رواية المتملك القاسي كامله
بقلم حور يوسف
البارت الاول ❤
ف صباح يوم جميل تشرق اشعه الشمس بخيوطها الذهبيه لتقلق جميلتنا حور لتفتح زرقوتها لتبتسم علي هذا الصباح الجميل وتدلف للحمام لتقوم بالاغتسال وتغير ملابسها لفستان ازرق طويل يصل لكاحلها وتترك خيوطها الذهبيه خلفها لتنزل اسفل ويحيطها هاله من الجمال لتدلف الي غرفه الطعام لتجد الجميع يجلس ويرأسهم. جدهم المنشاوي بهيبته
حور : وهي تقبل جدها صباح الخير ع احلي جدو ف الدنيا
الجد :بأبتسامه اهلا بحبيبه قلب جدها
حور : قلبي بقا
زياد: صباح البكش يختي
حور : وهي تمثل الزعل حقه يا جدو انا بكاشه
جدو : يا قلب جدو انتي احلي بكاشه ف الكون
حور : لا يا عم متثبتنيش كده اصل عينك حلوه وانا بقا هسلم
الجد بضحك : انا بردو ال بثبتك ولا انتي ال بتثبتيني
زياد : لا انتو أمركوا بقا خطر انتو تتجوزوا بقا
حور : طبعا طبعا انا اطول اجوز جدي حبيبي
زياد : للاسف هنعمل ايه حضرتك متجوزه لو ناسيه
لتبلع حور ريقها : وتنظر له بحزن
ليعم الصمت ع ارجاء المكان و يقوموا جميعا بتناول طعامهم بهدوء
لتشرد حور فالماضي قبل ٤ سنوات من الان
فلاش باك ..
زياد: كل سنه وانتي طيبه يسطا
حور : وانت طيب يا ابيه
زياد : ابيه ايه غوري يا وليه ايه ابيه دي مش لايق عليكي الدور خالص
ميرا وهي تحاوط حور بذراعها : اها ابيه ايه دا تقوليلوا يا زفت ده
حور بضحك ماشي يا عم فين هديتي
زياد :خدي خدي
حور : حبيب هارتي انت انا راحه لجدو بقا اجيب هديتي و لأبيه ياسين
زياد : غوري غوري .
لتتقدم حور الي مكتب جدها لتسمع صوت جدها العالي هو وياسين
ياسين : انا قلت انا هسيب البيت مش هقعد هنا تاني
الجد :و مراتك
ياسين : مراتى ايه العيله دي انت كدبت الكدبه وصدقتها يا جدي دانا اكبر منها ب ١٠ سنين دانا اللى كنت بغيرلها هدومها وتقولي مراتك
الجد : بس يا بني مهما كان هيه مراتك
ياسين : انا اتجوزتها بسبب ان عمي طلب كده قبل ما يموت وغير كده لو انا وافقت هيه هتوافق تتجوز واحد اكبر منها ب ١٠ سنين يا جدو افهمني انا هسيب البيت ومش هرجع الا اما نسجل رسمي واطلقها
الجد : اللى انت شايفوا يا ابني اعمل اللى انت عايزوا
ياسين : هسيب البيت يا جدي وانت فهمها براحه انا مش ناقص شغل عيال
ليفتح الباب ويخرج ليجد حور فى حاله يرثي لها والدموع تسقط من عيناها بكثره ليتقطع قلب ياسين علي صغيرته الذي يعشقها منذ الصغر اجل يعشقها كيف يظل فى مكان معها وهي تصبح كل يوم فتاه كبيره طاغيه الانوثه كيف يحتمل وهي زوجته منذ ان كان عمرها ٦ اعوام تقريبا رباها ع يديه عشقها عشق ابدي لكن هيهات ان تحبو فبالتأكيد ستحب شاب ف سنها
ليرتسم الجمود علي وجهه ويتركها ويذهب لتنظر له حور بكسره كأن قطعه من قلبها فارقتها لتركض فى حضن جدها وتبكي بحرقه : انا بحبه يا جدو
ليحضنها الجد بحنان :عارف يا قلب جدك هيرجع يا قلبي وهيجري وراكي كمان هو يطول يا بت لتبتسم حور وسط دموعها
بااك ...
لتعود حور من ذكرياتها الأليمه
لتقول بمرح : وحدوه يا رجاله
ليضحك الجد : بمرح يلا يا بت ع جامعتك
زياد : دي فاشله قال ايه اصغر واحده ف جامعتها
حور : فينك يا ميرا تيجي تقفي معايا قدام الرجاله دي
زياد بهيام : اه وحشتنا جامد مبتفكرش تيجي
حور بغمز وخبث هتيجي وحشتك ها اه
ليتدارك زياد نفسه : يلا اوصلك ف طريقي
حور بضحك : هههه يلا
لتذهب حور لجامعتها
حور : اوف يوم بدأ من اولوا دكتور اسر المستفز اول محاضره هيفضل مبحلق فى خلقتي و يعاكس فيا اوف
دكتور اسر : ازيك يا انسه حور
حور : بأبتسامه مصطنعه اهلا يا دكتور
اسر : يبتسم ببلاهه ويمد يديه بمغلف انقليلي دول بأيدك اللى زي اللوز دول
حور : بحده نعم
اسر : ايوه هو ده ويغادر من امامها
حور : انا ناقصه قرف
لتنتهي المحاضرات سريعا وتعود حور للمنزل هعمل اي ف موضوع التدريب ده بس
فلاش باك
الدكتور : لازم تدريب لمده ٣ شهور ف شركه من الشركات دي ليظهر اسماء ٦ شركات ومن بينهم شركه عائله حور الذي يرأسها ياسين بالطبع
حور : نهار اسوح هعمل اي دلوقتي
باك
لتكلم حور ميرا وتقص لها عن موضوع التدريب
ميرا : اشطا وفيها ايه يعني
حور : وياسين يختي
ميرا : مالو هو هياكلك
حور : لا انا اخاف اقرب منه اصلاا و غير كده هو كمان مبيطقنيش كفايه بسببي ولا عارف يتجوز ولا يرتبط
ميرا : بطلي هبل ي حور دا جوزك وليكي حق عليه
قولي لجدو وهو هيتصرف
حور : بعدم اقتناع ماشي
ملحوظه (ميرا ف رحله برا البلد من اسبوع )
حور : هترجعي امته يا ميرا وحشتيني
ميرا : بكرا يا حبيبتي
تتنهد حور : ماشي هوصل البيت اهو واقول لجدو ربنا يستر ويوافق
ميرا : بضحك ومن امته جدو بيرفضلك طلب يختي حد قدك دانتي الدلوعه دا كفايه كل شهر بيبعتلك اللبس من ارقي المصممين
لتبتسم حور بألم : طب باي بقا هوصل البيت
ميرا : باي
حور لنفسها اللبس اللى عمري ما اخترتوا ولا حتى عمري خرجت اشتريت شنطه ولا شوز لبسوا كلو مقفل بتاع عواجيز اوف لتصل حور للمنزل
فما رأيكم سيكون رد فعل الجد او ياسين