رواية عاصفة القدر الجزء الثالث مقدر لنا اللقاء
الفصل الخامسه
بقلم إيمان المهدى
بعد يومين داخل مجموعة آل سليمان
دخل زين مكتب أدهم
زين ايه يابنى انت لسه مخلصتش الأوراق ال معاك. الإجتماع هيبدأ
أدهم لا خلصت عمو مراد وأحمد وصلوا
زين أه وعمى حسام كلهم ف غرفة الإجتماعات
دخل زين وأدهم وسلموا على الكل. وعلى عزمى ال كان متوتر بسبب تأخير روان لانها استلمت المشروع
أدهم مش هنبدأ ولا ايه
عزمى أه هنبدأ بس أنا منتظر المدير التنفيذى للشركة
زين المفروض يكون موجود قبل الكل
عزمى أنا آسف أكيد حصل حاجة
زين. مدير تنفيذى ايه بس دا شخص مهمل ف شغله
دخلت روان واتضايقت من آخر جمله سمعتها من زين
روان السلام عليكم آسفه جدا على التأخير
زين ف هو انتى بقا المدير التنفيذى. دى شكلها هتحلو
والله حضرتك واخدة ميعاد المفروض تلتزمى بيه مش من أول مقابلة ابنى أنك مش قد مواعيدكم
روان. أنا اعتذرت على تأخيرى لان دا كان شئ خارج ارادتى
زين مفيش حاجة خارج ارادتك لازم تفهمى ان دا بيزنيس واى تاخير بيكلف
الشركات خصوصا لو شركة كبيرة زي شركتنا بس أظن انت متعرفيش دا لان شركتك أقل من دا بكتير
مراد. زين. ايه ال بتقوله دا ولا كلمه تانيه اتفضلى يا بنتى حصل خير
روان. آسفه يا فندم. أنا طبعا مقدرة انكم إنتظروا والتتأخيرعن المواعيد. شئ مش مسموح بيه ف أي مكان. بس لما يكون التأخير دا سبب ف انقاذ حياة شخص يبقى أنا مغلطش. أنا اتأخرت لان فيه طفل العربيه خبطته قدام عينى وهربت كان لازم أتصرف فورا وانقل الطفل للمشفى وبصت لزين
بغضب أنا كنت هوصل قبل ميعادى بكتير لولا ال حصل ولو بصيت ف ساعتك هتلاقينى اتأخرت خمس دقايق مش أكتر. ودى الدقايق ال ركنت فيهم ف الجراج وعلى ما سلألت ف غرفة الإجتماعت يعنى أنا وصلت الشركة ف الوقت المحدد
زين حس بتسرعه وكان محرج جدا من ال عمله
أحمد حقك عليا يابنتى مكنش يصح ابدا ال استاذ زين عمله أكيد ال حصل مش هيتكرر
روان أكيد يا فندم مش هيتكرر. آسفه لانى عطلتكم أنا بعتذر لان مش هكمل الاجتماع يالا يابابا
عزمى. يابنتى
روان. لو حابب تستنى يتقل من حضرتك ومنشىكتك اكتر من كدا براحتك دا شئ يخصك لكن أنا مينفعش التقليل من قيمتى أي كانت.
مراد. ال حصل ما كانش صح ابدا وزين اتكلم بطريقة سيئة غير عادته وهو هيعتذر على تصرفه أنا مش هسمح حد يقلل من قيمه أي شخص او شركه ياريت تقبلى اعتذارى وبص لزين بغضب
زين. بتوتر أنا آسف
عزمى خلاص يا روان اقعدى
روان بضيق. قعدت وهى مش طايقه تبص ف وش زين
بقلمى إيمان المهدى
كليه حقوق القاهرة
بعد إنهاء الدكتور من المحاضرة خرجت كل ال ف المدرج وقبل خروج سارة سمعت صوت الدكتور بينادى بإسمها
سارة بإبتسامه. نعم يادكتور خير ف حاجة
زياد. لا والله مالك ياسارة. من امتى بتقوليلى دكتور
سارة الإحترام واجب يا برنس
زياد. لا انت بتقلبى ف ثانيه مش كنت دكتور بقيت برنس
سارة مش أنا يا بنى ال بقول دول الطلبه ال معجبين بالدكتور وبيقولوا برنس الجامعه
زياد برومانسيه والقمر بتاعى بيقول ايه
سارة. هو أنا اقدر اقول حاجة المهم يا زيزو أنا عصافير بطنى بتصوصو. ومفطرتش لسه
زياد. وخالتو ازاي نزلتك من غير كدا دا الفطار شئ مقدس عندها
سارة. اتسحبت من غير ما تشوفنى خوفت أتأخر على المحاضرة ودكتورى يعلقنى.
زياد. ولايقدر. دا أنا كنت علقتوا
سارة حرام. دا شاب بردوا وميرضنيش صورته تهتز قدام البنات. دا برنس الجامعه بردوا المهم أنا جعانه هتأكلنى ولا
زياد هأكلك بدل ما تفضحينا تعالى هو أنا ورايا غيرك
ف الكافتيريا.
سارة بترجع بظهرها لورا على الكرسى. اااه يانى. مبقتش قادرة اتنفس
زياد. ما هو انت خلصتى على سندوتشات الكافتيريا فلازم تتعبى
سارة. انت مستخسر فيا كام سندوتش يا زياد
زياد. لا يا اختى ياريت بعد الاكل دا بيبان عليكى يالا عشان متأخرش على خالتو
سارة انت رايح على القصر
زياد. أه مش عارف. نورى كلمتنى عايزانى اروحلها أنا وإياد وتقى.
سارة طيب أنا لسه عندى محاضرة روح انت لماما وانا هكلم السواق يجيلى
زياد. تمام
بعد انتهاء الإجتماع.
مراد. بيسلم عليه أكيد هندرس المشروع ونكلمك.
عزمى. اتمنى يكون ليا فرصة للشغل معاكم
سامح. أكيد. بإذن الله
استأذن عزمى وروان. وخرجوا من غرفة الإجتماع
مراد. زين. ايه ال عملته دا من امتى واحنا بندخل حياتنا الشخصية ف الشغل
زين بأسف. أنا آسف بس ايه علاقتها بحياتى الشخصية اتأخرت على الإجتماع وانا اتضايقت
أحمد. يعنى لو اى شخص غير روان ال انت مش طايقها بسبب ال حصل بينكم كنت تعمل ال عملته دا وبعدين هى فعلا متأخرتش
حسام. زين انا عارف أن بسبب ال حصل بينكم محستش بنفسك واتكلمت بالطريقة دى مع ان دا مش اسلوبك بس غلط تقلل من قيمة شخص او من شغله بالطريقة المهينه دى انت كنت مغرور جدا وانت بتتكلم
زين أنا بجد مكنتش اقصد يمكن فعلا بسبب مشاحنتى معاها عملت كدا ومتحكمتش ف نفسى
مراد. عشان كدا افضل تماما شغلك عن أي مشاعر تجاه أي شخص بلاش مشاعرك تتحكم فيك لانها هتخسرك كتير ف شغلك
زين. حاضر وبعتذر أكيد مش هيتكرر الغلط تانى
أدهم. طيب تسمحلولى اروح اخلص باقى الأوراق أنا وزين بعد إذنكم وغمز لزين مش يالا. ورانا شغل وانت سايبنى مسحول لوحدى
خرج زين مع ادهم واتجهوا لمكتب ادهم
أدهم ايه رأيك هعزمك على نفسك فيه. عن ماحد حوش
زين لا كريم اوووى
أدهم تنكر. يابنى أنا أبو الكرم كله ويالا شوف عايز تشرب ايه
دخل يوسف الله ادهم هيعزمنا
أدهم هو للدرجاتى سمعتى وحشه كدا
زين جدااا
أدهم طيب اطلبوا وانا تحت امركم
يوسف وحياتك واحد نسكافيه ومعاه كام سندوتش
زين أه والنبى بس أنا واحد قهوة مع السندوتشات
أدهم. ولا أنت وهو انتوا اخركوا تشربوا وبس. انما سندوتشات دى انسوها. أنا عايز اتجوز يا اخ أنا قربت ابور واعنس
يوسف. لا ما هو انت فعلا عنست يا أدهم
أدهم طيب مفيش نسكافيه وأخرك كوبايه مياة ومش معدنية كمان
يوسف. بهزار تصدق ان أنا هقفلك ف الجوازة دى
أدهم لا بالله ال انت عايزة هجبهولك
زين. هههههه حرام عليك يا يوسف
أدهم. لو عملتوا ال هقول عليه والله لأعزمكم برة وف المكان ال تحبوه
يوسف اشطا بقا
زين. طلباتك
أدهم. عايز أشوف نور واتكلم معاها بعيد عن القصر فيه كلام كتير لازم اوضحه ليها قبل ما تقدم
زين. بس يا أدهم. انت عارف لو نورى عرفت ايه ال هيحصل
أدهم. أنا هكلمها وأستأذنها وانتوا هتكونوا معانا بس رجاءا محدش يعرف بالمقابلة غير انتوا وطنط نور. لان مش عارف نتيجه المقابله دى او رأي نور بعدها هيكون ايه
زين. ماشى. تحب امتى
أدهم لو النهاردة يبقى تمام
زين. تمام كلم ماما نور واستأذنها وانا هجيب نور ونقابلك
خبط معتز ودخل. ايه ياشباب الإجتماع خلص
أه ياسيدى ما انت ولا هنا شغلك ف الحسابات ومريح دماغك
معتز أه. نقكوا دا ال جايبنى ورا المهم هى روان جات مع باباها
زين وانت ايه عرفك ان روان جات
معتز. أنا عارف ان روان هى المدير التنفيذى للشركة الشاطر
زين وانت بقا ايه عرفك
معتز ماما ياسيدى اخدت رقم روان وكل يوم تكلمها. وتقريبا عرفت عنها كل حاجة. وبالصدفة عرفت وانا بتكلم مع ماما
ادهم. مالك يامعتز مش ملاحظة أنك مهتم براون
معتز أبدا والله عادى جدا هو كل ما ف الأمر ان ماما اتعلقت بيها وهى مش شايفاها غير مرة واحدة ودائما تقولى
لو روان توأمك كانت موجودة كانت هتبقى زي روان اما بس عايز كلما تبقى مبسوطة وبحس بكدا لما بتكلم روان وانا كمان
زين بضيق هو مش فاهم سببه انت كمان ايه
معتز. أنا كمان برتاح جدا لما بتكلم عنها مع ماما. احساس كدا مش قادر افهمه
يوسف شكلك طبيت يابنى من أول نظرة
معتز. أنت بتقول ايه يا بنى لأ مش كدا خالص أنا متأكد مش هو دا الحب ال أنتو عارفينه. بصوا أنا مش عارف مشاعرى اقولكم فككم منى
ف القصر. كانت نور مجتمعه داخل جناحها بزياد وإياد وتقى
نور هااا يا ولاد ايه رأيكم
زياد. كلام مفهوش أي حاجة تضايقينا بالعكس احنا عايزين بابا وماما أميرة يكونوا مبسوطين هما الإتنين قدموا لينا كتير
إياد. ماما أميرة. كانت ونعم الأم من بعد وفاة كانت الله يرحمها. وفضلت جمبنا دايما واحد اليوم. ودا أقل حاجة ممكن نقدمها ليها هى وبابا بعد العذاب ال عاشوه
نور وانت يا تقى. ايه رأيك
تقى والله ياطنط نور أنا طول عمرى وبابا خالد هو اب ليا أنا مفتكرش بابا غير بالصور ومعرفش معنى الأبوة غير من بابا خالد قدملى كل ال بيقدمه الأب لبنته
نور. يبقى تمام. دلوقتى نتفق. انتم ومعاكم مراد وسهى. لازم يكون ليكم تأثير ف ان خالد وأميرة يتقربوا من بعض ويقرروا يتزوجوا
زياد. صعب جدا بابا يوافق. وكمان ماما أميرة
نور أنا عارفة بس لو كل واحد ضغط عليهم من ناحية. أقل ما يمكن هيفكروا ف الموضوع بشكل إيجابى أنا متأمله خير
إياد. بإذن الله خير
الباب خبط. وكانت سارة. الإجتماع المغلق انتهى ولا اخدها من قصرها واطلع برة
زياد. لا خلاص انتهى. بعد إذنك يا خالتو وهنعمل ال اتفقنا عليه
نور طيب استنونى برة أنا ورقيه خمس دقايق
خرجت سارة وإياد وزياد. لبرة. سارة بمرح زيزو عايزاك ف موضوع مهم.
إياد طيب أنا ف الجنيه تحت
سارة. بيفهم إياد زياد مش أخويا
سارة ماشى ياسيدى المهم اسمعنى فاكر الشاب ال شوفته قبل كدا وقلتك ان عجبنى
زياد بضيق. لأ مش فاكر
سارة بلاش غلاسه بقا يا زيزو. الشاب ال عيونه زرقه وشعره أشقر المز الحليوة.
زياد. بقا دا مز وحليوه دا اخرك ف جمال الشاب شعرة للأشقر وعيونه الزرقا
سارة افتكرته يعنى وبعدين متنكرش دا قمر
زياد بغيظ منها. ماله ياسارة
سارة. كلمنى النهاردة وانا ف الكافتيريا
زياد بغضب. نعم يا اختى
سارة فيه ايه يا زياد هتفضحنا.
زياد. ازاي يعنى تقفى مع واحد زي دا لا يعرفك لا تعرفيه
سارة. لا ياسيدى أنا اعرفه بحثت عنه ف السوشيال ميديا وعرفت عنه كل حاجة وانه عايش برة طول عمره ولسه نازل مصر بقاله سنه بس
زياد. والأستاذ دا بقا كلمك كان عايز منك ايه
سارة. بخجل بيقولى ان عجبته وكدا
زياد. بغضب وانت ازاي تسمحيله بكدا
سارة. ايه اسمحله دى يا بنى أنا مصدقت ان اخد الله منى بصراحة بقا أنا كمان معجبه بيه جدا وشكلى كدا بدأت احبه
زياد مكنش شايف قدامه شويه كلامها كان بيوجعه ازاي كل دا
ومش حاسه بيه وشايفاه بس صديقها كان نفسه يصرخ فيها ويقولها قد ايه معندهاش احساس سابها ونزل وسارة بتنادى عليه.
سارة زياد فيه ايه احنا مكملناش كلامنا
زياد بهدوء معلش ياسارة لازم امشى لان حاسس بشويه صداع دلوقتى ونتكلم بكرة
سارة بعدم فهم. ماشى يا زياد بس طمنى عليك
زياد بصلها وبين نفسه ليه تعملى فيها كدا ومشى من غير ولا كلمه
سارة استغربت نظرته ليها ماله زياد. غريب اوووى النهاردة مع ان الصبح كان طبيعى
نزل زياد من القصر وصل لعند إياد
إياد استغرب شكل اخوه فيه يابنى مالك
زياد عايز امشى من هنا يا إياد
إياد مالك يا حبيبى كنت كويس
زياد بس لتوأمه بدموع بتحبه يا إياد وبدموع وانا. أنا ولا فارق معاها
ف أحد المطاعم ف وسط البلد. كان يوسف وزين ونور وأدهم بياكلوا وسط هزارهم وضحكهم ونور ال كان محروجة جدا من أدهم بعد انتهاءهم طلبوا عصير وزين ويوسف. قاموا
نور. رايحين فين. انتوا طلبتوا عصير
زين. أه هنشرب بس على الترابيزة ال جمبكم
نور. ليه يازين
يوسف. مافيش يا حبيبتى احنا هنا جمبكم
نور. أنا مش فاهمه حاجة
أدهم. نور أنا عايز اتكلم معاكى وهنا هيقغدوا جمبنا. ومتقلقيش أنا استأذنت من طنط نورى
نور فهمت سبب العزومه الغريبه
ادهم. نور. بصراحة بقا ومن غير مقدمات. أنا. أحم. أنا بحبك اوووى يا نور
نور. بتوتر وخجل وشها جاب الوان
أدهم انت عارفة ان بحبك من سنين من واحنا اطفال وانا مش
شايف غيرك ولا عايز غيرك. وسبب تاخير كل دا هو أن امكانياتى وظروفى مكنتش مساعدة ان
افتح معاكى او مع عمى مراد موضوع زواجك كان عند خوف من ان أقرب خطوة. خائف اترفض خائف أخسرك خايف الامل ف أنك تكون
ليا يتبخر. بس بصراحة ال حصل من يومين خلانى اقرر ان اتكلم لان حسيت ان ممكن تكونى لغيرى ودا ال مقدرش استحمله
نور كانت بتسمعه وقلبها بيرقص من الفرحة كان نفسها تقوم تتنطط
وتقوله أخيرا نطقت يا أدهم أخيرا قولت انك عايزنى وبتحبنى
دا حلم أنا مش قادرة استوعب او اصدق ان بيتحقق
أدهم. نور نور. روحتى فين
نور أنا معاك سمعتك يا ادهم
أدهم. أنا عايز أسمعك يا نور تقبلى تتجوزينى تكون شريكة عمرى ال جاى. كله
نور بفرحه وبإبتسامة أنا أنا أصل
أدهم بحب انت ايه عارف أنك مش هتقدرى
تتكلم لان فاهمك كويس طيب هو انت ممكن بس تقوليلى موافقه اتقدملك
نور هزت دماغها بأه
أدهم بسعادة داخليه كان قلب طاير من الفرحة لان الجميلة دى تبقى حبيبته
ادهم. نور أنا عندى شرط واحد عشان نكون مع بعض لواه هتقدملك فورا ولا لأ وسكت
نور بزعل ازاي يكون فيه شروط الحب والزواج ايه هو الشرط يا أدهم
أدهم .....