انت تطلق ندى علشان مافيش حد ياخد حاجه كانت بتاعتي في يوم من الايام و كمان علشان هي متتخيلش انك فضلتها على ميسون الترك وكمان ده الحل الوحيد قدامك علشان بس ماذيش ندى أو بنتها مش اكتر قدامك أسبوع لو ندي فضلت هنا في لندن اتفاقي معاك هيتلغي وساعتها مش عارفه يا تري هيحصل ايه لندي ولبنتها بعد ما مامتها يجرالها حاجه فكر ورد عليا بس متنساش الوقت مش في صالحكم
أحمد :- طيب انا مصيري ايه يا ميسون
ميسون :- لا اوعي تفكر إني هخرجكلا ده مكانك وعقابك علشان تحددتني
مروان :- اعوذ بالله منها طيب يا احمد اسمع التسجيل ده
التسجيل كان من الجد
الجد :- اسمع يا احمد انا عارف باللي حصلك كويس حتى ادق التفاصيل اللي انت متعرفهاش متخافش من ميسون ابدا
اوعى تصدق انها هتقدر تاذي ندى ولا بنتها متخافش انا عاوزك تستعيد بالله من الشيطان الرجيم وقرب من ربك اكيد اللي انت فيه ده امتحان من اللع عز وجل
مروان :- ايه رأيك بقي يا بطل في اللي سمعته انت متعرفش جدو عمل ايه فى ميسون امبارح لما كانوا بيتكلمواعلي النت صوت وصوره بهدلها خلاها جريت من الشركه ذي الفار
المهم يا احمد متخافش القضيه مش سيبها مكتب المحاماه كله أصبح شغله قضيتك
أحمد :- طيب اخو ندي عرف صح يا تري رد فعله ايه
مروان :- طبعا عرف وهزق ندى كتير وبصراحه طلب منها تسيبك وترجع تاني السعوديه
أما ندى فكانت أسد كالمعتاد رفضت تسيبك مع انها ماتستهلش واحده زيك
أحمد :- انا عاوز اشوف ندى
مروان :- هحاول اقنعها
أحمد :- ارجوك يا مروان ندى دي عمرى من فضلك خليها تيجي تاني
مروان :- حاضر مع اني لو مكانها
والله مااجي واسيبك كده تلف حوالين نفسك 😂😂
مروان :- بس يا ستي وده اللي حصل خلال اليومين اللي فاتوا ودلوقتي احمد هيموت هليكي
ندى :- طيب قوم يلا بينا
مروان :- والنبي مجنونه زي جوزك. اهدي كده ولا تعبيره اتقلي ياندي
ندى :- ارجوك يامروان ده احمد حبيبي وجوزي وابني و ابويا. واخويا يعني لو زعلت من جوزي أروح اشتكيه. لاخويا أو لابويا المهم اني هشتكيه منه ليه
مروان :- يا لهوى على الحب يارب يسعدكم بكره اعملك التصريح
ميسون في غرفه نوهما بتسرح شعرها وتنظر لنفسها في المرأه
يا تري يا حمدكنت تستحق اللي عملته فيك ولا انتي ياميسون اللي انسانه بشعه وتستهلي كل اللي قاله عليكي جدي
رن الهاتف وقطع عليها تفكرها وشرودها
ميسون :- نعم جون ماذا تريد
جون :- المحاكمه غدا سيدتي
سقط الهاتف من يدميسون وشهقت وبكت. وهي في حاله ذهول أليس هذا ما اردتيه
هل ستتراحع ميسون أم أنه صحوت ضمير وقتيه فقط
الحلقه الرابعه
# إنسان سافل بس محترم #
# رانيا محمود #
----------------------------------------------
ميسون في غرفتها شارده في أحزانها رن هاتفها :- نعم جون ماذا تريد
جون :- غدا المحاكمه سيدتي ونحن جاهزون لها
انقبض قلب ميسون ولا تعرف لماذا
(( يوم المحاكمه ))
أحمد :- انا اريد ان ارى زوجتي قبل المحاكمه
الضابط :- غريب انا لم أرى أحد مثلك كل المتهمون قبل المحاكمة يريدون رؤيه محاميهم قبل المحاكمه وليس زوجاتهم
أحمد :- أريد رؤيه زوجتي
الضابط :-حسنا انتظر لدينا هنا تصريح بوجودها مع محاميك
(( أحمد أول ما شاف ندى جرئ عليها ذي الطفل اللي منتظر أمه بفارغ الصبر .شدها لحضنه وسط ذهول من حوله ولم يهتم لنظراتهم ))
أحمد :- وحشتيني جدا جدا انا اسف ماقصدتش اضايقك ولا ازعلك ماقصدتش ولا كلمه من اللي
قولتها بحبك يا ندى اوى وانا مبسوط ان ابني أو بنتي الي جاي انتي هتكوني أمه بحبك يا ندى عمري
(( ندى بتبكي من الفرحه و بتحضن احمد بقوه و كأنها بتمده بكل طاقه الحب والأمل والأمان وكانها بتقول من غير لغه حوار .انا معاك و مش هسيبك أبدا ديما هكون موجوده
بعدوا عن بعض و احمد بص في عنيها كانت بتقول حاجات كتير ولسه هيتكلموا صوت المحامي قاطعهم
المحامي :- احمد من فضلك مافيش وقت تعالى نراجع شويه نقط لأني حاسس ان فيه شويه مفاجآت بس مش عارف هتبقي ايه
في قاعه المحكمه@@@@
حضرت ميسون وكل الحزن والألم جواها هي متعرفش ليه حضرت مع أنها رسميا ليس لها صفه للحضور لم يلاحظها أحد غير مروان الذي تجنبها تماما
____________""""""""_____________
الشرطه قدمت ادله للقاضي تؤكد تورط احمد في أعمال مشبوهة داخل إنجلترا وحاول محامي احمد ان يشكك في هذه الادله لكن المفاجاه كانت في طلب المحكمة شهاده دكتور هاري ودكتور طارق وكان السؤال الأول من القاضي موجه إلى دكتور طارق
القاضي :- ماذا طلب احمد منك تحديدا
طارق :-طلب مني مقابله طبيب متخصص في أمراض الذكوره
القاضي :- لماذا ??
طارق:- قال لي أنه يريد أن يسأله عن تأثير بعض أنواع المنشطات
القاضي:- وهل طلب منك عدم أخبار أحد
طارق تذكر عندما طلب احمد منه عدم أخبار أحد بهذا الموضوع وخصوصا ميسون ولكنه أجاب :- لا لم يطلب
القاضي :- ثم بعد ذالك ماذا حدث ?
طارق :- أرسلته لصديقي د. هاري
القاضي :- شكرا ..تفضل انت ولكن لاتغادر فقد نحتاج إليك
القاضي :- د. هاري ماذا كان سؤال احمد لك بخصوص المنشطات الجنسية
هاري :-سألني عن أنواعها و هل لها تأثير على من يتعاطها و كيفيه استخدامها باختصار كان يريد معرفه كل المعلومات عنها
القاضي :-و هل أخبرته
هاري :- نعم أخبرته بالمعلومات الطبيه المتداولة و المعروفه
القاضي:- وهل طلب منك كتابه اسمائهم كوصفه علاجيه
هاري :-نعم ولكني لم أفعل لأني لا أكتب إي ادويه بدون تحاليل وتفحص الحاله المرضيه لكني أخبرته عن المواقع الطبيه التي تحتوي على معلومات كثيره وهي موجوده على الانترنت بشكل قانوني
القاضي :- و ماذا بعد
هاري :- كما ذكرت أخبرته إني لا يمكن أن أصف دواء قبل أن أرى الحاله المرضيه بنفسي ولكنه اخبرني أنها معلومات يريد معرفتها ليس أكثر وأنه لا يريد
استخدامها بشكل شخصي .أيضا سألني هل يمكن لأحد الحصول على هذه المنشطات بدون وصفه من الطبيب اي بشكل غير قانوني و أجبته لا يمكن هذا لكن النفوس الضعيفة بالاموال تفعل الكثير
القاضي شكرا وتفضل
القاضي :- احمد هل ما قاله د. طارق و د. هاري صحيح
أحمد أخذ نفسا عميقا و أغمض عينيه ثم قال :- نعم سيدي
ندى بكت بحرقه ومر ان نظر إلى ميسون نظره غضب ميسون نظرت إلى الأرض و كأنها تهرب من نفسها وليس من مروان
أحمد أكمل كلامه مع القاضي :- ولكن يا سيدي ليس كل من يسأل طبيب على معلومات عن المنشطات بالضرورة يتاجر فيها
القاضي :- اذا ما هو السبب الذي جعلك تسأل مثل هذه الأسئلة
أحمد ينظر إلى ندي ثم الي مروان هل يبوح بما فعلته ميسون هل سيخبر الجميع عن الحقيقه المرعبة لهذه المرأه
القاضي :- احمد جاوب على سؤالي من فضلك
أحمد :- لاشي سوى أنني مريض و كنت أريد ا ن اسال بدون أن أخبره إني رجل عاجز فهذا أمر صعب عليا كرجل ان اعترف بعجزي
ميسون :-, لم تسطع ان تستوعب ما حدث احمد لم يخبر أحد بحقيقه ما حدث بينهما اختار أن يكذب و لكنه و على الرغم مما فعلته ميسون سابقا و ما تفعله حتى الآن مع احمد إلا أنه رفض أن يأتي بذكر اسمها ميسون تقريبا انهارت لم تعد تقوى على النهوض من مكانها
انتهت المحكمة بالتأجيل لعرض احمد علي الاأطباء
_________________________________
في مكتب مروان
المحامي:- اللي حصل النهارده كان غير متوقع و طبعا التقرير هيثبت كدب احمد و بكده للأسف القضيه في غير صالحه
مروان:- عارف ..على فكره ميسون كانت في المحكمه النهارده
ندى :- بجد طيب ليه معرفتنيش
مروان :- كنتي هتعملي ايه يا ندى
ندى :- كنت هترجاها تخرج احمد من الورطه دي
مروان :- صدقيني الكلام ده مالهوش لازمه الموضوع كبر و ميسون مش هتتراجع علشان أي حد انا عارفها كويس
ندى :- طيب وايه الحل
مروان :-اكيد في خير كبير ربنا وحده هو اللي عارف فين الخير و على العموم عسى أن تكره شيء وهو خيرا لكم سيبي بكره لبكره المهم عندي ليكي خبر مهم جدا
ندى :- مافيش عندي أهم من موضوع احمد
مروان :- طيب اسمعيني الأول جدي يا ندى كتب البيت بتاعه اللي موجوده في لندن باسمك و دي الأوراق اللي تثبت ملكيتك للبيت
ندى تكاد تذهل مما سمعت :- انا مش فاهمه حاجه يا مروان بيت مين وأوراق ايه
مروان أعتدل في جلسته :- شوفي يا ندى انتي تعرفى كويس مدى حب جدي لأحمد و بالتالي ليكي انتي كمان وهو بيعتبر كم ذي أحفاده تماما و طبعا عرف موضوع انك اشتغلتي من ورانا وأنك تعبتي من كتر الإجهاد والحمل وعلى فكره انا ماقولتش لأحمد انك اشتغلتي وتعبتي في مكان شغلك و حتي
المستشفى ..جدي عارف انك مش هتقبلي تاخدي إي فلوس و طبعا ما ينفعش تشتغلي تاني وانتى حامل علشان كده قرر يامن مستقبل مرات حفيده و البيت اللي جدي كتبهولك انا هاجره و الايجاربيكون سنوي يا ندى
يعني ايجار السنه دى فى حسابك في البنك ودي الفيزا بتاعتك انا فتحتلك حساب في البنك من يومين و تقدري في أي وقت تسحبي أي فلوس ليكي على فكره الايجار مش بسيط ده50الف جنيه استرليني في السنه
ندى المره دي فتحت بوقها من الصدمه مش مصدقه حاجه خالص
مروان :- ندى فوقي مالك وشك اتغير خالص
ندى بتحاول تستوعب :- هو انت قولت ايه انا تقريبا مش فاهمه حاجه ...طيب ايه البيت يتكتب باسمي انا مش احمد
مروان : بصي يا ندى علشان أكون صريح معاكى القضيه تكاد تكون منتهيه مافيش منها مخرج لحد دلوقتي لكن الأمل ديما موجود كل اللي بنحاول نعمله أننا نقلل سنين
السجن مش اكتر (( ندى بتسمع مروان و مش قادره تمسك نفسها من الدموع اللي يتنزل من عينيها من غير صوت لكن صوت. الوجع جواها مالهوش آخر
مروان بيكمل كلامه :- علشان كده. أي حاجه باسم احمد هتتصادر لأنها هتعتبر من أموال مشبوهة و مصدرها غير قانوني بالبيت مش هينفع يكون باسم احمد لكن لو حبيتي تتنزلي عنه لاحمد بعد ما يخرج من حبسه دي بقى حاجه ترجعلك
ندى :- هو احمد خلاص هيدخل السجن ويقضي اجمل سنين عمره محبوس
مروان :- ندى ما ينفعش كده لازم تكوني اقوى من كده علشان احمد يستمد منك القوه و يقدر يقاوم انا عارف انه أمر صعب بس ده قدر لا مفر منه ربنا سبحانه و تعالي جعلنا في الدنيا إمتحانات وابتلاءات لازم نعديها بقوه و ايمان وصبر وأمل في الله كبير لا ينقطع ابدا مهما ساءت الظروف
_______________________________
في مكان ما ميسون تجلس أمام شاطئ البحر تبكي بشكل غير طبيعي بداخلها الكثير من التناقضات جزء منها غير راضي يلومها يقسو عليها وعلى مافعلته ليس فقط بالنسبه لأحمد
ولكن لما فعلته بنفسها نعم لقد حولت نفسها من إنسان صالح برئ ذو فطره ربانيه سليمه إلى ماكينه بلا مشاعر بلا أمل بلا حياه كل ما تريده هو ان تظل رقم واحد وحتى لو وصل الأمر أن تكون رقم واحد
رغما عن الجميع باموالها تعتقد أنها تستطيع أن تشتري الاحترام المودع الحب الصادق بالاموال ولكن هيهات لها أن يحث ذلك فالقلوب الحره لاتباع ولا تشتري الحب لايباع ولا يشتري بل يكتسب ويروي بالاهتمام مع الأيام فيكبر وينمو مع الايام ..
..لأول مره تفكر في امرا ما ميسون تحدث نفسها :- لماذا لم أرزق بالاطفال فأنا حتى لم اذهب لأي طبيب وأسأل هل انا طبيعيه أم امرأه عاقر لماذا لم اهتم هل لانه يوجد شي ما في نفسي يكرهني ويكره أن أنجب للدنيا نسخه مكرره مني
في تلك اللحظه قطع تسالتها اتصال من جون
جون :-سيدتي أعتذر إذا اتصلت و انا اعلم انكي لا تريد أي اتصالات او ازعاج لكن السيد مروان كان هنا منذ لحظات و عندما علم انكي غير موجوده ولا احد يعلم مكانك جن جنونه لأنه يعلن انكي قد هربتي بعيدا لهذا دخل أي مكتبك و قام بتحطيم كل شي تقريبا وقبل ان يغادر ترك لكي رساله شفويه معي
ميسون ردت بهدو أو ربما بلا مبالاه :- نعم جون ماهي الرساله
جون :- يقول السيد مروان أنه يعلم أن السيد احمد لن يخرج من تلك القضيه لكن يحذرك ان يتجه انتقامك لندي او لابنتها فهو لن يقف مكتوف الأيدي
ميسون :- و ماذا بعد
جون :- هكذا كل شي انتهت الرساله
ميسون :- حسنا جون انتهت المساله احمد سيظل في محبسه وانت ابتعد نهائيا عن ندى ( واخذت نفسا عميقا ) لقد انتهت اللعبه جون انتهت وانتهى معها كل شي
___________________________________
تم الحكم على احمد ب خمس سنوات
ندى و احمد فوضا امرهما اللي الله و حاولت تقبل الامر بنفس راضيه صبوره
ميسون تركت عملها بل تركت إنجلترا كلها وسافرت إلى فرنسا حيث تنفي ما تبقى منها هناك فما بداخلها من بركان قد انفجر بشكل صاخب ولم يستطع احد ان يقف امامه
و بدات تخضع لجلسات العلاج النفسي