رواية عاصفة القدر الجزء الثاني
الفصل السادس عشر
بقلم إيمان المهدى
ف جنينة القصر يجلس مراد وهو يعمل على اللاب
سميرة. قاعد لوحدك ليه ياحبيبى امال فين احمد مش بتشتغلوا سوا
مراد. مش عارف جاتله مكالمة وبعدها قال ان عنده مشوار مهم ولازم يروحه
سميرة تحب اجيبلك عصير
مراد لا ياستى الكل لو قهوة ماشى
سميرة. مش عارفة حكايتك انت ونور ف شرب القهوة الكتير
مراد معلش بقا دى مزاج وبعدين ارتاحى انتى وحد من الشغالين يجيبها
سميرة. كلهم مشغولين ف نقل اوضكم انت ونور مش سامع الدوشه من الصبح
مراد. سامع ومستغرب نور نايمه ازاي ف الدوشة دى
سميرة. بتردد ما هو ياحبيبى بصراحة نور خرجت
مراد بإستغراب. اوعى تقولى انها راحت المستشفى وبعدين
هى صاحيه شكلها تعبانة تخرج ازاي بس
سميرة. لا مرحتش المستشفى هى بتقول ان فيه شويه حاجات محتجاها لازم تجيبهم.
مراد. طيب أنا فهمتها ان اي حاجة تحتاجها هنخرج ونجيبها
سميرة ياحبيبى افهم مش كل حاجة هينفع تخرج وتجيبها معاها
مراد. ايه يعنى وايه المشكله
سميرة بإبتسامة وانا ال بقول عليك ذكى
مراد. ااااه. طيب ياست الكل خليها براحتها
فايد. ايه بتعملوا ايه هنا. هربانين من الدوشه طبعا
مراد أكيد
فايد. حبيبتى ممكن تطلبيى قهوة
سميرة. انت كمان وسابتهم ومشيت
فايد. مالها سميرة
مراد بيبتسم وعينه على اللاب تقريبا ف عداوة بينها وبين القهوة
فايد. مبتحبش تشربها ابدا المهم مفيش أي أخبار بخصوص المناقصة.
مراد. بكرة بإذن الله هيبان هتريى على مين
فايد. بإذن الله ف موضوع عايز اتكلم معاك فيه
مراد خير ياعمى اتفضل
فايد. أنا قررت اشترى فيلا اعيش فيها أنا وسميرة وأحمد ومراته
مراد. انت بتقول ايه ليه يعنى مش فاهم
فايد. اهدى يابنى القصر دا ملكك انت واخواتك ودلوقتي خلاص انت هتتجوز. ولازم تعيش مرتاح ف بيتك
الروايه حصرى على البيدج الأصلى حكآيآت إيمى
مراد أنا مش فاهم انت عايز توصلى ايه وبعدين أنا هتجوز بنتك يعنى مش حد غريب وسبق وكنت متجوز عاليا
فايد أولا جوازك من عاليا كلنا عارفينه ودا مكنش زواج ابدا. وانت وقتها ال اصريت على وجودنا. معاك ثانيا مش موضوع أن نور بنتى. بس كمان القصر ملك لحسام وانا اتضايقت ان هيسيب القصر وهيروح يعيش ف الفيلا
مراد. حسام وضعه مختلف. زي ماقلت عايز يكون على راحته مع مراته وسهى مش هتكون على راحتها لا ف وجودى ولا ف وجود أحمد أنا بقا نور تبقى بنتكم. وأحمد اخوها. ومروة وانت عارف علاقتى بيها حتى لو عرفت انها مش أختى بس أنا عشت 15 سنه بربيها على انها أختى ومستحيل احمد يغير عليها منى. فوضعى مختلف كتير عن حسام وانا سيبته لان عارف ان هيكون مرتاح اكتر بقراره
فايد بس يابنى أنا مينفعش
مراد قرب من فايد ومسك ايده ياعمى انت ف مكان ابويا سليم. وماما سميرة عوضتنى بحنيتها كتير ربنا رزقنى بيك وبيها زي ما رزقنى زمان بمحمود وعبير. بلاش تحرمنى من الدفا ال عايش فيه لا أنا ولا نور هنكون مرتاحين ف القصر دا كله وكمان وانتم بعيد عنى
فايد. ربنا يبارك فيك يامراد ساعات كتير بتفكرنى بسليم أخويا الله يرحمه
مراد الله يرحمه.
دخلت نور وزين يجروا على فايد. جدو جدو
فايد. وصلوا بدوشتهم
مراد بضحك لا واستنى شويه وسارة وخالد جايين بتوأهم المجانين
فايد طالعين لأبوهم وامهم
جات سميرة ووراها الخادمة بالقهوة انتوا ظالمين دا زياد وإياد ملايكة
مراد بهزار. ملايكة جدا انت هتقوليلى
ف أحد الكافيهات
أحمد ايه يابنى فيه ايه خضتنى
سامح طيب اقعد بس تشرب ايه
أحمد. انت جبتنى هنا ليه من ساعة ماكلمتنى وقلت معرفش مراد أنك عايز تقابلنى برا وانا قلت فيه مصيبه
حسام. عاليا
أحمد بضيق يخربيت زف تة
حسام عاليا بتخون مراد من قبل حتى ما يطلقها
أحمد يانهار ابوها مش فايت. دا مراد لو عرف هعمل منها كفته
حسام. أومال لو عرفت المصيبه الأكبر
أحمد هو فيه مصيبه أكبر من كدا
حسام. بتخونه مع فهد
أحمد. بإستغراب. فهد مين. قصدك فهد الصافى. لالالا أنا دماغى لفت ازاي وهو ف السجن احكيلى بالتفصيل
حسام حكى ال حصل كله لأحمد
أحمد يانهار ازرق. دا مراد مش هيكفيه روحهم هما الإتنين
حسام كل دا مش مهم أنا ال يهمنى أخويا وفهد خارج وناوي على ايه معاه
أحمد. عندك حق بس ممكن يكون فهد مش ناوى يعمله حاجة
حسام. تفتكر فهد الصافى بيعدى بسهوله انت اعرفه كويس مش بعيد اصلا يكون بيخطط واحنا ولا هنا
أحمد. طيب وبعدين مراد لازم يعرف عشان ياخد باله
حسام أنا مش هقول لمراد خليه يفرح شويه نفسى اشوف سعادته مكتمله. أنا هحاول ادور على فهد لان أكيد هيقابل عاليا ومصطفى هيكون ورا مراد زي طله
أحمد. ربنا يسترها.
عاليا رجعت على القصر. طلعت اوضتها وهى بتفكر تنفذ خطتها ازاي وتحصل على الأوراق ف نفسها.
أنا لازم أحصل على الأوراق لأي طريقة لازم اتجوز فهد خرجت البلكونه وشافت مراد وهو قاعد ف الجنينه بيضحك مع الولاد. ياخسارة يامراد. كان نفسى
اعيش معاك. كان نفسي اكون زوجه صالحة وان بنتى تفتخر بيها. بس جفاءك ضيعنى ان مكنتش ليا ف الأول لما اتجوزتك كنت بحب فلوسك وبس
بس مع الوقت حبيتك اوووى. وأهنت نفسي وكرامتى عشان اخليك ليا حتى لو بالغصب بس ما اخدتش منك غير الكره من ساعتها وانا كارهه
نفسى اوووى. وحلفت لأدوس على قلبى بالجزمة. وأعيش لنفسى وبس واحصل من وراك على أكبر ثروة. ودلوقتي فقدت انت وبنتى للأبد ومقدميش غير واحد خسيس زي فهد
بعد وقت كانت مايا ومحمد وعبير ومحمود. وخالد ومراته واولاده كلهم متجمعين ف قصر آل سليمان
سميرة والله يوم الجمعه من اجمل الآيام كل الحبايب بيتجمعوا
عبير يجعلوا عامر دايما يا سميرة بس المرة الجايه الجامعة دى عندنا.
سميرة بس كدا. بعد فرح. الولاد نبقى نتجمع عندك
خالد. أه والله وحشنى أكلك فاكرة يا بيرو
عبير. ما هو من وقت ما اتجوزت وحماتك بقت سميرة وانت نسيت أكلى
خالد. أنا اقدر بردوا بس والله مشاغل يا ست
سارة. وعد ان هنيجى كلنا ونقضى يوم معاكى ومع عم محمود بس يارب وقتها منتطردش بسبب اياد وزياد
عبير. لا ملكيش دعوة انتى على قلبى زي العسل
وصل حسام وأحمد الفيلا وقعدوا كلهم بصوت الوقت بيضحكوا ويهزروا.
مراد. حسام مايا كنت عايزكم شويه
أحمد. وانا مش عايزنى
مراد.بهزار أنا قولت عايزك خليك مكانك أحسنلك
أحمد. تفتكروا عايزهم ليه
محمد والله ما اعرف اخوات وبينهم اسرار
أحمد. اسرار أه ما انت مراتك هتحكيلك أنا بقا مين يحكيلى
سميرة. ما تبطل فضولك يا بنى انت عمرك ما هتكبر ابدا
خالد. والله يا ست الكل كلنا عندنا نفس الفضول نعرف بيقولوا ايه
حسام. خير يامراد
مراد. أنا عايز اخد رأيكم ف حاجة كدا بس مش عارف ردت فعلكم ايه
مايا. قول يا حبيبى احنا سمعينك
مراد أنا عايز .....
نور كانت ف عربيتها رن الفون اكتر من مرة وهي مرعوبه ترد. لانها واثقه ان دا فهد.
بس كان مُصر نور برجفه ف صوتها عايز ايه
داخل فيلا شبه مهجورة يقف فهد وهو يتكلم ف الفون
وحشتينى يانورى
نور بطل تنادينى كدا
فهد ليه هو مراد بس ال من حقه يقولك وحشتينى
نور. سيبنى ف حالى يا فهد ارجوك
فهد. انت عارفانى من واحنا اطفال لو عايز حاجة مش هسيبها الا لو امتلكتها وانا بحبك وعايزك
نور انت عمرك ما حبيت حد مبتحبش غير نفسك وبس لو بتحبنى متقبلش اصلا ان اتجوز غيرك. بس أنت عادى بالنسبالك
فهد ومين قالك ان مراد سليمان هيلحق يفرح بكتب كتابه حتى قبل ما يفكر يلمسك هكون واخدك وقهره عليكى وساعتها هتبقى ليا للأبد
نور بس أنا هبقى مرات مراد سليمان. يافهد
فهد. قصدك ارملته. واه اوعى تفكرى ان الظابط باسم هيقدر يحميكى او يساعدك ان ليا. وبعد أربع ايام هتدخلى عش الزوجيه بس مع فهد الصافى مش مراد سليمان سلام يانورى
مر كام يوم وجه وقت كتب الكتاب
كانت نور ف غرفتها مرعوبه وبتكلم الظابط باسم
باسم متقلقيش يانور أنا مأمن الحفلة كويس وكمان ان الفرح يكون ف جنينه القصر دا زود الحمايه أكبر صدقينى
فهد مش هيقدر يوصلك ولا هيقدر يعمل حاجة لمراد
نور. طيب ولو قدر يدخل القصر
باسم أنا عايزه يدخل عشان يتمسك ونخلص منه متخافيش يانور
نور أنا مش خايفة وبس أنا مرعوبه
باسم. المهم لو كلمك لازم تردى عليه وتحاولى تعرفى هو ف القصر ولا
نور. حاضر الباب خبط نور طيب اقفل دلوقتى
مايا ايه يا قلبى لسه بسم الله ايه القمر دا يانور من حق أخويا يتجنن عليكى
نور. ربنا يخليكى يا حبيبتى
مايا طيب مش يالا سهى خلصت ونزلت وبيكتبوا الكتاب تحت
نور. دقايق بس وهنزل وراكى
مايا اوك أنا هنزل الاقيكى ورايا مراد تحت هيتجنن عليكى
نور بإبتسامه حاضر مش هتأخر خرجت مايا ونور بصوت لنفسها ف المرايا معقول ممكن تهديد فهد يتحول لحقيقة
وفرحتى أنا ومراد تتحول حتى بعد العذاب ال شوفناه ف حياتنا لسه القدر بيختبر قوة تمسكنا ببعض وبقوة مصتنعة أنا لازم احكى لمراد كل
حاجة احنا مع بعض قوة مستحيل يهزمها فهد الصافى
رن تلفونها. والرعب سيطر عليها تانى
ردت عشان تعرف منه هو ف القصر ولا لأ عايز ايه
فهد مش عيب تقولى عايز ايه وانت عارفة كويس. تفتكرى هعوز ايه منك ف ليله زي دى
نور. فهد ارجوك افهم أنا مش ليك ومستحيل اكون ليك
فندق ياريتك انتى ال تفهمى ان النهاردة دخلتنا
ياعروسه وعايزة اقولك ان الفستان حلو عليكى جدا. استنى ابعتلك صورتك
اتفاجأت نور برساله وصلتها ولقت صورة وهي واقفه قدام المرآه
نور ازاي شايفنى. ازاي
فهد عشان تعرفى ان جمبك وبينا خطوات
معدودة وكانت دقايق ومش هتفصلنا حتى انفاسنا
نور رمت الفون من ايديها وبقت تصرخ زي
المجنونه. عاااااا هقتلك يافهد. هقتلك قبل ما تفكر تلمس شعرة واحدة منى