رواية العاصي
الفصل التاسع
صعدو الي شقتهم دخلو الي احضان والدتهم وجلسو يبكو الثلاثه في صمت وزين بين يديها يحتضنها بشده ويبكي هو الاخر علي بكاءهم
توحه:ايه المناحه اللي انتو عاملينها دي المفروض تفرحو ان ربنا بعتلكو رجاله زي دول يحمكو ويبقو ليكو ضهر وسند في الدنيا
غمزه: ضهر وسند ايه بس يانانا هما مش هيفضلو طول عمرهم يحمونا كده
روقيه:لاءهايفضلو لما يتجوزوكو
غمزه وغزل: ايه انتي بتقولي ايه يا مامي
روقيه:بقولكم اللي هايحصل انا مش هالقي ليكم رجاله احسن منهم يقدرو يقفو في وش عمكم انا قولتله اني جوزتكم ليهم
غزل:اذي يا مامي تعملي كده شكلنا قدامهم هيبقي ايه دلوقتي يقولو علينا رمينا نفسنا عليهم
روقيه: هما عمرهم ما هايقولو كده بالعكس انا شوفت الفرحه في عنيهم ساعة ماسمعوني بقول كده
غمزه:طبعًا لازم يفرحو بنتين مامتهم بترميهم ليهم ما يفرحوش اذي مفكرتيش انهم ممكن يكونو زي ولاد عمي مفكرتيش انهم ممكن يكونو مش طيقنا او احنا مثلا مش طيقنهم
غزل:اتكلمي عن نفسك بس ياختي بصراحه انا شايفه ان حمزه ده لطيف ومؤدب ودمه خفيف
غمزه:والله خلاص جوزيها هي لحمزه لكن انا بقي شايفه ان عاصي ده مايتعشرش ثم تركتهم وذهبت الي غرفتها ممسكه زين بيدها
😠😠😠😠😠😠😠😠😠😠😠😠😠😠😠
هتفت توحه وهي تبتسم بصوت خفيض: ولما هو مايتعشرش واخده ابنه معاها في كل حته ليه هههههههه 😅هتفت روقيه
روقيه:ايه الصوت ده افتحي الباب يالوزه شوفي ايه الصوت اللي علي السلم ده😕
غزل:اوعي تفتحي يا لوزه دا الكلب بتاع عاصي وحمزه هما هيبيتوه في البيت هنا وقفلو باب السطح بقفل وكمان هايقفلو باب البيت من تحت😦
روقيه:ليه يابنتي دا كله
توحه:عشان لوحد فكر يقرب ناحية البيت الكلب بتاعهم يفرتكو دلوقتي بس عرفت عاصي ساب زين يبات هنا ليه
غزل:ليه يا نانا هو سابه عشان متعلق بغمزه
توحه: وعشان لو لو حد فتح الباب ما يعملوش حاجه لما يشوف زين.
غزل:صح يا نانا دا ساعة الخناقه كان زين هو اللي نازل بيه وماسكه
روقيه:ياه داعاصي واخوه دول مشاءالله عليهم ازكيه قوي
/////////***********بقلمي/كنزي حمزه*********/////////
مر الليل الكحيل علي الجميع وسطعت شمس يوم جديد
افاق من نومه ثم ايقظ اخيه بدء بينهم الحديث
حمزه:الله يخربيت ايامك يابني انت منيمنا بعد الفجر ودلوقتي الساعه ٩ ما تسيبنا مريحين شويه
عاصي :قوم يا حمزه عشان نفتح الوكاله وشويه كده ونطلع نطلب البنات من جدتهم وامهم ولو هما موافقين تروح تجيب المأذون قبل ماحد من اهلهم دول يجي تاني
قفز حمزه من علي الفراش وهتف: يلا انا جاهز
عاصي:يخربيتك ولا انت ايه اللي جرالك ياض
حمزه:بص انا مش عارف بس بجد البت دي من ساعة ما شوفتها وهي خطفت قلبي عاصي هما ممكن ما يوفقوش علينا
عاصي: متهيألي غزل لاء ربنا يسطر بقي علي العنيده اللي لو ماوفقتش مش عارف هاعمل فيها ايه ممكن اكسر دماغها والله
حمزه:براحه ياعم انت اصلا امبارح دخلت فيها شمال مع ان البت كانت بتتكلم بطريقه كويسه
عاصي: اهي جات كده بقي هي اصلا زي ماتكون بتنقي الوقت اللي توقف قصادي فيه
حمزه: طب وابوك يا عاصي اظن انه كان شايل كتير قوي ومدريه عننا
عاصي:حمزه ماتفتحش الموضوع ده عشان مش عايز اتعصب علي حد وان كان علي ابوك هو عارف اني مش ممكن هازعل منه يلا بقي عشان ننزل
################################
نزلو الاتنين الي الوكاله دون ان يدخلو شقة والدهم فتحو الوكاله واتجه عاصي الي بيت توحه وفتح القفل وجذب السلسه الحديد
ثم فتح الباب الحديد فخرج اليه كلبه سريعا
امسكه هواعطاه الي اخيه حتي يصعد به الي مكانه فوق سطح بيته
ثم جلس امام الوكاله واتصل علي ابنه
رن الهاتف بجانبها وهي ناءمه علي الفراش محتضنه الصغير اجتذبته من علي الكمود متخيله انه هاتفها وردت بنوم
غمزه:الو
نظر هو الي الهاتف وابتسم ثم هتف: دي احلي الو سمعتها في حياتي
غمزه بعد تنبهت لصوته اعتدلت نصف جالسه علي الفراش:انت مين
عاصي وهو رافع حاجبه الايمن:انا مين دا ايه مش معقول لحقتي نسيتي صوتي داحنا يما دوب لسه متخانقين امبارح بالليل بس
غمزه بغضب:يا نهارك اسود هي وصلت بيك الجراءه انك تعرف رقم تليفوني وتعاكسني كمان هي دي بقي اخلاق ساعتك مش كده
عاصي بضحك: ههههههههه بس بس انتي ايه يابنتي قطر ما بيوقفش قبل ما تظلميني كده بصي علي الموبايل اللي فأيديك انا طالب ابني علي فكره
نظرت هي الي الهاتف لتجده هاتف زين وضعت يدها علي ثغرها لثواني وهي في قمة خجلها ثم هتفت بصوت خفيض: احمsoory
ما اخدتش بالي هو زين لسه نايم جانبي اهو لما يصحي هاخليه يكلمك
عاصي:هو لسه نايم جانبك😕
غمزه:ايوه نايم والله اهوجانبي😇
عاصي:يا بختو عقبالي انا كمان هههههه ثم اغلق الهاتف دون ان يسمع منها طريحة ردها وهو يضحك ضحكه رننانه جملت وجهه😂😂😂
حمزه بعد ان نزل اليه مره تانيه:يابني انت هاتجنني انا طالع بالكلب وسايبك بوزك شبرين انزل الاقي ضحكتك ماليه وشك كده انت ايه ياعم انت ملبوس ولا ايه
عاصي:تعالي تعالي البت دي هاتجنني والله
وقفت غمزه من علي الفراش بكل غضب 😡 وتركت الصغير نائم وتوجهت الخارج قابلت غزل امامها تمسك في يدها حبة مانجو وهتفت
غزل:انتي صحيتي صباح الخير تاكلي مانجه معايا
غمزه:حد علي الصبح يفطر مانجه انتي كمان هاتي😡
غزل: ايه يا غمزه دي بتاعتي واخدها ورايحه فين😟
خرجت مندفعه الي الشرفه بشعرها الاشعس وجدته جالس امام الوكاله هو اخيه بكل غضب قفذت في وجه حبة المانجو فتلاقفها هو بضحك وهتف
عاصي:يا صباح المانجه يا حبيبة قلبي ههههههههه😂
اندهشت هي مما تفوه به وبدأت تدب رجلها في الارض بكل غيظ ثم دلفت وهي تجز علي اسنانها بكل غيظ😈
وقفت غزل تنظر اليهم مره ثم تعاود النظر الي اختها بالداخل بعدم فهم
هتف لها حمزه: طب يرضيكي هو ياكل مانجه وانا اقعد اتفرج عليه 😆
فتحت هي ثغرها باندهاش مما تفوه هو به ثم دخلت سريعا😯 الي الداخل
هتف والدهم الواقف علي باب بيته
هي وصلت للمانجه لاء كده بقي اطلع اطلبهم الاتنين وواحد فيكو يبعت يجيب المأذون
عاصي وهو : يقف له صباح الخير يا حج حقك عليا ياابا
فضالي:عيب ياض دا انت ابني الكبير وسندي في كبري يلا انا هاطلع اخطبلك مامي بتاعتك اللي فوق دي
حمزه: ايه وانا يا عم الحج اوعي تنساني
فضالي وهو متجه الي بيت توحه:ههههه فاكر يا خويا فاكر
صعد اليهم ودق الباب وفتحت له لوزه
لوزه:اتفضل يا عم الحج
فضالي: ادخلي يا لوزه قولي لستك اني واقف علي الباب الاول
هتفت توحه من الداخل: تعالي يا عبد الرحمن احنا قعدين هنا تعالي اتفضل
دلف اليهم وجدهم جالسين بجوار جدتهم
فهتف :سلامو عليكو
الجميع:وعليكم السلام
فضالي :طب كويس دا احلي عرايس صاحين كمان اهو وفرتو عليا اني اعيد الكلام مرتين
روقيه:كلام ايه ده يا عبد الرحمن
فضالي: بصي يا ستي انا.جاي النهارده عشان اطلب غمزه لعاصي وغزل لحمزه ولو وفقتو كتب كتابهم هيبقي النهارده
وقفت غمزه ودخلت الي غرفتها سريعا واتبعتها غزل
روقيه: انا اسفه يا عبد الرحمن اني قولت كده امبارح قدام عم البنات بس ولادك مش مضطرين ابدا انهم يتجوزو بالطريقه دي
عبد الرحمن:اسكتي يا روقيه ماتقوليش كده ويا ستي انا ولادي هما اللي باعتني ومبسوطين جدا كمان ها موافقين بقي ولا ايه
توحه:طبعا موافقين انده لولادك ياعبد الرحمن يطلعو يقعدو مع عاريسهم ويسمعو موافقتهم بودانهم.
اتصل هو بهم وصعدو الي والده
جلست هي بجانب اختها
غزل: طب ليه بس يا غمزه رافضاه اديلو حتي فرصه يتكلم معاكي
غمزه: انا قولت مش هاتجوزو يعني مش هاتجوز انتو اذي عايزني اتجوز واحد متجوز ومخلف كمان انا ماعرفش عنه حاجه غير انه عصبي وبتاع مشاكل
هتف عاصي وهو داخل مع والدتها وجدتها اليها:طب عايزه تعرفي ايه وانا اقولك ولو مش عايزه بلاش انا مش بغصبك علي فكره
روقيه: ادخل يا عاصي تعالي اقعد واتكلمو مع بعض براحه كده واللي فيه الخير يقدمه ربنا
توحه: غمزه محدش فينا هايغصبك علي حاجه بس كل اللي هاقوله ليكي انك عمرك ماهاتلقي واحد زي عاصي في حياتك
غمزه:انتو اذي عايزني اتجوز واحد متجوز ومخلف هاه ماتردو 😯
نظر هواليها ثم نظر الي توحه وانفجرو في الضحك سويا😂😂😂😂😂
غمزه بغيظ:ممكن اعرف انتو بتضحكو علي ايه😬
زين بعد ان افاق من نومه :بيضحكو عليكي يا مامي اصل بابي مس متجوس
غمزه:نعم اومال انت جيت منين اشاء الله 😡
زين:انا مس ابن بابي عاصي يامامي هو أخدني من الناس الوحسه اللي خطافوني
غمزه :ايه انا مش فاهمه حاجه😦
توحه:اللي سمعتيه ده هو الكلام الصح عاصي لا اتجوز ولاخلف اقعدي معاه واسمعي منه وبعد كده ابقي قولي ردك ثم خرجو جميعا من الغرفه واخذو الطفل ماعهم هتف عاصي
عاصي:ماسألتيش نفسك ازي ابقي متجوز وحتي مش لابس دبله طب هي فين هاخبيها مثلا طب انتي اقعدتي في شقتي يوم كامل شوفتي حتي صوره واحده تجمعني بأي واحده ست
غمزه بهدوء: انا مش فاهمه حاجه ممكن تفهمني
عاصي:قبل ما افهمك هو ده السبب ولا في حاجه تاني
غمزه:😯😯
عاصي:طب علي العموم حتي لو فيه حاجه تاني لازم تعرفي اني برضو هاتجوزك النهارده ولا انتي عايزه تروحي تجوزي ابن عمك لما يجي
غمزه:اهي طريقتك دي هي اللي بتعصبني منك 😬😠
عاصي بهدوء بعد ان جلس بجانبها:هي دي طرقتي وده طبعي عمري ماهاغيره عصبي اه ومتسلط وبحب افرض
سيطرتي علي اللي حوليا و لما هحب تبقي اللي هاحبها ملكي بتاعتي انا لواحدي هاخاف عليها من الهوي افديها بحياتي
😍😍😍😍
ولو حكمت اني اخبيها جو ضلوعي هاخبيها💕
غمزه: بعد ذابت في سحر كلامته:بس انت من ساعة ما شوفتني وانت مش طايقني وبتتخانق معايا😥
وضع يده اسفل ذقنها ليجبرها ان تنظر الي عينيه: مش يمكن بحاول اداري حقيقة مشاعري عشان مافيش حاجه تربطنا بعض
انتي من اول مره اتكلمتي معايا فيها وعنيكي دي خطفت قلبي بس عجبتني مشكستك معايا وحبيت عنادك رغم ضعفك حبيت كبريأك ده انتي الوحيده اللي قدرتي تحركي قلب العاصي يا غمزه😍
غمزه:عاصي😊
عاصي: قلب العاصي💗
غمزه بعد ان اشتعلت وجنتها من الخجل: طب قولي حكاية زين ايه 😊
وقف من جانبها وهتف:لا دي حكايه طويله يبقو هما يقوللك عليها بقي دلوقتي هاروح اجيب المأذون وماتخرجيش من هنا الا وانتي لابسه فستان طويل وطرحه علي شعرك انا مبحبش حد يشوف مراتي غيري
غمزه: شوفت اهو هاتبدي تتحكم فيا
عاصي:طبعا انا مش قولتلك اني حبى متملك
واقفت سريعا وامسكت يده قبل ان يخرج وهتفت:طب هي مامتك مش هاتيجي ولا ايه
تسمر مكانه وهو معيطها ظهره بتلقأيه جذب يده منها وهتف: 😠لاء اصلها تعابنه شويه ثم خرج سريعا من الغرفه
اما عند غزل وحمزه فكان للحوار هكذا:
حمزه:ازيك يا غزل
غزل: انا كويسه الحمد لله
حمزه:طب انتي عارفه انا جاي ليه النهارده
غزل:ايوه عشان تتجوزني عشان عمي مش يعرف ياخدني ويجوزني ابنه
حمزه:بصي هو نص الاجابه التاني مش كامل
غزل: يعني ايه
حمزه: يعني انا ممكن احميكي بروحي طبعا من اي حد من غير جواز لكن انا النهارده جاي اتجوزك عشان انا حبيتك من ساعة ماشوفتك
من ساعة عيني ما جات عليكي لما وقفتي وكلمتيني قدام الوكاله وانتي دخلتي قلبي
😍
غزل بعد ان اشتعل وجهها بحمرة الخجل : ايه الكلام ده انا مش عارفه اقول ايه😊
حمزه: ههههههه تعرفي ان د احلي حاجه فيكي خجلك ده وعدم معرفتك بالكلام ده يخليني طاير بيكي طب انتي مش عايزه تعرفي حاجه عني
غزل: اه انا مش عارفه اي حاجه عنك غير اسمك وبس
حمزه: طب بصي يا ستي انا عندي٢٥ سنه خريج تجاره وبشتغل محاسب في مكتب للمقاولات بتاعي انا واخويا وماسك برضو الوكاله مع اخويا وابويا وبحب الضحك ومش بحب النكد بس برضو عندي حساب وعندي عقاب وبغير جدا علي اللي احبه ومحبش حد يبص لحاجه انا بحبها
غزل:😣حاجه انا انسانه علي فكره
حمزه:انتي حبيبتي علي فكره 💓عشان كده انا عايزك تلبسي الحجاب وتبطلي لبس الفساتين القصيره والبناطيل الضيقه دي
غزل بزعل :يعني عايزني البس عبايات بقي ذي الستات👵 الكبيره اللي بيجو يشترو من عندكم في الكاله مش كده
حمزه:لاء مش كده في لبس محجابات حلو برضو وممكن بعد كتب الكتاب ابقي اخدك وننزل نشتري اللي انتي عايزه مبسوطه كده
غزل:ايوه
حمزه:طب مش هاتقوليلي حاجه عنك انتي
غزل:مش عارفه اقول ايه انا عندي ١٩ سنه وخلصت ثانويه عامه ولسه هادخل الجامعه هنا بحب اعمل اصحاب كتير ليا ومش بحب ابقي لوحدي بس من ساعة بابي ما مات وانا بقيت بخاف اوي😢😢
حمزه:وانا مش عايزك تخافي من اي حد ولا اي حاجه انا مش هابقي زوج ليكي بس انا هابقي صديق واخ واب حبيب كمان😍
غزل: بجد يا حمزه يعني مش هتتعصب عليا زي عاصي ما بيعمل مع غمزه😳
حمزه:عاصي ده طبعه مش بيعرف يتحكم في اعصابه لكن انا بتعصب بس لو ضيقتني او عملتي حاجه مش عجبتني اومثلا مش سمعتي كلامي
غزل بفرحه مثل الاطفال: حاضر اناهاسمع كلامك ديما
حمزه:يعني موافقه اننا نتجوز
غزل:ايوه موافقه
وقف حمزه وقبل ان يخرج من الغرفه هتف:ربنا يباركلي فيكي يا حبيبتي ثم خرج اليهم
//////////////////////////////////////////////////////////////
جلس حمزه مع عاصي الذي اتصل بأصدقاءه خالد وسامح حتي يأتو لكي يشهدو علي عقد الزواج ويحضرو معهم المأذون ثم جلست روقيه بجانب والدتها تبكي😢😢
فضالي: طب ليه البكي دلوقتي حد يعيط في الفرح ده
روقيه: كان نفسي اجوز بناتي في ظروف احسن من دي كان نفسي اشوفهم لابسين الفستان الابيض👰👰
عاصي: ومين قالك بس ان احنا مش هانعمل ليهم فرح احنا هانكتب الكتاب ووقت مايكونو مستعدين للجواز هانعمل الفرح
روقيه:بجد ياعاصي يعني ممكن تسيبوهم لحد ما يخلصو كليتهم😆
عاصي:لاء دي بعيده اوي انا مقدرش اصبر كل ده بصراحه ههههههه😂 بس ممكن نسيبهم لحد ما يخدو علينا ويطبعو بطبعنا ونكون احنا كمان وضبنا الشقق بتاعتنا ليهم
روقيه:ربنا يهدي ليكم الحال اومال هي ولدتك مش هاتيجي ولا ايه.
نظر الي ابيه بغضب ثم هتف فضالي
فضالي:مش هاتقدر تيجي اصلها تعابنه من امبارح
توحه:الف سلامه عليها بعد كتب الكتاب نبقي نطلع نشوفها.
حمزه:لاء هو انتو بعد كتب الكتاب تبقو تطلعو براحتكم بس احنا هانخد البنات نشتري ليهم شبكتهم ماهو مافيش عروسه بتتجوز من غير شبكه ولا ايه ياحج وهو نغرمك شويه برضو
فضالي: ههههههه يا سلام يا خويا ده من الف لمية الف هاتلهم كل اللي هما يطلبوه هو عندي اغلي منكم ومنهم
حضر الظابط خالد وسامح وماعهم المأذون وكان وقت خروج الفتايت من غرفتهم بلبس محتشم وضعين الحجاب فوق رأسهم مما اسعد حمزه وعاصي جدا وتم كتب الكتاب وسط فرحة الجميع.
💗💗💗💗💗💗💗💗💗💗💗💗💗💗💗⚫
.الفصل العاشر
تم كتب الكتاب وهتف المأذون بكلمته المعتاده بارك الله لكما وبارك عليكما وجمع بينكما في
خير
هتف زين بسعاده:هيهههه هناخد مامي معانا ضحك الجميع علي هذا الطفل المحبب لديهم وهتف والده
عاصي: ماتفرحش اوي كده لسه شويه
زين: ليه مس اللاجل ده قال انها بقت بتعاتنا خلاص ههههههه
عاصي وهو يضمها بجراءه اليه امام الجميع: بتاعت مين ياض دي بتاعتي انا لوحدي
زين بغضب وهو يقف علي منضدة تتوسط الغرفه: بقولك ايه مس انا اللي قولتلك خليها تبقي مامي
وانا اللي حبتها قبلك هتبقي بتعاتنا احنا الاتنين ولا اخليها تحبني انا لوحدي
واوعي كده بقي سيبها انت هاتخبيها ولا ايه تعالي يا مامي يا حبيبتي مس تخافي منه😡
رفعته غمزه ببن يديها واحتضنها بيديه الصغيرة وقبلها في وجنتها😘 وبدأ في اغظاة اباه😝
ضحك الجميع عليهم😂😂😂😂😂😂 ثم هتفت هي
غمزه:مش ناوي تقولي بقي ايه حكايته
عاصي:لاء انا ماليش في الحكايات خالص بصي احنا هاننزل انا والشباب عقبال ماتجهزو عشان نروح نجيب شبكتكم واسمعي بقي منهم براحتك يلا يازين
ثم اخذ الشباب واخيه والطفل واطلقت الخادمه لوزه الزغاريط اعلان بكتب الكتاب
هتفت غمزه امام ابيه: هو ليه مش عايز يحكلي حاجه عن موضوع زين
فضالي: هو عاصي كده مش بيحب يتكلم عن نفسه بس ممكن اي حد يحكيلك حكاية زين معروفه في الحته كلها من سنتين
غمزه:هو زين عايش معاه بقالو سنتين
فضالي: من سنتين كنا في اول ليله في رمضان كان هو وأخوه قاعدين في الوكاله بليل قبل السحور بيعلقو الزينة في الشارع مع الشباب وكان الشارع زحمه والناس فرحانه لفت نظره شاب مافيش وشه حته الا وفيها مكان جرح قديم اسمر وماسك في ايده طفل اقل ما يقال عليه انه ملاك عمال يبكي بصوت مسموع لاء ده كان بيصرخ نط من علي السلم الخشب وساب فرع الزينه من ايده ووقف قدامه
فلاش باك بقلمي/كنزي حمزه
عاصي: ابنك ده يا كابتن
الشاب: وانت مالك ياعم انت؟ انت طلعتلي منين اصلا وعايز ايه
عاصي: الله ماترد عدل يا جدع بسألك سؤال رد عليا ابنك ده ولا لاء
الشاب :ااايوه ابني وسع بقي كده خليني امشي
عاصي:طب مالك ياعم ساحبه كده والواد عمال يصرخ ماتشوفه ليكون متعور ولا فيه حاجه ثم انحني بجزعه للصغير وسأله
بابك ده يا حبيبي
No it's not my dady :زين
الشاب: ياعم وسع وانت مالك ومالنا اوعي خلينا نمشي
افلت عاصي الصغير من يد اللص واعطاه لحمزه وهتف
عاصي:ولااا اظبط كده ياض يابن............... وقول خاطف الواد ده منين يأما مش هيطلع عليك نهار وهتدفن هنا
بدأ اللص في التهته بالكلام واتلم الشباب عليه وابرحوه ضرباثم ربطوه في عامود نور بجانب الوكاله الي ان تأتي الشرطه
امسك عاصي الصغير وبدء يعامله بحنان وهتف لحمزه
عاصي: وبعدين الواد مش بيتكلم غير انجليزي وكمان كلامه مش مفهوم قوي ده شكله ابن ناس والحلوف ده شكله خاطفه من حته نضيفه
حمزه:استني بس يا عاصي انت اسمك ايه يا حبيبي
زين:سين
حمزه:ايه سين دي يعني ايه
عاصي:اوعي يلا انت مش فاهمه اسمك زين صح
زين :yes
عاصي:طب وبابا عارف اسمه
زين:baby mido
عاصي:نعم وانا هالقيه فين سي ميدو ده بقي طب انت عارف انت ساكن فين
صمت الطفل ولم يرد فهو لا يعلم شيئا اكثر من ذلك حضر خالد ومعه سيارة الشرطه واخذو اللص والطفل وذهب عاصي معه ولم يتركه
في قسم الشرطه هتف خالد: انطق يا بني خاطف الواد منين
اللص:ياباشا والله اللي بقولو ده الحقيقه انا ماختفطوش انا لقيته واقف علي الرصيف لوحده في الشارع صعب عليا اسيبه كده حاولت اعرف منه اهله فين معرفتش اطلع منه بحاجه زي مانت شايف كده بيتكلم انجليزي
خالد:لقيته ...............ما هارحمك دانت هاتشوف ايام سوده معايا
عاصي: وبعدين يا خالد الواد ده شكله ابن ناس ومش حمل بهدلة الاقسام دي
خالد:مافيش قدامي حاجه ممكن اعملها غير اني اوديه الملجأ لغاية ما تيجي اشاره ببيانته او حد يبلغ بفقده
عاصي:لاء ملجأ ايه حرام عايل زي ده يترمي في ملجأ انا هاخده عندي هاتكفل بيه انا يا خالد
خالد:ماينفعش يا عاصي انت مش متجوز لازم عشان تتكفل بيه تكون عندك اسره ومتجوز
حمزه:خلاص لو كده نخلي ابويا هو اللي يجي يمضي علي الاوراق بتاعتك دي وناخده معانا
هتف الطفل الصغير وهو يتشبث بعاصي
زين: baby I want sleep 😴
رفعه عاصي علي قدمه وبدء في احتضانه الي ان نام الصغير بين يديه ثم حضر اليهم والدهم ومضي علي الاوراق واخذو الطفل
خالد:والله وبقيت بابي من غير جواز ولا خلفه يا واد ههههههههه
عاصي:وماله يا عم من النهارده لحد مانلاقي اهله الواد ده هايبقي زين العاصي وبس
باك.
فضالي: بس يا ستي ومن يومها وزين مابيفرقش العاصي وكان وش السعد علينا من يوم جالنا واحنا رزقنا كبر وهو كمان ربنا فتحها عليه ووسع شركة المقاولات بتاعته من مكتب صغير لشركه محترمه وابتدي يتعرف في شغل المقاولات
غمزه:وماحولتوش تدورو علي اهله
فضالي:حاولو كتير طبعا حتي عن طريق الجرايد والتلفزيون بس من غير فايده بس خدي بالك عاصي بيحبه جدا وممكن يخسر اي حد عشانه
فرحت هيا بطيبة زوجها فهو برغم ما يظهر عليه من الخارج من عصبيه الا انه من الداخل طيب القلب وحنون جدا ثم توجهت للاسفل هي واختها حتي يذهبو معهم
ترجلت اليه وهي ممسكه بيدها مفتاح سيارتها وهاتفها
ترك هو واخيه الشباب وذهبو اليهم
عاصي:ها جاهزين يلا بينا
غمزه:اه جاهزين تعالي يا زين اركب معانا يلا امسك هو بيدها وهتف
عاصي: يجي زين معاكي فين يا حبيبتي انتي اللي هاتيجي معانا
غمزه:ماشي ماحنا هانيجي معاكو هانمشي وراكو بعربيتي
عاصي: لاء مافيش الكلام ده انتي مش هتسوقي عربيات انتي هاتركبي جانبي هاتي المفاتيح دي
غمزه:ليه بقي ان شاء الله طب خلاص تعالي انت أركب معايا
عاصي بغضب:نعم انتي عايزهم يقولو عليا جوز المدام ولا ايه امشي قدامي من غير مناقشه احسن والله هاتلاقيني شاليك علي كتفي وماشي بيكي
هتف الصغير: تعالي يا مامي علابية بابي حلوه وكبيله تعالي سوفيها
فتح هو باب السياره لهاجلست في المقعد الامامي بجانب مقعد السائق وفتح للصغير بالمقعد الخلفي ثم اتجه الي مقعد السائق وجلس خلف عجلة القياده وهتف بسعاده
عاصي: نورتي عربية جوزك يا حبيبتي
جزت هي علي اسنانها بكل عصبيه فهاهو قدبدء تحكمه فيها واثبات تملكه لها
//////////////////////////////////////
اما عند حمزه فقد اخرج سياره هيونداي موديل السنه من جانب البيت ورفع من عليها الغطاء ثم فتح لها بابها الامامي وركبت بجانبه
غزل:ايه دا بتاعت مين دي
حمزه: بتاعتي وربنا جايبها بالتقسيط وفاضل فيها قسطين وتبقي ملكي رسمي
غزل:دي حلوه اوي يا حمزه اول مره اشوفها انت ليه مش بتركبها
حمزه: اصلها غاليه عندي اول حاجه اجيبها بفلوسي الشخصيه حوشت المقدم بتاعها من شغلي في سنه كامله وكنت حالف ماركبها الا لما اخلص قسطها او تيجي مناسبه حلوه بس مافيش احلي من اني اركبها وانتي معايا يا غزل قلبي انتي😍
احمرت وجنتها خجلا مما تفوه به لها وهتفت بخجل
غزل: حمزه اسكت انا مش بعرف ارد اقول ايه علي الكلام ده
حمزه:مش مطلوب منك تقولي حاجه يا قلب حمزه كفايه عليا اشوف خجلك وخدوك الحمر دول ثم ادار سيارته وسار خلف اخيه .
كانت هي تقف خلف شباكها وهي في قمة الحزن والبكاء الشديد تري ابناءها الاثنان يتزوجون ولا تقدر ان تحتضن احد منهم فقد علمت انها خسرتهم حين علمو بهذا السر اللعين لم تقوي قدماها علي الوقوف وتحمل كل هذه الالام فقررت التخلي عنها وقعت مغشيا عليها وارتطمت بأرض الغرفه
😱😱😱😱😱😱😱😱
وقفت حسنه تنظف المطبخ وتغسل الصحون الي ان تخرج أليها سيدة المنزل فهيا منذ اخر مره رأتها أمس لم تخرج من غرفتها ولم تجرأ هي ان تدق الباب او تدلف اليها.
//
وصلو هما بسيارتهم الي محل الدهب ترجلو منها ولحق بهم حمزه وغزل ودلفو الي داخل المحل وبدء الحوار كالأتي
عاصي:اختارو كل اللي انتو عايزينو واحنا هانجيبو ليكو
غمزه:احنا ممكن نشوف الدبل والخواتم
حمزه: دبل وخواتم بس كده لا ماينفعش اختارو حاجات تانيه احنا عايزين نغرم الحاج في مبلغ محترم كده
غزل:اصل يعني احنا عندنا كل حاجه ومش محتاجين
حمزه:وماله ياحبيبتي اللي عندكم دول حاجتكم ماتخصناش في حاجه لكن الشبكه دي بتبقي هدية العريس لعروسته
عاصي :طب اختار انت يا زين ليهم حاجه
زين :ماسي يا بابي اختار دي ودي وده وده ودي لغسل ودي ودي ودي وده ودي وده وده وده و
غمزه:بس ايه دا كله انت هاتخد المحل كله كده
عاصي:سيبيه ياغمزه يختار اللي هو عايزه وانا هاجيبه ليكي
غمزه:لاء طبعا ده عايل هاتخد علي كلامه وبعدين انا مش بحب الدهب الكتير
عاصي بصوت واطي: ياحبيبتي اختاري اللي انتي عايزه حتي لو الماس هاجبلك
غزل:اصل احنا مش من هواة لبس الدهب والغوايش والحاجات دي احنا بنحب الفضه والدهب الابيض اكتر
صاحب المحل هتف:طب انا عرفت زوؤكم كده انا عندي مجموعة اساور وكوليهات هاتعجبكم اوي
غمزه:طيب ممكن نشوف الدبل الاول وبعدين نتفرج علي الحاجات التانيه
اختارو شبكتهم اللي كانت عباره عن دبله وخاتم عليهاوطقم كوليه واسوره وخاتم لكل واحده
وخرجو من المحل وهما فرحانين اوي
حمزه: هما دول بس اللي عجبكم والله انتو فقريين
غزل:ليه بقي ان شاء الله دي حاجات شيك اوي
عاصي:اصلكو مشفتوش البنات عندنا لما بتروح تختار شبكتها وكمية الغوايش اللي بيجبوها
غمزه:عادي يعني دي بتبقي ازواق واحنا بطبعنا
بنحب الحاجه الهاديه
عاصي :طب مبروك عليكو علي فكره انا جعان ايه رأيكم نتغدي بره
زين: بابي انا عايز ماك
حمزه:ماشي زين اختار هو عايز ايه وانتو بقي
غمزه:لاء مش لازم احنا اصلا مش جاعنين
غزل:ايوه انا عن نفسي فطرانه مانجه ومافيش اي امكانيه اني اكل اي حاجه تاني ههههه
عاصي:فاكرتيني دا النهارده كان احلي يوم اكل فيه مانجه هههههههههه
ثم ركبو كل واحد سيارته ذهبو للغداء
😍😍😍 😍😍😍😍😍😍
ترجلت روقيه وهي تمسك بيد والدتها من خارج المنزل قاصدين منزل فاطمه شاهدها فضالي وهو يقف امام الوكاله وذهب اليهم
فضالي :يا الف مرحب طالعين عندنا يا اما توحه
توحه:ايوه يا عبد الرحمن هانطلع نطمن علي فاطمه
فضالي دا انتو هاتنورو البيت تعالو اتفضلو
واد يا حمص خلي بالك من الوكاله علمانزل يا واد
حمص صبي القهوه:حاضر يا عم الحج علي عيني
صعدو الثلاثه ودلف فضالي اولا
فضالي :بت يا حسنه ستك فين يابت
حسنه:نعم ياعم الحج انا جيت اهو ستي مخرجتش من اوضتها خالص النهارده
فضالي: ايه وانت مخبطيش عليها ولا دخلتي عندها
حسنه:بصراحه يا عم الحج خوفت لتضربني قولت اخلص اللي ورايا علبال هي ماتخرج لوحدها
روقيه:طب نبقي نيجي في وقت تاني نشوفها تلاقيها نايمه
فضالي:لا والله لا يمكن اتفضلو اقعدو وانا هادخل اصحيها
دلف فضالي الي داخل الغرفه و لكنه فوجيء بأن الفراش فارغ ومرتب وكأن لم يلمسه احد
ولكن اين ذهبت وكيف خرجت ولم يراها احد
كاد ان يخرج من الغرفه ولكنه لمح جزء من قدمها بجانب الفراش جري عليها ليري ما بها
فضالي:فاطنه فاطنه ايه اللي جرالك ورماكي كده فاطنه ردي عليا ثم صرخ بقوه بت يا حسنه انتي يابت
جرت حسنه عليه :نعم ياعم الحج يا لهوي في ايه مالك يا ستي
سمعت روقيه ووالدتها هذا الحديث ثم جرت اليهم
روقيه:في ايه يا عبد الرحمن مالها فاطمه
عبد الرحمن:مش عارف دخلت عليها لقيتها مرميه كده ومش بتتحرك
روقيه:هاتي حاجه يا بنتي نفوقها بيها
جرت حسنه علي السراحه وامسكت زجاجة عطر ثم تقدمت اليها بها
اخذتها منها وبدأت تضع منها علي يدها ثم تقربه الي انف فاطمه ولكن دون جدوي
توحه: دي مش بتفوق اطلب الدكتور ولا الاسعاف يا عبد الرحمن
رفعها عبد الرحمن بين يديه وتوجه بها الي الفراش ودثرتها روقيه بالغطاء جيدا ثم امسك هو هاتفه طلب لها الطبيب
وبعده هاتف ابنه حتي يخبره
عاصي:الو ايوه بابا
فضالي:انتو فين ياعاصي تعالي الحقني
عاصي:في ايه يابابا مالك
فضالي:امك دخلت عليه الاوضه لقيتها مرميه جنب السرير ومش بتنطق يا بني هات اخوك والبنات وتعالي بسرعه
عاصي : حاضر حاضر احنا جاين اهو بس اطلب ليه ا دكتور علي ما نيجي ثم اغلق الهاتف وهتف يلا بينا
حمزه:في ايه يا عاصي
عاصي:امك تعابنه اوي وغايبه عن الوعي ومش بترد
حمزه:ايه طب يلا بينا بسرعه
اخرج عاصي بعض النقود من جيبه ووضعها علي طاولة الطعام ثم رفع زين بين يده وباليد الاخري امسكها بها وخرجو من المطعم ومن خلفه حمزه وهو ممسك بغزل ثم توجه كل واحد الي سيارته وساقو بسرعه فاءقه
وصل الطبيب الي المنزل وكشف عليها في وجدهم جميعا
فضالي: طمنا يادكتور في ايه هي مش بتفوق ليه
الطبيب: والله يا حج انا شاكك انها اتعرضت لجلطه دمويه ومحدش لحقها يا ريت تتنقل المستشفى دلوقتي عشان نعرف مكانها بالظبط ونقدر نسيطر علي الوضع
دلفو الي الغرفه جميعا علي كلام الطبيب وهتف عاصي
عاصي:طب ننقلها دلوقتي انا هاشيلها واوديها بالعربيه
الطبيب:الاحسن يتم نقلها بعربية الاسعاف اناهاطلبها من المستشفي وبالفعل تم نقلها الي المستشفي وذهب الجميع خلفها
اخذها الطبيب منهم الي غرفة الرعايه المركزه ليتم التعامل مع الوضع ومعرفة مكان الجلطه والتي تبين انها بالمخ