رواية عاصفة القدر الجزء الثالث مقدر لنا اللقاء
الفصل الرابع عشر.
بقلم إيمان المهدى
داخل أكبر القاعات.
بعد كتب كتاب سليم ومنه وتقى وإياد الكل كان بيبارك ويهنيهم
ويدعوا لأدهم ونور بصلاح الحال والذريه الصالحة
كل ال ف القاعة كان مبهورين حرفيا من تصميم فستان نور ال يعد ثروة
ماشية على الأرض والتاج ال بيلبسوه بس الملكات والأميرات. فعلا نور كان حظها حلو ف ام زي نور سليمان
كان أدهم ونور يرقصان على احد الأغاني يا اميرتى المكان كان واسع جدا.
ومن حولهم يلتف إياد وتقى وسليم ومنه
وكل منهم مبهور بعروسته وفرحان بزوجته
اقتربت روان من مكان مايا والعائلة
روان بإبتسامة ألف مبروك للعرسان والعرايس
نور. عقبالك يارورو.
محمد.
مايا. تعالى يا حبيبتي اقعدى هنا معانا
زين. طيب ينفع بردوا تقعد من غير ما تسلم على العرسان
معتز. بتريقه تصدق مينفعش.
زين. أه فعلا مينفعش. تعالى هوديكى
روان. بإستغراب. تودينى فين. انت شايفنى طفلة
زين مقصدش بس القاعة زحمة وكدا
معتز. لا ياشيخ طيب عنك انت وانا هوصلها
زين بغيظ منه. ماشى يا معتز
عهد واقفة جمبه اهدى عشان باين عليك اوووى
زين هو ايه ال باين عليا
عهد الحب يا زينو
زين حب ايه دا
سارة الحب يا زينو متعرفوش
زين. وانت كمان عايزة ايه
سارة. ولا حاجة يا اخويا أنا جاية اخد دودوو
زين بغيظ منهم خديها يا اختى وبالسلامة
نور مالت عليه. العيال الأشقيه دوول بيغلسوا عليك
زين أه والله يانورى. جدا.
نور سيبهملى أنا هظبطهم بس أنت كمان لازم تركز وتهدى شويه. على الأقل نشوف الأوضاع رايحة على فين
زين. تقصدى ايه يا نورى
نور. تفتكر. الأشقية دووول هيفهموك أكتر منى.
يا حبيبى اجمل الأيام يوم ما تكون قاعد جنب عروستك بس اصبر الصبر حلو
زين. بس أنا. لسه مش عارف قاطعته نور. عارفة ان لسه مشاعرك ف اولها ومش متأكد منها. يبقى على الامور ما تتصلح تكون حددت مشاعرك مفهوم. يازين
زين حاضر ياست الكل
روان. قربت. من نور وأدهم وباركتلهم
نور حضنتها بحب ولهفة بعد معرفتها انها بنت عمتها. عقبالك يا احلى روان. ف الدنيا.
روان كانت فرحانه جدا من معاملة الكل ليها وبالأخص النهاردة حست بحبهم تجاهها وكأنها واحدة منهم ابتسمت بحب لنور. وباركت تقى ومنه على خطوبتهم وكتب الكتاب
محمد طول السهرة وهو عيونه على روان نفسه يروح ياخدها ف حضنه ويقولها ان هو ابوها ال اتحرمت منه لسنين للحظة استغبى نفسه ان سكت وسمع كلام مايا هو مش قادر سقف من غير ما يروح لبنته ويحضنها. بس حسام كان جمبه وبيحاول يهديه
معتز قرب من عهد. وبإبتسامة. عقابلنا
عهد. نعم انت قولت ايه
معتز قولت ايه بقول عقبالك يا دودو
عهد بإبتسامه أه أصل افتكرت ان سمعت حاجة كدا
معتز. تهيؤات
عهد أه تهيؤات
معتز صبره نفذ. بصى بقا. هو لو ال انت سمعتيه دا مكنش تهيؤات كان هيكون ايه رأيك
عهد بس أنت قولت انها تهيؤات
معتز ماشى ياعهد وكان ماشى
عهد بس تعرف ان دى اجمل تهيؤات سمعتها ياريتها كانت حقيقه
التفت معتز بلهفة. بجد يا عهد
عهد بصتله اظن الإجابه عندك واخد أي خطوة عندك انت
معتز. بفرحة عندك حق يا دودو بس محتاج شويه صبر انت عارفة ان موضوع روان مش هيكون سهل
عهد. أكيد متقلقش أنا صبورة جدا
سارة. بشقاوة بتقولوا ايه
معتز. هادمة الملذات وأكمل بتريقة نفسى واحد يتجن ويتجوزك عشان تعرف نغلس عليكى
زياد. هو مين المجنون ال هيتجوز سارة
سارة بغيظ ليه يا أستاذ مشبهش هو أصلا حد يطول يتجوز الأميرة سارة مراد سليمان
زياد. طبعا يا قلبى انت ملكة يا سارة مش أميرة
سارة حبيبى يا زيزو ايوا كدا اعدل
هدير. أحم. طيب ما تشوفلها امير يتجوزها ويرحنا منها
معتز. لسه كنت بقول
زياد بهيام الملكة تشاور بس وانا اجيبهولها من دلوقتى
سارة بجد يا زياد يعنى لو يوم قلتلك أن عايزة أي حد
زياد اجيبهولك وقتى ياملكة
عدى. شافهم واقفين راحلهم وسمع كلام زياد وسارة. بص لمعتز مالهم دووول
معتز. بصوت منخفض اسمع واتعلم شكله زياد غرقان على الآخر
عدى أه والله أنا محتاج اتعلم الرومانسيه دي اهو بدل ما أنا قاعد كدا
هدير. خف يا بنى انت وهو.
زياد ترقصى
سارة بفرحة من أول السهرة ونفسى حد يقولى ترقصى. أكيد طبعا نفسى اوووى
عهد هو ايه ال بيحصل دا مالهم كدا شبه روميو وجوليت
معتز. تحبى نبقى قيس وليلى وماسكها وراح على الإستيج يرقصوا
هدير. أحم احم انت
عدى. ايه يا بنتى
هدير ما هو أنا مش افضل واقفه كدا كتير
عدى. عايزة ايه يا هدير
هدير. مش اختك حبيبتك عشان خاطرى عايزة ارقص
عدى انسى يا هدير آخر مرة ف حفله خطوبه أدهم فرمتى رجلى. بسبب رقصك
هدير طيب يرضيك افضل واقفة كدا وكل واحد معاه حبيبته
عدى. أه تصدقى. اروح اشوف بنت ارقص معاها
هدير. والله لو سبتنى هزعل منك وحياتى يا عدى
عدى تعالى يا اخرة صبرى ربنا يتولانى برحمته
الليله كانت ممتعة للكل وادهم ال طول السهرة بيتغزل ف اميرته
على الإستيتج اجتمع كل كابلز وبيرقص
مراد. شد نور وقام بيها ف اتجاه الإستيتج
نور رايحين فين يامراد
مراد هنرقص ياقلب مراد
نور. لالا انت بتقول ايه الناس احنا مش صغيرين
مراد. ناس ايه ومن امتى بيهمنا الناس يا نورى. وبعدين أه ايه صغيرين. واخدها غصب يرقص معاها واول ما بدأوا يرقصوا الشباب والبنات كانوا محاطينهم وبيهللوا من الفرحة
نور والله احنا مجانين. مراد. وولادنا اجن
خالد. سحب أميرة وانضم ليهم ووراهم أحمد ومروة وحسام وسهى
زين. قرب من عزمى. عمى ممكن ارقص مع روان بعد إذنك
عزمى. اتفضل يابنى
روان بإستغراب بابا
زين أبوكى وافق اخلصى بقا معدش غيرى ف العيلة ال واقف زي خبيتها وانت قاعدة زي خيبتها
روان. سامع يابابا
عزمى بضحك. يابنتى قومى ارقصى معاه واخلصى ومتتعشميش مفيش فيا حيل ارقص معاكى
روان كدا يابابا.
زين بعد إذنك ياعمى وشدها عشان تكمل فرحة الكل
مايا. بترقص ف حضن محمد شايف زين مهتم بروان ازاي
محمد. أه ياحبيبتى ملاحظ ان عينه من بنتى
مايا. والواد معتز هيموت على عهد
محمد. شكلها هتبقى جوازة بدل
مايا يارب ياحبيبى بس تكمل فرحتنا على خير وترجع بنتنا لحضننا
محمد. ان شاء الله وهعمل فرح زي دا واكبر كمان
سلمى. واخيرا يا عبدالرحمن. وولادنا اتجوزوا وقلبنا ارتاح
عبد الرحمن. فعلا يا حبيبتى. واتجوزوا ولاد افضل اتنين عرفتهم ف حياتى ربنا يكمل سعادتهم على خير يارب
أحمد. مش ملاحظة أن ولادك. بيتعلقوا يامروة. شكلهم كدا هيقولنا اخبار حلوة قريبا.
مروة. يارب يا أحمد لو كنت دورت مكنتش علاقة الولادة افضل من معتز وروان
أحمد. يالا خلينا نجوزهم ونخلص عشان افضالك يا قمر
سهى. مبسوطة لان وأخيرا أميرة أختى لقت سعادتها بعد وحدتها لسننين
حسام. ربنا يسعدها خالد انسان محترم وبيحب أميرة. عقبال ما افرح بعدى وهدير
سهى يارب ياحبيبى
زين بقا مش عايزة ترقصى معايا
روان. أه براحتى أنا حرة
زين دا كان قبل ما تكون. ف حضنى دلوقتى
روان احترم نفسك أنا مش عارفة بابا وافق ازاي ان ارقص معاك
زين عشان بيفهم.
روان. بدوس على رجله بغيظ. هتكون آخر مرة ان شاء الله
زين بتهيئلك لان لسه مرات كتير اوووى ومش هترقصى فيها غير مع شخص واحد بس
روان. دا بعدك يا أبو ودان
زين بضحكة. بالعكس دا أقرب مما تتخيلى. يا احلى ولد بنت يا أجمل متنكرة شوفتها ف حياتى
روان داست على رجله بغيظ وهو اتأوه بوجع بس مرضاش بسبب ايدها هو مستمتع بوجوده جمبها رغم قسوتها عليه
خالد. كنت اجمل عوض ليا يا أميرة نستينى حزنى واحتويتى قلبى ولملمتي ال فاضل فيه
أميرة وانت كنت العوض الجميل ليا عوضتنى سنين من الوحيدة والحرمان والإحساس بالأمان كنت ليا أكبر هديه من ربنا
مراد. تعرفى أنك اجمل واحدة موجودة ف المكان كله
نور. مش اووى كدا نور أجمل
مراد. أنا مش شايف اجمل منك حتى جمال بنتى شايفه فيكى لمساتك فيها. عشان كدا هي طالعة جميلة. كفايا أنك امها
نور بخجل مبسوطة اووووى يا مراد ان ربنا حققلى امنيتى وكبرت وانا معاك وجمبك اتمنى ال باقى من عمرى اعيشه وانا جوه حضنك
مراد. مش بس جوه حضنى انت جوه قلبى يا ملكتى. وزى ما كنتى ليا ف الدنيا. هتبقى ليا ف الجنه. هتفضلى مرافقانى دائما وابدا
مرت الليله بسلام كانت الفرحة والسعادة ليها شكل خاص ف عائلة آل سليمان كلها.
مراد سلم تذاكر لأدهم هديه شهر عسلهم هو ونور.
واتفقوا ان سليم ومعتز هيوصلوهم المطار
اليوم التالى آخر النهار اتجه سليم ومعاه معتز. واتجه لشقه
أدهم. وبعد ساعتين داخل المطار ودع سليم اخته هو ومعتز ودعوا لهم يوصلوا بالسلامة
كان راجع مع معتز وسليم بالعربيه.
سليم. انت تسوق واحنا مروحين. أنا عايز اكلم منه اطمن عليها
معتز يابختك ياعم بقالك حد تكلمه وتطمن عليه
سليم. بلاش نق يابنى مش كفايه مراتى ومحروم منها يا بختك يا ادهم
معتز. اومال أنا أعمل ايه. حتى كلام مش مسموح.
سليم طيب أركب. ياعم خلينا نشوف حكايتك ايه
#####################
الشخص. أيوأ ياباشا. كله تمام. هما راجعين من المطار دلوقتى استغليت وجودهم جوه وفكيت الفرامل. عشان كان صعب اعملها ف القصر او المجموعة
طارق. تمام. خليك وراهم لحد ما تتأكد وتدينى الأوكيه
المجهول تحت أمرك ياباشا. أقل من دقايق. وهقولك. ان ابن مراد سليمان طار ف الهوا
طارق. بشر. وانا منتظر الخبر قفل السكة وأخيرا. هطفى نارى وانفذ وصيتك يا جدى بحرق قلب ابن سليم سليمان على ولاده واحد واحد
معتز كان سايق وبيضحك على حاله سليم ال بيراضى ويحايل منه عشان اتأخر عليها ف اتصاله.
معتز هو انتوا لحقتوا
سليم مش نقيت فيها يافقر.
معتز ......
سليم. والله لأقول لزين أنك بتحب اخته
معتز ........
سليم. ولا اقولك. أنا هسيبك وأشوف هتعمل ايه مع عهد لو زعلتها هتراضيها ازاي
معتز ......
سليم انت متعرفش عهد. عنديه ازاي والتفت لمعتز انت مابتردش ليه اتفاجئ سليم من شكل معتز والعرق بيصب منه وملامح الرعب واضحة عليه. سليم معتز فيه ايه مالك
معتز كل دا كان بيحاول يهدى العربيه. ويتحكم ف الفرامل بس بدون جدوى
سليم بغضب. معتز. مالك فيه ايه هدى العربيه شويه
معتز يارتجاج واضح ف صوته. مفيش فرامل ياسليم. فقد التحكم ف فرامل اليد كمان
سليم بصدمة انت. ازاي حاول يامعتز.
معتز مش عارف أعمل حاجة. ربنا يستر
بعد مرور دقائق كان معتز عمل كل محاولة يقدر
يسيطر بيها. على السيارة وتفادى اكتر من اصتطدام. اتفاجئ
هو وسليم. بأتوبيس. وعربية ترله جاين ف اتجاهه والإتنين ماشين بخط موازى تجاه عربيتهم.
ومعتز كان بيحاول يهدى. بأى طريق او يعطى إشارة للأتوبيس والترله. بس للأسف كانت الوقت
اسرع. أيقن معتز ان لامفر من اصتدامهم بص لسليم المرعوب ونطق الشهادة وسليم أيضا رددها