Ads by Google X

القائمة الرئيسية

الصفحات

رواية ورده في مزبله الفصل الخامس والاربعون والسادس والاربعون

 

رواية ورده في مزبله 
الفصل الخامس والاربعون
 والسادس والاربعون
 بقلم منه محمد


٤٤+٤٥

ريم بتفاجئ : تطلقني ؟؟؟! 
امير بدون اهتمام : والله اذا مراتي حاقده على عيالي وتنغص عليهم عيشتهم بقولهالك بصراحه متشرفنيش تكوني مراتي
ريم بصتله بقهر ووشها حاسته بقي الوان احمر من الصهد : قول انك اتوظفت من هنا وعجبتك واحده من الدكاتره الصايعات ودلوقت عاوز تطلقني عشان تتجوزها الكلبه
امير ببرود وابتسم : بصراحه متوقعتها منك ماشاء الله ذكيه وتفهميها بسرعة
ردت ريم وهي بركان ثاير من جواها : واضحه وضوح الشمس مش محتاجه لذكاء ليه اتجوزتني طلاما ناوي تطلقني ؟؟
ابتسم ببرود يقهر : امممممم بصراحه اممممم سمعت عن جواز الاقارب و
قاطعته ريم وهي مش قادرة تستوعب حظها العاثر
من لما طلعت للدنيا السوده دي مالهاش بخت ولا حظ كلهم ضدها ودلوقت بعد ما اتجوزت يطلقها عتريس هي عملت ايه طيب تعتذرله علشان يرجع عن فكرته ؟؟
ريم بهدوء وهي بتحاول تتحكم باعصابها : الله يبارك لك اذا كنت حاب البنت وعجبتك ربنا يوفقك ...ورجعت ترتب الهدوم بغل وعصبيه
بصلها ورفع حاجب ورمى القطعه الي بايده : قسم بالله انك تنرفزي العفريت انا بتكلم عن العيال ومعاملتهم وخلال ثواني ألفتي قصه طويله عريضه من عندك وصدقتيها وطلعتي عن مسار الموضوع الرئيسي !! ومتجاهله موضوع ولادي ؟؟
بصتله والغيره تاكل قلبها مش بايدها لما تشوف ازاي بيخاف علي عياله ومستعد يطلق مراته علشان عياله ....وهي ابوها مش عارف عنها اي اخبار ولا الهوا ده الاسبوع التاني من جوازها ولا زارها ولا سأل عنها ولا مجرد اتصال يطمن عليها يشوف يطمن انها مرتاحه لو سلمي الي اتجوزت متأكده انه كل شويه يتصل ويطمن عليها
وانااااااااااااا
صدى االكلمه يموتها
احيانا بتفكر في الانتحار وتخلص من الدنيا والمزبله وترتاح وتريح اللي حواليها من حملها وطوله لسانها بس افتكرت عذاب النار واتراجعت عن افكارها الغبيه رجعت ترتب الهدوم بهدوء والعبره خانقتها ما حسيتش بخروج امير من الغرفه
متعرفش امتى طلع كانت سارحه بحياتها وكأنها بعالم آخرررررررر
****************************
فات يومين بسلام وامير ما رجعش فتح الموضوع مره تانيه وطلبت منه ما يجيبش مربيه مالهاش داعي هي هاتهتم بيهم بالبدايه رفض قطعيا عشان ولاده ميكونوش حمل عليها بس بالاخير وافق
وندي ونجوي وساميه زاروهم في الفيلا الجديده
نزلت علي السلم وكالعاده بتتزحلق
نسرين وهي قاعده بالصاله وبصلها : ربنا يديم نعمه العقل علينا
روان : عندك حق يا اوختي شبه القرد الله يعافينا
راحت ناحيتهم وهي بتدلع في مشيتها وعطتهم طناش قعدت قصادهم وهي تطقطق بالموبيل دخلت سها وقعدت جنبها
وبعدها بدقايق طلعوا نسرين وروان على غرفهم
سها : ايه رايك نروح عند خالتي ؟؟
ريم بصتلها بتفكير : امممم بس اخاف تغدروا بيا لو عملت حاجه غلط تتصلوا بأمير وتقولوله
سها كشت عليها : اللي يسمعك يقول بتخافي منه
ابتسمت : مش بخاف من امير بس لو جات شكوي عليا مش هيخليني اطلع من الجناح ومش بعيد يصلبني عشان كدا مش بحبكم تتصلوا بيه وتبلغوه
بس يالا قدامي على بيت ام فخفخ لأنها وحشاني
دخل امير بهدوء : السلام عليكم
ردو السلام
امير : علي فين ان شاء الله ؟؟
سها : عاوزه اروح عند جدتك اقعد معها شوي لوقت الغداء وارجع
هز راسه بتفهم
شاورت ريم لحمااتها بدون ما ينتبه : وانا
قاطعها امير : وانت عاوزه ايه ؟؟
كرمشت ملامحها داهيه مايفوته الهوا
سها بهدوء : يالا استأذن انا
مسكتها من ايدها وهمست في ودنها : بعتيني بسهوله ؟؟
سها بنفس الهمس : جوزك هنا ازاي تيجي معايا؟؟
بعدها طلعت وسابتها
لوت بوزها وشافت امير طالع على الجناح
ضربت رجليها بغيظ لما افتكرت ان العيال راحوا علي بيت جدها وومش راجعين دلوقت
رجعت على الصاله تلعب علي الموبيل
***********************
ملت من القعده بالصاله وطلعت فوق عند العيال تلعب بغرفه احمد
بعد وقت نزلت وهي تتزحلق ووراها العيال علي السلم يلحقوها وعاوزين يمسكوها
وريم تزعق وتضحك بصوت عالي حس بالاحراج من تصرف مراته وخاصه بوجود اخواته
راح للسلم وبحزم : ريم
نزلت عن الدرابزين وجريت وراه واتخبت وراه برضه
وهي تنهج وتضحك : ش وف ههههه عا وزين ههههه يضربوني
محروج ومتنرفز من تصرفاتها الطفولية ومحرج جدا قدام اهله مسكها من وراه ووقفها قدامه وثبتها من كتافها ووشها لجهة العيال وبصلهم : يالا عملت لكم ايه ريم ؟؟
احمد بحزن : كسرت شريط اللعبه لاني فزت عليها
وبسرعة هجم عليها احمد وهو مقهور ومسك ايدها وعضها
صرخت ريم بصوت عالي وفضلت تحاول تبعد احمد عنها
امير مسك احمد وبعده عنها بعصبية :ايه التصرف الهمجي ده يا احمد ؟؟؟
دخل خالد مبسوط بعد ما شاف الموقف : تستاهل اكتر من كدا
وبص لريم بحده : اشتري شريط بدل اللي كسرتيه والا قسما بالله أ...
قاطعته ريم بعصبية وهي تمسح مكان العضه : والله ما اشتري حاجه لابنك الزفت ده لو يموت
قاطعها خالد بعصبية مش قادر يستوعب كلمتها انه يفقد احمد ويموت : ان شاء الله تموتي انت وتريحي العالم كله من شرك
ريم بحده وكره : قاعده على قلبك يا شايب
قاطعها امير بهدوء و مسك ايدها : ريم حطي لسانك في بؤك واحترمي الاكبر منك
وبص لابوه: ولا يهمك حنجيب لاحمد بدل الشريط شرطين
نفضت ايدها من ايد امير بقرف وراحت
للصاله وقعدت عند سها وبحده : جوزك ده هتجيني الجلطه بسببه
رامي ضحك :هههههههه اعصابك
ريم وهي تشاور على رامي بحركه طفوليه : انت بالذات حط لسانك في زورك مالكش كلام معايا غتت
بدر ضرب كف مع رامي : هههههه جامده في حققك يارامي
ريم كانت نفسها ترد عليهم
بصلها امير بهدوء وجواه بركان : ريم خدي لطيفه ومصعب خليهم يناموا وبعديها انزلي
وقفت ريم وهي ماده البوز وعارفه انها طرده شاورت على مصعب ولطيفه يمشوا
امير بهدوء : يالا بابا اطلعوا مع ريم فوق بسرعه
وقرب من ريم وهمس لها : علشان عاوزك بعد ما يناموا ما ردتش عليه
سابها ورجع قعد بهدوء وخلال ثواني سمع ضحكها مع مصعب ولطيفه وهما طالعين السلم وبعدها غاب صوتهم
خالد وهو يرجع ضهره للخلف بص علي احمد يبكي : تعال يا احمد ،،تعال اقعد عندي يا بابا (وشاورجنبه
قرب احمد وهو بيمسح دموعه
خالد بحنان وهو يمسح على راسه : ليه يا بابا بتعيط ؟؟
احمد وهو يمسح دموعه : انت بتدعي على ريم تموت لو ماتت انا العب مع مين ؟؟ ليه تقولها تموت علشان ما عندهاش اب ولا ام حرام يا بابا تقول كدا
خالد بص علي احمد : كم مره قلت لك ريم ابوها عمك نادر وليها ام
احمد : لا هي قالت لي لما سألتها مره فين امك
وابوك قالت امي ماتت وهي صغيره وابوها مات قبل ما تولدها امها حتى قلت لها انتي ابوك عمي نادر قالت لا مش ابوها دول كذابين ماتصدقهمش ابوها مات من زمان
خالد هز راسه : الحيوانه بتألف قصص من عندها وتكدب على العيال
رامي : عندها حق هي مالهاشـ
قاطعه خالد بحده : رامي ايه التخريف ده ؟؟ خليك في حالك وما تتدخلش بحد فاهم
بعدها حل الصمت على المكان
وامير بيفكر بكلام احمد ومستغرب !!!!
^^^^^^^^^^^^^^^^^^^^^^^^^^
قعدت على اللاب تحضر مسلسل وحاطه السماعات في ودنها دخل الجناح بهدوء وكتلقائيه رفعت نظرها وبسرعه قفلت اللاب
قعد قصادها بكل ببرود: يالا جهزي نفسك ننزل على المحلات علشان تشتري فستان لفرح رامي
رفعت حاجبها وبغرور : معاك انت ....مش هروح اي مكان مش هعرف اشتري براحتي
فهم قصدها نفسها تشتري فستان عريان وعلى كيفها رد بهدوء : شوفي طلوع في اي مكان من غيري مفيش يالا اجهزي بسرعه
ريم بعد ما اتأكدت انه مش هيخليها تروح بدونه حبت تدللع شوي لحد ما يترجاها تروح ردت بتمثيل عدم المبالاة : مش عاوزه اروح
وقف امير وهو عارف انها بتدلع بس علي مين بتمثل علي مين
هو فاهمها وفاهم حركاتها : براحتك بقي
ومشى خطوتين طالع من الغرفه
وقفت ريم بسرعة : بهزر معاك يا عتريس بتصدق انت كدا علي طول دقيقة وانا جاهزه
***************
في المولات
طلع عيونها معاه مش عاجبه حاجه
ريم بضجر : انا عاجبني ليه مش عاوزه بس
امير بدون مبالاه : انا مش هشتريلك الا فستان باكمام وغيره معنديش
افأفت ريم بنرفزه
بصلها بغرور : لو تتافافي من النهارده لبكره برضو مش هغير رايي
بص لواحد من الفساتين ومسكه وهو يبصله بتفحص
بأكمام طويله لونه تركوازي فستان هادي وما فيش حركات مميزه بس ناعم
سحبته من ايده بعنف وشوي تبكي : مش هشتريه
رفع حاجب بغرور واخد الفستان كان اصغر حجم وراح للمحاسب
مشت وراه وهي تبرطم
حاسب وناولها الكيس خرج من المحل بابتسامة قهرت ريم : اتفضلي
مسكت ريم الكيس وبعدها مدت الكيس عليه : شيله انت
عدل قميصه وابتسم بغرور : برستيجي ما يسمحليش
بعدين كله فستان خفيف مش تقيل وقدمها بالمشي
ريم والقرود تنطنط فوق راسها وبصوت منخفض يسمعه امير: حضرتك دكتور
شيء كتير طبعا متشلش كياس شايف نفسك ومغرور ولا خايف لواحده من الدكتورات في المستشفي تشوفك هنا اخخ مالت عليا وعلى حظي النحس
كان بيسمعها ومطنش ويبتسم بالخفيف
ريم بغيظ : شوف انا مش هشيل الكيس مش انت الي اخترته انت شيله بقي
وبعصبيه رمت الكيس على الارض واتكتفت
وقف ولف وشه بهدوء وشاف بعض ناس بصلهم عطاها نظره خلاها تعيد كل حساباتها
ريم وخافت من نظرته وبتردد : ءءءء الحق على الكيس انا بقول تروح وتقول لهم ما يحطوش البضاعه في كياس تفط وتنط وتتزحلق من الايد
وابتسمت بعباطه
ابتسم جواه عليها نزل اخد الكيس ومده ليها ببرود : بلاش استظراف زايد
دخلوا محل الاحذيه البياع فرجها على الاحذيه الكعب العالي اختارت صندل كعب عالي مسكه امير
وهو بصصلها بتفحص ومش عاجبه : ازاي تقدري تمشي فيه ده؟؟
وقبل ما ترد عليه
اتكلم بغرور وهو رافع حاجب : هسمحلك تلبسيه بس فالحفله ومن اليوم كعب عالي ممنوع
ريم باعتراض : ليه حضرتك ناظر فالمدرسه ؟؟
بصلها وهو رافع حاجب : شوفي البنت زيك لابسه كعب وازاي تتمايل بمشيتها بالله عليكي دي ماشيه ؟؟؟
ريم عقدت حواجبها وافتكرت ان صديقتها ليان مره قالت لها اخوها لما يكون خارج تلاقيه يقول لاخواته شوف دي لابسه ايه بانتقاد وهو بيقول كدا علشان يبصلها مجرد حجه يعني
بصتله وهي عاقده حواجبها : قول انك عاوز تبصلها وتنقرها ومالقتش غير الطريقه دي وتنتقد لبسها للكعب
بصلها وفتح بؤه على تفكيرها المتخلف : تعرفي انتي الكلام معاك ضياع وبما ان تفكيرك كدا(بصلها بحزم) حلا تشتري صندل من غير كعب عشان ما انقرش المره الجايه
سحبها معاه وفضل يشتري لها احذيه بدون كعب
وريم مقهوره وتعتذر منه عطاها الطرشه تماما ولا كأنها بتتكلم
**************************
يوم الخميس زواج رامي وسميه
قاعده بالغرفه وعندها الكوافيره
ريم بنرفزه : يعني جايه تعملي تسريحه بس ؟؟
الكوافيره وهي ترتب ادواتها : الاستاذ امير هو الي اتفق معايا مش انتي وبعدين هو نبه عليا ما احطلكش ميكب اب بس تسريحه عشان تتصوره 
لوت بؤها ريم وطلعت الكوافيره بهدوء
اتصلت ريم على سها بعصبية : من دلوقت بقولك مش هحضر وخلي ابنك يبعت لي ورقه طلاقي في اسرع وقت
سها ومزاجها عال العال : تعملي خير يجي الطلاق من عندك انا حاطه عيني على عروسه لامير تاخد العقل حالا اتصل واقوله بس ما قلتليش ايه السبب ؟؟
ريم بقهر قفلت الموبيل
وبسرعة رجعت اتصلت بسها واول ما فتحت الخط : اسمعي خلاص ما تقلولوش حاجه خلاص شلت فكره الطلاق من نفوخي
امير كان عند امه قاعد وكانت امه حاطه مكبر الصوت رد بهدوء : اي طلاق ؟؟؟
ريم اتوترت واتلبخت وماتوقعتش انه يرد عليها : ها
لا دي جارتنا ام صلاح طالبه الطلاق من جوزها الله يهديها ولغت الفكره من نفوخها
امير فاهم : وليه ام صلاح طالبه الطلاق ؟؟؟
ريم اتنهدت بقهر: مسكينه جوزها واقف في زورها ومش راضي ينزل ولا عارفه تبلعه كل شئ عنده ممنوع ضاغطها بتقول انه حله ضغط
امير فاهم قصدها : بس انا اسمع ان ابو صلاح اخلاق ودراسه ووسامه وكل شئ فيه كامل والكمال لله بس ربنا بلاه بأم صلاح ست تافه وعقلها قد حبه الرز
قاطعته ريم بقهر : انا تافهه ؟؟
امير باسلوب ينرفز : احنا بنتكلم عن ام صلاح ايه حشرك انتي
ريم بقهر : الله يعين ام صلاح على مصيبتها مالقتش الا تتجوز من واحد مغرور وشايف نفسه وعينه زايغه وارمل ومحكوم لاهله ويتعامل مع الناس من فوق وكانهم خدم وتفكيره سطحي وغبي و....
قاطعها بعصبية : وقسما بالله لتندمي علي كلامك ده
ريم وعضت على شفتها وشتمت لسانها الطويل
ازاي قالت له كدا وهي ناويه تكون زوجه
صالحه حاولت ترقع : ليه اتعصبت انت ايه حشرك بابو صلاح ؟؟
نفخ بضيق : تمام حصل خير
وقفل الخط
عضت على صوابعها بندم كم مره تقول لنفسها تعد للعشره قبل ما ترد دلوقت اكيد زعل منها المفروض تحترمه اكتر من كدا
سمعت صوت باب الجناح انفتح عضت على صوابعها وهي بتفكر بسرعه ازاي تهدي كلامها
دخل بهدوء وبصلها وعلامات الضيق باينه على وشه: يالا البسي فستانك
ريم بتردد : انا اس
قاطعها بحده : اششششش ولا كلمه حسابنا بعدين دلوقت مافيش وقت
ريم بحيره اضطرت تسكت وتلبس
طلع من الجناح قبلها
نزلت بعده وهي ضايقه الدنيا بيها ركبت العربيه من وري
سها لفت عليها وبصتلها : الله يسامحك يا امير ازاي بس حفله بدون مكياج ؟؟؟
امير وهو بيحاول يكتم ضيقه : امي الله يرضى عليك ما تفتحيش الموضوع انتهينا منه واذا سمعت انها حاطه مجرد كحله مش هيحصل طيب
سها مش عاجبها كلامه : عملتي ايه بشعرك ؟؟
ريم وغصبت نفسها تتكلم : تسريحه
قاطعتها سها : فين التسريحه مش باين من فوق الطرحه تسريحه
ريم بدون نفس : مش عاليه بس حركات بسيطه
ولفت وشها للشباك بقهر
*******************
في القاعه
كانت مقهوره كل البنات عاملين تسريحه
وفساتين اخر موديل ومكياج حاجه تجنن وهي حاسه نفسها زي الهبله
قربت واحده من المعازيم من ريم وسلمت
عليها : انت مرات امير ؟؟
سها : ايوه دي مرات امير
الست : الله يهنيهم بس استغربت ازي ابنك اخدها ما شاء الله عليه امير ما يناسبه الا دكتوره زيه
ريم بقرف : يعني بنتك دارسه طب وجايه تتمسحي عند امه علشان ياخد بنتك
سها حست بالاحراج من الست : ريم ايه الكلام ده؟؟
ريم بدون مبالاه سابتهم
قعدت على طربيزه بعيده شوي وهي بتفكر
المفروض تحسن علاقتها مع الناس افضل من كدا بس هما ينرفزوها ويقهروها بكلامهم كانت قاعده ولا كانها من اهل العريس
قاعده بمكان منزوي عن العيون وعقلها سارح بافكارها
مش عارفه ليه لما تحس بالحزن كل المواقف المحزنه تتذكرها وتزيد حزنها ..مش عارفه ليه كلمه من عمها خالد لما قال لها ان شاء الله تموتي وترتاح الناس من
شرك ولا حد قال بعيد الشر عنها وكأنهم يتمنوا ومنتظرين الساعه دي بفارغ الصبر
للدرجادي بيكرهوها ؟؟؟!!
افتكرت قبل ما تدخل القاعه شافت ابوها نادر واقف مع خالد ومبسوطين
يستعر يقرب ويسلم عليها ويسأل عن اخبارها
حاسه بالوحده تخنقها كرهت حياتها وكرهت كل الي حواليها
بلعت غصتها وهي مخنوقه الاجواء خانقتها واللي زاد عليها نظرات امير كانت كلها وعيد وتهديد وزعل طول الطريق
*******************************
قدام الاستوديو واقف برا مع الشباب وعمامه مستنين العريس والعروسه علشان الزفه
بعدت عن الاغاني عشان تسمع امير عاوز ايه
امير بنرفزه : ايه المهرجانات دي ؟؟؟
سها بارتباك : عمتك هيفاء الله يسامحها طلبت مهرجانات من الدجي
بالصدفه عدت هيفاء من المكان
سها : خد هيفاء وكلمها انا ماليش دخل
عقدت هيفاء حواجبها مش فاهمه القصه :الو
امير بزعل : عمتي ايه الاغاني دي ؟؟؟
هيفاء : عادي يا امير ماتدققش فرحه العمر
امير نفخ بضيق : فرحه العمر بس كلامهم بيئه
هيفاء : ليه بتقولي كدا قوله لمراتك حتى المعازيم بيتفرجو عليها وهي بترقص ع البيئه
امير اضايق من كلامها : اديني امي
هيفاء ابتسمت بخبث ومدت الموبيل لسها
امير بهدوء :امي فين ريم ؟؟ صحيح انها رقصت ؟؟
سها : والله يابني ريم اول ما دخلت شفتها حتي كسفتني مع ست باسلوبها الزفت وبعدها ما شوفتهاش فين راحت معرفش
امير : شوفيها وانا مستني اتصالك
سها : الله يهديك ما عنديش وقت اشوف لك ريم بين المعازيم دي كلها واذا على الرقص ما شفتهاش نزلت ولا رقصت ما تردش علي هيفاء
امير : طيب مستني اتصالك ما تتاخريش وانا لما اوصل هدور عليها بنفسي
***************************
رفعت راسها تشوف المعازيم وتتفرج
سمعت اسمها بصت لقت ندي بهدوء
ندي بلوم : فينك بدور عليك ؟؟
ريم بصتلها وما ردتش ودموعها ملئلئه بالدموع
ندي حست فيها شي مسكت ايدها : تعالي
نشوف قاعه فاضيه نقعد فيها انا اجواء الاغاني كلها مش بتعجبني ولا برتاح فيها
وقفت ريم وهي حاسه بأي لحظه تنفجر دخلوا قاعه فاضيه وقعدت جنبها ومسكت ايدها بحنيه : مالك فيك ايه يا بنتي ؟؟؟
ريم انفجرت بكاء ورمت نفسها بحضن ندي
مسحت ندي على شعرها بحنيه : ابكي قد ما تقدري اكيد ترتاحي يا بنتي يا حبيبتي
حل الصمت بالمكان الا من صوت بكاء وشهقات ريم
بعد مرور وقت رفعت ريم راسها و مسحت دموعها
ندي وعيونها مليانه دموع : ارتحتي دلوقت ؟؟
هزت ريم راسها وعيونها وانفها احمر
ندي : حد ضايقك ؟؟
ريم ابتسمت ودموعها نازله : لا ما فيش حاجه
ندي ما حبتش تضغط عليها : براحتك بس اذا غيرتي رايك وحبيتي تفضفضي انا جاهزه
وبعدها بصت ل ريم بهدوء : ايه وضعك بعد الجواز؟؟؟
ريم رفعت راسها وبصوت مبحوح : الحمد لله بخير
ندي حست انها ريم مالهاش نفس تتكلم : اسمعي يا ريم اهم حتجه تسمعي كلمه جوزك ما تلفتيش لحد اهم هو جوزك، والاهم تحترمي اهله لان من احترام الزوج انك تقدري اهله حتى لو غلطوا فيك مالوش داعي تردي عليهم صدقيني اذا سكتي احترام لجوزك بتكبري بعينه حتى اهله هيحسوا بالندم ويرجعوا يعتذروا ليك
ريم زفرت بضيق : بتطلبي المستحيل
ندي : ازاي صعب ؟؟ دلوقت احترام اهل جوزك صعب !!!
ريم بعجز : طنط انتي تعرفيي عن حياتي وتربيتي
من صغري وانا ارد واشتم اللي اكبر مني من صغري وانا مش بسكت لحد ،بالرغم من الضرب الي كنت باخده بس كان عنادي وتصميمي اني اقهرهم اكبر من كل شي صعب اني احترمهم صعب وبالذات خالد ده مش بطيقه ابدا كلامه تقيل ورخم شبه ما اقدرش اسكت له
ندي بلوم : يا ريم انا عارفه ان خالد بيسمعك كلام غتت بس طنشيه اخرته يمل ويسيبك في حالك
ريم بتردد : ممكن اسألك ايه سبب العداوه بين خيري وبين جدي سليمان
ندي : انا اقولك القصه من اولها لآخرها
هزت ريم راسها وهي متحمسه تعرف سبب نبذها
امير وهو يكتم عصبيته : ازاي مش موجوده ؟؟؟
سها : يا امير انا طول الفرح بدور عليها ومش لقياها بالقاعه حتى موبيلها الظاهر انه فالبيت اتصلت وما ردتش
امير: طيب دلوقت انتهي الفرح والعرسان مشوا هتكون راحت فين دي؟؟
سها: والله مش عارفه اكلمك بعدين دلوقت وصلنا الفندق اتصل بجدتك او نسرين خليهم يشوفوها
قفل مع امه وهو مقهور له اكتر من نص ساعه بيدور عليها
اتصل بنسرين : الو
امير بعجله : انت فينك ؟؟
نسرين: قريب من البيت رجعنا مع صقر
امير : شفتي ريم ؟؟؟
نسرين : شفتها اول الفرح بس بعدها ماشفتهاش
امير: إسألي روان
نسرين سألت روان ..........
نسرين: ما شافتهاش اليوم كله
امير نهى المكالمه وهو ماسك اعصابه
.........................................
رن موبيل ندي ردت بهدوء ........
بعدها قفلت الموبيل ووقفت : اكمل لك بعدين ده بدر واقف برا مستني ومستعجل اظاهر الوقت سرقنا
ريم : هزت راسها وهي بتفكر بالاحداث ولبست طرحتها وطلعت مع ندي
ريم : الفرح خلص والكل روح
ندي : ولا يهمك خلاص ترجعي معايا
هزت ريم راسها وراحت لعربيه بدر هي و ندي
وقبل ما تدخل في ايد مسكت ايدها
لفت واتفاجئت : أأمير
امير وملامحه ما تبشر بالخير : امشي معاي للعربيه
وبعدها بص لندي الواقفه وبأدب : ازيك يا مرات عمي ؟؟؟
ندي بهدوء وحست امير مضايق من تاخير ريم : الحمد لله بخير وبعتذر اني اخرت ريم معايا وهي مستنياني
امير بهدوء : حصل خير
وبص لريم وبعدها استأذن وراح للعربيه وريم وراه طول الطريق ساكت وما تكلمش بكلمه وريم باصه من الشباك وحاسه اليوم مش هيعدي على خير
وصلوا البيت وضرب باب العربيه بقوه اتخضت ريم ومشت وراه وهي تتشاهد على روحها دخل الجناح وهي وراه رجل لقدام ورجل لوري راح لغرف مصعب ولطيفه وبعدها بدقايق دخل الصاله وهي واقفه
بصاله وقلبها يرقع طبول مابصلهاش ودخل الغرفه
قعدت بالصاله تهدي نفسها مش عارفه ليه
بتخاف منه اذا كان متعصب قعدت ربع ساعه وما طلعش دعت ربها انه يكون نايم
*********************************
تاني يوم
وقفت فالمطبخ وهي تحمد ربها انه ما فتحش معها اي موضوع امبارح ولا ضربها ولا حتى عاتبها صحيح بتحس انه زعلان ومش بيكلمها
جهزت القهوه وطلعت للصاله كان قاعد يتابع الاخبار
حطت القهوه قدامه مبصلهاش ولا بص للقهوة عيونه مثبتها على tv
راحت لغرف مصعب ولطيفه وصحتهم وجهزتهم
وطلعت بصت للقهوه زي ما هي ما شربش منها
وقف وهو باصص مصعب ولطيفه : الفطار تحت يالا ننزل
انقهرت ريم ولا عبرها واتأكدت انه زعلان بس سكتت مالهاش وش تكلمه بعد الفطار قعدوا بالصاله الكبيره
سها : ليه ريم ما نزلتش تفطر ؟؟
امير بهدؤ: مالهاش نفس
ورجع يطقطق بالموبيل
خالد : امتى جاي رامي مابقاش كتير على صلاه الظهردلوقت ابويا يستعجلنا
ايهاب : اتصلت بيه بيقول على الطريق
سها باستغراب : ليه ابو ايهاب ما رجعش من السفر مع عمي
خالد : في شويه مشاكل بالشركه برا واضطر فخري يبقي هناك
نزلت ريم علي السلم بهدوء وتعب نفسيا وجسديا وحاسه حلقها مجروح بدايه زكام
قالت السلام بهمس وقعدت جنب امير
ما رفعش عينه وهو يطقطق بالموبيل
خالد بانتقاد : وعليكم السلام ورحمة الله وبركاته
طنشت ريم ولا ردت
سها : انتي غطستي فين امبارح ما شفتكيش ؟؟
ريم بهدوء : كنت مع طنط ندي
نسرين بنغزه : وليه ما حضرتيش الفرح ؟؟
ريم بحده : ما يخصكيش
امير يطقطق بالموبيل ببرود
خالد بحده : احترمي بنت عمك ماتنسيش انها اكبر منك
ريم افتكرت كلام ندي وسكتت ما ردتش
خالد بعصبية : شايف القط بلع لسانك والا مش قد المقام ما ترديش عليا ؟؟!!
ريم اتعصبت : اذا رديت مش خالصه واذا سكت مش خالصه انت عاوز مني ايه بالظبط
خالد وقف بحده : قومي اضربيني قلمين
قاطعهم دخول رامي وسميه
رامي بابتسامة : سلام عليكم جميعا
سكت خالد ونفخ بضيق وسلم على العرسان
سلمت ريم على سميه بهدوء وباركت لها بهمس وقعدت
قعد الجميع بعد السلام وقعد امير جنب ايهاب 
بصت ريم لسميه وهي قاعده جنب رامي لابسه هدوم ضيقه والكحله بعيونها
ولزقه برامي ريم بنفسها خايفه يطير لازقه فيه بنات اخر زمن
كان الكل يتكلم مع رامي وسميه وفرحانين بيهم
ورامي ماسك ايد سميه خايف تضيع منه
بصت لامير الي فاتح بؤه علي الاخر ويضحك ومبسوط اتنهدت بقهر وطلعت الموبيل وفضلت تطقطق فيه
بعدها بدقايق استأذن خالد علشان يروحوا لصلاه الجمعه ...
بعد ما طلعوا
نادى رامي على سميه وطلعت دقايق وبعدها رجعت وخلعت الطرحه وفردت شعرها كانت مصفره شعرها
ومفرود والظاهر انه مسحوب (مكوي) ومكياج ناعم ريم حست بالضيق وافتكرت يوم صباحيتها ولبسها ولا كأنها عروسه
نسرين: ما شاء الله ربنا يحفظك من عيون الحساد
(وبصت لريم )
روان : حصني نفسك خايفه بعض ناس ينشوكي عين
ابتسمت سميه بهدوء
سها: اي ساعه طيارتكم ؟؟؟
سميه : على الساعه 3.00
نسرين : تتهنوا ان شاء الله وما تنسيش الهدايا
سميه بابتسامة : انسى الدنيا كلها وولا انساك
روان : ما تنسوش تتصورا علشان نشوف صوركم
كانت ريم تطقطق بالموبيل ومتأكده انهم يرموا عليها تلقيح كلام
مش ها تنكر انها لحد الان مضايقة لانها ما سافرتش
بس خلاص بتحاول تتأقلم وتقنع نفسها انه مش ضروري
وقفت ريم وطلعت من الصاله وطلعت على جناحها
قعدت بالصاله وحطت اللاب بحضنها وفضلت تفر بالمنتديات لوقت الغداء
*********************
عالغداء كانت تسرق النظر غصب عنها
لرامي وسميه وتشوف ازاي رامي مهتم بسميه ويحط الاكل قدامها ويضحك معها
نزلت نظرها حتى ما حد ينتبه لها
وسرقت النظر لامير كالعاده كأنه ما فيش حد على السفره الا هو وعياله
نزلت نظرها وقعدت تلعب بالملعقه وهي تقارن ،فيها سميه ايه شي زايد عنها
رفعت نظرها لما سمعت صوت خالد : ما تتكسفيش يا سميه انتي في بيتك
سميه بخجل : تسلم يا خالو
نزلت نظرها وهي تردد جواها
انا محتاجه الاهتمام ده مش سميه
اكلت ملعقة رز مالهاش نفس للاكل مش قادرة تبلع اللقمه
سمعت رامي بيقول لسميه : بس دي اخر لقمه
غمضت عيونها بألم
وبعد وقت ما بقاش علي السفره الا هي وخالد وسها
ولسه بتمضغ نفس ملعقه الرز
سها لجوزها : يا نهاري علي سميه ما اكلتش أل مكسوفه
خالد : بكره تتعود علينا
بصتلهم ريم وجواها بيصرخ ... انا اللي ما اكلتش انا
شوفوا صحنها لاحسته ما بقاش فيه حاجه شوفوا صحني ما اكلتش منه حاجه
بس ما حدش حاسس ولا عارف عني
نزلت نظرها وبعدها وقفت وطلعت وهي سامعه خالد ينادي عليها
حست بنفسها مخنوقه مخنوقه
عدت من الصاله امير قاعد مع اخواته ويضحك ولا بصتلهم
وطلعت للطابق التاني مخنوقة
شافت احمد نادته بصوت مخنوق : احمد
قرب احمد منها
ريم عطست : اتسو
بعدها بصت لاحمد : تلعب ؟؟
احمد : يالا تعالي
راحت معاه لغرفته وقعدت تلعب حتي تتناسى ضيقها
وترجع لطفولتها تحب تلعب مع العيال وتعيش طفولتها لمجرد تنسى همومها واحزانها مش عاوزه تكبر ويكبر المها عاوزه تبقى صغيره كل همها لعبتها وبس
بعد ربع ساعه دخلت جو مع اللعب ونسيت
خالد وحركاته وكل شيء وكل شيء 
ضحكت من قلبها على شكل احمد الخسران عادوا اللعبه من جديد
وفازت ريم وفضلت تناكف باحمد وتلعب بحواجبها وتضحك بصوت عالي
احمد بقهر : والله لنعيدها وافوز عليك
ريم وهي تحرك حواجبها : نو نو نو نو نو نو نو
احمد انقهر ولحقها : والله لتعيديها
جريت ريم خارج الغرفه وتزعق ونزلت السلم وهي تتزحلق وصوت ضحكها طالع
وقف امير
نزلت السلم وجريت للصاله وهي بتضحك
احمد وهو يصرخ : والله لتعيديها غشاشه غشاشه
امير بيحاول يتظاهر بالبرود : احمد فيه ايه بعدين
احمد وقف : انا حلفت الا نعيد اللعبه دي غشاشه
ريم تمثل ببراءه :ايش دخلني لعبت معاه وفزت عليه
خالد بأمر : غوري روحي العبي معاه ويا ويلك اذا فزتي عليه
امير ببرود طلع من المكان كله
ريم قعدت بتعب : تعبانه دلوقت
خالد : دلوقت تعبتي ؟؟
وقفت ريم وومشت للسلم ووراها احمد
وقفت علي باب الجناح وبصت لاحمد : تعبانه دلوقت خلاص اوعدك نعيدها بعدين
احمد بصلها وهز راسه وراح
دخلت ريم الجناح وراحت لغرفه النوم
ورمت هدومها بإهمال ورمت نفسها على الس ريرحاسه نفسها تعبانه
غمضت عيونها ومن التعب نامت

الفصل الخامس والاربعون


 45


صحيت كان المكان ضلمه حطت ايدها على جبينها

كانت حرارتها مرتفعه راحت بشويش ونورت نور الغرفه ونزلت لهدومها ورفعتهم عن الارض 

وحطتهم بالدولاب بعشوائيه 

طلعت من الغرفه شافته فالصاله ومعاه مصعب ولطيفه والظاهر يحكي لهم قصه 

راحت للمطبخ واخدت علبه عصير 

وشربتها وهي سانده على التلاجه حست الرشح هز جسمها هز حست كل جسمها مكسر 

كملت وراحت للصاله وقعدت قصادهم

وحطت ايدها تحت خدها وهي باصه للبعيد 

وتسمع للقصه 

كان يامكان فيه بنت عايشه في حي فقير وبيتهم من الطين قديم ..كانت البنت عايشه في البيت لوحدها بعد موت امها وابوها... على الرغم انهم كانوا فقراء الا انهم كانوا سعداء ..كانت البنت بتعيط وحزينه لموت امها وابوها فا مبئلهاش اقارب بقت وحيده في الدنيا الكبيره وفي يوم من الايام بلغتها جارتهم انها ليها اقارب بالمدينه قررت البنت انها تزورهم وتبلغهم بوفاه والدها اخدت العنوان من جارتها

وانطلقت تاني يوم الصبح بدري للمدينه 

وبصعوبه لحد ما وصلت للعنوان كان قصر كبير جميل جدا فكرت انها غلطت بالعنوان بس اتشجعت 

وطلبت من الحارس يدخلها بعد ما اظهرت له البطاقه الشخصيه اذن لها الجارس تدخل القصر بعد اتاكدت انها من نفس اسم العائله دخلت القصر وكان باستقبالها الجد 

كان من مظهره يدل على القسوه : مين انت ؟؟ 

مدت له البنت بطاقتها 

اخدها الجد بقسوه وبص للاسم : انا معنديش ابن بالاسم ده

البنت : بس 

طردها الجد من قصره 

وقفت ريم مش قادرة تسمع اكتر اتأثرت من القصه

وحست انها قريبه من حياتها بس فيه فرق ان امها وابوها اتبروا منها مش بس اهل ابوها دخلت للغرفه ومسحت دمعه نزلت على خدها 

ورجعت تنام وهي حاسه الوجع يزيد اكتر 

دخلت للمطبخ وحاسه حيلها مهدود ما نامتش الليل من الرشح شربت كوبايه ميه وقعدت بالصاله امير كان في شغله تعبانه مش قادرة تروح تصحي مصعب ولطيفه غمضت عيونها بتعب

صحيت على صوت امير : انت حياتك 24 ساعه نوم او لعب نفسي اشوفك قد المسؤوليه 

كانت ريم بصاله مش فاهمه حاجه

امير بنرفزه: متبصليش كدا زي الغبيه انا مبقتش طايق تصرفاتك الساعه دلوقت 2 بعد الظهر وحضرتك نايمه 

نفخ بضيق : رجاء يا ريما رجاء انتبهي على تصرفاتك وحاولي تكوني قد المسؤوليه 

ريم نزلت نظرها وما ردتش 

امير : انا دلوقت نازل اصلي وحصليني متتأخريش علي الغداء

ريم بهدوء : لا مش استناني على الغداء مش جعانه 

بصلها وهو قافل ملامحه : احسن توفري 

ونزل بعد ما ضرب الباب بقوه 

قعدت على الكنبه بتعب ومسحت دمعه ولحقتها دموع ..ما حدش حاس بيها ولا حد مهتم بيها 

وحتى لما تمرض ما حدش يحس بيها 

وقفت وراحت لغرفة النوم ودفنت وشها بالمخده وهي تصرخ تبكي وجع المرض تبكي احزانها 

تبكي هموها تبكي الحرمان لحد ما دخلت عالم الاحلام


*****************************

تسريع الاحداث

عدا الاسبوع التالت من زواجها نفس الروتين

لا يخلو من المشاده مع خالد وراحت زارت جدها مرتين وامير جاب مربيه لعياله لانه عارف ان ريم مش قد المسؤوليه كانت قاعده بالصاله مع سها والبنات 

بعد ما طلع امير يصلي بالمسجد 

قامت سها تصلي 

بعدها رجعت قعدت وقاموا روان ونسرين يصلوا

بعد نص ساعة دخل امير وقعد بهدوء 

وبص ل ريم تطقطق على الموبيل

سألها سؤال عابر : صليتي ؟؟؟ 

ريم بهتت ملامحها وبصتله مش عارفه تقوله ايه 

امير استغرب من ردت فعلها : ليه مش بتردي ؟؟ 

وقفت ريم بارتباك : ها دلوقت اطلع اصلي 

وما فتحتش له مجال وبسرعه راحت طلعت للجناح 

اتنفست بارتياح وقعدت على الكنبه

شهقت لما شافته دخل الجناح 

وقف فوق راسها وبهدوء : ليه قاعده ؟؟؟ الصلاه اتأخر وقتها 

ريم بهدوء وقفت : حاضر دلوقت اروح 

مسك ايدها قبل ما تروح وحس باللحظه دي انها بتقطع الصلاه وتأخرها عن وقتها: ريم انتي بتقطعي بالصلاه ؟؟ 

ما توقعت سؤاله وسكتت 

امير بدهشه : يعني بتقطعي بالصلاه وتأخريها (وبعصبيه) ليييه روحي صلي وبعدين اتفاهم معاكي

ريم رجعت وراه خطوه خايفه من رد فعله 

ورمت القنبله : انا مش بصلي

بصلها بذهول :ازاي يعني ؟؟؟ 

ريم وهي حاسه بالذنب : امممم ولا مره في حياتي صليت ومش بعرف اصلي

قرب منها خطوه 

وكرد فعل رجعت خطوه لوري واتكورت وهي تغطي وشها وهي واقفه 


قرب منها ومسك ايدها بعنف : خايفه خايفه مني اضربك اعاقبك وما خفتيش من عذاب وعقاب ربنا ....انتي مش عارفه ايه حكم تارك الصلاه 

مش حافظه الحديث العهد الي بينا وبينهم الصلاة فمن تركها فقد كفر مش عارفه ان بعض العلماء قال الي يترك الصلاه كسلا كافر ولا يصلى عليه لما يموت ولا يدفن في مقابر المسلمين ده اذا كنت كسلا نه وتركتيها وانا الغبي كل يوم الفجر اصحيك تقومي تصلي قبل ما اروح على المسجد 

ومعرفش اني كنت مغفل 

حضرتك مش بتصلي !! 

وانا المغفل الي خطبتك وانا متوقع انك ملتزمه وظنيتك داعيه اسلاميه لما حببتي كاترين في الاسلام كنت راسم لك صوره بمخيلتي انسانه غير عن كل البنات بس للاسف طلعتي ولا تسوي 

سكت وهو يستغفر ربه 

بصلها بحده وسحبها معاه :قدامي اعلمك الوضوء قدامي

مشت معاه وهي تمسح دموعها 

دخل الحمام وقعد يعلم فيها الوضوء بحده 

بعد ما تنتهي

كلمها بحده : عارفه مصعب ولطيفه يعرفوا الوضوء والصلاه 

طلعوا من الحمام وبقهر بصلها : البسي علشان اعلمك الصلاة

ما تكلمتش وهي تمسح دموعها وراحت ولبست عبايه وحطت الطرحه على راسها 

وبدأ امير يعلمها بالصلاه ويشرح لها 

بعد ما انتهي بعصبية : ومسك ايدها قدامي 

ريم بخوف : علي فين عاوز هاترميني ؟؟ 

امير بعصبية : يا ريت اقدر ارميك واخلص منك اصلا ما تشرفينيش تكوني في بيتي 

قومي معاي قبل ما افقد اعصابي(وبصرخه قومي )

وقفت ومشت معاه وهي تمسح دموعها طلعوا من الجناح وهو يسحبها من ايدها 

نزلوا من السلم وكان المكان فاضي 

راح للعربيه وفتحها وبامر : اركبي 

اتأكدت انه هيرميها عند اخوالها لو كان ناوي يرميها عند جدها ما كانش ركب العربيه وبصتله برجاء وهي بتمسح دموعها : والله مش هقطع الصلاه وهحاول

احافظ عليها وما سبهاش بس بلاش ترميني عند اخوالي 

امير بحده : ايه الي ناقصك عشان ما تصليش وشد على اسنانه ايه ناقصك ؟؟ 

ريم وهي تمسح دموعها : ما حدش علمني الصلاه 

قاطعها بحده : بلاش كذب ما حدش علمك ولنفرض ما حدش علمك النت مليان ليه ما دخلتيش واتعلمتي الصلاه لو سألتي احمد كان علمك بدل ما تقضي ساعات معاه باللعب متحاوليش تطلعي حجج ليا انا مش هفيدك الاهم انك تستغفري ربك على تقصيرك بالصلاه 

سكتت ريم وهي حاسه بعظمه ذنبها وتقصيرها ازاي اتهاونت بالصلاه دايما تقول نفسها تصلي بس ولا مره حزمت امرها

وبحثت ازاي تتعلم الصلاه 

مسحت دموعها وركبت العربيه باستسلام 

حرك العربيه وبضيق ومش قادر يستوعب : انا انا مراتي مش بتصلي و بحده يمكن كمان مش بتصومي ؟؟

ريم من غير ما تبصله وهي تمسح دموعها : والله بصوم 

قاطعها : اشششششش صوتك مش طايق اسمعه لانه بجد بينرفزني

عم الصمت بالعربيه وريم باصه من الشباك وتمسح دموعها 

وقف العربيه وبصلها بحزم ..امسحي دموعك 

وناولها ازازه مايه : اغسلي وشك دقيقه وراجعلك 

غسلت وشها وبعدها بصت لاسم العماره اللي واقفه العربيه عندها وشهقت 

والاسم يتردد في ودنها

دار الايتام 


دار الايتام 


دار الايتام 


دار الايتام 


دار الايتام 


دار الايتام


مسحت دمعها نزلت غصب عنها 

بعد ربع ساعه فتح الباب وبحزم : انزلي ودموع التماسيح دي مش عاوز اشوفها 

بصتله ريم بانكسار 

ونزلت استغربت ما دخلوش مبنى الايتام راحو لعماره تانيه وكانت مركز تحفيظ القران دخلها وقبل ما يروح بعد صلاه العصر امرها تكون جاهزه وبعدها نزل 

دخلت المركز باحراج كانت واقفه قريب منها مديره المركز وحيتها 

دخلوا لجوه وهي محروجه عرفتها المديره على المكان وعلى الشُعب والمعلمات 

وبعدها دخلتها لاحدى الغرف كان فيه طالبات من عمرها قعدت معاهم هاديه 


رحبت فيها المعلمه وبعدها بدأت تشرح باحكام التجويد اندمجت مع المعلمه 


وبعدها كان فيه درس ديني عطته واحده من المعلمات وكانت المعلمه حبوبه واسلوبها جذاب ما احتكتش بالطالبات كتير بس ارتاحت للمكان


بعدها اذن العصر وصلت معاهم جماعه وحست حياتها بس دلوقت بدأت 

كان فين عقلها لما قطعت الصله بينها وبين ربها 

حاست براحه جواها قعدت تسبح بعد الصلاه 

بعدها سمعت واحده تنادي باسمها انه واحد عاوزها برا عدلت طرحتها وطلعت

كان واقف اول السلم منتظرها 

بصلها وهز براسه علشان تلحقه 

نزلت وراه بهدوء 


وركبت العربيه وقبل ما يحرك مد لها كيس اخدته منه بهدوء واخدته 


وبعدها حرك من غير اي كلمه نزلت لما وصل وما نزلش معها 


وبعدها ساب المكان ورحل


مش عارفه لحد امتى هيفضل زعلان 


نفخت بضيق ودخلت وطلعت للجناح بهدوء قبل ما تدخل كان العيال بيلعبوا 


شافوها ونادوها تلعب معاهم بس طنشتهم ودخلت الجناح 


وقعدت على الكنبه وفتحت الكيس كان فيه مطويات وكتيبات صغيره 


عن كيفية الصلاه ....وفضل الصلاه .....وحكم تارك الصلاه 


بدأت بالاول بكيفيه الصلاه تقرأ بعد ما كملت قرأت عن فضل الصلاه


تابعت ريم قراءه فضل الصلاه وفضل صلاه الجمعه وفضل السنن ......


وهي تتحسر ضيعت على نفسها اجر كبير بسبب تسويفها واهمالها 


كملت قراءه في فضل الصلاه وبعدها فتحت مطويه فيها حكم تارك الصلاة 


نزلت دموعها وهي تبكي ندم على تقصيرها 


بالصلاه وتدعي لامير علي انه قدم لها معروف لا يمكن تنساه طول حياتها

**********************


مرت ايام الاسبوع الرابع بهدوء


امير متكلمش مع ريم ابدا بس متابع لصلاتها 


والفجر مش بيروح للمسجد الا لما تقوم تصلي قدامه وكل يوم بعد يوم ياخدها للمركز القراني 


اتعلمت امور كتيره وخاصه كانت الدروس الدينيه بالفقه اتعلقت ريم بالصلاه خلال الاسبوع ده وتصلي ما تتأخرش عن الصلاه وتصلي بعد الاذان وخاصه بعد ما عطاها امير كتاب عن عذاب تارك الصلاه 

حست انها ممتنه له بشكل كبير وفي نفس الوقت مضايقه لانه مش بيكلمها وكأنها جدار في البيت

***********قصص منه محمد****

يوم جديد

نزلت علي السم بهدوء 

و انصدمت بعد ما سمعت الخبر

سها: طيارتك اي ساعه؟؟ 

امير بهدوء : بكره بعد العصر 


نزلت ريم بسرعه ووقفت بالصاله بملامح مندهشه 


: ناوي تسافر ؟؟؟ 

بصلها امير ببرود ورجع بص لامه : انتبهي على مصعب ولطيفه وكل يوم هتصل معاكم واطمن عليهم 

سها بضيق : انا ما صدقت كملت دراستك وتبقى قدام عيوني ترجع مره تانيه 

ابتسم امير : امي كلها شهرين وراجع انا اشتغلت في مستشفى جديده وما اقدرش ارفض

سها بصت لريم : ليه واقفه ؟؟ 

ريم تستخف دمها : متعرفيش امي ولدتني يوم وقفة عرفه 

رامي من وراها : هههه بايخه مش بتضحك

وقعد ....امير عطى امي نظره وهو رافع حاجب رامي بلع ريقه وسكت 


ريم بصت لرامي باشمئزاز : حد قبلي قالك سخيف

رامي ضحك : هههههه 

كشت عليه ريم : رخم يا ابو نضارات يا ابو اربع عيون

امير عقد حواجبه : ريم ايه الكلام ده ؟؟ بعدين من امتى بناتنا بيهزروا مع الشباب كدا؟؟ 

سها لوت بوزها : تربيه ساره وغاده عاوزها تلاقي ايه 

امير طنش كلام امه وبحده : ريم اعتذري لرامي بسرعة ومش عاوزك تهزري معاه 

ريم بجديه : ومين قال اني بهزر ؟؟ دي الحقيقه

قاطعها امير بحزم وشاور على اخوه : كلامي مش هكرره قلتي ايه؟؟؟

ريم نفخت خدودها بضجر : عاوزني اعتذر لرامي 

اتكتف امير وبصلها : مستنيه ايه ؟؟ 

ريم بصت لرامي : سوري منك يا ابن عمي

ولفت وشها بطريقه ما يشوفهاش امير وهمست لرامي : يا ابو اربع عيون 

ضحك رامي بصوت عالي 

ريم ببراءه وهي باصه لامير : شفت اعتذرت له وقاعد يضحك عليا 

نفخ امير بضيق وعارف حركاتها : اقعدي وسيبك منه او اطلعي على الجناح 

ريم وهي واقفه : لا عاوزه اسافر معاك واشوف العالم والناس 

وغمضت عيونها بحالميه 

هز امير راسه بفقدان امل انها تعقل : لو كنت هاخدك معايا كنت اخدت عيالي مش فاضي اصلا ما عنديش وقت اسرح بتلات عيال

رامي ضحك : هههههههه جامده في حقك دي يا ريم 

عطاه امير نظره حاده : وبعدين معاك انت شارب حاجه ؟؟؟ 

سها : انا بقول يا امير لو تتجوز واحده عاقله وكبيره تهتم بعيالك 

ريم فتحت عيونها على وسعها الحربايه عينك عينك ولا استحت منها بس علي مين مش ريم الي تسكت عن حقها بصت لسها وابتسمت 

وقعدت قريب منها : عندك حق يا حماتي عندنا فالمدرسه ابلتين اخوات واحده كبيره والتانيه صغيره جمال واخلاق وادب نجوز امير الصغيره والكبيره لعمي خالد ونشوف المديره لجدي ها ايه رايك؟؟؟

سها وقفت بعصبيه : الله ياخد افكارك الغبيه 

وبصت لامير بعصبية شفت مراتك عاوزه تجيب ضره فوق راسي 

ابتسم امير بهدوء 

رامي: ما فيهاش حاجه يا ماما مثنى وثلاث ورباع

مسكت سها الخداديه وضربته بيها

سها : ابلع لسانك يا حيوان 

رامي بغمزه : اعصابك يا يمه علشان صحة البيبي

سها ووشها احمر من الكسفه بتتكسف جدا من الموضوع ده

ريم وقفت بابتسامة : امووووووت علي الي بيتكسفوا ياناس

سها : ريييم 

دخل خالد بهدوء : ليه صوتكم طالع ؟؟ 

قربت ريم من عمها : الله وكيلك ده حماتي نفسها تجوز امير قلت لها عندنا ابلتين اخوات يجننوا امير ياخد الصغيره وانت يا عمي تاخد الكبيره (وغمزت له ) تجنن يا عمي تجنن

خالد ابتسم وعجبه الموضوع : مش غلط فكره حلوه

سها بعصبية : خالددددد 

ضحك خالد : ههههههه بهزر معاكي انتي عندي بالكون كله

وبص ل ريم: الكبيره عمرها كم ؟؟ 

ريم بتفكير : اممممم تقريبا 33 سنه

سها بقهر : مالك انت ومال عمرها 

خالد بتورط : ها لا لا ده واحد صحبي بيدور علي عروسه وفكرت ادله عليها 

وبص لريم بتشكيك : طلاما حلوه وموظفه ليه متجوزتش لدلوقت

ريم بجديه : لا هي متجوزه ومعها تلات عيال بس بحس جوزها مش يناسبها

امير باستخفاف : انا نفسي افهم حاجه واحده ازاي متفوقه في المدرسه ازاي؟؟؟غبيه انت ست متجوزه ازاي عاوزه تخطبيها ؟؟؟ 

ريم بجديه : عادي نقول لها تتطلق منه وبعدها يخطبها عمي بقولك جوزها مش يناسبها مش حلو ابدا يييععععع

سها بسخريه :وايه عرفك بجوزها؟؟ 

ريم ابتسمت : شفتها ركبت معاه 

خالد والفرصه جات لعنده ضربها على راسها : ويلوموني لما اضربك 

ريم مسحت مكان الضربه ومدت البوز : بتوجع 

خالد قعد : ماهو ده المطلوب

رامي ابتسم : طيب والصغيره عزبا ولا مطلقه ولا عندها عيال ؟؟ 

ريم ابتسمت بعباطه : فالامتحانات النهائيه كانت حامل يمكن دلوقت ولدت وبقي عندها طفل 

وقف خالد بنرفزه ومسكها من ايدها ودفعها : اطلعي فوق قبل ما ارتكب فيك جريمه بتستهبلي علينا 

ريم بصتله : اعصابك ليطق لك عرق 

امير بصرخه : رييييييم 

ريم مدت بوزها 

امير بحده : اعتذري بسرعة 

ريم كانت امنيتها تعاند بس لما تشوفه متعصب 

بتخاف منه بصت لعمها ومثلت الابتسامة : السماح يا عمي 

خالد انبسط : والله ما توقعتك يا امير تروضها كدا

ريم كشرت وطلعت لجناحها

********قصص منه محمد**********

يوم السفر 

واقفين عند شباك صاله جناحهم امير برا وريم جوا وفارق الطول واضح 

امير بهدوء مغلفه الحزم : يا ويلك يا ريم حد يتصل يشتكي منك صدقيني مش هيحصلك طيب انا طول عمري هادي لكن اذا اتعصبت مش هتعرفيني

ابويا وامي لسانك قصريه معاهم رجاء والعيال مش همنعك تلعبي معاهم مره واحده بس حاولي خففي على الاقل قدام الناس 

ريم باصه من شباك الصاله وبعدها بصتله : ان شاء الله 

وبتردد : لسه زعلان مني ؟؟ 

نفخ بضيق وبص من شباك الصاله للبعيد : مش هرضي بالسهوله دي وماتسألنيش عن الموضوع ده لحد دلوقت مقهور منك ومن تصرفاتك ومواقف كتير مشتها وطنشتها بمزاجي صدقيني لو واحد غيري كان هد البيت فوق راسك بس طنشت بمزاجي بس الايام الجايه ما ضمنش نفسي اسكت لك وزي ماقلتلك الصلاه حافظي عليها ومصعب ولطيفه اذا اتصلوا يشتكوا منك مش هيحصلك خير ابدا 

ريم بهدوء : حاضر 

بصلها باستغراب : تعرفي بقالنا متجوزين تقريبا شهر !! 

ريم عقدت حاجبها باستغراب : عارفه

امير باستغراب : مش عاوزه تزوري امك ؟؟ 

ريم اتفاجئت من سؤاله امها خلاص صفحه من الماضي وطوتها ولا بقت تفكر فيها ولا تشتاق لها بصتله بضياع : هاه

امير : ليه بصالي زي العبيطه ؟!! 

عموما اذا عاوزه تروحلها انا مش همنعك استنيت منك تطلبي مني بس غريبه ما طلبتيش انا هطلب من صقر ياخدك ليها زياره بس بشرط ما تناميش عندها تروحي من الصبح وبعد العشاء ترجعي مفهوم

هزت راسها وهي مش ناويه اصلا تروح خلاص ما بقاتش تفكر فيها لكن اذا حد فكرها او عايرها تتضايق ....بس خلاص امها صفحه وطوتها ولا بقت تعملها اهميه.......صحيح بر الوالدين لكن اذا امها مش عاوزه تشوفها ليه تعمل لها مشاكل مع جوزها كدا مرتاحه وهي بعيده عنها مش عاوزه تتقرب منها لانه اكيد هيصدر من امها مواقف تجرح وهي مش ناقصها اللي فيها مكفيها


******************

دخل خالد بعجله :فين امير مفيش وقت على رحلته 

سها مدت بوزها : مع ست الحسن والدلال بيودع فيها 

خالد بضجر : هو وقتها دلوقت ريم 

في الوقت طلع امير من الجناح ومعاه ريم نزلت معاه للصاله وسلم على امه 

وطبعا سها عملت له فلم آكشن وقبل ما يطلع 

قرب من ريم وهمس في ودنها كلمات وبعدها طلع مع ابوه 

اتغيرت ملامح ريم 

سها بفضول : قالك ايه ؟؟ 

ريم رفعت حاجب : سرررررررررر

سها بفرسه دابحه : صدقيني اذا ما قلتيليش

سابتها ريم قبل ما تكمل طلعت للجناح 

وهي سامعه سها تتوعد فيها اذا ما قلتلها

دخلت الجناح ودخلت لغرفه النوم رمت نفسها على السرير تبكي بقهر وتفتكر لما همس في ودنها

-اتمنى ارجع الاقيكِ عاقله 

ريم :ليه انا مجنونه علشان يقولي كدا شايف نفسه ومغرور بس مش قادرة تتصور ازاي يفوت شهرين من غير ما تشوفه

اتعودت على وجوده على الرغم من قصر المسافه اللي عشتها معاه 

لكن حاسه نفسها عايشه معاه من سنين صحيح اخر اسبوع كان مش بيكلمها

بس ان شاء الله ينسى ويرجع يكلمها عادي 

مسحت دموعها 

ومسكت الموبيل وظبطت المنبه على صلاه المغرب وحطت راسها ونامت

*******قصص منه محمد*************

تاني يوم 


نزلت تحت وسمعت موبيل سها يرن نزلت بسرعة وقلبها طاير اكيد امير

كانت سها بالصاله وعندها مصعب ولطيفه 

سها ردت بفرح : اهلا يا روحي ........الحمد لله بخير .........اخبارك انت ...........كلنا بخير ...............خد ده مصعب

مصعب ببراءه وفرحه : الو .......بخير ......اخبارك يا بابا .........ان شاء الله ........عمو صقر اخدنا للسوبر ماركت النهارده الصبح.......

..........ان شاء الله 


ومد الموبيل للطيفه : بابا عاوز يكلمك 

لطيفه بابتسامة : بابا امتى تيجي ...........بخير ......جيب لي هديه كبيره.........حاضر

ومدت الموبيل لجدتها : بابا عاوز يكلمك 

اخدت سها الموبيل : الو .........ربنا يحفظك ............هههههه ان شاء الله ...........جدك بكره ان شاء يوصل ........ان شاء الله ..........مع السلامه 

وقفلت الخط 

راحت ريم للصاله بهدوء وحاسه بضيق ليه ما كلمهاش

قعدت بهدوء وحاست الدموع خانقتها

لطيفه جريت عند ريم : بابا قال لي هيشتريلي هديه كبيره 

بصتلها ريم وبعدها مسكت الموبيل تطقطق عليه 

سها بصتلها : ليه ساكته ؟؟ 

رفعت ريم نظرها 

روان وقفت عند السلم : ماما ربع ساعه وراجعه اميره عاوزني ضروري

سها: ما تتأخريش قبل الغداء تكوني هنا 

طلعت روان مستعجله قبل ما امها تغير رأيها 

ريم : خالتي النهارده عندي مركز قرأن مين يوديني ؟؟؟ 

سها : ما فيش حد ياخدك خالد لو تموتي لا يمكن ياخدك تعرفيه مش بيطيق يشوف خيالك

بصتلها ريم ولنفسها فعلا الصراحه احيانا مؤلمه سها تكمل : شوفي صقر يمكن يقبل (وبنغزه او نادر

مسكت الموبيل واتصلت بصقر 

صقر بعجله : اهلا اخبارك ؟؟ 

ريم : اذا مشغول اكلمك بعدين ؟؟ 

صقر بعجله : لا قولي دلوقت بس بسرعه 

ريم بهدوء وتردد : توصلني للمركز القراني 

قاطعها صقر : اعذريني والله جدولي مليان حتى وقت البريك مش برتاح 

قاطعته ريم بدون نفس : خلاص خلاص شكرا اللي يسمعك يقول ما فيش في المستشفى دكتور غيرك

صقر : يعني مش مصدقه ؟؟؟ 

ريم من غير نفس : خلاص صدقتك خلاص اقفل ..يالا سكه السلامه

وقفلت الخط 

سها : رفض ؟؟ 

ريم نفخت بضيق : ايوه

سها: من اسلوبك الزفت معاه اكيد هيرفض ويطفش 

ريم : قومي يا خالتي نطفش نغير جو ونروح عند بيت جدي 

سها قفلت ملامحها : تعبانه يا ريم وما ليش خلق اطلع

نفخت ريم بزهق : اليوم طويل وممل 

سها بهدوء : لسه اليوم بأوله 


)))))))))))))))))))))))))))))))))))))))))))

تسريع الاحداث

فات شهرين على سفر امير كانت ريم احيانا تحس بالملل واحيانا تضيع وقتها باللعب واحيانا على المنتديات المركز القراني ما راحت له ابد لانها ما لقتش حد يوديها

علاقتها مع بيت عمها نفس الشي ما تحسنتش ولا تخلو من المشاده

الجد رجع سافرتاني 

رامي وسميه رجعوا من شهر العسل

وريم طقت منهم طول الوقت جنب بعض ويتهمسوا

واذا طلع تقعد سميه وقت طويل تكلمه بالموبيل وهي تتدلع 

ريم مش بتختلط بسميه ابدا لانها دايما حساها في صف ولاد عمها ولما يطلع رامي تقضي سميه الوقت مع نسرين وروان او على الموبيل تكلم رامي

كانت تروح مع سها لبيت جدها وزارت ندي كم مره

طول الشهر كان كل يوم يتصل امير بأهله ويكلم عياله 

ولا مره طلب ريم تكلمه والشئ ده نرفز ريم وبقت حريقه 

اي حد يكلمها ترد من طرف مناخيرها

وطول الوقت الموبيل بايدها تنتظر اتصاله

((((((((((((((((((((((((((((((((((


قاعده بالصاله وتطقطق بالموبيل

ايهاب بص لرامي بانتقاد : يا اخي اتكسف على دمك 

احنا قاعدين قاعد تتهامس انت ومراتك ولا كأن حد موجود عندكم كلام ما يتأجلش اطلع لجناحك 

رامي رفع حاجب : قول متغاظ مننا

ريم مرارتها اتفقعت منهم رفعت حاجب وبصتلهم باشمئزاز 

رامي عقد حواجبه : نعم  خير ان شاء الله بتبصلنا كدا ليه

بصتله ريم بغرور ورجعت تطقطق بالموبيل

روان : معلش متلومهاش غيرانه منكم لان امير مش عطيها وش هههه

نسرين بضحكه : ههههههه عندك حق يا روان ....لما يرجع امير احنا نتوسط لها علشان يديها وش

رامي بص لنسرين وروان بحده : ايه الكلام الرخم ده؟؟؟ 

ريم بصت لنسرين ببرود ظاهري : وانا كمان بفكر اتوسط لك علشان جدي يوافق انك تتجوزي(وبسخريه وضعك مثير للشفقه جدااااااااااااااااااااا

نسرين بحده : حقيره 

وقفت ريم وهي تلعب بحواجبها وبعدها طلعت رايحه لجناحها 

^^^^^^^^^^^^^^^^^^^^^^

بعد مرور ايام 

كان وضع البيت مقلوب كله تجهيزات لرجوع امير

سها وبطنها بارزه لانها بالشهر السادس وتشرف على التجهيزات 

ريم بجناحها ولا نزلت ولا سالت

نسرين بغيره : ليه ما ينزلش القزم اللي فوق يجهز معنا؟؟؟

سها بتعب : نسرين انا ماليش خلق خليها فوق احسن ما تنزل وتقلبوها حلبه مصارعه لو ليا خاطر عندك سبيها


هزت نسرين راسها بهدوء وسكتت علشان امها والعيال برا في الجنينه منتظرين رجوعه


سها: رامي باقي اد ايه ويوصلوا ؟؟؟ 


رامي: يمكن نص ساعه اوتلت ساعه 


دخلت عصمت بابتسامة وقالت السلام 


سها بابتسامة : اهلا والله نور البيت 


روان : تيته فين الباقي ؟؟ 


الجده : بنات عمك وحريم عمامك ورايا دلوقت يدخلوا


بعدها دخلوا وقعدوا كلهم في هول الفيلا الواسع


نجوي : فين ريم مش شيفاها ؟؟ 


سها: بجناحها فوق 


عصمت : ليه ما تنزلش المفروض تكون اول واحده موجوده بس جيل اليوم محتاجين للي يعدلهم 


***********************


في غرفه ريم


لا بالجمال الجمال ولا كتر مال تمسح دموع اللي انظلم....علي اي حال ابن الحلال هو اللي يصبر علي الالم.....اهي دنيا عايشين فيها وبس كل الاحباب ولا حتي جواب....وانا بيني وبين الراحه اعمل انا ايه ده قدري وبس....حقك عليا ياليالي متزعليش متزعليش ...زعلانه طيب فهميني ازاي هعيش ازاي هعيش


مسحت دموعها بوجع


مقهوره شهرين ما كلفش نفسه يكلمها او يسأل عنها ليه هي حظها كدا ليه 


نفسها تمسح من حياتها مصطلح دموع يا رب رحمتك 


غمضت عيونها بألم ودموعها نزلت وحست صحتها كل ادهورت اكتر 


بصت لنفسها بالمرايه هالات سوداء تحت عيونها وشها نحفان بشرتها باهته 


ما حد سأل عن تغير وشها


حاسه جوه عيونهم السؤال بس كبريائهم يمنعهم 


حاسه بسخافه عقولهم بعد ما سمعت باقي القصه من ندي بيعاقبوها بذنب هي مالهاش يد فيه ولا حتى امها نفخت بضيق وتعب 


ودخلت للحمام غسلت وشها اكتر من مره ونشفته 


وقعدت عند التسريحة مستنيه يخف احمرار عيونها 


وقعدت تشغل نفسها بالاستغفار مش عايزه تفكر بحاجه تكدر خاطرها زياده 


بعد مرور وقت من الاستغفار حست نفسيتها بقت افضل عن الاول


لبست فستان وطرحه وطلعت من الجناح بهدوء نزلت السلم بهدوء 


وكان الهول فاضي راحت في الصالون بهدوء 


دخلت وقالت السلام بهدوء 


هيفاء بانتقاد : كنتي نمتي فوق احسن 


طنشتها ريم وقعدت جنب ساميه بهدوء وحاسه براسها يوجعها جداااا


الجده بلوم : يعني جوزك راجع النهارده المفروض انتي تكوني اول واحده باستقبال الضيوف مش اخر واحده تنزل 


سمعوا تصفير الشباب عرفوا انه وصل .............وقفت سها بلهفه وطلعت تستقبله برا ووراها عصمت ونسرين وروان


والبنات طلعوا للصاله يشاهدوا الموقف 


ريم قاعده بمكانها ما تحركتش وهي بتفكر ليه تجري وراه وهو مجرد اتصال استخسره فيها مجرد رساله يسأل عن احوالها ولا اتصل ولا سأل


ليه دايما لازم تحس بالنقص عن غيرها شهرين ولسه شايل منها وزعلان ايه كل الحقد ده اذا كان كارها ومش طايقها ما يطلقها وانتهينا


نفخت بضيق وقررت تطلع للجناح وجودها مالوش داعي طلعت من الغرفه واتفاجئت ان امير بالصاله وبيسلم على اخواته 


وقفت جنب سلمى بهدوء وهي بصاله الشكل ماتغيرش


كمل سلام على اخواته 


وسلم من بعيد على حريم اعمامه وبنات عمه وبعدها لف وشه علشان يطلع 


وقفته عصمت : الظاهر الغربه اثرت على عيونك ليه ماسلمتش علي ريم


عقد حواجبه وكأنه ناسي الاسم ده


وبعدها ارخى ملامحه وبعذر اقبح من ذنب : ما شفتهاش 


هيفاء بنغزه : معذور ازاي يشوفها وهي كل طولها شبر 


قرب منها ومد ايده يسلم 


قهرها كانت بتفكر تضرب ايده وتبعدها مشفهاش ليييه للدرجادي قصيره عشان يقول كدا بس لانها مش بتهمه ماتنبهش عليها لو كانت فعلا تهمه كان من اول مادخل سأل عنها ويطمن عليها بس يا خسارة طول الشهرين وهي منتظره اليوم اللي يرجع 


فيه كانت حاسها نفسها ببيت عمها من غيره غريبه 


مع انه ماكانش عطيها وش بس وجوده يحسسها بالامان مش بتنكر انها...


عضت على شفايفها بألم ايه الفايده وهو مش داري عني ايه الفايده 


.•''¯'*•.¸¸.¸.• .¸.•''¯'*•.¸¸.¸.•'' .•''¯'*•.¸¸.¸.• .¸.•''¯'*•.¸¸.¸.•''


قاطع افكارها هيفاء : سَلمي على امير له ساعه مادد ايده فين عقلك 

بصت لهيفاء وبعدها رفعت نظرها له كان مادد ايده يسلم عليها

مديت ايدها بتردد سلمت بهدوء 

وبعدها سحب ايده بسرعه و طلع عند الرجاله حتى ولا سألها عن اخبارها عن احوالها عن صحتها ما سألهاش مرتاحه تعبانه عضت على شفتها بقهر وألم 

ضايقها تصرفه خاصه قدام بنات عمها ولا اهتم لوجودها


رجعوا الحريم للغرفه واحتارت تروح تقعد فين مالهاش خلق تقعد مع حد نفخت بضيق


واستغفرت جواها لعل تريح نفسيتها شوي


وهي بتحاول تطنش وتتناسى بس مش قادرة 


اذا لسه زعلان اخره يرضى لا مش هضيق نفسها علشانه 


قررت ترجع عند الحريم 


كانت شايفه بنات عمها يتهامسوا ويبصولها 


طنشتهم وقعدت تطقطق بالموبيل من الملل والالم


بعد ربع ساعه قاموا الحريم للعشاء ريم ما قامتش فضلت قاعده في مكانها 


وهي تتصفح المنتديات عن طريق الموبيل وتقرء مش عارفه هي بتقرء ايه عقلها مشوش وافكارها مبعثره بعد العشاء رجعوا للغرفه وحست براسها هتنفجر من كتر الكلام بعد مرور ساعتين كانت الغرفه فاضيه بعد ما غادروا واخدوا هداياهم 


كلهم طلعوا من غرفه الحريم ما بقاش الا هي وقفت وطلعت منها 


كانوا متجمعين بالصاله ما كانش ليها نفس تقعد


معاهم بس اضطريت عشان ميعلقش خالد عليها بلسانه السليط 


قعدت على كنبه منفرده 


كان امير بيضحك ولطيفه بحضنه ومصعب جنبه 


يكلموه وهو يسمعهم ويضحك معاهم ويشارك اهله بالكلام 


وعصافير الحب كالعاده قاعدين جنب بعض وماسكين 

ايد بعض خايفين يضيعوا 


احيانا نفسها تقول لرامي وسميه متخافوش والله مش هتوه من بعض


بس بتسكت لانهم هيقولوا غيرانه كانت قاعده وهاديه ما تكلمتش كلمه


فقط مجرد مستمعه لكلامهم 


خالد : انا بقول تطلع يا امير ارتاح جاي من السفر واكيد تعبان 


امير وهو يقرص خد لطيفه بابتسامة ويبص لابوه : لايا بابا مش تعبان والله مشتاق لكم خلينا قاعدين شهرين ما قعدتش معاكم 


ورجعوا يكملوا السهره 


ووريم جواها هينفجر جسمها مهدود تعبانه وراسها هتفرقع


بعد ساعه وقف خالد : خلاص كفايه سهر 


وقفت سها : يالا يا عيال ناموا داخلين علي الفجر 


وقف رامي وسميه والبنات وطلعوا بهدوء 


خالد وهو يتاوب : خلاص طفيت 


طلع ووراه مصعب واحمد بيجروا


وقف امير وهو رافع لطيفه وبهدوء : يالا يا احمد 


وراح للجناح ولا حتى عبرها ولا كأنها موجوده حمدت ربها ان ما فيش بالصالة غيرهم كلهم طلعوا قبلهم ولا كانوا شمتوا فيها ليومين


فكرت تقعد وما تطلعش للجناح طلاما كرها للدرجه دي كرامتها فوق كل شئ 


سمعت صوته وهو اعلى السلم : مطوله وانتي قاعده


أفأفت بضيق وقامت بهدوء بدون اي كلمه 



 🌹 🌹🌹🌹🌹🌹🌹🌹🌹🌹🌹🌹

🍁🍁🍁🍁مرحبا بكم ضيوفنا الكرام 
هنا نقدم لكم كل ما. هوا حصري. وجديد.
اترك ١٠ تعليقات. ليصلك. الفصل. الجديد فور. نشره.عندنا. ستجد. كل.
 ما. هوا. جديد. حصري ورومانسى. وشيق. فقط ابحث من جوجل  باسم مدوانة كرنفال الروايات واسم الروايه    وايضاء  اشتركو على قناتنا     

   علي التليجرام من هنا

ليصلك اشعار بكل ما هوه جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹







تعليقات