رواية صرخة عذراء
الجزء الثاني الفصل الرابع عشر14
بقلم صاحبة السعاده
فقالت جميله بهمس والدموع تنهمر من عيناها وهي تراه يخرج من البوابه: انا حامل .
رجعت الي الداخل فركض اليها زين قائلاً:بابا مشى!
حملته وقالت:ايوا يا حبيبي وهيرجع متقلقش.
ثم قالت في سرها:باذن الله هيرجع.
مر ثلاثة ايام ولم بعد رافت بعد تلك المواجهه..وعرفت جميله كل شيء من الداده سعديه..
جميله بصدمه:مش قادره اصدق..يعني كل السنين دي مستحمله ان يكون ابنك قصادك بس مش عارفه تاخديه في حضنك.
سعديه وهي تمسح دموعها:كنت هعمل اي يا فهمي هدد تهامى لو اتكلم بحرف واحد ل رافت..او عرفه الحقيقه هيقتلني.
جميله بفزع:هو ايي مفيش قانون ولا اي!
سعديه:القانون..قانون فهمي المصري .
نيروز بتوجس:طب وانت!
سعديه:انا اي؟
جميله:كنت بتحبيه!
ابتسمت سعديه وقالت بشجن:ولسا بحبه يا جميله.
جميله بتفاجئ:بعد كل دا.
سعديه:ولاخر نفس..دا حب حياتي وعمري كله..اوعي تكوني مفكراني مش بتألم وانا يشفاه قصادي بالشكل دا..بس بردو مش قادره انسي شكله وهو لابس البدله وبيتكتب كتابه علي تهاني..يااااه يا نيروز شوفي الموقف دا بقاله 35سنه تقريبا..بس لسا بشوفه كل يوم.
جميله بحزن:زي لما شوفت ندى مع رافت بالظبط.
سعديه:مالناش حكم علي قلبنا..والمشكله اننا بنختار ناس بتتفنن في تعذبنا..اول ما رافت حكالي عنك..صعقت..معقول..الزمن دوار وكما تدين تدان..كان هيحرمك من ابنك..بس لما صلح غلطه..ربنا كشفله الحقيقه.
ثم وضعت يدها علي يد جميله وقالت بحنان:رافت بيحبك يا جميله..انقذيه من اللي هو فيه..رافت بيحلم انه يكون اسره مستقره..واللي في بطنك دا اذا كان بنت او ولد..هيفضل رافت متمسك بيه وبيكي..اوعي تخافي.
جميله بنبره مرتجفه:خايفه..خايفه ما يطلعش ولد.
سعدية:قولتلك هيتمسك بيكي لانه بيحبك.
ابتسمت جميله وقالت:بس الاقيه بس اعرفله طريق..ثم شردت قليلاً وفجأة وقفت كمن لدغته الأفعى وقالت:انا عارفه مكانه.
واخرجت ملابسها من الخزانه واستأذنت سعدية لكي تغير ملابسها وبالفعل استقلت اول سيارة أجره..وذهبت الي وجهتها..
بينما ابتسمت سعديه وحمدت الله من صميم قلبها ان ابنها عوضه الله بزوجه تعشقه حد النخاع..
وتذكرت لهفه تهامى اتجاهها عندما سقطت علي الارض تصرخ وتبكي..
ونزوله من فراشه بالرغم من شلله..وجلس بجانبها لكي يواسيها..
عند رافت و جميله...
دفعت جميله للسائق حقه ثم رحل ونظرت حولها بتوتر فهي أتت الي المقابر للمره الثانيه ولكن تلك المره في الصباح..
تجولت بعيناها وهي تقرأ الاسماء علي تلك الغرف ثم توقفت أمام غرفتها المنشوده..وفتحت الباب..ونظرت حولها وجدت الاضاءه مناره..و رافت يجلس في ركن من الاركان ونائم..
ركضت اليه بعد ان اغلقت الباب..ونزلت الي مستواه وهزته برفق..
جميله بحنان:رافت...رافت...حبيبي فوق.
حرك جفونه بتكاسل وفتحهها وجد جميله امامه..
رافت بصوت مبحوح:جميله!
جميله بصوت حنون:ايوا يا قلب جميله..فوق كدا.
مسك يدها ووضعها علي قلبه وقال:موجوع اوي يا جميله.
مسحت علي رأسه وقالت بتشجيع:مش رأفت المصري اللي يبقي ضعيف كدا..قوم واجه مشاكلك
قوم وعرف الكل ان مفيش حاجه تكسرك.
رافت بأبتسامه باهته: هو لسا هقوم!
فلتت ضحكه من جميله صاخبه فكمم فمها قائلا:بس..بسس الله يخربيتك وسد فمها يكون حد معدي يفكرني جايب ستات هنا ولا حاجه.
وقعت جميله علي الارض ضاحكه من كلماته فقال:كنت واثق انك هتجيلي.
ثم ابعد يده عن فمها وقربها منه
جميله:بذمتك حد يبقي له نفس في موقفك هذا.
ارجع رافت رأسه للخلف قائلاً: اه هو هيكون كله ضرب ضرب مفيش شتيمه يعني!
نهضت جميله ببتسامه وجلست امامه مربعة القدمين وقالت:بص بقي يا سيدي..انا عرفت كل حاجه.
رافت بضيق:يارتني ماعرفت..انا عيشت في حياه كلها وهم..لا ام امي..ولا زوجه بتشوف دورها..انا خايف ماكونش انا مراد المصري وانهم اتبنوني من ملجأ..هو دا اللي ناقصني والروايه تكمل.
جميله:روايه اي؟
رافت بسخريه:اصل حياتي تنفع تتكتب روايه وهتجيب اعلي نسبة مبيعات.
جميله في سرها ولكن رافت سمعها:انت الظاهر قعدتك مع الميتين لحست مخك باين ولا اي؟؟
ضحك افت بقوه وقال:والميتين اي ذنبهم بس!!
جميله بشقه:خربيتك انت سمعت.
هز رأسه فقالت هي:مراد نتكلم جد بقي.
فنظر اليها بتمعن فقالت:الداده..قصدي ماما سعاد.
احتقن وجهه بضيق وقال:دي مش ام..قاطعته بصرامه:لااا اممم..وام اتحرمت من ابنها...متنساش يا مراد انك عملت كدا معايا لو ماكناش بنحب بعض او عندنا حد يهدتنا زي فهمي ماكنتش انت اتحركت اصلا من مكانك..وان زين لو ماكنش راافض يرضع من اي حد غير امه..كنت رمتني فالشارع صح ولا لاء.
رأفت بخزي:صح.
وضعت يدها علي وجهه وقالت بحب:رافت اديها فرصه تانيه..دي هي اللي ربتك..فاكر فاكر لما قولتلي هي اللي اهتمت بيا من صغرى..افتكر كام مره وانت صغير سهرت جنبك..كانت بتتصرف زي الام بالظبط مع اختلاف الالقاب..انت ماشوفتش كسرتها الصبح..عشان خاطري عنك اديها فرصه وابعد فهمي عنها..والدتك الحقيقه في خطر كبير من فهمي...العقرب دا مستني رفضك لوجدها في حياتك عشان يبعدها عن البيت.
ابتسم رافت ونظر خلف جميله وقال:رأيك اي يا بطل!
انتظر قليلاً فقال:فاكر..فاكر..ايوا هي اللي كانت بتذاكرلك حاضر.
ابتسم افت وقال:حتي زين بيقولي اديها فرصه كمان.
ابتسمت جميله بتعلثم وقالت بداخلها:لازم يروح لدكتور نفسي ضروري.
نهض رافت مبتسماً وجذبها عن الارض ورجع معاها الي المنزل..
بمجرد وصوله قفز زين الي احضانه..
فقالت جميله:زين سيب بابا دلوقت عشان تعبان.
زين:بابا انت تعبان بجد!
رافت ببسمه مشرقه:اه شويه.
فنزل زين عن يده..فخرجت سعدية من المطبخ وتلاقت اعينهم..
شعر رافت بيد جميله وهي تدفعه باتجاهها..فتقدم ببطء حتي وقف امامها وقال:خبيتي عليا لي؟
سعديه:عشان كنت هتحرم منك..فهمي كان هياخدني بعيد عنك او يقتلني..مقدرتش اقولك يا رافت سامحني يابني ثم انهارات في بالبكاء..
شعر بضربات قلبه تتسارع..لم يشعر بنفسه الا وهو في احضانها ويبكي كلطفل الصغير..
رافت ببكاء بين احضانها:مسامحك..مسامحك يا امي.
ضمته سعاد بقوه وهي تبكي..فصعدت جميله الي غرفة زين متأثره ومعاها طفلها..
زين:ماما..هو بابا بيعيط لي!
جميله وهي تضمه بقوه:لما تكبر هتعرف يا حبيبي..تيجي يلا نغير هدومنا..عشان نتغدا.
في الحديقه..
ندى بصدمه:ايييي بقي حتت الخدامه دي ام جوزي!
فهمي بشر:مش هتدوم.
ندى:وهو رافت وافق عادي كدا.
فهمي بحنق:اهو مرمي في حضنها برا.
شهقت ندى وقالت:بقي الدكتور رافت المصري الوريث الوحيد لعيلة المصري وشركة المصري..امه خدامه!
فهمي بحقد:لو ماكنتش محيتها من الدنيا كلها ماكنش انا فهمي المصري.
في المساء..
صعد رافت الي غرفته والده لاول مره..ودخل اليه..
اعتدل تهامى في مجلسه وقال:رافت!
جلس رافت علي حافة الفراش بالقرب من والده وقال:بتحبها.
تهامى:اي لازمت..قاطعه رافت بجديه:بتحبها..يا اه يا لا.
تهامى:اه.
رافت:مستعد تعمل اي عشانها بعد ما الكل عرف الحقيقه.
تهامى بحزن:لو كنت قادر اقف علي رجلي كنت عملت كتير اوي كنت اول حاجه عملتها هو فرح..فرح كبير واعلن جوازي منها علي اشهر العالمين.
ابتسم رافت قائلاً:وانا هعالجك يا...يا بابا.
اتسعت عينان تهامى بصدمه وقال:انت قولت اي.
رافت بهدوء:قولت بابا.
جذبه تهامى بقوه في احضانه وقال:ااااه يا رافت..اخيرا..اخيرا سمعتها قبل ما اموت.
مراد وهو يقبل يد والده:بعد الشر عليك يا والدي..انا هفضل ابنك مهما حصل..هبعتلك حد يجهزلك شنطك عشان هتسافر من اول بكرا..ومعاك والدتي كمان.
توفيق بسعاده وبسمه:متتعبهاش يابني.
رافت:لا طبعا دا كان طلبها..انا حجزتلك في انجلترا في المستشفى اللي عز باشا الديب اتعالج فيها طبعا انت عارف انه قدر يمشي من اول سنه بعد ما كان شلل نصف..اما انت طبعا حالتك افضل منه انا بتقدر تتحرك وتقف بس لوقت قصير ودا هيساعدهم في علاجك واخرك تلات شهور.
ابتسم تهامى براحه وقال:حيث كدا ابعتلي جميله..انا مستأمنها علي حجتي هى بنت امينه جدا.
رافت:جميله مش هتنفع.
تهامى بقلق:لي هي تعبانه!!
رافت بجديه:والدي اللي هقوله دا ميتقالش لحد انت ووالدتي بس اللي يعرفوا فالبيت دا..وزين لسا منضم ليكم من قريب.
تهامى بشك:في اي يابني وقعت قلبي علي البنت.
رافت بهدوء ما يسبق العاصفه:جميله بتكون مراتي علي سنه الله ورسوله وام زين الحقيقيه...