رواية صرخت عذراء
الجزء الثاني الفصل الخامس5
بقلم صاحبة السعاده
استيقظت جميله بكامل نشاطها ونعمت بحمام دافئ ثم خرجت وارتدت ملابسها مستعده للخروج..
فسمعت صوت أحدهم يطرق بابها..
جميله:اتفضل!
دخل زين وهو يركض ويبكي..فاحضتنته جميله بفزع..
جميله بلهفه:مالك يا زين في اي؟
زين بشهقات متقطعه:البوبي بتاعي مات.
شهقت جميله وقالت بحزن:مات!
هز رأسه وظل يبكي فحملته جميله وقالت وهي تضحك:طب اي رأيك نجيب غيره دلوقت.
قال بنفي:لا انا عاوز البوبي دا.
جميله بحماس:هنجيب واحد احسن منه بكتيير وبيكبر عن الكلب دا.
مسح دموعه بظهر يده وقال:بجد!
جميله بحنان:جد الجد كمان..تيجي معايا!
ضحك زين بفرحه وقال:بالتاكيد يا سيدة القصر.
جميله:الكرتون مآثر عليك جامد.
زين:انا غلطان اني بدلعك!
ضحكت جميله وقالت:دلع ياخويا دلع.
ثم انزلته وخرجت به فوجدت رافت يهبط بحليته الرماديه..
رافت:علي فين!
جميله بأبتسامه:هروح اشتري فستان لعيد ميلاد زين..وهنشتري بوبي جديد..صح يا زين.
زين:ايوا..تعال معانا يا بابي.
تجمدت جميله في مكانها فأبتسم رافت قائلاً:خلاص تعالوا.
سار امامهم فقالت جميله بهمس لزين:قولتله لييي.
زين:عشان انا عاوزكم تقربوا من بعض وتحبوا بعض عشان تتجوزوا.
صعقت جميله وشحب وجهها فقال زين:انت كويسه يا داده.
استدار رافت لهم وقال:انت كويسه!
هزت راسها ثم نظرت لزين بغيظ فكتم ضحكاته وامسك يدها وخرجوا سويا ووقفوا امام سيارة ..
ذهبت جميله تركب علي الاريكه الخلفيه فقال رافت بتهكم:مش سواق الهانم انا.
جميله بحنق:واركب فين يعني!
فتح رافت لها الباب المجاور اليه فركبت بتوتر واخذت زين علي اقدامها..وانطلقوا في وجهتهم..
في الطريق...
رافت:هنروح فين!
جميله بتوتر:اي محل عشان اشتري فستان..بمناسبة عيد ميلاد زين.
تفاجئ زين وقال بحماس:داده انت هتحضري!
جميله وهي تداعب خديه:ايوا يا قلب الداده.
احضتنها زين بقوه وقال:هيكون احلي عيد ميلاد.
رافت:اشمعنا بقي كدا انا هزعل!
زين:لا يا بابي متزعلش..اقصد انه هيكون مميز عشان داده هتحضر.
رافت:امممم ماشي ياعم.
زين:ماشي يابو العم.
ضحكوا ثلاثتهم لكن قطعت جميله ضحكتها ورسم علي وجهها الاسى والحزن..
جميله في بالها:لوهله صدقت اننا عيله واحده يا رافت!.
لاحظ رافت شرودها فقال:امممم نشغل اي بقي نسمع.
زين بلهفه:عاوزين باظت.
رافت:باظت!
جميله:باظت خااالص.
ضحكوا مره اخرى حتي وصلوا الي مول كبير..فقالت جميله:اي دا؟
نزل رافت وفتح بابها وقال:دا مول تقدري تشتري كل اللي انت عاوزاه.
نزلت جميله وامسكت زين وقالت:يعني في فساتين؟!
مسح رافت وجهه بحنق وقال:اتاكدي بنفسك ثم سار بجوارها...
دخلوا الي المول فاخذت تنظر حولها باعجاب ثم وقفت امام احدى المحلات وقالت:هدخل هنا يا دوك.
رافت:هستناكي هنا.
جميله:تمام بس هاخد زين.
رافت:ودا ليا ان شاء الله.
زين:عشان انا عاوزها تجيب فستان محترم من زي ماما!
نظروا الاثنان الي بعضهم بصدمه فقال:زيين اي اللي بتقوله دا!
زين ببراءه:زي ما بقولك يا بابي..ماما بتلبس فساتين وحشه وعريانه لكن الداده محترمه وانا اللي هختار دلوقت..ثم سحب تلك المصدومه من يدها الي داخل المحل..
مسح رافت بيده علي خصلات شعره وقال بضيق:حتي العيل الصغير بيعدل عليها..ارحمني يارب.
دخلت جميله مع زين فقالت بعتاب:ينفع اللي انت قولته لبابي برا دا؟
زين:يلا اهو يطلقها ويتجوزك احسن.
جميله باستنكار:زييين!
زين:اي يا داده هو اسمي حلو اوي كدا؟؟ كل شويه زيين زين.
جميله بدهشه:انت لسانك طول امتي كده!
زين بضحك:يووووه من زمااان..بصي بصي حلو الفستان الاحمر دا.
ثم ركض باتجاهه وسحبه فوقع فوقه وجره في الارض واعطه اليها..
جميله بضحك:كدا هضطر اخده بعد الممرمطه اللي عملتها فيه دي.
زين:معلش منا لسا صغير شويه.
قرصته جميله من خده ثم ذهبت الي غرفة الملابس وارتدته وخرجت الي زين..
جميله وهي تدور حول نفسها:حلو يا زين!
زين:قمررر قمررر لا كدا بابي هيتجوزك.
جميله:زين بطل بقي.
زين:حاضر..بس بجد جميل خديه بقي.
جميله:حاضر هغيره واخده اقف هنا عشان محدش يدخل عندي.
غيرت فستانها ثم ذهبت الي الكاشير وقالت:اتفضل انا هاخد دا.
نظر العامل اليها بطريقه وقحه وقال:ميغلاش عليكي يا قمر.
شعرت بالضيق من طريقة حديثه فمدت يدها بالكارت فاخذه وتعمد ان يلامس اصابعها..
ثم دفعت حسابه وانتظرت ان يعيطها الكارت فقال:جايه لوحدك بقي!
قال رافت من خلفها بنبره مخيفه:لا معاها جوزها يا روح امك..ثم لكمه بقوه في فكه وحطم اسنانه الاماميه فسقط العامل علي الارض..
ثم مد يده واخذ الكارت وسحب جميله من يدها وخرج..
سحبت جميله يدها من يده بعد خروجهم من المحل..
زين بحنق:كنت سيبني عليه يا بابي.
رافت بتهكم:قال يعني عرفت تتكلم ساعتها.
احمر وجه جميله بخجل فقال زين:بابي انت جوز الداده بجد!
تذكر رافت ما قاله امام ابنه فقال بتوتر:احم انا قولت كدا للراجل عشان يعرف أنها مش لوحدها.
تهكم وجه زين وقال:ماشي.
قالت جميله بتوتر:زين تيجي نجيب بوبي جديد!
صفق زين بقوه فقال رافت:بوبي جديد اومال القديم فين!
زين بحزن:مات الصبح!
رافت:ازاي انا كنت شايفه امبارح بليل!
جميله:وانا كمان.
دار الشك بينهم فقال زين:محل اهو في بوبيهاات كتيره يلا جو.
رافت وجميله بتعحب:جووو!
زين وهو يسحبها:يلا يا جوووو ونبي ونبي.
رافت:اي جو دي.
وقف زين ووضع يده في خصره وقال:بدلعها.
رافت بحنق:اسمها داده جميله عيب دي كبيره مش معاك فالحضانه.
تدخلت جميله وحملت زين وقالت:عاجبني انت مالك انت.
رفع حاجبه وقال:والله!
جميله:اه والله..يلا بينا يا حبيبي نجيب بوبي جديد.
جز رافت علي اسنانه وتحرك خلفهم حتي دخلوا الي محل الحيوانات الاليفه..
وهناك رأي زين الكثير من الحيوانات والاسماك والزواحف..
زين بفرحه:عااوز سمك زي نيمو دي وعاوز البوبي والتعبان والقرد دول.
رافت:تعبان!
جميله:قرد!
نزل زين من يد جميله وامسك ذلك النسناس واحضتنه وقال:شيكو خلاص هاخده.
جميله:زين مينفعش نجيب قرد فالبيت!
رافت بتهكم:دا مش قرد دا نسناس.
جميله بسخريه:انت ادرى بعلتك والله.
رافت من بين اسنانه:اقسم بالله يا جميله لو ما اتعدلتي لا هيهمني زين ولا الناس وهزعلك.
جميله بلا مبلاه: طظ فيك يا دوك.
تشنجت ملامح وجهه وقال:تمام!
قال زين:انتم بتقولوا اي؟
جميله:ولا حاجه يا حبيبي دا بابي بيقولك خدهم عادي.
زين:بجددد!
رافت:اه هات النسناس دا عشان يوونس جميله..ماهي بتفهم لغاتهم.
جميله:عشان كدا بفهمك! يا دوك
زين ببراءه:بجد يا داده بتفهمي لغاتهم.
جميله بضحك:طبعا..منا بفهم ابوك اهو.
زين:هو بابي نسناس؟
رافت بغضب: جمييييييييله.
جميله وهي ترفع كتفيها ببراءه:انا ماااالي زين هو اللي قال.
مسح وجهه وقال:استغفر الله العظيم من ذنب عظيم..هات النسناس او القرد دا وشوفلك كلب والسمكه بيبو دي.
جميله:اسمه نيمو يا جاهل.
رافت:What Ever!!
رافت:عيش عيشة اهلك يا دوك.
رافت وهو يتجاهلها:مستنيكوا برا..ثم اقترب من وجهها وقال:وحاولي المره دي محدش يعاكسك تاني يا ست جميله..ثم نظر لكفها وقال بحنق:فين دبلتك يا ست.
جميله وهي تتركه:شيلتها عشان بدور علي عريس..هاهاهاهها..ها
رافت هات يا زين اسمه نسناس ولا قرد وده ويلا!
ونظر لجميله وفرك وجهه وقال:مطولين مع بعض يا جميله..مطولييين اوووي.
خرجوا بعد مده والزين يحمل السمكه في حوضها..ومعه النسناس بسلسلته والجرو الصغير..
وقفوا امام رافت..فقالت جميله:يلا بينا.
رافت بتهكم:حديقه حيوان.
جميله:زين حبيبي يجيب اللي هو عاوزه مالكش فيه.
ثم سحبته خلفها فضرب كف في الاخر وسار خلفهم ووضعوا الجرو والنسناس علي الاريكه وزين يحمل حوض الاسماك ويتحدث مع السمكه علي قدم جميله..
رافت:تعالوا نفطر في اي مطعم قريب!
زين:ايوووووا بقييي.
ابتسمت جميله ثم فضلت الصمت طوال الطريق حتي وصلوا الي المطعم وجلسوا علي طاوله..
مسك رافت قائمة الطعام وقال:هتكلوا اي؟
جميله:هاكل رز بسمتي وكفته مشويه.
رافت بتعجب:مش بتحبي البيتزا؟
جميله:ايوا بس عشان زين ياكل معايا..مينفعش ياكل بيتزا.
رافت:ممكن تجيبي انت بيتزا وهو ياكل كفته!
جميله:لالا عشان ميزعلش صح يا زين.
زين بسعاده:صح.
ابتسم رافت ولكن عقد ما بين حاجبيه وتغيرت ملامحه..
زين:بابي انت كويس!
رافت:هه اه يا حبيبي..وهتشربوا اي.
جميله:موز بلبن عشان زين بيحبه.
رافت:كله زين كدا؟ اومال انت فين؟
جميله:انا وزين واحد اللي يحبه انا لازم احبه.
نظر لها بسعاده لاحظتها جميله ثم طلب الطعام وجلسوا في انتظاره..
رافت:ها يا زين مبسوط!
زين بحزن:لا.
رافت و جميله في ذات الوقت:لي؟
نظروا لبعضهم ثم الي زين فقال:انا نفسي يكون عندي اخوات.
شعر رافت بالعجز وقال:قريب باذن الله.
زين:لا انا سمعت ماما بتقولك مش هتخلف عشان شكل بطنها وجسمها ميبوظ.
رافت:لا يا حبيبي متخافش هيكون عندك اخوات قريب.
زين:انا مش عاوزهم من ماما.
رافت:اومال من مين!
زين:عاوزهم من ني...قاطعه وصول الطعام فحمدت جميله ربها..
وضع الطعام امامهم..فقال زين: جميله اكليني!
جميله:بس كدا تعال ثم سحبته علي قدميها تحت انظار رافت.. وبدءت في اطعامه ولم تأكل شيء...
رافت:مش هتاكلي!
جميله:زين الاول وبعدين انا.
شرد رافت قليلاً فلاحظت جميله ذلك..فقالت:احم مش بتاكل لي؟
لم يجيبها بل ظل شاردا فقالت:دووك انت معانا؟
انتبه رافت وقال:هه معاكوا انا شبعت الحمدالله.
جميله:وانا وزين كمان.
رافت:تمام..ثم نهض ووضع الحساب علي الطاوله ثم عادوا الي منزلهم في جو من السعاده...
ثم رجع رافت الي شركته فوجد ضيف لم يكن ان يتوقع قدومه..
رافت: أسد باشا!
أسد بسخريه:سلم طيب!
صافحه رافت وجلسوا امام بعضهم..
فقال أسد:حلو بدءت تفهم!
رافت:افهم اي؟
أسد:المول..والمطعم.
رافت بتهكم:انت بتراقبني!!
أسد: حاجه زاى كده!
رافت بضحك:عاوز طيب!
أسد بتهكم: هعوز ايه منك بس هو لسا محمد عبيط زي ماهو.
رافت:مش هيتغير.
أسد: أنا لسا معلمه الادب برا.
رافت:عملك اي؟
أسد:هزاره سخيف شبه..المهم عاوزك في موضوع مهم.
رافت:اممممم.
أسد: سليمان!
رافت بصدمه:الحوووشي!
اسد: هز رأسه بنعم
فقال رافت:احنا مش خلصنا يا أسد من الكلام دا زمان.
أسد:احنا هنضحك علي بعض يا رافت..ماكلنا عارفين اننا لسا لينا ايد في الماف يا بس محدش يعرف من عيلتنا.
رافت:عارف بس..
قاطعه أسد:مبسش..ولو خلصنا من سليمان هيكون لسا في الرأس الاكبر.
رافت:اوعي تقول.
هز راسه وقال: لويس ساندر.
رافت: أسد انت غلطان من الاول
..انت اللي قولتله امسك الماف يا بعدي.
أسد: انا كنت عاوز ابعد عاوز اعيش حياه طبيعيه عاوز اكون اسره.
رافت:كلمت درغام ؟؟
أسد:اكيد..اخلص من سليمان وسالم وساعتها اشوف موضوع ساندر دا..بس خد بالك علي نفسك وعيلتك الدنيا مابقتش امان يا رافت احنا العين علينا.
رافت:متقلقش وراك اسود مش انت بس اللي أسد.
أسد:نورتني يا مصري.
رافت:نورت اي يا أسد انت في مكتبي!!
أسد:اه صح!!
ثم ضحكوا سويا وغادر أسد..
في صباح يوم الاحتفال بمولد زين الرابع..استيقظ الجميع في الصباح مبكرا..وتم تجهيز حديقة المنزل بكل ما يلزم للاحتفال..
في المساء اجتمع الكثير من الاناس في الحديقه ومنهم جميله وزين الذي يلهو مع الاطفال..
كانت جميله تتجول في الحديقه فوجدت عبير صديقاتها تقترب منها وتحضتنها بقوه..
عبير:وحشاااني وحشاااني وحشاااني.
جميله بحزن مصطنع:كذابه يا بتتت.
ابتعدت عنها وقالت:عيب انا عمري ما اكذب..انا بجامل بس.
ضحكوا سويا..فاتت فتاه في الثانيه والنصف من عمرها وهي تقول ببكاء..
نور:مامي..ضلبني زين ضلبني.
عبير بضيق:ماتلمي ابنك يا جميله.
أتى زين وهو ينفخ بضيق:داده البت دي غتته وملزقه في نفسها ابعديها عني بدل مافتحلكم دماغها.
شهقت عبير وحملت ابنتها وقالت:نهارك ازرق..تفتح دماغ مين يابن رافت.
زين:بنتك هفتح دماغ بنتك.
ثم ابتعد عنهم فانفجرت جميله في الضحك..
عبير:الواد دا خطر.
جميله:طالع زي ابوه.
دخل رجل وسيم للغايه يمتاز بالطول المناسب الوجه الابيض والعيون العسيله..
رافت:اهلا اهلا مجدي البرنس بنفسه.
انتبهت جميله الي ذلك الاسم فنظرت باتجاه رافت فاكمل مجدي قائلاً:كل سنه وزين طيب.
رافت:وانت طيب!
مجدي:فين ندى!
رافت:بتسال لي؟
مجدي:كنت عاوز اكلمها عن ابوها عشان محتاج كام حاجه من السفاره وكدا.
رافت بشك:اه ماشي اهي هناك اهي.
تأكدت جميله من شكوكها فذلك هو نفس الشخص الذي كانت تتغزل به ندى..