رواية عاصفة القدر الجزء الثالث مقدر لنا اللقاء
الفصل الثاني عشر
بقلم إيمان المهدى
مر أكثر من اسبوعين
زين كان تجنب أي لقاء يجمعه بروان مجرد ما بيشوفوها مع معتز بيضايق
زياد كان مستغرب تصرفات سارة وانها مبقتش تحكي تفاصيل يومها زي ما اتعود دا غير ان بقى بيشوفها ف الجامعة بالعافية
سارة كانت بتتقابل كل يوم بطارق برة الجامعة وتجاهلت تقول لزياد
معتز طول الأسبوعين وهو بيحاول يعرف معلومات عن روان. وعزمى الشاطر
ف مكتب مراد. استأذن معتز ف الدخول
مراد تعالا يا معتز
معتز. صباح الخير ياخال
مراد صباح النور. ف أي جديد بخصوص روان
معتز. كل ال اعرفه ان زوجة عزمى الشاطر. كانت مريضة قلب وف حاله متأخرة وكان يصعب عليها الحمل والولادة. والدكاترة حظروهم من كدا. وفعلا فضلوا مع بعض سنين بدون خلفه.
مراد. طيب وروان ايه حكايتها
معتز حاولت اجمع معلومات من المستشفى وعرفت ان مراته اتوفت بعد خطف روان أختى بشهرين
كان لازم افهم هو قال ايه للناس عن ولادة روان وانها بنته ازاى. ومراته مينفعش تخلف معرفتش اخد أي معلومة من ال بيشتغلوا ف الفيلا. بس الفيلا المقابلة ليهم البواب بتاعها بيحب المادة عطيته مبلغ وحكالى ال يعرفه
فجأة الكل اتفاجئ بعزمى ان مراته خلفت بنوته ومحدش يعرف امتى كانت حامل او امتى ولدت بنتها
بعد شهرين مرات عزمى اتوفت
مراد تفتكر احنا شكينا على الفاضي وممكن تكون السلسلة مجرد صدفة
معتز لا يا خالو روان أنا متأكد انها أختى الوقت ال قال ان زوجته خلفت كان تقريبا ف نفس الوقت ال أختى اتخطفت فيه فرق أقل من شهر. غير كدا أنا اتأكدت من الجيران ان مفيش حد شاف مرات عزمى وهي حامل والطفله ال شافوها كانت أكبر من انها تكون حديثة الولادة دا لان روان كان عمرها قرب من خمس او ست شهور غير ان مستحيل مرات عزمى تكون عايشه بعد ولادتها بشهرين بسبب سوء حالة قلبها المتدهور
مراد ممكن توقعاتك تكون صح بس بردوا مش تأكيد
معتز كنت متأكد انك مش بسهولة هتصدق
مراد يابنى أنا مصدق ونفسى فعلا تكون دى بنت أختى وتوأمك بس لازم دليل يثبت كلامنا احساسك لوحده مش كفايه
معتز ميهمنيش اكتر من كدا عشان اتأكد انها توأمى
مراد طيب احنا شبه متأكدين انها روان توأمك. فين دليلنا على كدا طيب هنقول ايه لروان نفسها أبوكى مش أبوكى وخاطفك من سنين. مع ان متأكد ان عزمى الشاطر راجل محترم
وميعملش كدا دا غير ان كل ال معانا هى السلسلة ال كتير ممكن يعملوا زيها. يا بنى اعقلها. ازاي نثبت انها توأمك. ومفيش دليل غير مشاعرنا
معتز. إحتمال كبير يكون عزمى لقاها او الخاطف رماها ف أي مكان وسابها ولما شاف السلسلة سماها على اسمه بنفس الإسم.
مراد تفتكر فيه خاطف هيسيب طفله لابسه سلسلة دهب ومزخرفة بحبات الألماس ويرميها. ما أظنش أكيد ف حلقة مفقودة
معتز ال يهمنى ان اثبت ان روان أختى وكدا مفيش غير حل واحد وهو ان اعمل تحليل دى ان اى لروان قبل ما اتكلم ف اي حاجة ودا سهل.جدا واقدر اخلى ماما أحصل على شعره منها
مراد. لحد ما نتيجه التحليل تطلع محدش يعرف ولاحتى محمد باباك لو عرف هيتهور. وهيبوظ كل حاجة
معتز حاضر يا خالو.
########################
ف بيت خالد وأميرة استقبلهم اولادهم بفرحة وسعادة
إياد كدا بقا اقدر اتكلم بقلب
خالد تتكلم ف ايه
إياد اظن دكتور زيي قد الدنيا وملتزم وتربيه خالد باشا
وأنيرة هانم فأكيد على خلق. يبقى ايه ال ناقصه
أميرة ايه
إياد. يتجوز ياميرو وقرب منها وباس ايديها بالله جوزونى بدل ما اتجوز على نفسى
خالد بغمزة. ولقيت العروسه ولا تحب ندورلك
إياد. تدورلى ايه بس أنا عروستى موجودة من سنين وبص لتقى وغمزلها
أميرة بإبتسامة. مين هي يا إياد
إياد. ايه بس ياميرو ما انت عارفة الليله كلها. ابوس إيدك جوزهالى
أميرة. والله سيبنى افكر ايه رأيك ياخالد
خالد بضحك. أه اظن شويه تفكير مش هيضرو
إياد لا هيضرونى وبعدين هو أنا مش ابنكم ولا لاجئ
الكل ضحك على إياد. وقرب منه زياد يابنى اهدى. هيجوزهالك. بس مش لما ناخد رأي العروسه الأول. هااا أي رأيك. يا توته
تقى سكتت وابتسمت بخجل
إياد اهى ضحكت يبقى موافقه.
خالد ايه الإستعجال دا يابنى.
أميرة. خلاص يا إياد. هتكلم أنا وبابا ونشوف يوم مناسب لتحديد الخطوبه
إياد خطوبه ايه بس يا ميرو انت توافقى بنوتك تعيش مع خطيبها ف بيت واحد بردوا. ماتخلوها كتب كتاب بالمرة.
أميرة انت ياولد أنا مش مرتحالك
إياد متقوليش كدا يا ميرو دا أنا تربيتك. بس بجد. مكتب الكتاب والفرح بعد كام شهر تكون تقى خلصت امتحانتها اظن دا الصح ولا ايه
خالد الواد دا هياكل بعقلنا حلاوة
إياد. لا متقولش كدا يا خالود
أميرة. مبروك يا حبايبى
إياد. بفرحة. طيب ازرغط ولا ايه أميرة هانم رضيت عنى
أميرة. على فكرة ابنك مجنون
خالد. دا الطبيعى يا حبيبتي
زياد. مبروك. يا إياد مبروك يا توته
تقى. ربنا يخليك يا زيزو
إياد. عقبالك يا حبيبى
زياد بتنهيدة وفكر ف سارة وتغيرها . يارب.
##########################
معتز أتصرفى بقا يا ماما لازم اخد عينه اوديها تتحلل عشان نرتاح ونتأكد
مايا حاضر يا حبيبى هتصرف ان شاالله اروح لها الشركة بس يارب يطلع احساسنا صح
معتز ان شاء الله يا ماما بس أنت قولى يارب
مايا يارب الجبر بخاطرى
دخل محمد عليهم فسكتوا فورا
محمد. بإستغراب. مالكم الأيام دى كل ما ادخل تسكتوا ومتكملوش كلامكم. من امتى واحنا بينا اسرار
مايا كان صعبان عليها زوجها كان نفسها تحكيله بس خافت ان تكسر قلبه لو ظنها هي وابنها خاب وامله يضيع ف وجود بنته
معتز مفيش يابابا بنتكلم عادى مفيش حاجة معينه
محمد. انت شايف كدا براحتكم مش هجبركم تحكولى. على حاجة. لان متأكد انك هتيجى وتقولى
معتز. ماشى. يا بابا المهم زياد كلمنى وموافق ان يبدأ شغل معاك ف المكتب وهيجى يقابلك بكرة
محمد. طيب كويس زياد شاب طموح واكيد وجوده ف المكتب. هيكون داعم ليه ف تحقيق حلمه
###########################
أدهم ونور كانوا بيجهزوا شقتهم
نور والبنات كانوا بيختاروا فساتين ليهم
نورى هتفضلوا كتير كدا
نور ماما أنا مش عارفة اختار أي حاجة ومحتارة
نورى متحتاريش ياقلبى فستانك جاهز ومتأكدة هيعجبك بس مش هتشوفيه غير يوم الفرح
سارة مينفعش ياماما لازم نور تشوفه وتقتنع بيه كمان دا غير لازم يتاخد مقاستها
نورى خليكى ف حالك يا قردة هانم وبصت لنور هتيجى بنوته مصممه هتاخد مقاساتك كلها عشان تظبط الفستان عليها. وصدقينى متأكدة ان هيعجبك
نور. أكيد يا ماما انا متأكدة أي حاجة زوقك بتعجبنى بس أدهم هيرضى أنك تجبيلى الفستان
نورى متقلقيش أنا كلمته وهو وافق لان دا هديتى لبنتى ومش بس كدا الحفلة كمان أنا ال عملها
نور معقول ادهم وافق
نورى طبعا هو يقدر يرفضلى طلب
نور ربنا يخليكى ليا ياماما
نور ويخليكى ليا ياقلب ماما
خرجوا الكل للجنينه واتجمعوا كانت عليه ادهم موجودة وبيتفقوا على على ترتيبات حفلة الزواج
سليم اقترب من مامته. ماما. ما تطلبيلى منه بما انكم متجمعين
نورى. مينفعش لما اكلم بابا الأول
سليم انت عارفة أنت بابا موافق وعارف ان عايز اتجوز منه
نور مش وقتها يا سليم سيبنى اتكلم مع بابا الأول
سليم. بزعل ماشى ياماما اما اشوف اخرتها
####################
ف مكان آخر كان طارق بيتكلم مع شاب. وبيديله صورة لسليم مراد
الشاب. هو دا
طارق. تخلصنى منه. قطع ف فرامل عربيته مش عايز يتعرف انها مدبرة
الشاب. تحت أمرك ياباشا. كان يوم ويوصلك خبر نعيه ف الجرائد
طارق. بخبث. نهاية عيلتك على إيدى يا مراد باشا
الرواية حصرى على حكآيآت إيمى ... ومكتبة الروايات
###########################
مايا راحت لروان الشركة بحجة انها كانت قريبه من هنا ودا زاد من استغراب روان بس هي بتحب تشوف مايا
مايا قدرت تاخد خصله من شعر روان وهى بتحضنها.
بعد اسبوع كانت نور كلمت مراد ف طلب سليم ومراد كان مرحب وبالفعل راحوا وطلبوا منه ورحب عبد الرحمن وسلمى وادهم بالموافقه وحددوا الخطوبه يوم فرح أدهم ونور
خلال إجتماع الكل وانشغالهم ف التحضيرات الفرح والخطوبه
معتز بعد ما عرف ان الكل موجود ف القصر
كان بيجرى زي المجنون والدموع نازله من عيونه وبينهج اتكلم بصعوبه
نتيجة التحليل ظهرت
الكل بإستغراب مش عارفين بيتكلم عن ايه
مايا ومراد. قربوا منه
مراد النتيجة ايه
مايا بدموع طمنى يا بنى
معتز. بفرحة. النتيجة ايجابيه يا ماما. هي يا خالو
الكل بيبص لبعضوا ومستغربين الحاله ال فيها مراد ومايا ومعتز. نور. انتوا بتتكلموا عن ايه
قرب معتز من محمد. روان تبقى أختى يابابا توأمى
مايا اغمى عليها من فرط الفرحة ال هي فيها
تحت صدمة الكل. واستغرابهم من ال سمعوه