#الجزء الثاني
الحلقه الاولى
والثانية
أحمد :- ندى ارجوكي ركزي
ندى رجليها مقدرتش تشيلها وقعت مكانها وفضلت تبكي بخوف وقلق وحزن وكل المشاعر السلبيه حوطتها ،بس
بعد ما هستيريا البكاء خلصت بصت حواليها مالقيتش حد مهتم بيها اصلا ولا بيبصلها ماكنش فيه غير بنتها اللي
بتبص عليها ّودموعها مغرقه وشها وفي لحظه افتكرت كلام أحمد (( ركزي ياندي مافيش وقت
للتوهان انتي هنا لوحدك ))
مسحت دموعها و اخدت بنتها وشنطها ووقفت على باب المطار علشان تركب تاكسي
ندى :- من فضلك أريد أن أذهب إلى هذا العنوان
السائق :- حسنا سيدتي
ليلى مامي هنعمل ايه دلوقتي
ندى :- لازم نفوق يا ليلى ذي ما بابا احمد قلنا احنا دلوقتي في محنه وربنا حطنا في ابتلاء يا نقوي كده ونستعين بالله يا ننهار وربنا يزعل مننا ..ليلى حبيبتي احنا لازم الفتره الجايه نستحمل ونقوي بعض ليلى لو شفتيني منهاره فوقيني يا بنتي
لي - حاضر يا مامي بس بطلي عياط ارجوكي
ندى وليلى وصلوا الشقه وأول ما دخلوا ندى بكت وتخيلت لو احمد كان موجود ودخل معاهم الشقه
ليلى :- مامي كفايه بقى فوقي ذي ما بابا احمد قالك تعالى ندخل ونتفرج على الشقه ونفضي شنطنا وبعد كده نقعد مع بعض نشوف نبتدي أول خطوه ازاي
وبعد شويه @@@
ليلى :- مامي انا جعانه .
ندى :- حاضر تعالى ننزل مع بعض نكتشف المكان ونجيب أكل
(((( في الشارع. )))
ليلى :- مامي احنا فين كده
ندى :- احنا فى الشارع اللي ورا البيت تعالى فيه محل بقاله هناك
ندى دخلت المحل بس حست أنها تايهه بتلف في المحل ومش عارفة تعمل ايه ولا تشتري ايه كان فيه ست ملامحها مش عربيه كانت بتشترى حاجات من المحل ولاحظت حاله التوهان اللي باينه على وش ندى
السيده :- هل استطيع أن أساعدك ??
ندى :- أريد أن أشتري طعام لابنتي
السيده :- هل لديكي مال ??
ندى :- نعم ولكن هذه أول مره لي هنا في لندن كما أنها أول ليله أيضا .
السيده :- وهل معكي أحد
ندى :-ابنتي
السيده :- وأين زوجك
ندى :-يا سيدتي أريد ان أشتري طعام ولكن لا أعرف الأصناف وهل اللحم هنا حلال أم ليس كذلك
السيده :- حسنا من أين انتي يا سيدتي ??
ندى :- من مصر
السيده :- أهلا بمصر وأهل مصر انا مريان من فلسطين والدي فلسطيني وأمي انجليزية
بس بحب احكي عربي متل بايي
ندى :- انا ندى احمد ذيدان من مصر لسه واصله من
حوالي 3 ساعات
مريان :- اهلاين يا ندى وشو اسم هالصبيه الحلوه
ندى :- دي بنتي ليلى
مريان :- اهلاين حبيبتي تعالى يا ندى هوريكي كيف راح تشتري لحالك وتعرفي الأصناف وتعرفي كمان اللحم الحلال من لحم. الخنزير علشان أنتم المسلمين مش بتكلوا غير اللحم الحلال
(( بعد نص ساعه تقريبا ))
ندى :- شكرا يا مريان بجد انت فعلا أول حاجه كويسه حصلتلي من ساعه ما وصلت اتفضلي اطلعي معايا احنا ساكنين في الدور التاني
مريان :- اكيد راح ازورك بس وقت تاني ويكون بكير وكمان انتي اكيد تعبانه من السفر
هاكي رقم تليفوني راح انتظر اتصالك
ندى :- انشالله
ليلى و ندى طلعوا شقتهم وبسرعه اتصلت ندى بمروان
مروان :- أهلا احمد اذيك حمدلله على السلامة
ندى بتبكي :- الحقني يا مروان احمد اتقبض عليه في المطار وأنا معرفش حاجه عنه احنا فى مصيبه كبيره ومش عارفة اتصرف وهو قال لي اكلمك و....
مروان مقاطعا :- بس ياندي كفايه عياط اهدي وكلميني براحه
ندى تماسكت وحكت لمروان كل اللي حصل بالتفصيل
مروان :- طيب ياندي اديني شويه وقت اعمل اتصالاتي وافهم ايه اللي حصل وأنا انشالله بكره هكون عندك المهم دلوقتي انتي في الشقه اللي انا أجرتها لأحمد وبعدين معاكى فلوس ولا لأ
ندى :- أيوه انا في الشقه ومعايا فلوس احمد اداني الفلوس اللي معاه
مروان :- اوك انا جايلك بكره ومتخافيش ربنا
يستر
مروان اتصل بمحامي الشركه في لندن وفي نفس الوقت هو صديق شخصي ليه ولاحمد كمان
مروان :- عرفت بقى هتعمل ايه
المحامي :-ماتقلقش ساعه بالكتير اديني ساعه بالكتير اعرف ايه اللي حصل وهكلمك تاني
بعد حوالي أكثر من ساعه @@@
المحامي :- مساء الخير يا مروان
مروان :- مساء الخير ايه الأخبار.
المحامي :- مش عارف اقول ايه في مصيبه كبيره ...ومن غير مقدمات ميسون هانم لفقت لأحمد تهمه خطيره وهي أنه قام بجلب منشطات منتهيه الصلاحيه بشكل غير قانوني وادخلها داخل إنجلترا و كمان هو المسؤل الأول عن عمليه التهريب دي يعني تقدر تقول ان مافيش ليه مخرج من ورطته
مروان :- الله يخرب بيتك يا ميسون طيب قولي الحل ايه دلوقتي احمد لازم يخرج من المصيبه دي
المحامي :- الحل في ايد ميسون هانم ذي مادخلته بكلمه منها تخرجه
مروان :- على العموم انا في طريقي للمطار حاول تعرف هو فين عاوز اشوفه ويعرف إني معاه مش هسيبوه وكمان حاول تشوف مخرج بره القوانين ولو الحل فلوس مافيش مشكله
المحامي :- يا مروان المشكله الأكبر ان ميسون هانم مظبطه الأوراق بشكل مستفز
مروان :- طيب هنشوف سلام
مروان اتصل بجده وهو في طريقه للمطار وعرفه كل التفاصيل
الجد :- يعني هي ميسون مش عاوزه تتنازل عن كبريائها شويه دي كده عدت كل الحدود وصلت لدرجه أنها تظلم برئ علشان رفض القفص الذهبي بتاعها
مروان :-طيب حضرتك هتعمل ايه دلوقتي هنتصرف ازاي قدام جبروت ميسون
الجد :- كويس انك هتسافر النهارده أول ما توصل عاوز اكلم ميسون بس مش تليفون اعملنا اجتماع وخليني اشوفها واشوف نظره عنيها وكميه الكره والغباء عندها وصلت لايه كمان ندى وبنتها اوعى تسيبهم دول في بلد غريبه مايعرفوش ازاي يتصرفوا فيها ندى كانت مرتبه حياتها على وجود احمد وشوفها لو عاوزه تنزل مصر أو تروح السعوديه عند اخوها نفذلها رغبتها فورا
مروان :- متخافش يا جدو انا سألتها لو معاها فلوس قالتلي أيوه
الجد :-مش لازم تسأل انت تبعت فلوس وبنفسك كمان
في منزل ندى .....
كانت تصلي وتبكي بمراره وتدعو الله (( ربي إني وكلتك امري فأنت خير وكيل اللهم دبرلي امري فإني لا أحسن التدبير اللهم اني مغلوب فانتصر يا جبار يا قوي يارب. رد لي زوجي حبيبي انصره يارب خفف عنه ألم الوحده وعذاب الظلم )).
ندى أنهت صلاتها وفضلت قاعده مكانها شارده وبتكلم نفسها لكن في صمت ( اعمل ايه دلوقتي اسيب جوزي وأرجع بس ارجع فين لمصر ولا اروح لاخويا السعوديه طيب ارجع لمين في مصر ارجع لوحدتي تاني ولا اروح لاخويا واشوف نظرات اللوم والعتاب منه 😢يارب فوضت أمري ليك دبرلي حالي يارب
(( ندى نامت على سجاده الصلاه من كتر البكاء والارهاق الشديد وصحيت على صوت ليلى )) مامي قومي الباب بيخبط انا خايفه
ندى :- فيه ايه يا ليلى مالك ومين اللي بيخبط علينا
ليلى :- مش عارفه قومي شوفي
ندى بحزر:- من على الباب
مروان :- افتحي ياندي انا مروان
ندى فتحت بسرعه وكانت سعيده بمروان طوق النجاه
ندى :- مروان اتفضل الحمد لله انك هنا أخيرا
مروان :- ايه يا جماعه انتوا من اهل الكهف بخبط من بدري
ندى :- انا اسفه ماسمعتش
مروان :- ولا يهمك ياللا اتفضلوا
ندى :- ايه كميه الشنط الكثير اوى
مروان :- دول شويه حاجات من السوبر ماركت
ندى :- قصدك دول السوبر ماركت نفسه انت تقريبا جبته معاك وانت جاي
مروان :- طيب ياللا علشان نفطر انا جبت معايا احلى فطار علشان ست ليلى تعالى بقى ادوقك الفطار الإنجليزي ..ياللا يا ندي
ندى :- انا مش عاوزه افطر اناعاوزه أ رف احمد فين وايه اللي حصل
مروان :- طيب واحنا بنفطر هحكيلك تعالى بقى
ندى كانت علي آخرها ومش بتاكل تقريبا حاجه ومروان ملاحظ ده
مروان :- ليلى حبيبتي انا فطرت خلاص تقوم انا وماما نقعد في البلكونه وانتى خلاصي فطارك وتحصلينا علشان عندي ليكي مفاجأه حلوه مش تقولها دلوقتي غير لما اخلص كلامي مع ماما
ليلى :- حضر يا uncle
______________________
مروان :- بصي يا ندى احمد معمول عليه مؤامرة حقيره من ميسون وهي اللي ورا القبض عليه وقبل ماتعيطي اتمسكي اسمعي للاخر .
ندى حبست صوت صراخها وحطت ايديها على بقها علشان صوت عياطها وليلى ماتسمعش
مروان :- ميسون عملت خطه مصيره أنها تلبس احمد قضيه تهريب مواد منشطه فاسده
وساعدها في كده علاقاتها الكتيره والمتشعبه المهم احنا دلوقتي بنحاول نفك طلاسم القضيه الملعبكه والمحامي ليعمل كل الطرق علشان نزور احمد بس هو عرف إني موجود هنا في لندن ولازم يحس انه مش لوحده علشان نرفع من روحه المعنويه و ماتنهرش للأسف المشوار طويل ياندي لأن ميسون عرفت حقيقي تضرب في مقتل
ندى بتسمع الكلام ده وهي منهاره وبتلوم نفسها لأنها هي اللي خلت احمد يقف في وش ميسون ويسبها
مروان :- المهم دلوقتي انتي وليلى مسؤوليتي لحد ما احمد يخرج من المحنة دي انا النهارده هقدم لليلى في المدرسه وهي قريبه من البيت وده لو انتي عاوزه تعيشي هنا في لندن أما لو عاوزه ترجعي مافيش مشكله
ندى :- ارجع فين
مروان :- لو عاوزه ترجعي مصر أو السعودية
ندى :- واسيب جوزي في اول محنه يتعرض لها واحنا مع بعض انا كنت ديما بكون جنبه قبل ما نتجوز دلوقتي بعد ما بقينا مع بعض اسيبه ده مستحيل يحصل ابدا
مروان :- خلاص يا ندي من غير عصبيه على العموم اتفضلي لبسي البنت علشان نروح المدرسه ومنتاخرش
ندى :- ممكن ناجل المشوار ده انا مش عندى دماغ للموضوع ده
مروان بحده :- ايه يا ندى مالك بلاش الانهيار ده شكلك مش قويه ذي ما احمد كان بيوصفك انتي غيرتي حياه بني ادم من شخص سافل اناني لشخص مختلف تماما مش عارفه بقي تغيري من نفسك لازم تتمسكي علشان بنتك ياللا قدامكم 5 دقايق وتكونوا قدامي الموضوع ده مافيهوش نقاش
ندى استسلمت لقرار مروان لأنها عارفه ان قرار صح بس الصدمه هي اللي هزه كيانها
بعد انتهاء اجراءات المدرسه
ندى :- والله يا مروان انا مهما قولت من كلمات شكر مش توفى حقك انا بجد مش عارفه اقول ايه بصراحة
مروان :- ولا تقولي حاجه غير يارب وبس وبعدين انا هنا بدل احمد هو كان زمانه راح بنفسه وقدم لها انا معملتش حاجه وبعدين يا ندى دي ماقولتلك المشوار طويل وماينفعش نوقف حياتنا لحد المشكله دي ماتتحل لأن للأسف الحل طويل شويه فلازم نكمل مانقفش
ندى :- ارجوك يا مروان انا عاوزه اشوف احمد
مروان :-والله انا كمان بس لحد دلوقتي مش مسموح بس ماتقلقيش هو بيوصله اخباركم وفي أقرب فرصه هنشوفه .
ندى وليلى روحوا بيتهم ومروان كان عاوز يوصلهم بس ندى كانت عاوزه تمشي هي وبنتها ويكتشفوا المكان اللي هيعيشوا فيه وهما مشيين فاجاه اتصل بيها اخوها جمال
ندى اترددت كتير قبل ما ترد لكن في الآخر قررت تواجه لأن الهروب مش الحل وزه مش طبعها
ندى :- الو جمال اذيك
جمال :- حبيبتي ياندي وحشتيني اوى حاسس انى بقالي سنين ماشفتكيش عامله ايه وليلى و احمد احكيلي عاملين ايه .
ندى :- انا وليلى كويسن
جمال :- صوتك ماله ياندي
ندى اخدت نفس عميق :- احمد اتقبض عليه واحنا لسه خارجين من المطار وقبل ما تسال عن السبب انا هقولك كل شي بالتفصيل
#إنسان سافل بس محترم#
الحلقه الثانيه
ندى :- انا هقولك يا جمال على كل حاجه بالتفصيل .أحمد اتقبض عليه أول ما وصلت المطار لأن ميسون طالقته وقعته في ورطه كبيره للأسف قدرت بعلاقاتها تورطه في قضيه اتجار منشطات ولحد دلوقتي هو محبوس وأنا مشفتوش وقبل ما تسأل وتقولي مين معاكى هقولك قبل كل شيء
معايا ربنا انا وليلى في شقتنا اللي احمد كان مجهزها لنا و مروان موجود معانا وفيه كمان محامي الشركه عند مروان هو اللي متابع القضيه
( جمال بيسمع في صمت )
ندى. :- الو جمال انت معايا
جمال :- لا مش معاكى يا ندى مش معاكى خالص على فكره كل ده يحصل وأنا آخر من يعلم يعني لو ماكنتش اتصلت بالصدفه ماكنتيش هتقوليلي حاجه
ندى :- لا يا جمال انا بس في حاله نفسيه سيئه وكمان الصدمه مش مخلياني أركز في حاجه و بحاول افوق صدقني
انا متلخبطه وكنت هتصل بيك ده حتى مروان هو اللي قدم لليلى في المدرسه وهو اللي متابع معايا بصراحه هو بيساعدوني كتير اوى الفتره دى مش بس انا
وأحمد كمان
جمال :- وليه يا ليلى وأنا فين ليه واحد غريب حتى لو كان أخلاقه كويسه أنه يساعدك انا اخوكي وأنا المسؤل عنك
ندى :- يا جمال انا في لندن ومروان في لندن وانت في السعودية يبقى بالعقل كده مين اللي هيكون معايا
جمال بحده وغضب شديده :- وايه اللي يخليكي قاعده عندك انزلي فورا
ندى :- انت بتقول ايه انا مش هسيب جوزي ابدا ولا هسيب بيته
جمال :-انتي مجنونه ده اللي كنت عامل حسابه انك وقعتي نفسك بنفسك للأسف في مصيبه كبيره ياما حزرتك منه سكته مش سالكه
ندى :- جمال انت
مش فاهم احمد اتلفقت له تهمه مش هو الجاني ميسون ربنا ينتقم منها هي السبب احمد اتغدر بيه من طالقتوه
جمال :- مش مهم المهم عندي إني قولتلك ده شخص سكته مليانه مشاكل سواء هو السبب فيها ولا غيره وبعدين ده عقاب ربنا ليه على اللي عمله في حياته انتي ليه بقى تشيلي معاه عقابه
سيبيه انجي بنفسك
ندى :- انت بتقول ايه يعني لو انت في مشكله وصلت للسجن مراتك تسيبك عادي وتقول انجي بنفسي
جمال :- الوضع مختلف احنا بينا أولاد
ندى :- واللي بيني وبين احمد اكتر من كده
جمال :- فوقي بلاش كلام المشاعر و العواطف اللي مودياكي في
داهيه وبردوا مش عاوزه تتعظي وبعدين ذنبها ايه ليلى في المرمطه دي
ندى :- فين المرمطه دي انا دلوقتي قدمت لليلى في مدرسه لو كنت
هموت نفسي طول عمري شغل ما كنتش أحلم ادخل بنتي المدرسه دي وبعدين احمد كان جايب لينا بيت حلو اوى يعنى مش نايمين في الشارع ولا نايمين عند حد
جمال :- وبعد فلوسك لما تخلص هتمدي ايدك لمروان
ندى هنزل شغل هطلب من مروان يشوفلي شغل و انشالله ربنا مش هيسبني لا انا ولا بنتي
جمال :- الأول انتي كنتي بتشتغلي في مصر وبنتك بتسبيها مع امنا دلوقتي هتعملي ايه وبنتك هتسبيها فين وأنتم عايشين في مجتمع غريب عليها هتسبيها للمجتمع ده يربيهالك وانتى تروحي تدوري على لقمه العيش ...انتي ليه دماغك زفت كده بطلي
تفكري في نفسك كفايه انانيه فكري في بنتك اللي معاكى
ندى :-جمال ارجوك بلاش طريقتك في الكلام دي
جمال :- بلا ارجوك بلا زفت لو عاوزه تمشي اللي في دماغك انت حره
بس ابعتيلي ليلى وروحي في داهيه انتي وأحمد بتاعك ده لكن ليلى البنت الغلبانه دي انا هربيها وكأنها يتيمه آب وأم كمان
ندى :- حرام عليك ده بدل ماتقولي انا معاكي يا اختي هي دي الكلمه
اللي ربنا قدرك عليها من الاخر يا جمال انا مش هسيب جوزي لأنه معملش حاجه احمد مظلوم ومش هسيب بنتي لأن مصيرنا واحد كنت اتمنى تقف جنبي حتى ولو بالدعوه أو الكلمه الطيبه
جمال :- انتي حره انا مش عاوز اسمع صوتك تاني طالما انتي مصره على غبائك
اتقفل الخط واتقفل معاه حاجه حلو كانت كانت جوه ندى لأول مره تحس الضياع ده و الوجع ده لأنه من أكثر إنسان بتحبه ودمهم بيجري في عروق بعض حرفيا
ليلى :- مامي مالك وايه الدموع دي انتي كنتي بتكلمي مين
ندى :- ده خالك يا ليلى بيطمن علينا
ليلى :- هو خالو عرف موضوع بابا احمد
ندى :- أيوه يا حبيبتي وكان عاوز يجي بس انا قولت له علشان شغله
في بيت ميسون
شخص يبدو عليه أنه من أصحاب النفوذ :- سيدتي لقد تم ما اتفقنا عليه والآن لابد أن ننتهي من حساباتنا ..هل تعلمي ان الشحنه التي خسرناها كلفتنا الكثير ولقد تنازلنا عنها للشرطه من أجلك
ميسون :- لا بل من أجل المال فلنكون أكثر وضوحا
نفس الشخص :- كما تشائين أين باقي المال
ميسون :-عندما يتأكد الحكم لأن احمد لديه محامون وليس محامي واحد فمروان رصد ليه ميزانيه ضخمه حتى أنه يرد أن يتلاعب بالأوراق لعمل المستحيل لاخراجه
ولكن عندما أتأكد أنه حجز سريرا في السجن فسوف يصلك باقي المبلغ وأظن أنه بعد هذا اليوم لا داعي لأن نتقابل وكل ماتريده سيصلك والآن لدي الكثير من المواعيد
في منزل ندى
ندى :- فعلا انا لازم اشتغل صحيح كلام جمال بعد الفلوس ما تخلص هستنى مروان يقدم لي معونه كفايه اوي اللي بيعملوا علشانا بس اعمل
ايه أدور فين دلوقتي انا لو طلبت من مروان شغل اكيد هيرفض ويديني فلوس وأنا مش عاوزه كده اعمل ايه ياربي ساعدني
ليلي:- مامي انتي بتكلمي نفسك
ندى :-أيوه يا ليلي بفكر بصوت عالي
ليلى :- مامي انا زهقانه اوى ما تيجي نروح الجنينه اللي روحناها مع uncle مروان
ندى :- اوك يا حبيبتي تعالى ننزل نتمشى شويه
ليلى :- المكان هنا حلو اوى يا مامي تعرفى انا نفسي في عجله والعب بيها هنا ذي الولاد والبنات دول
ندى :-انشاء الله يا ليلى تعالى انا هقعد هنا وانتى خدى كيس العيش ده وقطعيه واكلي البط
الصغير في البحيره
ندى قعدت وفتحت تليفونها كان فيه رساله من مريان ..ندى كانت مش هترد لأنها في مزاج سيئ
لكن لمعت في ذهنها فكره وكلمت مريان وطلبت
منها انهم يتقابلوا والمفاجأة ان مريان لبت الدعوه فعلا وفي خلال 15 دقيقة كانت وقفه
قدامها
ندى :- ازيك يا مريان انا مبسوطه اوي اني شوفتك
مريان :- عن جد كنت بفكر فيكي ما بعرف حبيبتي ليه جايه ع بالي فينها ليلي وحشتني
كتير
ندى :- ليلى هناك بتلعب معي بط البحيره المهم انا عوزاكي في حاجه و مش عارفه إذا كنتي هتقدري تساعديني فيها ولا لا حقيقي انا
معرفكيش ولا انتي تعرفيني ودي تاني مره
اقابلك فيها بس حقيقي انا قلبي ارتاحلك من أول ما شوفتك فكرتيني بأصحابي في مصر حاسه ان وجودك في حياتي ربنا ليه حكمه في كده
مريان :- وأنا كمان يا ندى عندي نفس الشعور تجاهك انتي وليلى. مش بس هيك لا كمان لما شوفتك وشوفت بعيونك نظره قلق وتحديدا نظره ضياع وفقدان الأمل
ندى :- يا سلام وازي عرفتي كل ده من اول نظره حكيم روحاني حضرتك
مريان :- هههههههه ايه والله انا فعلا حكيم روحاني ليكي حق بتستغربي لأنك مابتعرفيني
انا اسمي مريان نجيب عندي 27 سنه طبيبه نفسيه وأنا حاليا عضو في لجنه اللاجيئين اللي
تتبع حقوق الإنسان هون بلندن وتعرض عليا حالات كتير بحكم شغلى على أشخاص فاقدين
الأمل و الرغبه بالحياه شوفت نظره عيونك هادي كتير و بحاول انا وزميلي أننا نقدم لهم المساعده
وأنا كنت بعرف انك هتكلميني وأنا دلوقتي هون منشانك ندى ولو عن جد محتاجه شي انا هون راح ساعدك على قد ما اقدر
ندى :- محتاجه شغل
مريان :- طيب شو بدك تشتغلي انتي شو كانت دراستك بمصر
ندى :-انا خريجه آداب انجليزي واشتغلت شويه في التدريس وبعد كده اشتغلت في شركه
سياحيه في العلاقات العامه
مريان :- راخ احاول اشوفلك شغل بس بدي احكيلك شغله ممكن الشغل اللي راح اجيبه يكون عادي يعني بسوبر ماركت واوعامله في اي شركه او مكتب ده لو انتي مستعجله على شغل بالوقت الحالي
ندى :- اوك بس
مريان :-, ماتخافي ما راح تستمري كتير في هاك شغل مؤقت...المهم احنا بكره نتقابل في مفوضيه اللاجئين منشان نعملك اوراقك وتحصلي على مساعده ماديه وكمان منشان بنتك
والدراسه
ندي :- لا يامريان انا مش محتاجه كل ده
مريان :- ندى ممكن تحكي لي حكايتك فينه
جوزك على فكره انا ممكن اساعدك بشكل أكبر بكثير من موضوع الشغل انا علاقاتي بناس كتير هون في بريطانيا
ندى :- طيب عندك وقت تسمعي
مريان :- احكي كلي أذان صاغيه
(( فضلوا كتير اوى ندى تتكلم ومريان تسمع ))
مريان :- ياه ياندي حكايتك جميله على الرغم من اللي حصلك انتي وجوزك في الفتره الاخيره لكن عن جد حكايتك انتي وجوزك حكايه حلوه اوى..بس قوليلي شو اسم الست البشعه اللي
اذت جوزك واذتك
ندى :- ميسون الترك
مريان :- شووو مين !!!!!! ميسون الترك اسطوره الأعمال بانجلترا دي شريك أساسي في كثير مشروعات هون وكمان بالاتحاد الأوربي
ندى :- ايوه هي مريان :-
ياساتر حقيقي المظاهر خداعه لو تعرفى كميه الاموال اللي بتتبرع الأموال دي بتروح لأعمال خيريه كتير. حقيقي ماتوقعتش اني اشوف
كميه الكره اللي عندها على العموم ماتفقديش الإيمان بالله ولا تتهز ثقتك ان الله هيمنحك الصبر خلي الأمل جواكي يكبر وتأكدي الأيام
الصعبه هتروح ....المهم مين دلوقتي اللي بيساعدك في إنجلترا بعد دخول جوزك السجن
ندى :- صديق بل أخ حقيقي مروان هو صديق احمد وعرفني عليه وتعرفي انه مختلف تماما عن قريبته ميسون
مريان :-لحظه واحده شو هو قريب ميسون الترك
ندى :- ايوه مروان الترك
مريان :- مش معقول مروان الترك رجل الأعمال السعودي.
ندى :- ايوه. ياستي واحمد شريك مروان في شركه السياحه اللي اتفتحت جديد من 6 شهور تقريبا
مريان :- ياريت تعرفيني على مروان الترك. دا انا اموت واشوفه لاننا في مفوضيه اللاجيئن كنا بنحاول من فتره ناخد ميعاد علشان نقابله ونحصل منه على دعم مادي
علشان نقدر نلبي أغلب احتياجات اللاجيئين في المخيمات
ندى :- حاضر يا ستي
مريان :-على فكره انتي هتجنينيني يبقى مروان رجل الأعمال صديق شخصي ليكي ولجوزك ومش عارفه تطلبي منه عمل وخصوصا ان جوزك
من أصحاب الشركه
ندي :- لو طلبت منه شغل هيرفض وهيقولي انتي امانه. لحد ما احمد. يخرج وأنا مش عاوزه أعيش عاله على حد وهو هيديني فلوس بس انا مش هقبل فلازم اشتغل
مريان :- بصراحه ياندي انت شخصيه رائعه يا بخت جوزك بيكي
بعد يومين
مريان :- الو ندى وينك ..........ندى :- في البيت
مريان :- طيب انا لاقيتلك شغل بسوبر ماركت هعدى عليكي بعد عشر دقائق تكوني لابسه هكلمك تنزليلي
ندى راحت مع مريان واستلمت شغلها الجديد وبعد أسبوع ندى وهي واقفه في شغلها وقعت علي الارض وفقدت الوعي
في المستشفي
ندى :- الو مروان من فضلك روح لليلى في البيت لأنها قاعدع لوحدها
مروان باستغراب :- ليه ياندي انتي فين
ندى :- انا في المستشفي
مروان :- مستشفي ايه
ندى :-مستشفى (--)
مروان :- اوك ندى انا جاي مع ليلي
بعد شويه راح مروان وليلى لندي وقبل مايدخلها سأل على الدكتور المتابع لحالتها وسال عن ندي وفيها ايه الدكتور كان مصري
الدكتور :- هو حضرتك جوزها
مروان :- لا انا أخو جوزها بس جوزها مسافر
مالها بقى مدام ندى
الدكتور :- لا متتخضش خالص فرح اخوك مدام ندى حامل وهي تعبت من الإجهاد اظاهر ماكنتش تعرف انها حامل علشان كده كانت بتشتغل بكل طاقتها بس هي ترتاح وبلاش شغل وتأخذ الادويه اللي هقولها
عليها وتتخذي كويس وهتبقي كويسه وياريت اخوك يرجع من سفره لان انا لاحظت أن حالتها النفسيه متدهوره جدا
مروان بيسمع لكلام الدكتور وهو مش عارف يعمل ايه بس اتضايق اوي من ندي لأنه عرف انها نزلت شغل وهو كان
كل يوم يعرض عليها فلوس تقوله ان الفلوس لسه ماخلصتش معاها ......دخل الاوضه على ندى وكان ناوي بجد يتعصب عليها بس لما شاف حالتها في سرير المستشفي وخراطيم متوصله بايديها وشكلها المنهك والضعيف اوى ده تراجع عن اللي كان عاوز يقوله واتكلم معاها بصوت لين
ندى :- ليلى حبيتي متشكره اوي يامروان بجد مش عارفه اقولك ايه
مروان :- تقولي لي انت ليه نزلتي شغل هو انا قصرت معاكى في حاجه حرام عليكي انتي كنتي هتموتي وكنتي هتموتي معاكي روح مالهاش ذنب انتي طبعا عرفتي انك حامل اه انا اسف نسيت مبروك يا ليلي هيبقي عندك نونه صغننه جميله ذيك ومبروك يا ندي
ندي بكت بشده
مروان :- كفايه يا ندي حرام عليكي الاجهاد ده مضر لصحتك ولصحه ابنك او بنتك وبعدين بتبكي ليه دلوقتي حد ربنا يرزقه بالخلفه ويبكي
ندى :- كنت اتمني يكون احمد جنبي ونسمع
الخبر الجميل ده سوا
مروان :- قدر الله وماشاء فعل انا اساسا كنت هكلمك النهارده واقولك بعد بكره انشالله هتزوري احمد اخيرا جبت موافقه ان أهل احمد يقدروا يشوفوه بعد ما كان الموضوع مقتصر على
المحامين فقط
ندى مسحت دموعها وابتسمت :- بجد يامروان اخيرا هشوف حبيبي تاني
مروان :- ايوه بس مش عاوز يشوفك وانتى منهاره كده وتعبانه انا حتى مش هبلغه خير الحمل لحد ماتروحي
بنفسك انتي وتبلغيه النهارده هتروحوا معايا بيتي علشان فيه خدم هناك هيسعدوكي وهجيب ممرضه تنظملك مواعيد الدوا والاكل الخاص بيكي وده كلام
مافيهوش مناقشه على فكره
ندي :- ارجوك يا مروان سبني على راحتي
مروان :- اقسم بالله ما في كلمه زياده هسمعها انا سبتك علي راحتك كانت النتيجه كنتي هتموتي من شده الإرهاق
وهتموتي ابن اخويا معاكى كفايه ياندي بلاش الدماغ النشفه دي لو ياستي حبه العناد عندي تعبك واقفي على
رجليكي لأن الناس اللي بقت مسؤولين منك ذادوا اوك بقى خلاص
هننزل من هنا على بيتك تجهزي شنطتك ونروح البيت عندي
وبعدين تعالى هنا مين اللي عرفك على الشغل ده انتي ماتعرفيش حد
هنا مين اللي سعدك اه لو هشوفه هضربه في وشه هغيرله ملامح وشوه (( وفي اللحظه دي
دخلت مريان :- انا يا استاذ اللي جبتلها شغل وبعدين اتفضل يلا غيرلي خريطه وشي بس وانت بتغير الخريطه معاك
تصريح ))
مروان اتخض بجد من اللي داخله عليه بنت ذي القمر بتتكلم بلهجه شاميه مكسره وانبهر حقيقي بشكلها وكلامه ووقف يبصلها ومش عارف ينزل
عينه من عليها
وأول حاجه قالها بعد ما خلصت كلام ....بسم الله ماشاء الله مين انتي
مريان :- انا اللي حضرتك ناوي لما تشوفه تغيرله ملامح وشوه بس انا كمان عاوزه اعرف مين المهندس اللي ناوي يغيري وشي
مروان وقف بعتدال وكان سعيد بالسؤال ده لانه فعلا عاوز يعرفها على نفسه ويتعرف عليها :- انا
مروان الترك صاحب شركه....
مريان :- مش معقول انا كنت هموت علشان اشوف حضرتك انت ماتعرفش انا تعبت قد ايه علشان اعرف اخد ميعاد من السكرتاريه انا اعرفك بنفسي انا
مريان نجيب في الأساس طبيبه نفسيه وكمان عضو في لجنه اللاجئين في منظمه حقوق الإنسان هون بلندن كان بدي ميعاد من حضرتك ممكن مروان بيك
مروان :- طبعا ممكن
مريان :- رائع جدا امتي حضرتك
مروان:- دلوقتي
مريان :- شو هلا حالا يعني
مروان :-أيوه هلا حالا يعني
ندى ضحكت من المشهد اللي هي شايفاه وأول مره تشوف
مروان في الحاله دي
مروان تقريبا مسمعش ندى وهي بتضحك كان مركز بس مع مريان :-شوفي ياستي صحبتك تعبانه شويه من الإجهاد
اللي عملته في الشغل وخصوصا أنها حامل وهي ماتعرفش فأنا عاوزك تروحي معاها البيت دلوقتي تجيبوا هدومها هي وليلي ويجوا عندي
البيت و فيه ناس عندي هيهتموا بندي ومواعيد الادويه لانها محتاجه عنايه خاصه
وياستي نتعشي كلنا مع بعض وتحكيلي كنت عاوزه مني ايه
وطلبتي ميعاد ليه
وفعلا راحوا على بيت ندى جابوا الحاجات بتعت ندى وليلى وراحوا في
بيت مروان واتعشوا وعرضت عليه أنه يساهم في دعم لجنه اللاجئين ماديا وهو قبل وطلب
منها تروح مكتبه بكره واداها رقمه الشخصي واخد كمان رقم تليفونها
في مكتب مروان :- اهلا مريان انتي فين
مريان :- انا تحت في الشركه
مروان :- اوك هبعتلك حد يطلعك عندي ( بعد خمس دقايق كانت مريان في مكتب مروان وكان مجهز غدا لطيف
وطلب من مريان يتغدوا سوا
مريان :- امبارح كان عشا واليوم غدا شو هيدا
مروان بيك
مروان :- عادي يامريان عاوز يكون بينا عيش وملح
مريان بابتسامه ساحره :- كل هيدا وعيش وملح هيدي وليمه وعلى العموم العزومه مقبوله
مروان سحب كرسي
ومريان قعدت عليه وابتدت مريان تتكلم عن شغلها أكثر الجلسه كانت مريان بتتكلم ومروان بيسمع
وكان كتير بيسالها اساله شخصيه واكثر الكلام كان بره موضوع الشغل مروان كان مبسوط اوى ومريان كمان 😜😍😍
ندي صحيت الصبح بدري لبست احلى حاجه عندها وحطت مكياج خفيف واستعداد علشان تقابل حبيبها اللي بقي
أبو ابنها أو بنتها اللي جاي ضربات قلبها كانت سريعه وكانها بنت مراهقه راحه تقابل حبيبها ونزلت ومروان اخدها وراحوا
لأحمد
أحمد كان وشه شاحب وعلامات السهر والإرهاق والوجع باين على وشوه أول ما ندى شافته اترمت في حضنه
وحسيت بنبضات قلبه نفس الدقات اللي كانت بتحس بيها لما كانوا مع بعض في أول جوازهم لكن وشه بيقول حاجه غير قلبه ..قلبه كان هيموت عليها لكن تعبيرات وشوه
بتقول غير كده
ندى :- حبيبي عمرى وحشتني (( كانت ماسكه ايده بتعصرها جوه صدرها وقلبها )
انا كنت هموت عليك وحشتني مالك يا عمري انت تعبان ولا ايه وشك وجسمك ضعيف اوى ليه يا احمد انت لازم تقوي
علشانا انا وليلى و..... ( وقفت قدامه وحطت ايده علي بطنها وقالت ) وكمان ابنك اللي
هيشرف بعد كام شهر
احمد أول مره من ساعت ما دخل المكان ده يبتسم ووشه ينور وفي لحظه حضن ندي جامد من وسطها لدرجه ان
ندى اتوجعت من ضمته لكن مارديتش تقول لأنها عارفه قد ايه احمد محتاج الحضن ده أكثر من وجعها
أحمد :- انت حامل
ياندي من أمتي كده
ندى وشها احمر من الخجل :- أظاهر كده يا حبيبي من ليله الدخله
احمد كان لسه هيضحك بس افتكر حاجه ضيعت ضحكته :- ندى كويس
انك جيتي علشان تسمعي الكلام ده بنفسك انتي
لازم تسافري من انجلترا يعني ياتروحي عند اخوكي وده أحسن
حل او ترجعي مصر
ندي :- احمد انت بتقول ايه ازاي اسيبك وامشي هو في حاجه حصلت
حد قالك حاجه ( ندى كانت خايفه ليكون اخوها عرف يوصل لاحمد انه كلمها وعاوزها تسيب
احمد وتنزل السعوديه
أحمد:- لا ياندي ده قراري وبصراحه كده احنا ماينفعش نكمل مع بعض
الحمل ده توقيته غلط خالص انا طول فتره وجودي هنا في السجن مابطلتش تفكير ماينفعش
نكمل انا داخل علي موضوع كبير وخطير ومافيش حد عارف
اخره اللي انا فيه ايه ميسون لعبتها صح وانتي مش لازم تشيلي معايا اخطائي
انتي لازم تنزلي من هنا أما بالنسبه للحمل انا شايف بما أنه في لااول اخلصي منه
ندي :- بذهول ودموعها مغرقه وشها وتقريبا في حاله صدمه تفقد بيها
وعيها :- انت بتقول ايه انت فاهم انت بتقول
ايه انت سامع نفسك يا احمد
أحمد:- أيوه ياندي انا عارف بقول ايه ماكنش
ينفع اساسا نكون لبعض ندى انتي طالق