روايه فى يوم وليلة
الفصل الثامن
بقلم منار حمدي
عند حلا
علي: انتي متاكدة انها جاية
حلا: انا مرضيتش اقولها ان انت اللي عاوزها عشان متنشفش دماغها
علي: طيب
شوية والباب خبط
حلا: دى اكيد هى جات انا هروح افتحلها الباب
فتحت صبا الباب
ندى: ايه يابتى ساعة عشان تفتحي
حلا: وانا واقفة ورا الباب يعني
ندى: طيب مين اللي عاوزنى عشان مش فاضية وعاوزة اروح
حلا: انتي لسة دخلتى عشان تمشى محسسانى ان وراكي الديوان
ندى: اخلصى ياحلا
حلا: طيب فى اوضة الجلوس ادخلي انا هروح اجيب الشاى من عند امى وجاية
حلا فى نفسها: ربنا يستر ومحدش ياجى ولا امي تطلع من المطبخ
دخلت ندى الاوضة واول ما شافته لفة وكانت راجعة تانى لولا ايدو اللي منعتها
ندى: يدك ياواد العمدة لاقطعهالك
علي رفع اديه دليلي علي الاستسلام
علي: اسف مكانش قصدى
مردتش عليه ولفة وكانت ماشة راح وقف قدامها وقلها
علي: مش هتمشى غير لما تسمعينى فاهمة
ندى: مش فاهمة
على: خلاص خلينا قاعدين اقديه لغاية ماتفهمي
ندى: اوعى من قدامي لو عمى جه وشافنا حتبقى نصيبة
علي: ساعتها حقوله ان انا اللي اتعرضتلك
ندى: انت مجنون انت عارف عمي مممكن يعمل فيك ايه
على: حيموتنى يعني طيب يبقى ريحنى
ندى بلهفة وخوف: بعد الشر عليك
علي: الشر انك تكونى بعيدة عنى ولا تكونى زعلانة منى ياندى
حلا: طيب ايه اجيب شجرة واتنين لمون ولا ايه ماتخلص ياعم الحبيب
علي: هههههههههه
ندى: انا ماشية
حلا: لا اسمعيه الاول وانا هوقف برة اراقب الجو بس اخلصو احسن تغفلق علينا كلنا (تغفلق يعنى تخرب)
وحكى على لندى على كل اللظروف اللي خلتو خطب ندى معادى طبعا ان ابوه طمعان ف الارض
ندى: طيب والحل
علي: والله ما عارف ياندى
حلا: امي جايه
ندى: بخوف طيب انا ماشية
علي: ماشية ايه احنا مخلصناش كلمنا
حلا: لا انت تسكت خالص لغاية امي ماتطلع
ام حلا: انتي يابت ايه ده ندى ازيك
ندى: اهلا يامرت عمى ازيك
ام حلا: الحمد لله يابتى انتى هينا من بدري
حلا: لا ياما لسة جايه وعمالة اقولها اقعدى وهى مش راضية دى بالعافية دخلت تسلم
ام حلا: ليه كدة ياندى ده خلاص علي بقى من العيلة
ندى: معلش يمرت عمى حبقى اجى فى وقت تاني
ام حلا: طيب اشربى الشاى الاول
حلا: خلاص عاد والله ما انتي مكسرة لست الكل كلمة
ندى: حاضر يامرت عمي
ام حلا: تحضري ماتغيبي يابتى وانتي يا مقصوفت الرقبة
حلا: عاوزة ايه ياحجة عملت حاجة انا
ام حلا: عملك اسود ومنيل
حلا: طيب احترمينى قدام الناس حتي والمشكلة انى بطلع بريئة فى الاخر
ام حلا: والشاي اللي سبته يغلي على النار ده ومشيتى
حلا: ايوه صح نسيتو ياما والله
ام حلا: ماشى يابريئة اهو عملت الشاى وجبتو دقيقة ياندى حصبلك كوبة
حلابسرعة: لا ياما انا حديها كوبايتى انا مش عاوزة
ام حلا: احسن برضو
بعد امها ما مشيت
حلا: بتمومت فيا الست دى
ندى وعلي: ههههههههههههه
على: طيب يا جماعة والحل
حلا: انا فكرت ولقيت الحل المناسب اننا نقول ان احنا مش متفقين ونفركش الخطوبة
ندى: لا ياحلا الناس تقول عليكى ايه لما يسيبك علي وانتى ماكملتيش حتي شهر مخطوبة
على: واحنا مالنا بالناس
ندى: لا ياعلي احنا عايشين وسط الناس يعنى لازم نحسب حساب لكلامهم
علي: خلاص خلينا نكمل شهر ولا اتنين وبعدها نبقى نفركش الخطوبة دى
حلا: احنا اول ما ياجى عمر وحخليه يتكلم مع ابويا ويفضها سيرة يعني مش حنستنى شهرين احنا
ندى: ماشى ياحلا اللي تشوفيه
حلا: خلاص اتفقنا
ندى: طيب انا ماشية
على بلهفة: راحية فين
ندى: ماشية عشان محدش ياخد باله
حلا: ماشى ياحبيبتى مع السلامة
ندى: سلام
عند عمر فى المكتب الباب خبط
عمر: ادخل
قمر: السلام عليكم
الكل: وعليكم السلام ورحمة الله وبركاته
عمر: خير مين حضرتك
قمر: انا يافندم الضابط اللي كلفنتى الادارة بالمهمة الجديدة
مصطفي: صلاة النبى احسن
استوووووووووووووب
قمر ياجماعة شعر اصفر وعيون خضرة وطول بعرض بصو مافهااااش غلطة بنت زى الكتاب ما قال
خالد: شكلها هتحلو اوى
عماد: ماتخرص يلا انت وهو بدل ماافتن عليكم
عمر: لو خلصتو خلينا نشوف شغلنا
الكل: تمام يافندم
عمر: وحضرتك
قمر: اسمى قمر عز الدين
عمر: اه ملفك قدامى اهو بس لسة مفتحتوش بصراحة
قمر: تمام يافندم
عمر: الملف ده فى كل المعلومات عن مرسى عاوزك تدرسيه كويس وتاخدى بالك كويس جدا وانتى بتتعاملي معاه
قمر: تمام يافندم
عمر: اه واوعى تاجى الادارة هنا عشان انا مش حابب حد يشوفك فى الادارة دواعى امنية
قمر: امال هتواصل مع حضرتك ازاى
عمر: هخلى حد من الرجالة يقولك الاوامر اول بااول
قمر: تمام يافندم
عمر: اتفضلى
ومشيت قمر
عمر: المكان بتاعنا جاهز
محدش بيرد بص عمر لقاهم متنحين مكان ما كانت واقفة
عمربضحك : الله يخربيتكم ايه عمركم ماشفتو بنات حلوة
مصطفي: دى مش حلوة دى زى القمر
خالد: لا يابنى دى مش زى القمر دى قمر فعلا
عمر: وانت مش هتقول حاجة انت كمان
عماد: هه
عمر: هه اممممم ربنا يستر
عماد: كنت بتقول حاجة ياعمر
عمر: لا ماكنتش اسمع يابنى انت وهو كل واحد يركز فى شغله وبلاش شغل المراهقين ده
خالد: طيب بزمتك البنت ما حلوة
عمر: طيب بزمتك انت وهو تبدلها بخطبتك ولا انت تبدلها بمراتك
مصطفى: بص علي الرغم من انها مطلعة عيني لاكن مااقدرش استغنى عنها
خالد: ولا انا بصراحة انا بحب خطيبتى وما ابدلهاش بستات الدنيا كلها
عمر: طيب اتلمو بقي وانت يا عماد خد الشباب ونضفو المكان بتاعنا عشان اول مانبدء المهمة هنتجمع هناك
عماد: تمام ياباشا
بعد مرور اسبوع
فى قصر الاسيوطي
انس رجع زى الاول لاكن كان عقله مشغول بكلام اخوه ومش عارف ياخد قرار يفتح ابواب الماضى ولا ينسى كل اللى حصل ويكمل حياته عادى
انس واسد بيتغدو
انس: اسد انا خلاص اخد قراري
اسد: وقررت ايه
انس: انا عاوز اشوف بابا واخواتى واعرفهم ان انا موجود
اسد: خلاص ياحبيبي اعمل اللي يريحك وانا مش هسيبك
انس: طيب انا هنادى علي داداة فاطمة اخد منها العنوان واروحلهم
اسد: اهدى ياانس الموضوع مش بسهولة دى
انس: ليه بس
اسد: انت لازم تقعد مع هنا وتفهمها كل حاجة الاول عشان متبقاش اخر من يعلم زيها زى غيرها يعنى
انس: تفتكر هتتقبل الوضع الجديد ده ولا لا
اسد: لو بتحبك يبقى مش هيهما انت مين ولا ابن مين
انس: بس ابوها لما يعرف ان انا مش ابن اخوه مستحيل يرضى يجوزنى بنته
اسد: برضو لو بتحبك هتقف قدام الدنيا دى كلها وتحارب عشان تفوز بيك
انس: ربنا يستر
اسد: يارب
ياترى مين عمر اللي مستنياه حلا عشان ينقظها من الجوازة بتاعت ابن العمدة وعمر وفريقه هيكونو قد المهمة وهينجحو فيها زى كل مرة ولا قمر هتكون نقطة ضعفهم وانس هنا هتقبل بيه وبوضعه الجديد ولا هيكون ليها رأي تانى وابوها هيكون رد فعلو ايه لما يعرف ان انس مش ابن اخوه وابن راجل تاني غريب كل ده هنشوفه الفصل اللي جاي انشاء الله اشوفكم علي خير
منار حمدى