رواية عاصفة القدر الجزء الثالث مقدر لنا اللقاء
الحلقة الثالثه
بقلم إيمان المهدى
على طاولة السفرة إجتمع الجميع يتناولوا الغداء
ف جو من الفرح. والسعادة.
واجتمعوا جميعا ف جنينه القصر
نورى كان فيه موضوع كدا عايزة اقولكم عليه
مراد. خير يانورى
نور. انا عارفة أن كلنا عيله واحدة وبتحبوا نور عشان كدا عايزة اخد رأيكم في الجمعة الحلوة دى
مراد من امتى وانت عندك المقدمات دى كلها. قولى يا نور ال عايزة تحكيه
نور بصت لبنتها بحب وقامت وقفت جمبها بنتى الغاليه جالهاعريس يبقى ابن دكتورة صحبتى وهى ست اخلاقها عاليه جدا ومرئيه ابنها احسن تربيه وماشاء الله الولد بصراحة ميتعيبش. وغمزت لإبنتها هيثم يانور ما انت تعرفيه وشوفتيه قبل كدا لما جيتيلى المستشفى
نور وهى متغاظه من مامتها هى متعرفش ال اسمه هيثم دا اصلا هي تسمع عنه وبس اه يا ماما اعرفه
مراد. وانتى ايه رأيك يانور الشاب دا عاجبك فعلاً
نور بصت لمامتها أنها ازاي ورطتها كدا . نور مش عارفة تقول ايه أسأل ماما يابابا بعد اذنكم هكمل شغلى
الكل فكرها مشيت لأنها محرجة زى اي بنت بيتقدملها عريس بس نور هربت لانها مش لاقيه رد حتى لما بصت على أدهم ملقتش منه أي ردت فعل وكأنه مش شايفها اصلا للحظه شكت أنها متهموش ولا هى على باله اصلا
أحمد. لو كان كدا والشاب مهذب فعلا زي ما بتقول. يبقى على بركة الله
مراد استنى يا احمد بس والتفت نور. انت قدرت تقنعى بنتك. انت عارفة أنها كل ما يجيلها عريس بترفضه ومن غير سبب كمان
نور سيب بس الموضوع عليا وانا هقنعها هى اصلا بتثق ف رأيى. وانت يامحمد ايه رأيك
محمد. اهم حاجة رأي نور الأول بس قبل حاجة لازم نسألعلى الشاب الأول
نور. ايه رأيك. يا مراد لو أدهم وزين سألوا عنه بطريقتهم هو بردوا بيشغل ف شركة محاسبه كبيرة
مراد. واشمعنا أدهم يعنى
نور انا قولت أدهم وزين الإتنين ف مقام اخواتها وبعدين هما العاقلين ال ف القعدة دى. ولادة يازين
معتز مش واحدة بالك يا عمتو أنك بتكررى جمله أنهم العاقلين ال ف العيله
نور. تنكر يامعتز انهماعقل اتنين
إياد انت تقصدى أن احنا مجانين ياخالتو الله يسامحك
خالد. والله خالتك عندها حق أهو انت ف كائن طيب واخوك معيد ف الجامعة ولسه للنهاردة مجانين مش عارف ناوين تعقلوا امتى
أميرة مالكش دعوة بينهم ياخالد ولادى مفيش اعقل منهم
زياد حبيبتي يا ميرو تسلميلنا يارب وتفضلى تدافعى عننا دايما
تقى أه يا سيدى ما هي تدافع عنكم وانا لأ
إياد. كفايه عليكى بابا مش مخلى حد فينا بيقدر ياخد معاكى حق
خالد عندك مانع
إياد لا يا باشا احنا آسفين وقرب من أميرة يخليكى ليا يا ميرو ياقمر.كان عايز يغيظ تقى
نور كانت بتبص عليهم وفرحانه بأميرة ال احتوت ولاد اختها
أحمد هتفضلوا مجانين دايما من وقت ما كنتم عيال كنتوا مطلعين عين سارة معاكم
الكل سكت فجأة والحزن اعتلى وجوههم
مراد. مال على احمد ال قاعد جمبه وقت كلامك دا ما بنصدق ينسوا وينبسطوا شويه
أحمد. والله ما اقصد يامراد
نور بزعل الله يرحمها ويرحم أبوينا ويلحقهم بالصالحين
الكل امن وراها آمين
نور حبت تغير من الجو تانى هااا ياولاد قلتوا ايه ف موضوع العريس
زين حس أن ف لعبه من نور بس حب يجاريها لحد ما يفهم. ولا يهمك ياحبيبتي انا وأدهم هنجيب قراره
نور. هااا يا ادهم اخدمنى يا بنى انا عارفة انك عاقل وهتقدر توزن الأمور وتعرفلى إذا كان الشاب يليق بنور وينفعها ولا لأ
أدهم. بدون اي ملامح. حاضر يا طنط نور. هعمل ال انت عايزاه بعد اذنكم
عبد الرحمن. بشك رايح فين يابنى
أدهم. جاااى يابابا معايا بس معايا مكالمة تخص الشغل
اقترب زين من نور. قوليلى ياعمتى ايه اللعبة عشان اقدر اساعد وانا فاهم
نور. عايزة الحيطة ينطق
زين. تقصدى ادهم
نور هو فيه غيره
اقترب. معتز. منهم ما هو ياتقوليلى ايه الحوار يا اما هعرفه بنفسى وساعتها هخربها
نور اسكت ياولا هضيع الدنيا
معتز اعرف ايه الحوار الأول
زين اقول له نور سمحتله. زين. طيب تعالا معايا واتسحب هو ونور ومعتز بعيد كام خطوة عن الكل بس محدش لاحظ
معتز هااا ايه الحكايه بقا
زين. بص ياسيدى. وقبل ان يكمل هااا وبعدين ليتفاجأ الثلاثه بالتوأم يقف ورائهم
نور. الله يخربيتكم هتفضحوا الدنيا ايه ال جابكم
زياد ال جابنا جاب معتز يا خالتوو
نور يخربيت خالتكو عايزين ايه دلوقتى
إياد. نفهم. ايه الحوار.
نور بتنهيده قعدت على المرجيحة والشباب محاوطينها. بس ياسيدى بقى الأهبل ال واقف هناك دا وشاورت على أدهم
ليرد من خلفها سليم. بس ادهم مش الهبل ياماما دا العاقل ال فينا. نور. انت جيت انت التانى. طيب أسكت يا اهبل ومتقطعنيش
عدى ماتسكتوا بقا وسيبوا نورى تكمل.
معتز سيبك منهم ياعمتو وكملى
نور. من الأخر كدا. العاقل دا. عايزاه يتجوز العاقله الغلبانه ال قاعدة لوحدها هناك
الشباب بصوا تجاه نظر نور ليجدوها تتحدث عن نور
زياد انت مش لسه جايبه لنور عريس وتقريبا عاجبك
معتز. أسكت يا اهبل دى أكيد خطة من نورى
نور ومسكته من خده. حبيبى عمتو العاقل وبصت لزياد صح كدا يا اهبل زي ما قالك معتز. خطه عشان عايزة أدهم ينطق ويقول ان بيحبها وعايزها
سليم. أنا مش فاهم هو الولا دا عبيط. ما كلنا فاهمين ان بيعشق نور من وهو صغير ليه ساكت لدلوقتى
نور عشان عبيط زي ما قولت وفاكر ان ممكن نرفضه لانه شايف انه أقل من نور بسبب المستوى المادى
معتز. حقيقى ياعمتو ادهم شخص عزيز النفس جدا وكمان عصامى أنا اسمع انه من وقت دخوله الجامعه لحد ما بقى اهم واحد ف شركة آل سليمان مخلاش عمو عبد الرحمن يصرف عليه جنيه واحد دا غير انه مستحيل تلاقيه بيدلع نفسه ويلبس أحسن ماركات دايما يقولى أنا محتاج كل قرش عشان اقدر اشترى بيت واتجوز ولما اقترح عليه مساعدة باباه يقولى أنا مش محتاج حد يساعدنى وانا هكون نفسى
زين بالرغم من كدا الا انه جنتل كدا ف نفسه ومهتم بنفسه وبأقل التكلفه
إياد بس دا تقريبا 35 سنه
زين فعلا هو أكبر منى أنا ونور بخمس سنين
نور عرفتوا ليه بقا بتكلم دلوقتى لان عرفت ان اشترى شقه. ولو فضل اكتر من كدا بنتى الهبله دى هتعنس
دى بقت 30 سنه ورافضه الجواز بسببه. اتصرفوا بقا واعملوا حاجة
زين. بس يا ست الكل لو عرف ان مفيش عريس ولا حاجة واكيد هيسأل عليه وهيعرف أنك كذبتى
نور بس متقولش ان كذبت. أنا فعلا الشاب مامته كلمتنى وقولتها ان نور رافضه أي ارتباط الا بعد ما تقدم لوحاتها ف
المعرض لان دا حلمها ومش عايزة حاجة تأثر عليها واتفقنا ان نرجع تتكلم بعد انتهاء المعرض
سليم. تمام كدا دورك خلص يا مامى وجه دورنا سيبينا بقا نسوى أدهم على الهادى
نور بس مش ع الهادى اوووى أنا عايزة اخلص وافرح بقا الا ما واحد فيكم يافشله فرحنى بعروسه حلاوة حتى وجيه قالى هقطع شراينى لو مجوزتناش يانورى
زياد بصراحة أنا هموت يانورى بس شويه واتكلم أصل عروستى لسه صغننه بفيونكات وبتاكل مصاصه لما تدخل ف مرحله الشيكولا اتكلم وكان ينظر لسارة ال قاعدة وسط البنات بفيونكاتها وسلوبت الأطفال
نور. عينك يا ولا دى بنتى وبعدين نخلص من الكبار الأول
سليم. بيبتسم وينظر لزين أحم احم صباحو يازين.
زين بغيظ قصد مساؤا يا اخ
إياد. وانا يا نورى والله هموت واتجوز ومليش فيه عروستى كبيرة صغيرة أتصرفى أنا عايزها وكلمتك اكتر من مرة وانتى مطنشه حبيبك على الآخر
نور. مش مطنشه بس ف موضوع مهم لازم افتحه معاك انت وزياد قبل ما اكلم خالد على رغبتك ف جوازك من تقى. غير ان أميرة مش عارفة هتوافق انك تتجوز تقى وهى لسه بتدرس ولا لأ
زياد. خير يا خالتو موضوع ايه. المهم
نور مش وقته ولا مكانه يومين كدا واكلمكم اقولك على بيدور ف دماغى
دخلت عليهم سلمى. هو أنا تقريبا كدا عارفة انتوا بتحكوا على مين
معتز احمد ابدا يا طنط هنكون بنقول ايه بس
سلمى على طنط يامعتز.ماشى يعنى مش بتقطعوا ف فروة الأهبل ابنى ال هناك دا
نور طنط سلمى عارفة كل حاجة وهتموت وتجوزهم بس الغلبانه مش قادرة على ابنها. فقالت تستعين زي بصديق.
إياد ونعم الصديق دا احنا هنجنه على الآخر.
زياد يومين اتنين بس وهنجبهولكم بيستنجد تلحقوه وتجوزه
سلمى نور هما المجانين الخمسه دوول ناووين على ايه لإبنى
نور كل خير يا سلمى كل خير يا حبيبتى تعالى نسيبهم يخططوا واحنا كمان كل واحدة تخطط لجوزها من نحيتها وقامت كل منهم قعدت بجانب زوجها
سليم. هاااا استعنى على الشقى بالله ايه الخطه يا شوباب أنا هموت والبس بدله ف فرح حد
عند نور كانت قاعدة ف مكان هادى ف الجنينه
اقترب منها أدهم بعد إنهاء مكالمته اتنحنح بهدوء
نور.بسعادة داخليه أدهم. خير
أدهم. لا ابدا بس المكان هنا هادى شويه وانا كنت بعمل مكالمه اخدت بالى أنك لوحدك ومندمجة ف لوحاتك. عندى فضول اشوفك بترسمى ايه
نور. وايه رأيك ف الرسمه
أدهم انتى عارفة رأيى من سنين انت موهوبه يانور ورسوماتك كلها معبرة
نور ميرسى يا ادهم كلامك بيشجعنى والفضل ف دا كله ماما نور من حبها ف الرسم. حبيته وطلبت تعلمنى لحد ما بقا الرسم شئ مهم ف حياتى
أدهم هى حقيقى ام بمعنى الكلمة طنط نور عمرها ما فشلت تكون ام مثالية دا غير روحها الحلوة واحتوائها للكل
نور دا حقيقى فعلا
أدهم هو معرضك امتى
نور. بعد اسبوعين. وبصراحة مرعوبه
أدهم. اياكى تخافى خليكى عندك ثقه انت قدها يانور
نور ياااه يا أدهم مش فاكرة آخر مرة كلمتنى كدا ازاي دايما كنت بتشجعنى. ان اثق بنفسى انت ليه بعدت كدا ساعات بتمنى ان ياريتنا ما كبرنا وكنا بقينا صغار عشان تفضل جمبى
ادهم. بتوتر. طيب أنا هسيبك تكملى رسمك وهروح اكلم زين ف أمور الشغل بعد إذنك
نور.بحزن ف نفسها لحد امتى يا ادهم هتفضل ساكت وانا لأمتى هفضل مستنيه تتكلم
فيلا عزمى الشاطر
روان الله الله يا داداه عزيزة. أنا اكلت النهاردة اكل الأربع سنين ال فاتوا
عزيزة بألف هنا لقلبك ياحبيبتى
عزمى. هااا ناويه تكملى يومك نوم ولا تيجى نخرج
روان بزعل للأسف يا بابا لا دا ولا دا لانة عندى مشوار مهم
عزمى. مشوار ايه انتى لحقتى
روان متضرة يابابا أصل ركبت ف الطيارة جمب شاب ثقيل رخم فضلنا طول الوقت نتخانق وبردوا اتخانقتا ف المطار واحنا بناخد الشنط والبارد اخد شنطتى بدل شنطته لانهم متشابهين فلازم اروح واجيب شنطتى
عزمى مش هقولك اتخانقتى ليه معاه عشان عارفك كل سفريه لازم تتخانقى مع واحد من الركاب او المضيفات
روان افتكرت المضيفه وضحكت
عزمى طيب اسمه ايه وجبتى عنوانه منين
روان اسمه كان على الشنطه. زين أحمد فايد سليمان
ولقيت اوراق مكتوب عليها اسم شركة ورقم تلفوناتها كلمتهم وسألت على اسم زين دا وعطولى العنوان.
عزمى. بشك اسم الشركة ايه
روان. آل سليمان
عزمى معقول دى مجموعة شركات آل سليمان أكبر مجموعة ف الشرق الاوسط. دا أنا بقالى شهر يحاول اخد ميعاد من السكرتيرة عشان أقابل المدراء واعرض عليهم ثفقه مشروع شرم ال كلمتك عنه
روان وليه يابابا ما المشروع احنا نعمله
عزمى قولتلك محتاج شريك ولازم شريك يكون مهم ومميز المشروع كبير وانا ميزانيه شركتى مش هتستحمله
روان ليه تذل نفسك ليهم ما دام مش عايزين يقابلوك
عزمى يابنتى الشركة دى سمعتها كويسه واصحابها ناس محترمين. واكيد تأخيرهم مش بإيديهم. وبعدين ميعادى بعد يومين معاهم
روان تمام يابابا وانا هكون معاك ولو العرض معجبنيش هرفض
عزمى هو احنا شوفناهم ووافقوا ياروان قولى انتى بس يارب المشروع دا يكمل لانه هيعلى من رصيد شركتنا واسمها هينافس أكبر الشركات ال بحجم آل سليمان
روان تمام يابابا مش يالا بينا نطلع البس ونروح نشوف حوار الشنطه دى
مراد كان قاعد جنب نور قرب عليها عايشه حياتك انت مع الولاد ونسيانى
نور ولا اقدر أنساك لحظه وحدة ياقلبى بس أنت عارفهم لازم كل ما نتجمع يجوا ويقرفونى بحواديهم ال على قلبى زي العسل
مراد. تمام بس على فكرة منسيتش حوار انهم كلهم بينادوكى وبيدلعوكى
نور ياحبيبى بتغير من ولادك وولاد اخواتنا
مراد أنا بغير عليكى من لبسك وبعدين محدش يدلعك غيرى ولا يقولك حبيبتي الا أنا
نور مش ناوى تتغير ابدا
مراد وانتى عايزانى اتغير
نور تؤتؤ انت كدا عاجبنى بغيرتك وحبك
مراد بغمزة ماتيجى نسيبهم ونطلع أصل بصراحة تعبت من القعدة ال تقطم الظهر دى
نور. مراد اقعد وانت ساكت وبلاش فضايح الولاد عينهم علينا ....