رواية في يوم وليلة
الفصل التاسع9
بقلم منار حمدي
فى المديرية
عمر: عماد احنا هنتجمع فى المكان بتاعنا اتواصل مع قمر وهاتها هناك الساعة 9بالليل
عماد بفرحة: تمام يافندم
عمر: وماللك مبسوط قوى كدة ياخوية
عماد: لا ابد يافند
عمر: بلاش علي الاقل دلوقتى ياعماد احنا دخلين على مهمة صعبة ومحتاجة كل تركيزنا
عماد بلخبطة : انت بتتكلم عن ايه انا مش فاهم حاجة
عمر: لا انت فاهم كل حاجة
دخل خالد: بس انا مش فاهم حاجة
عمر: مش لازم تفهم المكان جاهز
خالد: كلو تمام
عند انس
هنا: انت عارف ياحبيبي احنا بقالنا قد ايه مخرجناش مع بعض
انس: انا عارف والله اني مقصر معاكي بس غصب عنى
هنا: ولا يهمك ياحبيبي قولى بقى موضوع ايه اللي كنت عاوزنى فيه
انس: اسمعيني ياهنا وانا مهما كان قرارك انا موافق عليه ومش هزعل منك
هنا: خير يا انس قلقتني
انس: هحقولك
وحكى انس كل الحكاية لهنا
هنا: يعني انت مش ابن عمي
انس: للاسف لا
هنا: سكتت ومش بتتكلم
انس: سكتي يعنى
هنا: عاوزنى اتكم اقول ايه
انس: قولى اي حاجة هنا لو عاوزة نسيب بعض ومحرجة انا بعفيكى من الاحراج
هنا: ايه اللى انت بتقوله ده انا مستحيل استغنى عنك انا بحبك انت مليش دعوة بااصلك وفصلك
انس: وانا كمان بحبك ياهنايا
هنا: طيب يلا بقى ودينى الملاهى
انس: طفلة هتفضلى طول عمرك طفلة
عند عماد وقمر
عماد: اه انا شوفتك اهو
قمر بنت زى مابيقولو كدة ما فيهاش غلطة بنت جد جدا وما بتحبش تخطلط بحد وعلى الرغم من انها بنت لاكن متفوقة جدا فى شغلها ودة اللي خلاها تترشح للمهمة دى
عماد وقف العربية وركبت قمر
قمر: السلام عليكم
عماد: وعليكم السلام اتاكدتى ان مفيش حد ماشي وراكى
قمر: اه وانت
عماد: عيب ده انا صايع قديم
قمر: ههههههههههههه
عماد تاه فى ضحكتها: تعرفى ان ضحكتك حلوة قوى
قمر بكسوف : تعرف انك لو ما بصيتش قدامك هنعمل حادثة
عماد: حاضر هبص قدامى
عماد قلبو بيدق جامد وده اول مرة يحصل معاه طيب ماهو بيشوف بنات كتير لاكن ايه اللي بيحصلو لما بيشوفها
وقمر كمان قلبها بيدق ومكسوفة مع انها بتسمع كلام حلو كتير والمشكلة انها مش مدايقة ولا عاوزة توقفو عند حدو زى غيرو ايه المميز فيه هى مش عارفة
ياترى اللي بيحصلهم ده الحب من اول نظرة ولا مجرد اعجاب
طيب عماد هيسمع كلام عمر ولا هيغرق فى بحر حبها من غير ما يحس
وصلنا قالها عماد بعد صمت طال طول الطريق وكل واحد غرقان فى افكاره
قمر: هو احنا فين
عماد: ده المكان اللي بنتجمع فيه لما يكون عندنا مهما
فى قصر الاسيوطى
انس: ازيك يا دادة
دادة فاطمة: اهلا ياحبيبي من زمان ماشوفتكش مبسوط قوى كدة
انس: اصل كنت مع هنا النهاردة وحكتلها كل حاجة
دادة فاطمة: وقالتلك ايه
انس: قالتلي مايهمنيش انت ابن مين اهم حاجة عندى انت
دادة فاطمة: ربنا يكملها بقلها يارب
انس: الحمد لله كنت خايف تتخلى عنى او اخسرها يادادة
دادة فاطمة: الحمد لله اها صح اسد كان عاوزك وعلى فكرة اخد عنوان اهلك منى امبارح
انس: هو فين
دادة فاطمة: فى المكتب
عند اسد فى المكتب الباب بيخبط
اسد: ادخل
انس: قالولى بتسال عليا
اسد: اها خد الملف ده
انس: فى ايه الملف ده
اسد: فى كل حاجة تخص اهلك
انس بفرحة: بجد
اسد: اها انس
انس:نعم
اسد: لو اهلك طلبو منك تعيش معاهم هتعمل ايه
انس: هقولهم ما اقدرش استغني عن اخويا حبيبي لحظة وحدة
اسد: تفتكر هيرضو يسيبوك ترجع
انس: اكيد مش هيحبسونى يعنى انا بفكر اجيبهم يعيشو معايا
اسد: مش هينفع عشان عندك اخت مش متجوزة وانا اخوك لاكن غريب عنهم وهما صعايدة
انس: بجد
اسد: عندك اتنين وحدة متجوزة وعايشة برة مصر والتانية مش متجوزة
انس: تفتكر هيتقبلو وجودى فى حياتهم وهيسدقو ان انا ابنهم اصلا
اسد: تحب اجى معاك
انس لا خلينى اروح لوحدى واشوف الدنيا فيها ايه الاول
اسد: لو احتجتنى اتصل بيا بس وهتلاقينى مسافت السكة عندك
انس: ربنا مايحرمنيش منك ابد
اسد: هتروح امتي
انس: بكرة الصبح انشاء الله
اسد: طيب ربنا معاك
انس: يارب
عند صبا
هبه: انتي مش ناوية تجيبيها البر ياصبا ولا ايه
صبا: انتي مش بتزهقى من الكلام فى الموضوع ده ولا ايه
هبه: عشان اللي انتي ناوية عليه ده هيجيب اجلك
صبا: وانا لازم اجيب حق يوسف
هبه: اذا كان البوليس مش عارف يمسك عليهم حاجة انتي هتعرفى
صبا: يوووووه بقى ياهبه
هبه: صبا انتي عارفة انك مش بس زميلتي لا انتي صحبت عمرى واختى كمان عشان كدة انا خايفة عليكي
صبا: متخافيش ياحبيبتي والله انا واخدة بالى من نفسى كويس
هبه: ياصبا انتى كدة بتلعبى فى عداد عمرك الناس دى لو عرفت انك بتدوى وراهم مش هيرحموكى
صبا: يعنى ايه اسيبهم يدمرو البلد
هبه: وانتى هتصلحى الكون يابنى
صبا: ماهو لو كل واحد قال انا مالى يبقى البلد هتخرب
هبه: صبا انا بجد خايفة عليكى الناس دى مش سهلة
صبا: الناس دى بتدمر البلد وانا واراهم لحد ما افضحهم
هبه: يعنى ما فيش فايدة
صبا: لا
هبه: ربنا يستر
انس الليل كلو هو قاعد بيفكر ازاى هيقابل اهلو طيب هيقولهم ايه طيب وجودو هيعمل مشكلة خصوصا ان مرات ابو ماكانتش تترف انه متجوز اصلا افكار كتير فى دماغو مش عارا الايام اللي جاية مخبيالو ايه واخيرا الفجر اذن قام اتوضى وصلى الفجر وما قدرش يستنى اكتر من كدة نفسو يشوف ابوه واختو وفعلا جهز واتحرك علي الصعيد
وصل انس الضهر فى معاد وصول ابوه
انس لنفسه: اه هو ده العنوان