رواية في يوم وليلة
الفصل السادس6
بقلم منار حمدي
فى المستشفى
هدى ام انس: حسام انت
حسام: ايوه انا ياهدى انا عارف انك مش عاوزة تشوفي وشى بعد كل
المشاكل اللي اتسببتلكم فيها زى ما انا عارف انكم هتكرهونى اكتر بعد اللي هتسمعوه مني دلوقتي
محمد ابو اسد: تقصد ايه
حسام بصوط ضعيف: هقولك واتمنى انكم تسامحونى
هدى ومحمد: اتفضل
حسام: انا السبب فى كل اللي انتو فيه ده دلوقتي
محمد: ازاى
حسام: انا اللي اديت فلوس للخدامة وخليتها حطت للجارد منوم عشان ادخل البنت اللي جاتلك الاوضة وكمان
اديتها برشام حطتهولك عشان تصحي عندك صداع وماتقدرش تنزل الشغل واديتها نوع مخدر يخليك صاحى بس مش قادر تتحرك وانا اللى كنت السبب اللعب اللي حصل فى المباني اللي وقعت انا ازيتكم كتير وانتو عمركم ما ازيتونى وانا اتمنى انكم تسامحونى قبل ما اقابل وجه كريم ارجوكم
هدى: نسامحك ازاي انت عارف انت عملت فينا ايه انت كنت السبب فى اننا نبعد عن بعض ونطلق واتجوز واحد غير جوزى حرام عليك ايه ذنب اسد ابنى انه يتحرم من حضن ابوه حرام عليك حراااام
محمد: اهدى ياهدى خلاص كل شئ هيتصلح بأذن الله
حسام والدموع فى عنيه: ارجوكم سامحونى ده ربنا بيسامح
محمد: خلاص ياحسام اديك قولت ده ربنا بيسامح احنا مين عشان منسامحكش احنا مسامحينك
وفى اللحظة دى قابل حسام وجه كريم وكأنه كان مستني ان محمد وهدى يسامحوه
back
فى الصعد
علي: يا ابويا ارجوك بس اسمعني
ابوعلي: انا قولت اللي عندى وده اخر كلام معاك ليوم الخميس لو ما جيتش معايا يبقى لا انتي ولدى ولا اعرفك
عند حلا
دخلت ام حلا الاوضة
ام حلا: انتي لسة بتبكي يابتي
حلا جريت علي امها
حلا: ابوس يدك يما مش عاوزة اتجوز علي طيب شوفيلي اى عريس فى البلد وانا موافقة بس واد العمدة لا
ام حلا: لا ليه يابتي طيب قوليلي سبب واحد يخليكي ترفضي ده الجدع مافهوش عيب واحد
حلا ساكتة ومش بترد
ام حلا: مش هتردى برضو خلاص براحتك بس تكونى جاهزة يوم الخميس ولونشفتي دماغك وصغرتى ابوكى هخلية يقتلك ويشرب من دمك
وسابتها حلا منهارة فى الاوضة
حلا ببكاء: يارب اعمل ايه لا انا قادرة اوافق واسرق فرحت بت عمى ولا قادرة ارفض واكسر كلمة ابويا واحط راسه فى الطين ساعدنى يارب انا مليش غيرك
فى المدريرية نزل عمر ووراه اصحابه جرى وركبو العربية
عمر: عماد اعرفلي هى وصلت فين دلوقتي
عماد: تمام يافندم
وفى ظرف خمس دقايق قدر يحدد هى فين
عماد: ياعمر باشا دى قدامها 20 دقيقة وتوصل
عمر وهو سايق باقصي سرعة: تمام
مصطفى: تفتكر هنلحق
خالد: يعني دى اول مرة
عمر: انتو عارفين هتعملو ايه طبعا
خالد ومصطفى وعماد: ايوه
عماد جاله تلفون
عماد: تمام اوى كدة
عمر: امممم حصل
عماد: ايوه زي ما توقعت عدت على الكمين ووقفها زى ما امرت
خالد: طيب لما ينفع يعطلها الكمين كنت بتنزلنا نجرى زى المجنين ليه
عمر: عشان ماكنتش ضامن انها تعدى من الطريق ده
مصطفى:طيب هنعمل ايه دلوقتي
عمر: هنغير الخطة
مصطفى: والجديد
عمر: ابعت حد من رجالتنا يخبطلها العربية ويوديها القسم
خالد: ويعطلها طبعا
عماد: ده بعد ما يقومو معاها بالواجب فى الكمين
لف عمر ورجع يكمل شغله فى المديرية وكلف حد يبقى قريب منها ويراقبها من بعيد لبعيد
فى القصر الاسيوطي
اسد: كفاية كدة يا انس
انس: لا مش كفاية انا لازم اعرف بابا فين ومخلونيش اشوفو ولا كتبونى باسمه ليه اظن ده من حقى
اسد: طبعا من حقك ياحبيبي وفتح اسد باقى الفيديو
محمد ابو اسد: طلعنا من المستشفى وكل واحد غرقان فى افكاره وبيلوم نفسه انه غلط فى حق التاني واعترفنا بغلطنا وقررنا نفتح صفحة جديدة وننسى كل اللي فات بس القدر كان ليه راى تانى
هدى ام انس: وفعلا استنيت العده بتاعتي تخلص عشان نتجوز بس اكتشفت انى حامل وقررنا نستنى بعد ما اولد ومحمد وعدنى انه هيربى ابنى او بنتى ويعتبرو عيل من عياله وابوك يجي يشوفك براحتو وتعبت فى فترة حملي كلها ولما جيت اولد كان لازم ابوك يجى عشان يكتبك بس فى نفس اليوم اللي ولدت فيه كانت مرات ابوك بتولد بس كان لازم يعرف عشان ياجى يكتبك ولما راح محمد لابوك سمع الدكتور بيقوله ان مراته ولدت وجابت بنت بس للاسف مش هتقدر تخلف تانى لان هى وبتولد حصلتلها نزيف وماقدروش يوقفوه واتطرو يشيلولها الرحم
محمد ابو اسد: ابوك وقتها كان زعلان وانا ماقدرتش اقوله سيب مراتك فى الحالة دى وتعالة اكتب ابنك ده غير انى ماقدرتش اخد قرار انى اتكلم معاه بعد اللي سمعته غير بعد ما ارجع لامك
هدى ام انس: ولما جه محمد وقالى اللي سمعه انا اترعبت ان ابوك ياخدك مني خصوصا ان عندو بنتين ومراتو مش هتعرف تخلف تاني واهل الصعيد بيحبو الصبيان اه يا انس ابوك صعيدى واهلك صعايدة
خوفت ياخدك منى لاكن والله ماكان قصدى احرمك منه ولا احرمو منك بس مجرد انى خوفت عليك زي اي ام فى الدنيا وعرضت على محمد انو
يكتبو باسمو وهو وافق ووعدى انه هيعاملك زى ابوه ووفى بوعده وعمرو ما فرق بينك وبين ابنه ابدا
محمد ابو اسد: انا والله يابنى حبيتك زى ابنى الاب اللي بيربى مش اللي بيخلف ياانس يعنى انا كمان ابوك وانا هطلب
منك طلب واحد عاوزك تسامحنى ياحبيبي وتفتكرنى بالخير وانت يا اسد خلي بالك من اخوك واقف جنبو ياحبيبي
هدى ام انس: سامحنى
ياحبيبي ارجوك وافكرنى بالرحمة انا والله ما كان قصدى اوجعك ولا اجرحك ولو حابب تروح لابوك واهلك انا اديت اسمو وعنوانه فى ورفة
مع دادة فاطمة وصورتو هتلاقيها عندك عشان تعرفو اه هيكون كبر لاكن دى اللي موجوده معايا والله
ولو مش عاوز تفتح الموضوع ده تانى اعتبر نفسك مسمعتش حاجة القرار فى ايدك ياحبيبي بس احنا مستحملناش
اننا نموت واحنا شايلين الحمل ده والله سامحنى ياضنايا واعذرنى انا والله كنت خايفة
عليك وانت يا اسد خليك فى ضهر اخوك واوعى تسيبه او تتخلي عنه ابد عشان خاطرى ياحبيبي