الفصل الرابع4
بقلم منار حمدي
مصطفي : كدة طيب والله لنا قايل لمراتك انك كنت سهران امبارح فى الدسكو يامنحرف
عماد : لا لا لا ابوس ايدك انا بهزر ياصلاح بهزر
مصطفي : ايوه كدة اتعدل
عمر : ههههههههههه واضح أن اختك مسيطرة ياعماد
خالد : عمر
عمر : خير ياوش الخير
خالد : ههههههههههه الباشا عاوزك
عمر : مش بقولك وش الخير اوعي من وشي اما نشوف فى ايه
فى مكتب اللواء
عمر: تمام يافندم قالولى أن حضرتك طلبتني
اللواء حامد : اه اتفضل ياعمر اقعد
عمر : خير يافندم
اللواء حامد : مبدئيا كدة الإجازة بتعتك هتتاجل شوية لأن كلفتك بقضية جديدة
عمر بصوت واطي الله يخربيتك يامصطفي
اللواء حامد : بتقول حاجة ياعمر
عمر : لايافندم تحت امرك
اللوأء حامد : معلش ياعمر انا عارف ان الشغل كله فوق دماغك بس انا
مش بعتمد غير عليك فى القضايا الكبيرة انت بالنسبالي رجل المهمات الصعبة
عمر : وانا تحت امرك يافندم
اللواء حامد : تمام جهز فريقك وانا هستناكم فى أوضة الاجتماعات
عمر : تمام يافندم
ف المكتب
مصطفي: خير ياعمر
عمر: اخرص ياد انا اصلا بقلق من عنيك الملونة دى
خالد : ههههههههههه يبقي الإجازة أتلغت
عمر : ايوه ياوش الخير فى قضية جديدة هنشتغل عليها
مصطفي: احنا لحقنا أخدنا نفسنا من المهمة اللي فاتت
والغلبان اللي مرحش بلدهم من 6شهور ده
عماد : ما تقول لحماك يخف علينا شوية ياخالد
خالد : طيب ماتروح
تقوله انت وانا مالي
عمر : كفاية رغى ويلا عشان الباشا مستنينا
فى أوضت الاجتماع قدام شاشة كبيرة
اللواء حامد : دول أفراد العصابة وده مرسي دراع رئيس العصابة اليمين وأخوه مجدى رائيس العصابة
العصابة دى من أقذر العصابات اللي ممكن تقابلوها فى حياتكم
بيشتغلو فى تجارة السلاح والمخدرات والاعضاء وبيخطفو البنات ويبيعوهم لرجال اعمال برة مصر يبقو زى الجوارى وعاملين شبكة ضعارة يعني من الاخر
اقزر واخطر ناس ممكن تشوفهم فى حياتكم عشان كدة عاوزكم تاخد بالكم كويس وانتو بتتعاملو معاهم
وفى ناس كبيرة ف البلد متورطة معاهم الملف اللي قدامكم ده فى كل المعلومات عنهم وفى حاجة كمان
عمر : ايه يافندم اللواء حامد : البنت دى
عمر : مين دى يافندم
اللواء حامد : دي صبا صحفية وكانت مخطوبة لزميل ليها صحفى برضو حب يكشف العصابةولما عرفوا أنه بيدور وراهم كان التمن حياته وخطيبته عاوزه تجب حقه فهى كمان بتدور وراهم بس هما طبعا لو اخدو خبر هيبقي مصيرها زى خطيبها
عمر: طيب والمطلوب يافندم
اللواء حامد : تحموها من بعيد لبعيد ولو الأمر اطركم تدخلو ماتتاخروش لأنها بترمى نفسها ف النار وهى مش
واخده بالها والملف ده فى كل حاجة عنها فى اي سؤال او استفسار
الكل : لا يا فندم
اللواء حامد طيب يلا ربنا معاكم يارجالة
فى قصر الاسيوطي
بعد العذا ماخلص
اسد : ناديتي لانس يا دادة
دادة فاطمة : اه ياحبيبي اهو جاى بس مش كنت استنيت شوية وبعدين فتحت الظرف يابني انت مستعجل ليه
اسد : دى وصية ماما يادادة وبعدين هو فيه ايه الظرف ده مخليكي قلقانة كده
قطع كلامهم دخول انس المكتب
انس : خير يا اسد
اسد : تعال اقعد عشان نفتح الظرف اللي وصتنا ماما الله يرحمها أننا نفتحه
انس : الله يرحمها افتحه انت يا اسد انا تعبان وطالع ارتاح
دادة فاطمة : لا يا انس ما ينفعش تمشي لأن اللي فى الظرف ده يخصك انت
اسد : فى ايه الظرف ده يادادة ومالك شكلك متلخبط وقلقان كدة
دادة فاطمة : افتحه وانت تعرف يا اسد
فتح اسد الظرف وكان فيه صورة فيها امه وواحد تاني غير أبوه وفلاشة
انس : دى ماما بس مين اللي مع ماما ده
اسد : ماتردى يادادة فاطمة مين ده
دادة فاطمة : ده ابوك يا انس
انس : ايه اللي انتي بتقوليه ده يادادة يعني انا مش ابن محمد الاسيوطي يعني اسد مش اخويا وهنا مش بنت عمي طيب يعني انا ابن ح
داده فاطمة : لا ياحبيبي ماتكملش امك كانت متجوزة علي سنة الله ورسوله واسد اخوك بس من امك مش شققة يعني
انس : طيب ازاى وامتي و بابا اللي ف الصورة ده فين وليه بابا محمد كتبتي باسمه
اسد : ماتردى يادادة وقوليلنا ده حصل امتي واذاى
داده فاطمة: إجابة اسالتكم دى كلها فى الفلاشة اللي فى ايدك يا اسد