رواية واحتضنها الوحش
الفصل العاشر
والحادي عشر
()
عزيزة_محمد_حجازي
أغلقت تمارا الهاتف وسرعان ماشعرت بحركته فركضت نحوه وقالت : جاد انت سمعني .
جاد بدوار وألم : تماارا
ركضت تمارا نحو الطبيب وقامت بإحضاره وهي تقول : فاق يا دكتور فاق وكلمني
الطبيب : توقفي هنا حتي أتمم كشفي
دلف الطبيب وبعد القليل من الوقت خرج وهو
يقول : أسف يا هانم لكن يبدو أن السيد جاد دخل في غيبوبة
صرخت* وهي تقول : لأ مش هينفع .
ووقعت علي الأرض تبكي متزامنة مع دلوف هنا وهاني
هنا بصراخ: بابا مالو يا خالتو ها ...
هاني بتوتر: بابا حصله حاجه.
رفعت وجهها وقالت ببكاء: دخل في غيبوبة
صرخت هنا وبدأت في البكاء واحتضتنها هاني وظل يرتب عليها .
هاني : أن شاء الله هيقوم يا هنا متعيطيش.
قالها وطب*ع قبل*ة علي رأسها .
_____________________
كانت نور تعد الطعام قبل أن تشعر يبد أحد تلت*ف حول خص*رها ففزعت: يلهوي .
مراد بضيق: مالك يا بت اتلبستي ولا ايه
نور : مش تكح
مراد : أح أح ... بتعملي ايه بقي.
نور : مكرونة بشاميل مش أكل الميتين بتاعك.
مراد بصدمة: ميتين ده أنا أكلي كان بيعجب جاد وحازم ولمار و ....
صمت عندما لاحظ مانطقه ووجد تلك الغاضبة تنظر له بشك
نور : مين لمار دي يا مراد
مراد: ده واحد صاحبي.
نور : واسمه لمار
مراد : انت عارفة الناس هنا ولاد يبقوا بنات وبنات ولاد وحاجه غريبة .
نور : ماشي يا مراد هصدقك بس لو عرفت انها بنت ..
قاطعها مراد : هتعمل ايه .... وبعدين انتي بتغيري
نور بتوتر: أغير أغير من ايه يعني .
مراد : ماشي أنا هروح أمام لمار
نور بضجر: مراد .
ضحك مراد : خلاص بقي بهزر ... متجيبي لحسه كده من البشاميل ده
نور بتوتر: صحيح يا مراد
مراد وهو يقطم تفاحة: خير
نور بخوف: أنا عاوزة أكلم بابا.
لم تجد منه أي إجابة فقط نظر لها ثم قطم قطعة أخري مما جعلها تخاف أكثر
اقتر*ب منها مراد مما جعلها تنكمش للخلف فأمس*ك بكتف*يها وقال : انتي خايفة مني يا نور
هنا نور رأسها بلا تفكر في عينيها وقال : لو كنتي مبتخافيش مني مكنتش شفت النظرة دي في عينيك
نور وهي تفرك يدها: أنا خفت تتعصب عليا
مراد: ليه هو انتي عملتي حاجه غلط
نور : لأ
مراد : يبقي اوعي تخافي يا نور ... ثم إن مش أنا اللي تخافي مني المفروض أبقي أنا أمانك يا نور
نور: أنا أسفة
مراد : أنا مش بقول لك كده علشان تعتذري يا نور أنا بقولك كده علشان تتطمني وتعرفي أن أنا آخر واحد ممكن يأذيكي
نور بحب : انت جميل اوى يا مراد .
قالتها نور واحت*ضنته لطالما كان مراد هو أمانها لكن والدها كان دائما يضع بقلبها الخوف من الذين حولها.
_________________
هنا صراخ : مش همشي يا هاني
تمارا بغضب: مش قولت روحوا
هنا ببكاء: أنا خايفة عليه
تنهدت تمارا وقالت: يا حبيبتي أنا جنبو ولا حصل حاجه هبلغك يلا .
ذهبت هنا للسيارة بينما التفتت تمارا لهاني وفتحت ذراعيها لها فارت*مي بأحض*انها بإرهاق.
هاني بألم : أنا واثق انه هيقوم ده الوحش .
ابعدته عنها وقالت : خلي بالك منها وأنا بكرة هاجي اخد هدوم ونفطر مع بعض.
هاني: تمام .
رحل هاني وصعدت تمارا لغرفة جاد وجلست بجواره وهي تحاول التماسك وعدم البكاء.
______________
جلس حازم علي الطاولة وهو يقول: ازاي سكتيها
ندي : عادي طبطبت عليه شوية وسكت .
ريم وهي تبتلع الطعام: احنا بقالنا يومين بنحاول نسكت فيه .
ندي وهي تنظر للصغير بحب : ده جميل أوي .
ابتسم حازم وقال: اسمه آدهم.
ندي وهي تقبل*ه: جميل أوي آدهم
حنان وهي تقف على باب المطبخ: تعالي يا حازم عاوزاك
ذهب حازم لها وقال: ايه يا أمي
حنان : رحاب علي التليفون.
تنهد وأمسك الهاتف وقال: خير
رحاب بغرور: عاوزك تتطلقني
حازم بضحك: أطلقك.... أنا طلقتك الصبح والورقة زمنها على وصول .
رحاب بصدمة: انت بتقول ايه
حازم : زي ما سمعتي وحازم وأدهم تمحيهم من حياتك.
أغلقت رحاب الهاتف وقالت : طلقني
وضعت شادية يد*ها علي صد*رها وقالت بصدمة: يا نهار أسود .
رحاب بضيق: إن مطلعتش عينه مبقاش أنا .
دلف سامر وقال: خير بتتفقوا على قتل مين .
شادية : واحنا برضو نعمل كده
سامر بسخرية: ده انتوا أبو كده .
شادية : ماشي يا سامر عديها علشان انت مدايق
رحاب : مدايق ماله .
سامر : مفيش حاجه يا رحاب
شادية : مفيش ازاي ده انت مزعلتش كده علي الزفتة
تنهد سامر وهو يضع رأسه بكفيه ويقول لنفسه: فيها ايه لو مكنتش طلقتها يا غبي ... كان ممكن تضحك عليها وتسقطه بأي طريقة تانيه .
رحاب : واد يا سامر .
رفع سامر وجهه وقال ببرود: خير اللهم اجعله خير
رحاب : أنا اطلقت
سامر بصدمة: نعم يا اختي
رحاب : زي ما بقولك .... وخد الواد ومش راضي يرجعه
سامر بغضب: تاني حازم زفت وأشكاله.
شادية: معلش روح هاته أحسن عمك اتجنن بعد نور .
سامر بضيق: متجبيش سيرتها تاني مش ناقصة .
رحاب بتهكم: معقول ... خلاص زهقت ... هو في حاجه أهم من نور عندك .
سامر بغضب : ملكيش دعوة
صرخ بها ورحل فقالت رحاب: ماله ده
شادية بتعجب: مش عارفة
___________________
في المساء دق هاتف تمارا فأجابت بنوم : ألو.
هنا ببكاء: ألحقي عمي خالد هنا وبيتخانق مع هاني
تمارا بتعجب: خالد مين.
هنا : أخو بابا ... يا خالتو بسرعة ده هيضربوا بعض .
تمارا : حاضر جاية
استقلت السيارة وذهبت نحو المنزل وعندما هبطت وجدت العديد من السيارات.... يبدو أن أخاه غني مثله ..... هذا ما فكرت به وهي تدلف القصر .
هاني بصراخ : خالد بيه يا ريت تحترم غيبته وتتكلم عنه بإحترام .
خالد بسخرية : احترام وهو أبوك ينفع معاه احترام
ذهبت تمارا نحوه و قالت : ايه اللي بيحصل هنا .
نظر خالد لهاني بتساؤل عن هوية تلك المتطفلة القصيرة... أو صغيرة .
تمارا: أستاذ خالد .. أستاذ خالد
خالد بعد أن فاق من شروده: اممم
تمارا : ممكن أعرف حضرتك هنا بتعمل ايه
خالد : في بيتي ... ده بيت أبويا وأمي
تمارا بضيق: طب ممكن أعرف ايه اللي خلا حضرتك تشتم جوزي
خالد بصدمة : جوزك
هاني : أيوة ..دي تبقي خالتو
خالد : امم انتي بقا العروسة الجديدة ويا تري دخلتي اللعبة ولا لسه
هاني : لعبة ايه
تمارا : لو سمحت يا أستاذ خالد خليك في حالك
خالد وهو ينظر للدرج: ازيك يا هنا .
كانت هنا تختبئ خلف سور الدرج فوقفت وقال بتوتر مختلط بالحرج: الحمد لله يا أنكل.
خالد : يا عفاف
جاءت عفاف : امرك يا خالد بيه
خالد : جهزي العشا
عفاف : حاضر
رحل خالد تحت أنظار تمارا الغاضبة فالتفتت نحو هاني وقالت : قدامي على المكتب .
دلفت تمارا المكتب وخلفها هاني وهو يقول : لعبة ايه اللي بيتكلم عنها خالد .
تمارا بتوتر: سيبك دلوقتي... قولي بتزعق معاه ليه
هاني : كان بيقولوا أن بابا رجل مش كويس وفضل يشتم ويقول دمر لي حياتي .
تمارا بتعجب : دمره له حياته
هاني : سيبك منه هو أصلا مجنون .
تمارا : مجنون
هاني : عنده حالة نفسية أصله لسه خارج من سجن مشدد .
تمارا: ليه
هاني : تجارة مخدرات
شهقت تمارا وقالت : يلهووي ده مجرم
هاني : علشان كده بابا مش بيدخله البيت.
تمارا : طب واحنا هنعيش معاه ازاي
هاني بغضب: هو انتي مش معاكي راجل ولا ايه
ابتسمت تمارا ووضعت
يداها على كتفيه وقالت بحنان خاص بتؤأمها: طبعا راجل وسيد الرجالة كمان .
__________________
أمسكت ندي الهاتف وأجابت بضيق: الو
سامر بلهفة : ندي انتي فين
ندي : ويهمك في ايه
سامر : طبعا يهمني
ندي : أنا مش طلقتني
سامر: ومستعد أرجعك.
ندي : بس انا مش عايزه
سامر: ليه يا ندي علشان البيبي خلاص متزيلهوش أنا محتاجك جنبي ومستعد ..
قاطعته ندي : مات ... البيبي نزل .
تنهد سامر : أنا آسف .... بس ده مش نهاية اللي بينا
ندي ببكاء: احنا اللي بينا خلص من زمان كان لازم أفهم من أول ما طلبت تتجوزني في السر كان المفروض أفهمك بس أنا كنت عامية .
قالتها وأغلقت الهاتف وظلت تبكي حتي دلفت حنان وقالت بصدمة: مالك يا بنتي
جلست حنان بجانب ندي فارتمت بأحضانها تبكي
حنان : يا بت مالك .
ندي : تعبانة أوي يا طنط
حنان وهي تض*ربها بخفة: بعد كل الشحتفة دي طنط ده أنا تقولولي يا حنان حاف
ندي وهي تبتعد عنها : لأ طبعا مينفعش.
أخذتها حنان في أحضانها وهي تقول : متبعديش عن حضن ماما .
ندي بدهشة : ماما
حنان : أيوة .
ندي : هو ينفع
حنان : هو أنا أطول.
ندي وهي تشدد من احتضانها: بحبك يا ماما
كان حازم يشاهد كل هذا بفرحة قبل أن تقاطعه ريم بسخرية : يا سلام علي الناس اللي بتلمع أوكر
حازم وهو يبعدها عن الغرفة : أنا مش بتصنت
ريم : ما هو باين
حازم : خلاص بقي وطي صوتك
ريم بمكر: تدفع كام
حازم : يا مادية يا رخيصة
ريم : كل بالفلوس
أخرج القليل من النقود ووضعها في يديها وقال : يكش يطمر فيكي و...
قاطعه صوت الهاتف فابتعد ثم أجاب : ايه مراد
مراد : بقولك ايه في حاجه لازم تعرفها
حازم : خير
مراد : جاد اضر*ب عليه ن*ار
حازم بصدمة: ايه ... طب اقفل أنا جاي
مراد بضيق : أنا اهبل يلا جاي فين وبعدين ابنك هتسيبه لمين .
حازم : خلاص يا عم طب هو كويس
مراد : كلمت تمارا وقالت إن الدكتور قال انه راح في غيبوبة
حازم : تمارا مين
مراد : اقفل يلا مش ناقصك كفاية خالد
حازم : أنا رايح زيارة لخالد
تنهد مراد وقال: خالد خرج
حازم: بتهزر
مراد: لأ مش بهزر ومش هتصدق انه قاعد في البيت
حازم : اقفل يا مراد شكلك شارب
ضحك مراد : أنا برضو قولت كده سلام
حازم : سلام ... متنساش تتطمني عليه
مراد: اوك يا حنين
حازم : اقفل يا رخم
أغلق مراد الهاتف ووصل منزل جاد .
هاني : الحق بسرعة خالد وتمارا بيتخانقوا
مراد بصدمة: فين
هاني : في المكتب .
دلف المكتب فنظر بصدمة عندما وجد ....
#واحتضنها_الوحش
الفصل الحادي عشر (11)
أغلق مراد الهاتف ووصل منزل جاد .
هاني : الحق بسرعة خالد وتمارا بيتخانقوا
مراد بصدمة: فين
هاني : في المكتب .
دلف المكتب فنظر بصدمة عندما وجد تمارا تص*فع خالد وهي تقول : اخرس يا حيوان .
دلف مراد بغضب: ايه اللي بيحصل هنا .
خالد وعيناه تطلقان شرار: انتي بتض*ربيني.
تمارا: وأقطع لسانك يا زبال*ة .
هاني بتوتر: يا جماعة اهدوا
مراد : ايه اللي حصل.
خالد : وحيات اللي راقد في المستشفي لأدفعك تمن القلم غالي .
قالها ورحل وصعدت هي بغضب وقال مراد : هاني .
هاني : اممم
مراد: ايه اللي حصل .
هاني : أنا كنت جاي من بره لقيتهم بيتخنقوا وصوتهم عالي اتصلت بيك وقولت لك تعالي
تنهد مراد : دي حاجه تخنق.
________________
(الحوار مترجم)
كان يجلس ببرود قبل أن يدق الباب فقال : ادخل.
دلفت السكرتيرة وقالت : سيد نيكولا هاتف لك .
أمسك نيكولا الهاتف وقال : اذهبي انتي لمار
لمار : حسنا
نيكولا : عزيزي
- سيد نيكولا ما أخبارك.
نيكولا : أنا بخير ما أخبارك انت
- علي ما يرام ... لكن لم أجدها بعد .
نيكولا : يجب أن تجدها وإلا سنموت جميعا إنها الدليل الوحيد ضد أبي وقد مات الكثير من أجل بقاء الأمر سر
- لما تهتم لهذا ... والدك علي مشارف الموت فلتسيقظ انت لعملك وتترك الماضي.
نيكولا بغضب: ما زال جاد الغبي يبحث خلف الأمر وإذا كشفه فإن ثروة راسيل لن يكون لها قيمة.
- حسنا حسنا ... كما تريد .
أغلق نيكولا الهاتف وقال بحقد: أقسم لك جاد سأجعلك تخترق مثلما كانت عائلتك سببا في عناء أبي
دلفت لمار مسرعة : سيد نيكولا السيد راسيل ليس بخير.
ركض نيكولا نحو ذلك الجناح المخصص لوالده.
دلف نيكولا بفزع : أبي .
نظر له راسيل وابتسم : عزيزي .
اقترب نيكولا بدموع: هل انت بخير .
راسيل بألم : مادمت انت بخير فأنا كذلك .
جلس نيكولا بجانبه وقال : سأقتلها وينتهي الأمر
راسيل بتعب: لكن أنا لا أريد موتها
نيكولا بغضب: هي السبب في ما حدث لك .
راسيل ببكاء: بل أنا السبب في كل شئ....
قالها ودخل في نوبة بكاء فنادي نيكولا علي الطبيب .
الطبيب : لا تقلق هذا فقط بسبب الإنفعال.
___________________
دلفت تمارا المستشفي وهي تركض وتتطو الأرض فلم تكن تستطيع تصديق أنه فاق .
دلفت الغرفة فوجدته يستند بجسده على الفراش فتوجهت نحوه وقالت : أنت كويس
ابتسم جاد وقال : قالو لي انك غرقتي المستشفي عياط
ضحكت ثم ارتمت بأح*ضانه تبكي ... ابتسم جاد وربت على كتفيها قائلا بمرح: لأ كده أنا ممكن اتغر وأفتكر انك بتحبيني
تمارا بسخرية: افتكرك عزرائيل يا بعيد
ضحك جاد وقال : حتي وانتي بتعيطي مش طيقاني
ابتعدت عنه وقالت : خفت تموت .
جاد بسخرية: في وشي ... بتقوليها في وشي ما تضربيني رصاصة الرحمة أحسن .
ضحكت تمارا وقالت: أنت مش ملاحظ حاجه .
جاد : ايه
تمارا : بعد الرصاصة دمك خفيف.
ضحك جاد وقال : أيوة الدكتور قال لي أنهم ملقوش دم فزودوه مايه
تمارا بضيق: أنت بتتريق
دلفت الممرضة وقالت (مترجم ) : حمد الله علي سلامتك يا سيد جاد زوجتك كانت حزينة عليك
غمز جاد لتمارا فقالت : محصلش الكلام ده .
الممرضة : بالفعل هي لم تكن حزينة عليك .
جاد بصدمة : ايه
الممرضة: بل كادت تموت عندما علمت انك ذهبت بغيبوبة
ضحك جاد وأحمرت وجنتي تمارا خجلا .
" إذا شكوت الحب إليها خفرها
شكواي فاحمر خداها من الخجل ❤"
_________________
التفتت نور نحو مراد بغضب: يعني انت كل ده مخبي عليا .
مراد بضجر: يا نور أنا خفت علي زعلك .
نور : يا سلام
مراد : كنتي هتعملي ايه لو عرفتي .
نور : كنت هقف جنب أختي يا مراد ... تمارا دي أغلي حاجه عندي.
مراد بصدمة: ايه ... أغلي حاجه عندك.
نور بتوتر: بعدك طبعا يا مراد .
مراد : طب خليها تنفعك
كاد يرحل ولكن نور أمسكت ذراعه: خلاص يا مراد والله بهزر .
مراد : لأ أنا زعلان .
نور : طب اعمل ايه علشان تصالحني .
مد لها خده فقالت بشهقة: أنت عايزني أبوس*ك.
مراد بتمثيل: أنا قولت كده ايه التفكير ده لأ يا نور انتي بقيتي من*حرفة .
نور بتزمر: مراد
مراد بحب: قلبه
ابتسمت نور وقالت : مش هنروح بقا لجاد .
مراد : يلا بسرعة البسي
صعدت نور وبدلت ملابسها ولكن قبل أن تهبط دق هاتفها برقم غريب
نور : ألو
- وحشتيني
نور : سامر .
سامر : ياه لسه فاكراني طب كويس .
نور بدموع: عايز ايه
سامر: عاوز أقولك انك لو تحت الأرض هجيبك
نور : حرام عليك سبني في حالي عايز مني ايه
سامر : أنا مش عايز هم اللي عايزين.
نور : هم مين
- بتتكلمي مع مين
وقع الهاتف من يدها والتفتت نحو مراد : مش بتكلم
اقترب منها وقال : انتي كويسه
نور بتوتر: اه كويسه .
مراد: كنتي بتكلمي مين
نور : كنت ... كنت بكلم تمارا وبقول لها إن احنا رايحين المستشفي ليها.
مراد: تمام يا جميل ... يلا
نور : يلا
_____________
أغلق سامر الهاتف وهو يبتسم بسخرية ثم نظر المنزل القابع أمامه وقال : أما نشوف أخرت مشاكلك يا رحاب
هبط من السيارة ثم توجه نحو الباب وطرقه
في الداخل كانت ندي تتحدث مع حنان: وبس كده انا بقي دخلت تجارة وزميلتي علوم وانفصلنا عن ....
قاطعها جرس الباب فقالت حنان: معلش افتحي ايدي متعاصة تلاقيها ريم راجعة من الدرس .
امأت لها ثم حملت أدهم وذهبت لفتح الباب .
فتحت الباب ثم قالت بصدمة : سامر
سامر : ندي ... انتي بتعملي هنا ايه
ندي بتوتر : أنا أنا .....
جاءت جنان وقالت : انت مي.... سامر اتفضل يا ابني .
دلف سامر وجلس وقالت حنان: أهلا وسهلا يا ابني تشرب ايه .
سامر: شكرا .
حنان : ازاي يعني انت في بيت حنان يعني الكرم كله
قالتها ودلفت المطبخ فنهض سامر نحو ندي وقال بفرحة : ندي انا مش مصدق .. بس انتي بتعملي هنا ايه .
ندي بتوتر: ابعد عني يا سامر
سامر : مالك يا ندي وبعدين انتي بتعملي هنا ايه
حازم: في بيت جوزها
التفتت الإثنان بصدمة : جوزها
حازم بحمحمة: فيما سيكون
سامر : ازاي ... الكلام اللي بيقوله ده صح .
قالها سامر بتساؤل لندي فوجهت نظرها نحوها حازم وجدته ينظر لها نظرة لم تفهمها.
ندي بتوتر : اه احنا لسه مخطوبين .
قالتها ندي ورحلت وهي تحمل أدهم فقال حازم : خير يا سامر .
سامر بضيق: عاوز ابن أختي
حازم: اختك استغنت عنه
سامر : مفيش الكلام ده
حازم : يعني ايه
سامر: يعني هنرفع قضية وناخد الواد .
حازم : ده في احلامكم ابني هيفضل معايا
سامر بسخرية: هنشوف .
قالها سامر ورحل وجاءت حنان وهي تقول : عملتلك عصير مانجا... ايه ده هو فين .
حازم بضجر: كنتي عملاله عصير .
حنان : ده في بيتي.
زفر حازم بضيق وهو يقول بنفسه: ربنا يستر
_____________________
أمسكت تمارا المعلقة وقالت : يلا افتح بقك
جاد بضيق: شبعت يا تمارا
تمارا : لازم تتغذي كويس ولا مسمعتش الدكتور .
جاد وهو يبعد حاملة الطعام: ابعدي عني دلوقتي يا تمارا .
وفجأة دلفت هنا وهي تقول بلهفة : بابا .
ركضت هنا وارتمت بأحضا*نه وهي تبكي فقال جاد : في ايه كل الحب ده
هاني بتوتر: حمد لله على سلامتك
جاد بإبتسامة: الله يسلمك ... خلاص يا هنا كفاية عياط .
ابتعدت هنا وقالت : كل ده يا بابا في غيبوبة
جاد بسخرية: معلش اوعدك الغيبوبة الجاي هصحي بدري .
دلف في نفس الوقت مراد قائلا : قلت لهم الوحش يكسب .
ابتسم جاد وقال: حبيب قلبي يا مراد
نور : حمد لله على سلامتك يا جاد .
جاد : الله يسلمك .
ابتعدت هنا وقالت : يلا بقي نرجع البيت
مراد: أنا كلمت الدكتور وقال انك لازم تقعد يومين
جاد: مش هقدر يا مراد .
مراد: طب هكلمه وأشوف .
____________
طرق حازم غرفة ندي فقالت: ادخل
دلف وقال : ممكن نتكلم شوية
ندي بتوتر: ممكن .
جلس حازم وقال بتوتر : علي ما أعتقد أن احنا كبار كفاية علشان نقدر نقرر .
ندي : مش فاهمة
حازم : في الحقيقة ... يعني... اللي أنا عايز أقوله انه ...
ندي : قول علطول .
حازم : تمام من الآخر أنا عاوز اتجوزك
توترت ندي وقالت : مش فاهمة
حازم : افندم
ندي : يعني أقصد ليه
حازم : يمكن علشان أدهم بيحبك
ندي : أدهم .
حازم : اه أدهم هو في غيره
ندي : بس أنا كنت متجوزة قبل كده
حازم : وأنا كمان ... عادي يعني
ندي : طب بالنسبة لسامر .
حازم بغيرة: ماله
ندي : مش هتقول لي تعرفه منين
تنهد حازم وقال : لما توافقي هقول لك
ندي : تمام سبني أفكر
دلف حازم خارج الغرفة ودلفت ريم وهي تقول : وافقي وافقي
ندي بصدمة: علي ايه
ريم بكدب: أصل وأنا معديه سمعتكم بالصدفة
ندي : صدفة برضو
ريم : يووووه... الصراحة الفضول قتلني
ندي : طب قومي ذاكري
ريم : يعني انتي رأيك ايه
ندي: أنا رأيي تقومي تذاكري بدل ما أنادي علي ماما وأقولها إن ريم بتلمع أوكر .
ريم : ياااه درس الأحياء هروح أذاكره أنا بقي
___________________
دلف خالد غرفة جاد وهو يقول : حمد لله على سلامتك يا جاد
نظر جاد لمراد ثم قال بصدمة: خالد .. انت خرجت
خالد : اه شوفت ... بس ايه رأيك في المفاجأة
جاد بغيظ: جميلة
نهض خالد وقال : عموما أنا جاي ليك بخبر حلو
جاد : ايه ... هيعدموك
ضحك خالد : لأ احلي بكتير
وانخفض خالد بمستوي أذنه وهمس بها : الحقيقة هتبقي عندك بس في مقابل .
جاد ببرود : ايه
خالد بمكر : تمارا
👇
🌹 🌹🌹🌹🌹🌹🌹🌹🌹🌹🌹🌹
🌹🌹🌹🌹🌹🌹🌹🌹🌹🌹🌹🌹🌹